واخيرا وبعد أكثر من عام ..غدا إن شاء الله للمحكمة العسكرية

[sinopointic4]

السلام عليكم ورحمة الله وبركاته
تحية مسائية للجميع ...لا أدري من أين أبدأ لكن بإختصار شديد اخيرا وبعد أكثر من عام من المعاناة بين مركز التجنيد و مكاتب الخدمة الوطنية ..غدا إن شاء الله أتوجه للمحكمة العسكرية مرفقا بملف الكفالة و بعد أن إتضح أنه صدر في حقي أمر بالقبض أي في حالة روشارش....بدون الخوض في التفاصيل أكثر إدعوا لي + لي عندو معلومة لا يبخل عليا بها ....وسأوفيكم بكل التفاصيل في الغد إن شاء الله

[عبد الله بن]

ايس لدي معلومات أخي و لكن من كل قلبي أدعو لك أن يفك الله غمك و يريحك و لا تنسى يا أخي الدعاء و رضى الوالدين و ربي يجيب الخير سلام

[abdeldjalil147]

tribuna de blida ? wala guelle région khona

[سليماني18]

السلام عليكم
الله يوفقك
و ان شا الله يعطولك لاكارت جون

[مايسترو عمران]

ربي يكون في العون و ان شاء الله يكون الاعفاء و تتهنى ،،

بانتظار التفاصيل غدا ان شاء الله ،،

[islamboot]

أخي أنا من مواليد 94 ، درت 2 عمليات جراحية على مستوى الأنف ، عندي سؤال : كيف أقدم ملف طلب الإعفاء ، رغم أن إثبات العمليتين ضاعو لي ، وشكراً

[أخوكم الصادق]

بالتوفيق ان شاء الله، و كما كنت في عون اخوانك أسأل الله أن يكون في عونك.

[amine eco]

بالتوفيق ياسين ....................

[a007113h]

لأي محكمة ستتجه يا أخي

[abdeldjalil147]

de tt façon bonne courage nchallah mon frére

[sinopointic4]

اللهم صل على سيدنا محمد وعلى آل سيدنا محمد كما صليت على إبراهيم
وبارك على محمد وعلى آل محمد كما باركت على إبرهيم وعلى آل إبرهيم
في العالمين انك حميد مجيد

[sinopointic4]

أخي أنا من مواليد 94 ، درت 2 عمليات جراحية على مستوى الأنف ، عندي سؤال : كيف أقدم ملف طلب الإعفاء ، رغم أن إثبات العمليتين ضاعو لي ، وشكراً



هل إجتزت الفحص الطبي سابقا في 18 سنة ؟
+
يمكن التقدم مباشرة لطلب القيام بالفحص المضاذ contre visit وإن شاء الله خير
هذا في حالة إذا ماكانت وضعيتك الصحية تتطلب الإعفاء
أما إذا كنت بصدد التحضير لملف طبي فقم بالغنتضار حتى تستدعى لإداء الخدمة وخذ الملف معك

[sinopointic4]

بالتوفيق ياسين ....................

مرسي امين...راني منيش دخل بزاف هنا كي نجي إن شاء الله غودا نقلك واش صرا فيا..تبهديل كبير مع لا جوندارمي
ههههههههههه

[sinopointic4]

شكرا للجميع على هذا التفاعل الكبير
إن شاء الله سأوافيك باتلفصيل عند العودة
..

[sinopointic4]

لأي محكمة ستتجه يا أخي


لورقلة أخي :19:

[dak]

اللهم صل على سيدنا محمد وعلى آل سيدنا محمد كما صليت على إبراهيم
وبارك على محمد وعلى آل محمد كما باركت على إبرهيم وعلى آل إبرهيم
في العالمين انك حميد مجيد

ربي يوفق خويا لك ولنا ولجميع المؤمنين

[algeriano2009]

ربـــــــــــــــي يفــــــــــتح علــــــــــيك أبــــــــــــــــــــواب الخــــــير أخــــــــي

[عبد الله بن]

أخي أنا من مواليد 94 ، درت 2 عمليات جراحية على مستوى الأنف ، عندي سؤال : كيف أقدم ملف طلب الإعفاء ، رغم أن إثبات العمليتين ضاعو لي ، وشكراً

روح للسبيطار اللي درت فيه العملية مرفقا بالبطاقة يعطوك كلشي

[عبد الله بن]

