كرهت منووو

[soha1987]

السلام عليكم
والله غير كرهت زعما يقولو الخطاب رطاب مي حنا لالا :confused::confused::confused:
مايعيط مايسقسي رغم انو درنا كلش بقا العرس فقط ماعيطش بليامات وكي يعيط مايسقسي والو يهدر غير فالتافه المستقبل عندو والو :confused::confused: كان يخدم مع شريكو ومن بعد تفارقو بعد ما صار مشكلوراو قاعد بلا خدمة وعاجبو الحال وكي نقولو ادا وحدك تخيلو يسمطني ويجبد روحو :confused::confused: عمرو ماناقشني في حاجة كي نهدر في حاجة يديرو روحو مايسمعش واخر خرجة قالي ماتعيطيلش :confused::confused::confused:
والله ندمت لكن اهلي هم السبب تخيلو ماهدرت معاه حتى درنا العقد رغم اعتراضي لكن امي درات رايها ودرك كل يوم يخرج بخرجة مرات كنا نهدرو قالي كون حبيت راني بغيت هاديك لم افهم :confused::confused: قتلو شكون هاديك سمطتني ولا توضيح
انا تكلمت مع امي قتلها نبطل قاتلي كون تبطلي باباك يقتلك وماحبيناش فضائح والله مرضوني
كرهتتتتتتتتتتتتتتتتتتت وراح نمرض

[أمة الله 12]

rabi m3ék okhti

[امة الرحمان 90]

ربي يكون معاك ختي ويفرج عيك ويرزقك انت وزوجك ويهديه يا رب ...

[بنت النخلة]

السلام عليكم
يا اخت اذا كان لا يعمل الان وقتاش راح يعمل وهذا العقلية الي راه يعاملك بيها الان وانت خطيبته كيفاه راح تولي مبعد
استخيري الله وادعيلوا بالهداية وتناقشي معه واصري ان تجدي حلا معه وحاولي تفهمي وجهة نظره

[الحلم الجميل]

لسلام عليكم
يا اختي لا اعرف كيف كي تبطلي يقتلك باباك
اظنك قلتي راني عاقدة معليش زيدي شوفي معاه و كاين حاجة اذا كنت موظفة
جربي قولي له رايح نحبس الخدمة و شوفي واش يقولك.بلاك راه داير بلي انت تصرفي عليه
مجرد راي اختي.. لانو حرت كيفاه راجل حاب يتزوج و ما حوسش على خدمة
و الا ماشي عاقدة اهدري مع اهلك يديروا لك حل
ربي يهنيك و يفتح عليك و يهديه ان شاء الله خير اكثري من الدعاء و الاستخارة

[nacimata]

ربي يكون معاك

[ilbeldelmondo]

سهى حبيبتي ربي يصلحلك مانقدرش نساعدك بلا ما نعرف رأيه ههههه لا لا صح بلاك انت من ارق التحضيرات و التغير لي راكي تقبلين عليه توترتي و حابة تهربي و خليك من تحليل الهدرة تاعو وحدك بدون مناقشة
قولو نتلاقاو باه نهدرو هدرة تاع الصح و اتفاهمو على كلش يعني هذه خطوة كان لازم تكون قبل الخطبة
قولو الزواج ماشي غير عشق تافه الزواج مودة و رحمة و تأسيس عائلة اذا مايخممس كيفك راح تتعذبي في تأسيس عائلتك و حياتك تحسيها راحت
انت تلاقايه و قولو نتكلمو بكل صراحة احسن

[**وحدها غريبة **]

ربي يسهلك اختي ويفرج عليك
نصيحة متكثريش معاه الهدرة وثقلي روحك خلي روحك رزينة
وعاودي راجعي نفسك
اي شوفي من مختلف الزوايا ماتندفعيش وماتخذيش قرار تندمي عليه
عاودي حساباتك اختي وقيمي مليح خطيبك اجابياتو وسلبياتو
وربي يفرج عليك اختي ويقدملك اللي فيه الخير

[soha1987]

لسلام عليكم
يا اختي لا اعرف كيف كي تبطلي يقتلك باباك
اظنك قلتي راني عاقدة معليش زيدي شوفي معاه و كاين حاجة اذا كنت موظفة
جربي قولي له رايح نحبس الخدمة و شوفي واش يقولك.بلاك راه داير بلي انت تصرفي عليه
مجرد راي اختي.. لانو حرت كيفاه راجل حاب يتزوج و ما حوسش على خدمة
و الا ماشي عاقدة اهدري مع اهلك يديروا لك حل
ربي يهنيك و يفتح عليك و يهديه ان شاء الله خير اكثري من الدعاء و الاستخارة
بابا صعيب يعني لاكان بطلت راح يعيشني المرار زكارة فيا :o كي بطلت وقلت لا
ايه الخدمة نخدم كونترا واش ديرلي زعما لالا حاب باباه يصرف لانو راو يديرلو في كلش عليها قاعد

