هل انا مجنونة؟

[كاميلا]

السلام عليكم
نعم احيانا يقولولي في الدار انت مهبولة لاني احب عصفورتي الصغيرة حبا كبيرا ههههه لا اعتبرها حيوان بل انسان سبحان الله هي كناري تجلس فوق كتفي تنقبني بمنقارها والله العظيم تلحس يدي بمنقارها بطريقة جانبية يعني تميل منقارها بالجنب تناب في حجري عندما اجلس تغير مكانها وتقترب مني وهي في القفص قالولي اطلقي سراحها رغم انني لم اشتريها لانه اخي هو اللي جابها لا نستطيع اطلاق سراحها راكي متعرفش تطير نظرا لانها زادت في القفص
لا يكتمل نهاري الا بها الصباح نصبح عليها وكي نجي من الخارج نشوفها الى درجة انه وقع ليها حادث لصق ظفرها في اسفل القفص فادى الى انكساره وكادت تموت لولا ستر الله لانه عندما انكسر وصل الكسر الى العرق وحصل نزيف اصابتني حالة من الكآبة والبكاء لمجرد انه يوجد احتمال موتها لكن والحمد لله راهي لاباس من تم وهوما يقولولي في الدار عندك فراغ وراكي مهبولة بالعصفورة هل انا غير طبيعية؟ انا احب الحيوانات جدا لكان ربيت حيوان اليف نحطوا كي ولدي واكثر
هل يوجد منكم من هم مثلي راني نكتب في الموضوع وهي راهي فوق كتفي تلعب بشعري هههه :1:

[مراد سابقا2]

أحنا كانت عندنا قطة

ولدت قطوط

ماتوا أوكل بقى واحد حلف نربيه ونعتني بيه مادمت حيا وقدر إستطاعتي

وكي يمرض نديه للبيطري ونوكلوا

راني مربيه عندو 16 سنة وأنا نربي فيه

الواحد على ألأقل يدير الأجر

[مريم الصابرة]

السلام عليكم اختي
على العكس الي قلبو حنين يتعلق بالحيوان كانت عندي كلبة اعزكم الله ولدت لي عشر كلاب ولو أن فصيلتهم من النوع الخطير بيد بول ولقيتها امام بيتي ومريضة وعالجتها وخليتها عندي وحتى وين ولت اولادها يا سلام ورغم كنت مريضة بزاف فالفترة هذيك لكن تتخيلي درت الطمينة كي ولدت وطيبتلها اكل لأانها نافسة و زيدي ولادها درتلهم فراش ودفيتهم والبيت نتاعهم ضيقة خفت تقتلهم هبطتهم لدارنا ودرتلهم مكان حد وين كبرو ونقلشهم كل واحد بإسمو وفالشتا يجو يقعدو قدامي قدام الفورنو وندفيهم حتى يرقدو تقولي اطفال لكن لما وين الطبيب قالي لازم تبعديهم عليك خليتهم عند وليد عمي الله غالب في ظهري باعهم ولضرك ما نسامحوش والكلبة نتاعي امهم راهي عند جاري ونشوفها كل يوم
وتتخيلي فاتت تقريبا سنة والكلب نتاعي من هذوك الجراء كبر وانا مارة في منطقة اخرى عقلتو قلت نجرب نعيطلو بإسمو تتخيلي هرب من مولاه وجا عندي وعرفني مولاه تخلع رغم كبر بزاف وقادر يهاجمني لكن عرفني هههههههههه قتلو هذا انا ربيتو واااااااااااااااع فكرتيني فيهم مانعرف وين راهم لخرين غاضوني
ومناك ما نربيش حيوانات ما نقدرش نوالف زمان ماتتلي جروة سمانة وانا دايرة مناحة والجيران جاو عزاوني مناك ما نربيهمش والقطط نكرهم حبك ليها نشوفو عادي لكن ما تتعلقيش بها لحد كبير لو تموت راحا تحكمك كآبة ربي يخليهالك

[كاميلا]

أحنا كانت عندنا قطة

ولدت قطوط

ماتوا أوكل بقى واحد حلف نربيه ونعتني بيه مادمت حيا وقدر إستطاعتي

وكي يمرض نديه للبيطري ونوكلوا

راني مربيه عندو 16 سنة وأنا نربي فيه

الواحد على ألأقل يدير الأجر


صح الواحد على الاقل يدي الاجر

[كاميلا]