صاحب هذا الموضوع لم يعد اليوم كما وعدنا أسأل الله أن يفرج همه

[abdeldjalil147]

nchallah rah m3a trig
dok ywali w yaki wach sra

[الصادق الناصح]

nchallah rébi ywafa9 akhi waykoune fel 3oune wbrébi nchallah téfralék akhi sur ykoune m3a tri9 nchallah ywali nkhir

[ahmedsig]

ان شاء الله ترجع بخير

[sinopointic4]

تحية مسائية للجميع
ها أنا قد عدت من المحكمة العسكرية لكن في الغد سأفيك بالتفاصيل
وشكرا لكل من دعى لي فقد سارت الامور بشكل جيد والحمد لله

[abdeldjalil147]

bssahtek khoya w hmd 3la slama

[أخوكم الصادق]

الحمد لله على تيسير أمورك.

[ahmedsig]

الحمد لله نحن بانتضارك غدا ان شاء الله

[عبد الله بن]

تحية مسائية للجميع
ها أنا قد عدت من المحكمة العسكرية لكن في الغد سأفيك بالتفاصيل
وشكرا لكل من دعى لي فقد سارت الامور بشكل جيد والحمد لله



الحمد لله الحمد لله
الحمد لله

[mus007]

الى أصحاب الخبرة أنا ذهاب للمحكمة العسكرية بوهران و ليس عندي الا لوردبال كاشولي فيها في مارس 2013 على أني التحقت بعد اقفال عملية التجنيدو الأن انا عاصي و محل بحث لو أذهب غدا يعني احتمال كبير مباشرة يشدوني نفوت الخدمة العسكرية ؟؟؟؟؟ ولا كيفاه

[libanarim]

تحية مسائية للجميع
ها أنا قد عدت من المحكمة العسكرية لكن في الغد سأفيك بالتفاصيل
وشكرا لكل من دعى لي فقد سارت الامور بشكل جيد والحمد لله
السلام عليكم
على سلامتك والحمد لله كي خرجت سلامات
رانا نستناو في التفاصيل خويا ياسين

[a007113h]

تحية مسائية للجميع
ها أنا قد عدت من المحكمة العسكرية لكن في الغد سأفيك بالتفاصيل
وشكرا لكل من دعى لي فقد سارت الامور بشكل جيد والحمد لله

العاقبة للإعفاء إن شاء الله

[sinopointic4]

تحية مسائية للجميع ..رغم أنني متعب إلا أني فضلت أن أكون عند وعدي لكم بأن أوافيكم بالتفاصيل والجزء الاول من القصة يبدأ القصة في يوم الجمعة عندما كنت عائدا من الملعب الجوراي حيث أنا معتاد على الجري كل يوم جمعة صباحا
المهم ونا في طريقي أوقفني شرطي في الطريق فقام بطلب الوثائق على غير عائدة رغم أنني كل مرة أمر من هذا الطريق ولم يحصل معي أن أوقفني شرطي لكن كل شي بالمكتوب...
المهم كي فريفيت لقيت الوثائق نسيتهم في دار ...قالي إركب نروحو للكوميسارية ولمتماك نحطو الطوموبيل ومن بعد روح جيب الوثائق وهنا تبدأ القصة ...
بإختصار كي دخلنا لقاني روشارشي ههههههههه
ومحبط يطلقني نروح قالي إسمحلي راني مكنتش حاطها توصل لهذي مي الله غالب مي وليت نضحك من الفرجة هههههههه
المهم منحكيلكوميش كل شي بويسك بقيت لتماك واحد 30 د وهما يدييرو في الإجراءات نتاعهم
ومن بعدها داوني لوبيتال ومن بعدها للجوندارمي ....كي جيت داخل خلعوني قالولي غير عيط لواحد يجبلك لبسة محترمة باه ندوك نهار السبت لتربينال هههه
بويسك كنت غير بل بونتاكور وتريكو هههههه المهم مكثرتش نا الكلام وقتلهم راهو عندي ملف كفالة وراني نا هن المتكفل الوحيد بالعائلة نتاعي...من بعدها جاني الكوموندون بذات وقالي جيب نشوف الملف هذا...المهم
مكانش 10 د لافامي كامل سمعو وجاو لبريقاد وجابولي الدوسي ...وبعد محاولات كبيرة تم إطلاق سراحي مع إمر بالتوجه للمحكمة العسكككككرية هههههههه