[soha1987]

سهى حبيبتي ربي يصلحلك مانقدرش نساعدك بلا ما نعرف رأيه ههههه لا لا صح بلاك انت من ارق التحضيرات و التغير لي راكي تقبلين عليه توترتي و حابة تهربي و خليك من تحليل الهدرة تاعو وحدك بدون مناقشة
قولو نتلاقاو باه نهدرو هدرة تاع الصح و اتفاهمو على كلش يعني هذه خطوة كان لازم تكون قبل الخطبة
قولو الزواج ماشي غير عشق تافه الزواج مودة و رحمة و تأسيس عائلة اذا مايخممس كيفك راح تتعذبي في تأسيس عائلتك و حياتك تحسيها راحت
انت تلاقايه و قولو نتكلمو بكل صراحة احسن
طومة راني نحس بلي هو في طريق وانا في طريق كي نهدر مايسمعليش خلاص مافهتش علاش ومرات قالي البورتابل مانزيدوش نهدرو فيه باه ماناقشوش ومانعرفو الو وكي نعيطلو مايعجبوش الحال وجامي عيط هو في الاونة الاخيرة ديما يهز عليا ويهدر ياربي واشي هذا :o
مانتهرب ماوالو بالعكس حابة نحط النقاط على الحروف مي كلما نجي نهد يكوبي ومن بعد يقولي الريزو كرهتتتتت:mad:

[عطرالذهب]

اختي اكيد هو الصلح خير بالصح انت ادرى باللي يخرج عليك
بالصح ما تنسيش اذا خليتيه رايحة تتسمي مطلقة وهذا اللقب بشع جدا الله لا يوصلك ليه وخوذيها من عندي نصيحة سمطيه على قد ما تقدري وما تحوسيش عليه وما تبقيش لاصقة فيه وحتى كي يعيطلك كلمة زوج وقوليلو راني مشغولة حتى ينتبهلك هو حتى بعد شهر ما تضعفيش وفي هذا الوقت اهدري مع باباك او خوك لكبير اذا موجود وضحيلهم واش شايفة فيه باش كي يجي يستفسر يوقفلوا راجل باش يحس بللي عندك كتاف تسندي عليهم وخليهم يعركوه ويوريولوا بللي مش عاجبهم الحال منو ضك يولي يبذل مجهود باش يرضيهم وزيد بالاكي تقوليلو بلي باباك كون يسمع يقتلك ثم وين يستقوى عليك ويقول ما عندها وين تروح مني
تبعي واش قلتلك وشوفي لو كان ما يوليش كل تحريكة يسقسي عليك ورديلي لخبر

[**وحدها غريبة **]

سهي اختي صعيب هذ النوع من الناس اللي عول علي باباه بزاف مي ماهوش مشكل نعرف بزاف كما هكذا ومبعد كي زاد الصغير الاول انتاعهم تبدلو وولاة يخدمو وتحسنت الأوضاع
ضرك المشكل راهو فيك اذا ماكيش مقتنعة بيه وراح تتزوجي علي جال باش يرضاو والديك
حبيبة اذا راكي شايفة مايناسبكش افريها ضرك قبل ما تندمي خلي باباك يزعف نهار زوج ويرجع نورمال
باباك راح يرضيه تتزوجي وبعد مدة تطلقي الله لايقدر
اختي الزواج راه رضا وقناعة وشركة عمر ماهوش مشروع نهار وزوج وطبق
والله من قلبي نطلب ربي ينور طريقك اختي

[khawlita.dz]

