اجوكم ساعدوني يا لفحلات

[المستغفرة]

السلام عليكم
ارجوكم فحلات بلادي كلكم
و خاصةام كوثر ام رامي ام ماجد ام راضية الهام
وكلكم وشن هو لفاح او افاح لطيبو بيه
قلولي مكوناتو لازم كل العضوات يشاركو
حنا عندنا راس لحانوت تاع الطعام
فيه كمون بسباس حبة لحلاوة كسبر حلبة شيبة الشيخ
تفاااااااعل

[omsaadou]

احنا لفاح انتاعنا انديرولو 3كيلات كزبر مع2كيلات باس مع2كيلات كروية ونرحوهم ايجي روعة في المرقة الحمراء

[عطرالذهب]

اختي انا لفاح نتاعي نخدمو وحدي فيه 500غ قصبر+ 200غ كروية +100غ حبة حلاوة +100غ زريعة البسباس+ 50غ هيل+50غ فلفل اكحل+ 50غ العرق لصفر+2 اعواد قرفة نشريهم ننقيهم كل واحد وحدو من كانش حجر واعواد وسيرتو الحبيبات السوداء من القصبر هاديك هي اللي تكحل الماكلة ونغربلوا باش يهبط الغبار والقش الرقيق ومن بعد نحطوا بالشوي فوق فوطة مبلولة ومعصورة ونمسحو مليح ونحطو يشيح عند الشمس ونخلطوا ونبعثوا للطاحونة يترحى ونخبيه في الكونجيلاتور وننجبد منو قيس باطة صغيرة يبقالي نص عام او اكثر وريحتو وطعمو هوماهوما

[المستغفرة]

احنا لفاح انتاعنا انديرولو 3كيلات كزبر مع2كيلات باس مع2كيلات كروية ونرحوهم ايجي روعة في المرقة الحمراء

اختي انا لفاح نتاعي نخدمو وحدي فيه 500غ قصبر+ 200غ كروية +100غ حبة حلاوة +100غ زريعة البسباس+ 50غ هيل+50غ فلفل اكحل+ 50غ العرق لصفر+2 اعواد قرفة نشريهم ننقيهم كل واحد وحدو من كانش حجر واعواد وسيرتو الحبيبات السوداء من القصبر هاديك هي اللي تكحل الماكلة ونغربلوا باش يهبط الغبار والقش الرقيق ومن بعد نحطوا بالشوي فوق فوطة مبلولة ومعصورة ونمسحو مليح ونحطو يشيح عند الشمس ونخلطوا ونبعثوا للطاحونة يترحى ونخبيه في الكونجيلاتور وننجبد منو قيس باطة صغيرة يبقالي نص عام او اكثر وريحتو وطعمو هوماهوما

شكرا اخواتي ربي يعزكم
اكيد راح نجربهم
رزقكم الله الفردوس

[أم إناس]

والله البارح دخلت الموضوع وقلت نقسي امي والله نسيت في الغد ان شاء الله
انا أمي تخدمولي ربي يحفظه

[ilbeldelmondo]

شوفي اختي المستغفرة
حنا أمي منذ الأزل تشري فلفل اسود و ترحيه و من بعد جا الفلفل الرمادي او الابيض
ولات تستعمل الاسود للمرق الأحمر و الرمادي للمرق الابيض
و ثاني الكسبر و تخلط كيلو بملعقتين كبيرتين كروية و ترحيهم
هذو لازمين في كل الأطباق تاعنا
اما الفلفل الأحمر الحار تستعملوه في الشخشوخة و آكلات من تخلاط تاعنا ههههههه كيما الدجاج محمر
الكمون في مأكولات الدجاج و البقوليات
الزعفران للدجاج و طاجين الحلو
القرفة و القرنفل للطاجين الحلو و حاجات من اختراعنا مثل البوراك بالقرفة يهبل لكن غير قرصة
هذو لي ديرهم أمي
حتى انا حابة نعرف راس الحانوت تاع البساكرة افيدونا يا البسكريااات ربي يخليكم بالمقادير المضبوطة يبيعوه عندنا لكن يبان تراب ماكان حتى طعم و ذقت شخشوخة صاحبتي بسكرية هااااايلة قاتلي تشريه أمي من بسكرة لكن مازدتش تلاقيتها