[amine eco]

تحية مسائية للجميع ..رغم أنني متعب إلا أني فضلت أن أكون عند وعدي لكم بأن أوافيكم بالتفاصيل والجزء الاول من القصة يبدأ القصة في يوم الجمعة عندما كنت عائدا من الملعب الجوراي حيث أنا معتاد على الجري كل يوم جمعة صباحا
المهم ونا في طريقي أوقفني شرطي في الطريق فقام بطلب الوثائق على غير عائدة رغم أنني كل مرة أمر من هذا الطريق ولم يحصل معي أن أوقفني شرطي لكن كل شي بالمكتوب...
المهم كي فريفيت لقيت الوثائق نسيتهم في دار ...قالي إركب نروحو للكوميسارية ولمتماك نحطو الطوموبيل ومن بعد روح جيب الوثائق وهنا تبدأ القصة ...
بإختصار كي دخلنا لقاني روشارشي ههههههههه
ومحبط يطلقني نروح قالي إسمحلي راني مكنتش حاطها توصل لهذي مي الله غالب مي وليت نضحك من الفرجة هههههههه
المهم منحكيلكوميش كل شي بويسك بقيت لتماك واحد 30 د وهما يدييرو في الإجراءات نتاعهم
ومن بعدها داوني لوبيتال ومن بعدها للجوندارمي ....كي جيت داخل خلعوني قالولي غير عيط لواحد يجبلك لبسة محترمة باه ندوك نهار السبت لتربينال هههه
بويسك كنت غير بل بونتاكور وتريكو هههههه المهم مكثرتش نا الكلام وقتلهم راهو عندي ملف كفالة وراني نا هن المتكفل الوحيد بالعائلة نتاعي...من بعدها جاني الكوموندون بذات وقالي جيب نشوف الملف هذا...المهم
مكانش 10 د لافامي كامل سمعو وجاو لبريقاد وجابولي الدوسي ...وبعد محاولات كبيرة تم إطلاق سراحي مع إمر بالتوجه للمحكمة العسكككككرية هههههههه

لابوليس واش دخلهم تابعين للوزارة الداخلية هذا كاش واحد شكمك :1::1::1::1:
و الحل كيفاه راح تروح للمحكمة العسكرية

[islam crb]

العاقبة للإعفاء إن شاء الله اخى الكريم

[sinopointic4]

الجزء الثاني من القصة في يوم الأحد روحت للمحكمة العسكرية كي لحقت زمان 9 صباحا سلمت الإستدعاء ومعاه بطاقة التعريف
من بعدها فوتوني لقاعة الانتضار لمدة 15 د تقريبا ثم دخلت نا ومجموعة من الشباب كل واحد بقصة المهم ..
كي دخلنا لداخل فوتونا بواحد كل شيء يمشي ريقلو مكانش اللعب ههههه
مي حاجة لي حبسيتلي الما في رجليا أني شوفت العصاة لي حكموهم ...لابسين لبسة شبه لاباس المحكوم عليهم بالإعدام لكن لون اللباس بني تقريبا المهم ...
كي لحقت دالتي عيطلي امين ضبط المحكمة العسكرية وبدأ بالإستفسار عن وضعيتي ...منكذبش عليكم كنت مخلوع بزاف مي المقابلة الأولي مي الحمد لله ربي ثبتني المهم حكيتلو قصة حباتي ههههههههه
ومن بعدها شد عليا الملف وقالي روح إسنا المهم خرجت سنيت قريب الساعة ...المهم جيبتها غير حنكي مع الغاشي لي لتما
بقيت نقرعج هههههههه فوتت النهار لتماك بلحكايات وخلاص
أيا من بعدها خرج واحد وعيطلي نا و 3 اوخريين فوتونا لقاضي التحقيق .. المهم كي دخلت بدات الإسئلة مي الحمد لله قدرت نجاوب بدون إشكال ...والأسئلة كلها كانت على الوضعية العائلية ...مي خوكم واش نقلكم ميراطيش ...جيبتهالو من 92 ههههههههه
قريب الدمعة الطيح من عينو ههههههههههه المهم كي كملت قالي اخرج وإسنا نعيطولك ...المهم زمان 12 تقريبا بداو يعيطوا حتان لاقاولي ..كي دخلت عطاوني ورقة حمرا
مكتوب فيها إستدعاء يوم 14/01/2014 وقالي أمين ضبط روح تروح وبعد 15 يوم يجوك الجوندارمي يدورلك لوكانت إن شاء الله
المهم ...ملقيت فرحتي وين نخبيها ....
قريب نبدا نغني في النشيد الوطيني لتمااااااااك هههههههههه
أيا خرجونا وكاين لشدوهم فيهم لي رايح يدير لافيزيت وفيهم ربما لي مصلحتلوش ...المهم كي خرجت حسيت روحي ولدت من جديد ههههههه...ركبت السيارة مع حبيبي وشديت الطريق