السلام عليكم
والله غير كرهت زعما يقولو الخطاب رطاب مي حنا لالا :confused::confused::confused:
مايعيط مايسقسي رغم انو درنا كلش بقا العرس فقط ماعيطش بليامات وكي يعيط مايسقسي والو يهدر غير فالتافه المستقبل عندو والو :confused::confused: كان يخدم مع شريكو ومن بعد تفارقو بعد ما صار مشكلوراو قاعد بلا خدمة وعاجبو الحال وكي نقولو ادا وحدك تخيلو يسمطني ويجبد روحو :confused::confused: عمرو ماناقشني في حاجة كي نهدر في حاجة يديرو روحو مايسمعش واخر خرجة قالي ماتعيطيلش :confused::confused::confused:
والله ندمت لكن اهلي هم السبب تخيلو ماهدرت معاه حتى درنا العقد رغم اعتراضي لكن امي درات رايها ودرك كل يوم يخرج بخرجة مرات كنا نهدرو قالي كون حبيت راني بغيت هاديك لم افهم :confused::confused: قتلو شكون هاديك سمطتني ولا توضيح
انا تكلمت مع امي قتلها نبطل قاتلي كون تبطلي باباك يقتلك وماحبيناش فضائح والله مرضوني
كرهتتتتتتتتتتتتتتتتتتت وراح نمرض
الزواج مشروع العمر فلا تتسرعى وان لم يع جبك لا تسمعى لاحد
اتخدى قرار و ابتعدى عنه و ليحدث ما يحدث تحملى العواقب قد يغضب اهلك لبعض الوقت و ربما يتصرفون بنا يضايقك لكن اثبتى على رايك احسن من ان تبلى نفسك بزيجة فاشلة و زوج لا يستحقك ولا يحترمك
استخيرى الله بالتوفيق

[soha1987]

اختي اكيد هو الصلح خير بالصح انت ادرى باللي يخرج عليك
بالصح ما تنسيش اذا خليتيه رايحة تتسمي مطلقة وهذا اللقب بشع جدا الله لا يوصلك ليه وخوذيها من عندي نصيحة سمطيه على قد ما تقدري وما تحوسيش عليه وما تبقيش لاصقة فيه وحتى كي يعيطلك كلمة زوج وقوليلو راني مشغولة حتى ينتبهلك هو حتى بعد شهر ما تضعفيش وفي هذا الوقت اهدري مع باباك او خوك لكبير اذا موجود وضحيلهم واش شايفة فيه باش كي يجي يستفسر يوقفلوا راجل باش يحس بللي عندك كتاف تسندي عليهم وخليهم يعركوه ويوريولوا بللي مش عاجبهم الحال منو ضك يولي يبذل مجهود باش يرضيهم وزيد بالاكي تقوليلو بلي باباك كون يسمع يقتلك ثم وين يستقوى عليك ويقول ما عندها وين تروح مني
تبعي واش قلتلك وشوفي لو كان ما يوليش كل تحريكة يسقسي عليك ورديلي لخبر
ايه راني راح نطبق واش قولتي ياربي نحكم عقلي لاني قلوقية بزاف
ادعيلي عطر حنونة معاك ربي ينحي عليا الغمة :o
سهي اختي صعيب هذ النوع من الناس اللي عول علي باباه بزاف مي ماهوش مشكل نعرف بزاف كما هكذا ومبعد كي زاد الصغير الاول انتاعهم تبدلو وولاة يخدمو وتحسنت الأوضاع
ضرك المشكل راهو فيك اذا ماكيش مقتنعة بيه وراح تتزوجي علي جال باش يرضاو والديك
حبيبة اذا راكي شايفة مايناسبكش افريها ضرك قبل ما تندمي خلي باباك يزعف نهار زوج ويرجع نورمال
باباك راح يرضيه تتزوجي وبعد مدة تطلقي الله لايقدر
اختي الزواج راه رضا وقناعة وشركة عمر ماهوش مشروع نهار وزوج وطبق
والله من قلبي نطلب ربي ينور طريقك اختي
ايه حتى انا الخدمة مانيش مكبرتها قلت الرزق على ربي وتاني كان مع شريكو يخدمو وماحبش يزيد يروح يخدم في شيو حاب يقعد وخلاص مافهمت المستقبل مايخممش فيه خلاص
لالا انا ماشي ماش مقتنعة بيه بصح طريقة المعاملة حيرتني عمري لا شفت مخلوق يعامل كيما هكا برود في برو د والله كرهت حياتي من الالاهتمام :o
ادعيلي معاك اختي

[ilbeldelmondo]

لبنات غير اسكتو انا نعرف سهى راهي هي الغالطة على خاطر قبيحة تقتل ههههههههه سهى يا نتيجتي
انت اقبلتي عل الخطبة ماشي بسيف عليك طبعا ؟؟؟؟؟ اذا راكي شفتي حوايج خلاوك تقبلي بيه و زيد الناس يهدرو بزاف يعني ماش راح تتهناي و انا شخصيا راح نهدر فيك هههههه راني غير نحي عليك
انت ماتزيديش تعيطي حتى تهدا الامور تبانلك راهي عاجباتو روحو بلا خدمة اكيد هذه الحاجة مقلقاتو و بلاك عو من النوع لي مايحبش يهدر بزاف

