شكوك تراودني

[مشكلتي]

السلام عليكم ..
أنا فتاة مخطوبة بالعقد الشرعي و المدني ..قصتي أنه شافني زوجي صدفة في الجامعة وين نقرا و أعجبته , الحمد لله حجابي ملتزم لهذا لم يتردد في خطبتي ووافقت لأنه انسان خلوق و ملتزم
مشكلتي انني نحسه مهتم بزاف بالشكل الخارجي ,, أتفهم ذلك لكن بدأ الأمر يقلقني ,, كي يشوفني في دارنا يبقى يمدح و يتكلم غير على شكلي,,, ما فهمتش هذا وش راه يهمو مني فقط ؟؟؟ نحسو مهووس بالجمال الخارجي فقط ,,, كي هدرتلو في الموضوع غضب بزاف و قالي ظلمتيني لكن ما قدرتش نزيل الخوف من قلبي و الله ما قدرت ,,, اذا كان هذا الأساس بالنسبة ليه خايفة يمل مني بعد الزواج ..
هل هذا أمر طبيعي ؟؟ هل أنا موسوسة ؟؟

[نورسين.داية]

هذه مشكلة الكثير من الفتياة الصراحة .............لكن أظن أنكي إستخرتي ....أليس كدلك ....؟؟؟

و الإنسان يسأل قبل أي رابطة

[نايفز55]

هذا من جماعة شكل برك خليها على ربي

[مراد سابقا2]

علاه كاش ما خلاو المتبرجات لشبابنا عقولا ليفكرن في شيء آخر

[محمد جديدي التبسي]

أبهريه بحسن خلقك وطاعتك له بعد الزواج ولا داعي للخوف هناك صنف من الرجال الرجال ينتبهون للشكل أولا ثم تأسرهم الأخلاق لاحقا
ما توسوسيش روحك ربي يوفقكم

[hodahodahoda]

لعل العشرة بعد الزواج تجعله يكتشف جمالك الداخلي
اخلاقك و خنانك و كل خصالك

[الحلم الجميل]

السلام عليكم
لن اضيف اكثر مما قاله الاخوة
ما تخليش الوسواس يسكنك
ربي يهنيك و يرزقك و زوجك ان شاء الله

[العهد الرائع]

تحيروني مرات
يعني هو خطبك مباشرة واشنو الحاجة الي راح ينبهر بيه ؟ قلبك الي مزال مهوش عارف ابيض و لا اسود
روحك الي مازال مش عارفه مرحة و لا نكدية ؟
بسطو الامور و ماتوقفوش عند اصغائر
بالتوفيق

[doba]

ربي يكون معاك أختي
راجل يحب المظاهر والشكل الخارجي

[نورالهدى بيولوجيست]

يااااااحي عليك ماشالله السيد دخل من الباب خطبك درتو العقد و كي يمدحك وش فيها حاجة مليحة يعني انه ذواق انتي اهتمي بنفسك بعد الزواج و هو اكيد يقدر هذا الاهتمام كاين رجال كي تكوني زينة و لا مبهدلة عندو كيف كيف هذا يهبط المعنويات نتاع الطفلة و اما انو مايسقسيش على امور اخرى هذا يجي مع الوقت اكيد راه يزيد يعرف قيمة حوايج اخرى ماتعقدوش اموركم بسطي الحكاية و اطلبي على هناك ماتوقفيش عند كل حاجة المهم انك تكوني استخرتي و اقتنعتي

ربي يفتح عليك و نشالله تتهناي

[Basketteuse]

مازال ماشاف منك غير شكلك ، ماذا سيشكر ؟ على الأقل بينلك بليل يحب المرأة لي تقوم بروحها ماشي كيما خرين ومنهم زوجي كيما ندير مانخرجش منو كلمة مليحة

[*ماسة *]

أُوافق من الأعضاء من قال وماذا رأى؟ ألم تقولي أنه رآك فأعجبتيه أي أنه مباشرة فهو لم يتحدث معك على شكل زمالة فأعجبه تفكيرك .... ثم فاجأك باعجابه، لا تجعلي الوسواس يتملكك ووفقك الله.
أستغرب على من يدخل ويقول انه فقط يهتم بالمظهر الخارجي كيف حكمتم على من لاتعرفون وتظنون بغيركم ؟هل تنتظرون من الأخت فسخ خطوبتها؟

[jomana jiham]

ما تقلقيش أختي عادي عجبتيه و راه يمدح فيك,ما شي عجباته وحدة أخرى,المهم راه مقتنع بيك, و زيد كي يعرف عقليتك تعجبيه أكثر.

[قمر السلام]

ربــي يهــديك

[liyna_24]

كيما قالولك لي قبلي راه ما شاف منك غير شكلك و راهو مبهور بيه (لوكان عرف عقليتك من قبل كيما يديرو البعض كان انبهر بيها تاني )
واش حابة اكتر من هاك عادي ماكانش راجل ما يحبش مرتو تكون زينة السيد فرحان بسعدو بيك
ربي يهنيك و يسهلك

[naamane3]

أبهريه بحسن خلقك وطاعتك له بعد الزواج ولا داعي للخوف هناك صنف من الرجال الرجال ينتبهون للشكل أولا ثم تأسرهم الأخلاق لاحقا
ما توسوسيش روحك ربي يوفقكم
بارك الله فيك
هاي الهدرة الصواب

[ASYA84]

انه الوسواس فقط لانك قلتي ما عرفكش قبل الزواج عادي انو يمدح شكلك و مازال ما تعرفتوش مليح على بعضاكم حتى يعرف عقليتك اول حاجة يبدا الزوج يعلق عليها هي الشكل الخارجي و طريقة الكلام و مبعد باه يتعرف على عقليتها لانو حكيتك تشبه لحكايتي في بداية علاقتي بزوجي و ما ديري في بالك والووووووووووووووو:19:

[" أبو عبود"]

هناك أمر آخر وهو جد مهم. هذا يعني أنه لم ير قبل ذلك لهذا فهو منبهر. لانه لو كان راى قبلك من البنات لاصبح الامر بالنسبة اليه عادي بل اصلا ما كان ليخطبك ويعقد قرانه عليك. ثم تصوري انه فجاة يتوقف عن النظر اليك وتصبحي كانك غير موجودة؟ او يقول لك قولي لي شعرا لابي نواس او لعنترة ابن شداد؟
يا اختنا الفاضلة " إذا نظر إليها أسرته" وهو مسرور برؤيتك فاجعلي هذه الميزة لبنة لتكوني في نظره احسن النساء لانه ان كره شكلك فلن يغني عنك علمك ولا ذكائك.

[nadine0159]

كاين نوع من الرجال كييحب مرتو يبقى يشوف فيها غير هي جميلة وراح يبقى هاك حتى بعد الزواج ديما يتباهى بيك قدام عايلتو

[pro24]

انه الجمال اخيتي وما يفعل بالرجال
عادي كل انسان وما يحب في المراة
شكوك خاطئة

[يونس معبدي]

يا اختنا الفاضلة " إذا نظر إليها أسرته" وهو مسرور برؤيتك فاجعلي هذه الميزة لبنة لتكوني في نظره احسن النساء لانه ان كره شكلك فلن يغني عنك علمك ولا ذكائك.

أحسنت الرد اخي الفاضل
فاذا كان الزوج لا يعجبه قوام او شكل زوجته فلا اعتقد انه سيشفع لها علمها
ولو ان هذا الأمر ليس عند كل الرجال
فهناك من يرضيه
جمال متوسط والكثير من العلم الأخلاق و الأدب
..
موفقة اختي
وربي يتمم على خير