[إلهام07]

والله يا عزيزتي أنا نشريه واجد بصح ماشي عاجبني خلاص
خلي حطيتي موضوع رايحة نستفاد معاك

[رياحين الجزائر]

شوفي انا التوابل ولا الدواوات كيما انسموهم احنا نخدموهم في الدار ونعطيك طريقتي انا اللي ممكن تختلف ومن ربة بيت الى اخرى شوفي انا انجيب 1 كغ كسبر وانحط فيه
100غ حبة حلاوة
100غ كرية
100غ زريعة البسباس
40غ زنجبيل
10 ورقات رند
40غ كبابة
2 حبات جوزة الطيب
50غ عرق لصفر
40غ اوراق الورد
8 حبات قرنفل
قيس مغرف ماكلة فلفل احمر اللي احبو
هذا واش انحط انا في كيلو كسبر
وكل وحدة وطريقتها انا انحب نشري كلش حب ونرحيه وانزيد نرحي كيلو كسبر وحدو مانخل فيه والو خاطر كاين اكلا اخرين ما احبوش راس الحانوت غير كسبر وبس

[فايزة1207]

ترقبوا طباختنا السيدة عائشة في اذاعة الزيبان بسكرة سالوها على راس الحانوت
راح نتبعها واذا حطاتو نقولكم عليه

[ام اريام]

السلام عليكم ورحمة الله وبركاته ,أنا الفاح يختلف عندي:كاين نتاع المرقة البيضة:كسبر زريعة بسباس زنجبيل أو ما يسمى سكنجبير بالدارجة وكركم.أما المرقة الحمراء فنضيفو الفلفل الأحمر سواء الحلو أو الحار أما الفلفل الأسود أرحيه و خليه وحدو سواء الأبيض للمرق الأبيض أو الأسود للمرق الأحمر أما الكروية هي تاني نرحيها وحدها لأن كاين أطباق لازم تجي فيها مثل المشرملة نتاع الكبدة أو بما يسمى كبدة صوص تومات

[المستغفرة]

شكرا اخواتتي والله استفدت منكم الكثير
ربي يجعلها في ميزان حسناتكم
اختي وقتاش تبدا الحصة

[المستغفرة]

هيا ارجو تفاعل اكثر كل العضوات راكم معنيين بالامر

[نخله.]

اما حنا فولاية الاغواط عندا نوعين راس حانوت الطعام او الكسكسي وراس حانوت التشيشه اللي يقولولها فرك او مرمز ونستعملوه ثاني للحريره

راس الحانوت تع الطعام فيه ا كميه كسبر وكميه حبة الحلاوة ونصف الكميه بسباس كاين اللي يدير حلبه وشيبه الشيخ انا نخليهم وحدهم مانخلطهمش

اما تع الحريرة كسبر بسباس سكنجبير كركم او عود اصفر قرفه(قليله) فلفل صيفي او احمر حار .كبابه ................حاسه روحي نسيت مكون

اما فلفل اسود انا مانخلطوش مع توابل باه تبقى نكهتو قويه ومؤخرا وليت نشري فلفل ابيض احسن لاني لما نشري الاسود نحرحرو ونرمي نصو من بعد نرحيه اما الالبيض فنقيه ونرحيه ما نرميش منو

[نخله.]

عذرا اختي مستغفره كي كتبت الرد لاحظت انك من ولايتي

اذا تحبي نوريلك منين تشري التوابل انا نشريهم زريعه ونقبهم ونرحيهم وحدي ملي لقيت هاذ الحانوت يبيعهم جدد ونظاف احسن من غيرو

اذا كنت فعاصمة الولايه