[بريق الامل&]

برايي تبطلي احسن قصتك تشبه لقصة بنت خالتي تزوجت وما طولتش واطلقت ما دامك على بر الامان من كلامك ما ارتحتلوش انا اكثر منك خبرة
ضرك ولا من بعد وربي يجيبلك ما خير منو

[هدى الجيجلية]

السلام عليكم
خيتي
سهى
يمكن
لأنه عاطل عن العمل
والظغوطات عليه
والتفكير في المستقبل
والزواج
لا تتسرعي
خيتي سهى
أطلبي له
الهداية

[Larose Mina]

اختي صل صلاة الاستخارة و خمي مليح و ربي يجيب لي فيه الخير ان شاء الله

[نايفز55]

هذي تاع بلا خدمة اسمحلي وزيد يمعني على اخري اييي

خير بطلي راني نقولك وحل قولي بابك واش قلك وقلي راه في بلوا بنت اخري

[soha1987]

لبنات غير اسكتو انا نعرف سهى راهي هي الغالطة على خاطر قبيحة تقتل ههههههههه سهى يا نتيجتي
انت اقبلتي عل الخطبة ماشي بسيف عليك طبعا ؟؟؟؟؟ اذا راكي شفتي حوايج خلاوك تقبلي بيه و زيد الناس يهدرو بزاف يعني ماش راح تتهناي و انا شخصيا راح نهدر فيك هههههه راني غير نحي عليك
انت ماتزيديش تعيطي حتى تهدا الامور تبانلك راهي عاجباتو روحو بلا خدمة اكيد هذه الحاجة مقلقاتو و بلاك عو من النوع لي مايحبش يهدر بزاف
واش طومة راح تلصقيها فيا :D
راو مايحيكلي والو وانا خارج دائرة الاهتمام :confused: مايقلي واش يضر وواش يعجبو :confused::confused:
لالا راو يحب يهدر مدة ملي ولا ماعادش يحب يهدر معايا :o
يعطيك الربح يامصيبة درك يرجعو عليا :D:D

[nour inasse]

اختي حنونة ا الزواج راهو ارتباط مدى الحياة
شوفي اختي عمرك الا تبني حياتك على هدرة الناس شوفي وش يخرج عليك ووش راكي حابة نتي برضى الله والوالدين طبعا....
ننصحك تصلي صلاة الاستخارة ثم صلاة الاستخارة ثم صلاة الاستخارة وخذي قرارك الااااااااااان وما تتردديش فيه واهدري مع باباك وماماك وفهميهم بالعقل على القرار اللي اتخذتيه والاسباب رايحين يتفهموا لاانوا من المستحيل انهم يحبوا المضرة لاولادهم
وربي يعينك انشاء الله

[إلهام07]

خفت نقول رايي بصراحة
المهم ننصحك بحاجة وحدة
صلي بزاف صلاة الاستخارة في الثلث الاخير من الليل وطلبي من ربي يهديك اطلبيه من اعمايق قلبك وبكل خشوع

[إلهام07]

حقة لمعلوماتك فقط
في القانون الجديد لو تبطلي وانت مازال مادخلتيش فيها إجراءات بحيث ماتخرجيش في الحالة المدنية ناعك مطلقة بقاي تخرجي عزباء
هذي داروها جديدة نظرا للحالات الكثيرة نتاع الطلاق قبل الدخول
اخت صاحبتي اللي معايا في المكتب مرت بنفس التجربة

[RAZANE23]

اذا ما زال ما عقدتوش غير بطلي اختي على خاطر النهاية باينة الله يهديه ان شاء الله

[biologie2001]

العمل للرجل ضروووووري جدا ...... فكري من هده النقطة ...اما عن امك فحاولي ان توضحي لها الامور و تفهميها بان هده حياة و ليس مجرد فستان تلبسيه و نهار تكرهي منه ترميه ....و ان لم تقتنع تكلمي مع ابوك مباشرة او احدى عماتك توصل ما في قلبك الى والدك ....