السلام عليكم اختي
على العكس الي قلبو حنين يتعلق بالحيوان كانت عندي كلبة اعزكم الله ولدت لي عشر كلاب ولو أن فصيلتهم من النوع الخطير بيد بول ولقيتها امام بيتي ومريضة وعالجتها وخليتها عندي وحتى وين ولت اولادها يا سلام ورغم كنت مريضة بزاف فالفترة هذيك لكن تتخيلي درت الطمينة كي ولدت وطيبتلها اكل لأانها نافسة و زيدي ولادها درتلهم فراش ودفيتهم والبيت نتاعهم ضيقة خفت تقتلهم هبطتهم لدارنا ودرتلهم مكان حد وين كبرو ونقلشهم كل واحد بإسمو وفالشتا يجو يقعدو قدامي قدام الفورنو وندفيهم حتى يرقدو تقولي اطفال لكن لما وين الطبيب قالي لازم تبعديهم عليك خليتهم عند وليد عمي الله غالب في ظهري باعهم ولضرك ما نسامحوش والكلبة نتاعي امهم راهي عند جاري ونشوفها كل يوم
وتتخيلي فاتت تقريبا سنة والكلب نتاعي من هذوك الجراء كبر وانا مارة في منطقة اخرى عقلتو قلت نجرب نعيطلو بإسمو تتخيلي هرب من مولاه وجا عندي وعرفني مولاه تخلع رغم كبر بزاف وقادر يهاجمني لكن عرفني هههههههههه قتلو هذا انا ربيتو واااااااااااااااع فكرتيني فيهم مانعرف وين راهم لخرين غاضوني
ومناك ما نربيش حيوانات ما نقدرش نوالف زمان ماتتلي جروة سمانة وانا دايرة مناحة والجيران جاو عزاوني مناك ما نربيهمش والقطط نكرهم حبك ليها نشوفو عادي لكن ما تتعلقيش بها لحد كبير لو تموت راحا تحكمك كآبة ربي يخليهالك


انا تاني نحب الكلاب بزاف جاو عزاوك فيها شوف الناس اللي تفهم وتحق هههههه اه بعيد الشر عليها والله ضحكتيني بصح راني في مرة من المرات هههه كي صليت ودعيت ربي تفكرتها واش دعيت دعيت ربي يجمعني بيها في الجنة وتكون هي طير عندي ههههه بصح مش للاكلللللللل

[مريم الصابرة]

انا تاني نحب الكلاب بزاف جاو عزاوك فيها شوف الناس اللي تفهم وتحق هههههه اه بعيد الشر عليها والله ضحكتيني بصح راني في مرة من المرات هههه كي صليت ودعيت ربي تفكرتها واش دعيت دعيت ربي يجمعني بيها في الجنة وتكون هي طير عندي ههههه بصح مش للاكلللللللل
السلام عليكم اختي
والله عزاوني وليت ما ناكلش على جالها ونبكي من نوض وانا دايما نصور حيواناتي عندي البوم صور لضرك نتفكرهم كي نشوف صورهم ونبكي عليهم
إن شاء الله ربي يجمعك بها فالجنة ويخليهالك وتولد ولادها ههههههههههه

[wafa16]

wellah ghir ghayertouni wa9ila nechri wa7da w nrabiha
ndirha ki benti wela kter

[محمد جديدي التبسي]

أختي مريم تربية الكلاب في البيت مأمورن باجتنابها شرعا إلا ما جُعل منها للحراسة فقط والله أعلم
أنا أيضا ربيت كلاب عديدة في صغري لكن لم يدم ذلك طويلا وفي كل مرة نرميه الآن عندنا قطط وراهم مقلقيني ياسر وحاولنا مرارا رميهم بعيدا لكنهم يعرفون طريق العودة ..
أمر جميل ما يحدث معك أختنا تربية العصافير تحتاج عناية كبيرة من المربي ومأمورن شرعا بالعناية بالحيوان .. ربي يعينك

[مريم الصابرة]

آه تحرشي فيه علياااااااااااااااااا وعلى عصفورتي :mad::mad::mad::mad:
السلام عليكم اختي
ههههههههه لالا انا قتلو تقتلك لو تسمعك يعني ياكلها قط وما تاكليهاش إنت هههههههه
لالا ربي يخليهالك إن شاء الله ردي بالك عليها مي انا كانو عندي ما يعيشوش بزاف الكناري يعني توقعي مولانا يدي أمانتو تعازينا الخالصة
لكن قوليلي واسمها عصفورتك

[مريم الصابرة]

