شكون لساعد المغبونة عندو اجر

[صلاتي راحتي]

حبيت وصفة الفطيرة تع السميد تكون ذوب في الفم انا جيني يابسة

[صلاتي راحتي]

وين راكم ما بنت حتى وحدة

[مليكة01]

السلام عليكم

تقصدي المبسس يكون غليظ ولا الفطيرة اللي تكون رقيقة وكلاهما يطيب في الطاجين

[صلاتي راحتي]

فطيرة لي طيب في الطجين

[samirano.]

أنا ندير السميد نبسس بشوية زيت مليح قليل جدا من الخميرة الفورية تاع الخبز تعاون الفطير باش يطيب شباب و نجمع بالماء و الملح مانكثرش الماء نديرها شادة روحها شوية نتركها ترتاح باه نطيبها

[صلاتي راحتي]

ا شكرا ختي نا ثانيك نديرها هكذا بصح متخرجليش طرية معرفش علاه

[ورد الأقحوان]

ما راكيش تكثري فيها الزيت عليها باه تجيك يابسة كثري ولا ديري شوية زبدة و شوية زيت لأن الزبدة تبسس أكثر و تخرجلك طرية جربي شوفي الفرق

[رودينة19]

أنا نديرها بالزيت وتجي تذوب في الفم وراح نقولك على الطريقة، أنا نكثر شوية الزيت نبسس بيه مليح ونبعد الرشها بالماء وما تقويش الماء، راح تغبنك باش ترفديها أنا مرات نرفدها بالمغطا تع طاجين يكون مسطح ونديرها في الطاجين الطيب وعنما نقلبها نحط عليها المغطا ونقلبها للجهة الأخرى.

[Sofiane-dz]

bon courage .........