لكن قبل كل هدا حاولي تتفاهمي مع زوجك و شرحي له وجهة نظرك و ان رايت بانه تمادى في تصرفاته اخبري عائلتك ... و الافضل الانفصال حاليا من ان تتزوجي و تعودي بلقب مطلقة لا قدر الله

[Basketteuse]

يا أختي اختاري بين الاثنين: باباك يكرهلك حياتك يوم ولا يومين ، ولا راجلك يكرهلك حياتك وهذي صعيبييبة وتروحي لدار باباك ممكن بطفل ولا اثنين ويروح مستقبلك ويضيعو ولادك،لاكان ماعجبكش خليه علاه راكي تجري وراه وهو هارب ،ديجا قيمتك كامرأة ماكانش قبل الزواج ،راح يقيمك من بعد مي يوالف بيك??????

[Lona.Anna]

أصبري حبيبتي soha واكثري من الدعاء وصلاة الإستخارة وان شاء الله ربي يهديه ويرجع العقلو وحاولي نقاش معه بروية و مع عائلتكما و التشاور لوجود حل يرضي جميع الأطراف و مدام كاين ربي متخافيش وربي يصلح احوالكم يا رب

[soso sirin]

سلام سهى ان شاء الله تكوني بخير .نحي ليميساج من عندك ماقدرتش نبعثلك .اذا تقدري ادخلي غدوة لل***** مع 8 و النص و لا 9 و ان شاء الله نقدر ندخل لانو الميكرو راه مهبلني شوية .ماتقلقيش روحك بزاف

[soha1987]

اختي حنونة ا الزواج راهو ارتباط مدى الحياة
شوفي اختي عمرك الا تبني حياتك على هدرة الناس شوفي وش يخرج عليك ووش راكي حابة نتي برضى الله والوالدين طبعا....
ننصحك تصلي صلاة الاستخارة ثم صلاة الاستخارة ثم صلاة الاستخارة وخذي قرارك الااااااااااان وما تتردديش فيه واهدري مع باباك وماماك وفهميهم بالعقل على القرار اللي اتخذتيه والاسباب رايحين يتفهموا لاانوا من المستحيل انهم يحبوا المضرة لاولادهم
وربي يعينك انشاء الله

خفت نقول رايي بصراحة
المهم ننصحك بحاجة وحدة
صلي بزاف صلاة الاستخارة في الثلث الاخير من الليل وطلبي من ربي يهديك اطلبيه من اعمايق قلبك وبكل خشوع


حقة لمعلوماتك فقط
في القانون الجديد لو تبطلي وانت مازال مادخلتيش فيها إجراءات بحيث ماتخرجيش في الحالة المدنية ناعك مطلقة بقاي تخرجي عزباء
هذي داروها جديدة نظرا للحالات الكثيرة نتاع الطلاق قبل الدخول
اخت صاحبتي اللي معايا في المكتب مرت بنفس التجربة

اذا ما زال ما عقدتوش غير بطلي اختي على خاطر النهاية باينة الله يهديه ان شاء الله

العمل للرجل ضروووووري جدا ...... فكري من هده النقطة ...اما عن امك فحاولي ان توضحي لها الامور و تفهميها بان هده حياة و ليس مجرد فستان تلبسيه و نهار تكرهي منه ترميه ....و ان لم تقتنع تكلمي مع ابوك مباشرة او احدى عماتك توصل ما في قلبك الى والدك ....

لكن قبل كل هدا حاولي تتفاهمي مع زوجك و شرحي له وجهة نظرك و ان رايت بانه تمادى في تصرفاته اخبري عائلتك ... و الافضل الانفصال حاليا من ان تتزوجي و تعودي بلقب مطلقة لا قدر الله

يا أختي اختاري بين الاثنين: باباك يكرهلك حياتك يوم ولا يومين ، ولا راجلك يكرهلك حياتك وهذي صعيبييبة وتروحي لدار باباك ممكن بطفل ولا اثنين ويروح مستقبلك ويضيعو ولادك،لاكان ماعجبكش خليه علاه راكي تجري وراه وهو هارب ،ديجا قيمتك كامرأة ماكانش قبل الزواج ،راح يقيمك من بعد مي يوالف بيك??????