أختي مريم تربية الكلاب في البيت مأمورن باجتنابها شرعا إلا ما جُعل منها للحراسة فقط والله أعلم
أنا أيضا ربيت كلاب عديدة في صغري لكن لم يدم ذلك طويلا وفي كل مرة نرميه الآن عندنا قطط وراهم مقلقيني ياسر وحاولنا مرارا رميهم بعيدا لكنهم يعرفون طريق العودة ..
أمر جميل ما يحدث معك أختنا تربية العصافير تحتاج عناية كبيرة من المربي ومأمورن شرعا بالعناية بالحيوان .. ربي يعينك
السلام عليكم اخي
جزاك اللله كل خير عارفة اخي
هي لما كانت مريضة انا عالجتها وقلت فترة وتروح لكن كنت دايرتها في مكان بعيد على دارنا تابع لينا لكن تقدر تقول حديقة وبعدها بنيتلها بيت لما عرفتها راحا تولد ما قدرتش نحاوزها بولادها هههههه قلبي ما يخلينيش ربيتهم لكن الآن ما نقدر نعاود نربيهم وعارفة شرعا ما يجوزوش
والله القطط كانت عندنا قطة مرضت والمرض نتاعها معدي واليد الله يرحمو داها في منطقة بعيدة علينا بحوالي 3 كلم تتخيل نضنا الصباح لقيناها فلاكور دهشنا انا حسبتها جن هههههههه وليت نعاملها غير بالحنانة حتى ما دروش عليا حد وين ماتت وحدها
والله الحيوان هذا خلق ربي ولازم رعاية شكرا لك

[sali-sali]

السلام عليكم

من خلال الردود تبين انو اغلب الاعضاء يربو حيوانات في البيت

يعني نستنتج لست المجنونة الوحيدة هههههههههه

[بنت النخلة]

السلام عليكم
جميل ان يكون الانسان رحيما
ولو استغليت هته العاطفة اكثر في تربية الحيوانات
لاكن التعلق الكبير جدا بالحيوان الى درجة ان الانسان لا يحتمل فقدانه هذا يمكن ان يؤثر على حياته فيما بعد فالاعتدال في الامور مطلوب

[آمِيْرَتُه]

بالعكس سيرتو القطط و العصافير
انا كانت عندي عصفورة و عندها اسبوع من لي ماتت كون تشوفي كي رجعت نندب تحسبي مات انسان ههه
الحيوان الاليف ديما نحبوه

[nibrasse 76]

جميعنا مجنون ....حتى انا مربي كمبيوتر محمول ...اول ما افتح عيناي تذهب اليه ...وكل ما اعود للبيت اتوجه له ...في احدى المرات اصابه فيروس خطير ..تعطل لمدة ثلاثة ايام ..لا تتصوروا كيف كانت غرفتي مظلمة ....لا اقوى على فراقه ابدا ...عندما اكون في الخارج تجدني متلهف للقائه ..حتى وانا اكتب الان ...فهو في حجري ...السؤال :هل انا مدمن ؟ ..

[سعاذ]

السلام عليكم
على حساب الحطة رنا كامل مهابل و الحمد الله
انا ربيت خروف و ربيت قطة و ربيت كلب اعزكم الله
حتى دا ربي امنتوا

[مناد بوفلجة]

أنتِ طبيعية جدا

[عـــــدائكة زينب]

السلام عليكم


ههههههه حتى انا راني مجنونة معاكم الله غالب انا نحب الحيوانات الاليفة بصح المشكل ماما ماتخلينيش نربيهم امس وانا راجعة من المدرسة لقيت قطة صغيرة تجنن لونها بيضا وسودا جبتها معايا للدار بصح ماما قتلي مانقبلهاش هنا هزها خويا الصغير ورماها البرا بصح اليوم رجعت القطة وتو راني مخبيتها على ماما ماعرفتش واش ندير الي عندو حل يعاوني بلييييز انا راني حبيت القطة بالزاااااااااااف

[النجمة القطبية]

صراحة انا خاطيني الحيوانات ما نحبهم ما نكرههم مي كنت نتمنى يكون عندى بيروكي مرة بابا جابلي واحد وحسبني منحبش الحيوانات مي انا كنت والوفتو راحو باعوه :confused: معليش
مي عندي خويا كيفك يموت على الحيوانات وعندو العصافير ماشي واحدة عندو جيش نهار كامل وهوما يغنو وهو فرحان بيهم مي الصراحة مشاكلهم بزاف يديرو حساسية وزيد لازم تنظيف البيت كل يوم لان الريش طاير وماكلتهم طايرة وهوما بزااااف هههه
وهو ما يهمو والو ميحبش يفهم راه علم كبير علم العصافير واديما يوصيني عليهم اللى عندهم ولاد واللى منعرف واش وانا واش دخلني ههههه

