مشكلتين ابحث لهم حلول

[مشكلتي]

السلام عليكم
انا شاب 23 سنة الحمد لله تحصلت علي شهادة الليسانس ولكن مشكلتي الاولي التي سارويها لكم هي منذ سنوات وتتمثل في خطي الرديء منذ الابتدائي حتي طريقة مسكي للقلم خاطئة ان كان الجميع يمسك القلم بالسبابة والابهام فطريقة مسكي للقلم مخالفة حتي من يحاول ان يقلدني يصاب بشلل في عقله :1: حتي في شهادة باكالوريا كنت اخد كل وقتي في كتابة بتاني يعني كنت اكمل كل وقتي داخل الامتحان برغم اني اكمل باكرا في المسودة وحتي في امتحانات الجامعة كان وقتي يدعب تقريبا في الوقت المستغرق الكتابة في الورقة الامتحان وها اليوم انا مقبل علي مسابقات التوظيف ان شاء الله ولكن دائما خطي يحبط من معنوياتي فكيف فسيتعجب من يقرا ذلك الخط الردبئ .

اما مشكلتي الثانية هي تتمثل في المذاكرة والتحصير للمسابقات فاصبحت لا اكترث للمذاكرة ودائما اقول غدا سابد ولكن دون جدوي واضبع جل وقتي في فاسبوك او العاب فيديو حتي طريقة مذاكرة نسيت كيف اذاكر ولا استطيع المذاكؤة فدائما اتهرب منها ارجو مساعدتي وشكرا وان امكن طريقة الفعالة للمذاكرة
وفي الاخير ان شاء الله كل واحد يحققلو ربي واش راه متمني وشكرا لكم

[hamdanhamdod]

خويا قلتها بنفسك راك نجحت ف باك وجامعة ما تخاف من تروح تفوت مسابقة واكتب في كامل وقتك ونزيدك معلومة هاد عام 90ف 100 مسابقات على اساس شهادة وننصحك ادا جوزت مسابقة عل اساس اختبار حمل من نت نمادج وتوكل على ربي
و اخر نصيحة في موضوع العاب ننصحك باه تلعب اكبر واجمل لعبة في العالم battlefield3و battlefield4 لعبة حربية روعة بزاف
وراك ناجح خونا وتقبل مروري ونصايحي

[amalelrouh]

من ناحية الخط ماتخافش حتى انا خطي سيء بصح ماسببلي حتى مشكل الحمد لله بالعكس نفعني كي يقولي مسؤلي اكتبيلي ورقة او في سجل نقولو خطي سيء يمشي لصاحبتي :)
ثانيا مابقاش االكتبانة بالخط مهمة يعني كاين الميكرو واذا اضطريت مايهمكش انت حاول تحسن من خطك وخلاص اذا ماقدرتش الله غالب

[نورالهدى بيولوجيست]

هذا الخط كملت بيه الليسانس و يعني مش شايفاتو مشكلة الاهم انك تأقلمت معاه و مع ذلك اذا امكن حسنو

اما الدراسة فتوكل على الله و ابدا ما تاجلش ابدا كما نقولو : اصدم على الدراسة ماتشوفهاش من بعيد

ربي يفتح عليك و علينا ان شاءلله

[sarra95]

نضن بلي الخط مشو مشكل كبير لاني نعرف عباد ياسر خطهم مشو مليح مي مدرلهم حتى مشكل و انت اكبر دليل انك عنك الليسانس
نقرى عند اساتدة الخط تاعهم !!!!!!!!!!!!!!!!!!!! نستحسن كي يقلي نملي عليك
و ربي يوفقك فالمسابقات

[doba]

ربي يفتح عليك و علينا ان شاءلله

[123boutheina]

السلام عليكم
تفائل ي اخي واعقد الهمه والعزم وان شاء الله تنصلح الأحوال

بالنسبة للخط كانت عندي نفس المعاناة لدرجة التجريح التام
والان تحسن ولله الحمد

كل الذي عليك :

