الى السطايفية ردي الله يخليك

[hindooo]

وينك يا اختي شحال من موضوع نكتبلك وانتي ولا علبالك ولا بيستو تردي:confused: راني نتمسخر والله غير راني من متتبعيكي آ ه كون جيتي تسكني بحذايا بالصح معليش النت قربنا ومنتدى الجلفة جمعنا وياريت يا اختي كون غير تعلميني الفصالة علي القماش مباشرة خصوصا قنادر الدار وملابس البنات الصغار راني نسخف على القنادر وراجلي ما يحبنيش نروح للخيطات الله يسترك راني طلبت منك اكثر من مرة وراو في ميزان حسناتك وكل مانتعلم ندعيلك :mh31:

[stayfiya]

سلاام ونتي جيك في بالك ختي انا نبخل واحد منكم ماتنسايش بلي مانيش خياطة و لي نخيطها راني نصورها و نحطها كي قلتلك مانيش خياطة معناها ماعنديش الكتان بزاف و كل يوم نفصل حاجة و الله ياختي مرة في الفال نخيط و غير نهز لمقص نتفكركم و نقول معليش نصور و ننقلهم للمنتدى باش تستفادو انا ماعندي حتى فايدة غير دعوة الخير و حتى هاذي لا ماتفكرتنيش وحدة بدعوة معليش اجري عند الله تعالى راني درت ورشه من 1 لل 11 و كاين روبة ولا زوج درتهم لسمسومة حطيت فصالتهم انا مانقدرش نحط مواضيعي كاملين في توقيعي لي حب يستفاد يدير روشارش صغير و يلقى واش يحب و يكون ثاني متتبع دايما
وشوفي ثاني في موضوع تلبيه الطلبات راه كاين اجوبة للبنات في طريقة التفصيل راح تستفادي
هذا واش نقول لختي

[بنت سعدان الجزائر]

الله يهنيك وياخد بيدك ويرفع يارب حسناتك الله يعاونك ويمنى الله لك ماتتمنين شكرا شكرا الف مرة بنيتى بل ملكتى وملكة قلبي ماعليش لااقدر على السهر حال الكبر حتى انهض لصلاة الفجر الله يهنيك تصبحى على خير

[hindooo]

والله غير فرحتيني بردك شكرا لك واجرك عند ربي

[nina daye]

اختي انا ساعطيك طريقة رائعة وسهلة لتعلم الخياطة و العبايات ساهلين جدا انتظريني في موضوع جديد وسوف افيدك ان شاء الله انا ايضا لست خياطة وتعلمت فقط من النت انتظريييييييييييييييييييييييييييييييييييييييييني قرييييييييييييييييييييييييييييييا