[محمد...عبد النور]

السلام عليكم و رحمة الله و بركاته
مرحبا أختي كاميلا
أنت جد طبيعية بل وتحسنين لهاته العصفورة ....فقط هناك من يرى اعتناءنا بها مبالغ فيه و لكن ذلك طبيعي جدا....فمثلا مرة أخي الكبير و الذي هو من هواة تربية العصافير و السمك جلب عصفور كناري و الله عنده عدد كبير من العصافير....المهم هذا العصفور والفناه الدار كامل و قعد عنا حوالي قريب العامين....و الله لما كنا نقترب من القفص يفرح بنا و يبدأ بالتغريد...و هو ولد في القفص و ما يقدرش يطير مليح......المهم قدر الله و مات .........واش نقولك مين نقرب للقفص نتاعو الدمعة تسيل تقولي فقدت عزيرا علي و صح كان عزيزا على قلبي
من هذاك الوقت ما زدتش ربيت حيوان هههههههههه
في البيت يوجد قطط و لكن لا اهتم بها
يقدمون لها الاكل و دائما في الخارج لا تدخل الغغرف .............
صح مرات نهتم بالحيوان مثل شخص من الاشخاص
شكرا و بارك الله فيك
ســــــــــــــــــــــــــــــــــلام

[كونجلي]

صراحة انا خاطيني الحيوانات ما نحبهم ما نكرههم مي كنت نتمنى يكون عندى بيروكي مرة بابا جابلي واحد وحسبني منحبش الحيوانات مي انا كنت والوفتو راحو باعوه :confused: معليش
مي عندي خويا كيفك يموت على الحيوانات وعندو العصافير ماشي واحدة عندو جيش نهار كامل وهوما يغنو وهو فرحان بيهم مي الصراحة مشاكلهم بزاف يديرو حساسية وزيد لازم تنظيف البيت كل يوم لان الريش طاير وماكلتهم طايرة وهوما بزااااف هههه
وهو ما يهمو والو ميحبش يفهم راه علم كبير علم العصافير واديما يوصيني عليهم اللى عندهم ولاد واللى منعرف واش وانا واش دخلني ههههه


يالطبيبة...ضحكتيني
باعوه و ماقالولكش......دُوماجْ

و زيدي...يمالا راه علم كبير...علم الغبار...ااااه اقصد علم العصافير...


اختنا صاحبة الموضوع:
انت طبيعية مائة بالمائة...حافظي على نقاوة القلب هكذا...


ايها القوم...ربي يعطيكم على قد نواياكم ايها الطيبون

سلام

[~~ أغيلاس ~~]

السلام عليكم و رحمة الله و بركاته،

الأخت صاحبة الموضوع، حكيتيلنا عل العصفورة اللي تحبيها و الصح مقلتيهش اللي هو اسمها،

إن كنت مزال مسميتيهاش أقترح تسميها الياقوت،

على حساب كلامك هي أنثى، أقترح أن تعطيها في فصل التزاوج إلى متخصص في تربية الطيور باه تجيبلك عصافير بوبونين تفرحي بيهم كثر، يعني يديوها عليك مدة و يرجعوهالك معا ولادها ( كما قالت إحدى قريباتي لأختها لما تطلقت : بعثناك بياسة رجعتيلنا صرف ههه، قدر الله و ما شاء فعل - )،
ــــــــــــــــــــــــــــــ

الأخت مريم الصابرة؛ أعتقد أن كلاب البيتبول قبيحة المنظر جدا، مقرفة، كيفاش قدرتي تربيها ؟؟؟ و زيد أعتقد أنها غالية الثمن !!!!!

ـــــــــــــــــــــــــــــــ

بالحديث عن الحيوانات تذكرت خالتي،

كان خالي الصغير يشتري الخرفان و الماعز ليبيع لحمها و مرة بقي عنده ماعز صغير جدا حديث الولادة ( لا ادري السبب أظن أمه توفيت أو بيعت )،

تكفلت خالتي برتبيته و إرضاعه كالطفل الرضيع حتى ظنها أمه هههههه،

صارت تمشي في المنزل و هو يتبعها حتى لما يزورهم الضيوف يدخل إلى غرفة الجلوس و يجلس بجانبها و كأنه ولدها و كانت تشعر بحرج شديد حتى أنها مرة طاردته بلبلايغ و قالت له : النساء يربين الأطفال و أنا أربي لمعيز، لاصق فيا اغرب عن وجهي هههههههه ) .