أصبري حبيبتي soha واكثري من الدعاء وصلاة الإستخارة وان شاء الله ربي يهديه ويرجع العقلو وحاولي نقاش معه بروية و مع عائلتكما و التشاور لوجود حل يرضي جميع الأطراف و مدام كاين ربي متخافيش وربي يصلح احوالكم يا رب

سلام سهى ان شاء الله تكوني بخير .نحي ليميساج من عندك ماقدرتش نبعثلك .اذا تقدري ادخلي غدوة لل***** مع 8 و النص و لا 9 و ان شاء الله نقدر ندخل لانو الميكرو راه مهبلني شوية .ماتقلقيش روحك بزاف
شكرااااااااا لكم جميعا
لي فيه الخير يقدمو ربي
سوسو حنونة راني بعثتلك ميساجو صلاتك
سلام

[mimi marwa 1989]

okhti ista3ini bilah w bisabr..rana kamal 3andna lmachakil.w dinia bla machakil wlh mahi dinia
]

[sara160349]

يا اختي الحالة هذه انا عشتها قبلك مع اختي و الله نفس القصة تزوجت غير باش ترضيهم و امي تظل تبكي و تقلها كون تبطلي الناس يوكلو وجهي و باباك يموت و تبهدلي بينا و الله و الله هي ستة اشهر و رجعت حامل مطلقة لانو من الاول ربي دارلها علامات و هي راحت للنار برجليها ما نكذبش عليك يقلق باباك يوم يومين عام و ينسى بصح راجلك يمررلك معاشك و يزيد الطلاق يشوهلك سمعتك صدقيني المكتوب مبين من عنوانو و ربي يهدينا جميعا

[liyna_24]

خفت نقول رايي بصراحة
المهم ننصحك بحاجة وحدة
صلي بزاف صلاة الاستخارة في الثلث الاخير من الليل وطلبي من ربي يهديك اطلبيه من اعمايق قلبك وبكل خشوع


نعم الرأي
ربي يسهلك و ينورك أختي

[رانيا لوك]

زعما حاسب روحو والا واش قوليلو هذي العقلية ما تخرجكش يا اختي لازم تلقاي حل قبل الزواج الانو منبعد راح يعودو فيها اولاد ومسؤولية

[soha1987]

شكرااااااااااا لكم جميعا
موضوعي تحل والقطار ساير ادعولنا بالسعادة والهنا ء

[رانيا لوك]

فهمينا مليح كيفاه تحل

[أم محمد تاج]

ربي يهنيك سهى حبيبتي ويعطيك ماتتمناي بصح راهي فرصة كي تصالحتو تحطو النقاط على الحروووف حنونة واتفاهمو على كلش قبل الزواج أسئلي لمجرب وماتسأليش الطبيب وبالتوفيق

[khalwi]

و جادلهم بالتي هي احسن

[moh140]

إن الله سبحانه رفيق يحب الرفق

[لحن الحياة.]

سهاااااااااااااااااااااااااااااااااا ؟
اصبري ربي خير

[مواطنة]

السلام عليكم اختي استخيري الله
انا نقولك شي الزواج بالرضا و تاني تهديد الام لك ليس في محله و في نقطة الزواج بالذات كوني انانية
صح تحترمي والديك لكن فوق القدرة تاعك للتحمل هذا ليس عادل انا نقولك بلي لو بطلت معاه يمكن يزعفو منك لكن لن يمنعوك من الزواج ثانية لانهم لا يريدون ابنة في سن الزواج ظل معاهم فهمتيني يعني تصبري و تتحملي الكلام ديالهم حتى الله يرزقك بزوج صالح او ينساو الامر بالوقت
و اذا تزوجتي بيه انا نتمنالك تتحسن الامور معاه لان الوالد لما يكون صعيب ما يوقفش دايما مع بنتو و انما يوقف مع نظرة المجتمع له
اختي انت قيمي الامر جيدا و لا تخطي خطوة تندمي عليها و اذا العرس قريب بزاف وخري حتى يكون عندك متسع من الوقت ماشي تلتهاي بالتحضير و تنساي الاهم لي هو شخصية و تعامل زوج المستقبل

[محمد جديدي التبسي]

الرجل ان افتقد للشعور بالمسؤولية وعدم الاهتمام ببنت الناس التي مازالت في بيت أهلها معززة مكرمة واش بقى
لا أدري ما الذي يعجب والدك في هذا الشاب هل هو ابن أحد معارفه؟!
لابد أن تحسمي الأمر الزواج لابد فيه من احترام تام بين الطرفين واذا بدأت المشاكل قبل الدخول ماذا ننتظر بعده؟
ربي يفتح عليك ..

[نور لمين]

ربي يهديه ان شاء الله

[أيمن عبد الله]

شكرااااااااااا لكم جميعا
موضوعي تحل والقطار ساير ادعولنا بالسعادة والهنا ء
الحمد لله رب العالمين