شراء الجرائد ومحاولة تقليد الخطوط العريضة ( العنواين )
محاولة الكتابة بخط واضح مستقيم ( لان الاصل في الخط هو توصيل بفهم والزخرفة وغيرها من الزينة )
كذلك هناك بعض الكتب الخاصة بتعليم الخط وموجوده ع الانترنيت
ومن اهمها كتاب الخطاط هشام البغدادي ( )

وفقك الله

[MAHA ISLAM AHMAD]

طريقة الخط أخي متخليهاش تسيطر عليك مهياش مشكلة وتقدر تحاول تحسن منو ...أما المذاكرة الناس يختلفو في طريقة المذاكرة حاول تتخذ طريقة النقاش مع شخص المواضيع تاعك وربي يوفقك تقبل تحياتي..

[بنت النخلة]

والله غير ضحكتني اخي
مشكلتك اخي ليست في خطك الرديء كما تقول بل هي في ثقتك بنفسك لذا قل لها اي نفسك بانك نجحت في الباك وتخرجت من الجامعة وكل ذالك بهذا الخط وبمسكة القلم تلك فانظر لنفسك انك مميز وهذا امر ماهوش مهم كثيرا فلا يتوجب عليك ان تكون خطاطا المهم انك توصل المعلومة الي عندك
اما بالنسبة للمسابقات فهي الان معضمها اذا لم نقل كلها على اساس الشهادة
واما اللهو في التت فاجعله في حدود المعقول وفيما لا يغظب عنك ربك الذي يحبك وساعدك وانعم عليك بكثير من النعم يتمناها غيرك

[سهيلة2013]

انت ربحت الباك وعندك ليسانس وتقول مشكلة في الكتابة يا اخي خاصك الثقة في النفس و التحدي

[z.abdo]

بالنسبة للخط فلا تقلق المسابقة على اساس الشهادة يعني إختبار شفهي

بالنسبة للمراجعة ما تكسر راسك ماولو الناجحين غير مدام دليلة


وإذا تحب تتأكد جرب إمتحان توظيف وستجد أن الناجحين غير البنات

[سهيلة2013]

بالنسبة للخط فلا تقلق المسابقة على اساس الشهادة يعني إختبار شفهي

بالنسبة للمراجعة ما تكسر راسك ماولو الناجحين غير مدام دليلة


وإذا تحب تتأكد جرب إمتحان توظيف وستجد أن الناجحين غير البنات
متغلطهش و متنساش بلي كاين ربي

[حميد.ص]

اولا المذاكرة والتحصير للمسابقات هاذي غير نحيها من بالك

ثانيا بما انك تحصلت على شهادة ليسانس فقد زال المشكل مع الخط

الحمد الله انت راك تقرى و تكتب ذرك تلقى وضيفة و تنسى الامر

بالتوفيق ان شاء الله


م.م.د.3

[الماسة النادرة]

بلعقل خويا لكن حبيت نقولك شكرا لانك ضحكتني بعبارة الي يحب يقلدك ينشل والله غير اديت اجر فيا شكرا الله يوفقك

[sali-sali]

السلام عليكم

مشكلة الخط تقدر تتعلم .. عليك المحاولة فقط

اما المذاكرة في المسابقات شخصيا لا اذاكر لان طبيعة الاسئلة ليست من الحفظ

وفقك الله

[rafik__87]

السلام عليكم اخي بالنسبة للخط فانا مثلك من الابتدائي الى البكالوريا دائما في ورقة الفرض او الامتحان ملاحظة حسن خطك والحمدلله اجتزت مسابقة التوظيف ونجحت ومثلما اجتزت البكالوريا والا متحانات في الجامعة كيف كيف في التوظيف
بالنسبة لمسابقة للتوظيف كل واحد وكيفاه يحضر ويعتمد بنسبة اكبر على المكتسبات المحصلة اثناء المسار الدراسي