[sinopointic4]

لابوليس واش دخلهم تابعين للوزارة الداخلية هذا كاش واحد شكمك :1::1::1::1:
و الحل كيفاه راح تروح للمحكمة العسكرية
.......هههههههههههههههههه.......

لا محكيتلكمش كل شي... البوليسي كيشافني حطني نحكي في الموبيل مي كي قالي قاري ملقاش عندي أصلا الموبيل هههههههههههههههههههه
مي قالي أعطيني الوثائق السيارة وهنا بدات القصة ....
من بعد كي طلعتها في موخي لقيتها كاتبة برك ولحقت
ههههههههه

[sinopointic4]

الى أصحاب الخبرة أنا ذهاب للمحكمة العسكرية بوهران و ليس عندي الا لوردبال كاشولي فيها في مارس 2013 على أني التحقت بعد اقفال عملية التجنيدو الأن انا عاصي و محل بحث لو أذهب غدا يعني احتمال كبير مباشرة يشدوني نفوت الخدمة العسكرية ؟؟؟؟؟ ولا كيفاه


لا أظن ذلك ربما سيعاد توجيهك للإلتحاق لأداء الخدمة الوطينة في وقت أخر

[amine eco]

.......هههههههههههههههههه.......

لا محكيتلكمش كل شي... البوليسي كيشافني حطني نحكي في الموبيل مي كي قالي قاري ملقاش عندي أصلا الموبيل هههههههههههههههههههه
مي قالي أعطيني الوثائق السيارة وهنا بدات القصة ....
من بعد كي طلعتها في موخي لقيتها كاتبة برك ولحقت
ههههههههه

سلكت كي شعرة من عجين يا يا يسين :1::1::1::1::1: قتلك روشارش هاذي ماهيش افار سلم نفسك .....خير متعيش خراق في بلادك :1::1::1::1::1:

رب ضارة نافعة انشاء فيها اعفاء

[dak]

بالصحة والهنا إن شاء الله
وإن شاء الله تفرالك وتفرالنا كامل
وطني وطني غال الثمن

[sinopointic4]

سلكت كي شعرة من عجين يا يا يسين :1::1::1::1::1: قتلك روشارش هاذي ماهيش افار سلم نفسك .....خير متعيش خراق في بلادك :1::1::1::1::1:

رب ضارة نافعة انشاء فيها اعفاء
هذا مكان حبيبي أمين سلكنا غير بدعاوي الخير..مي .مزالت لونكات برك
ربي يجيب الخير إن شاء الله ...متعرف لربما مارس نروحو كيف كيف
ههههههههههه
ربي يسهلنا ان شاء الله
بالصحة والهنا إن شاء الله
وإن شاء الله تفرالك وتفرالنا كامل
وطني وطني غال الثمن
شكرا يا أخي الكريم :19:
وفيف لا لجيري :mh31:

[عبد الله بن]

ربي يكملك بالخير يا خويا

[abdeldjalil147]

nchallah takmal 3la khir khoya
w la39oba li jma3a li mazalo insoumie w marahouch li tibunal

[sinopointic4]

بالتوفيق ياسين ....................
:1::1::1::1::1::1::1:

[sinopointic4]

الله يبارك فيكم
صدقوني هم نتاع الخدمة الوطنية يشيب ويريب الواحد ...
ربي يوفقنا إن شاء الله ونتهاناو منو سوى هك ولا هك

[a007113h]

كان الله في عونك أخي

[أحبك ربّي]

ربي يكون معاك يا خويا .. كيما ديناها حنا ان شاء الله تاديها انت

++

عطاولك سورسي عام ولا نو ؟

[algeriano2009]

لعقوبة للإعفاء إن شاء الله. أخي لأي ناحية عسكرية تنتمي ؟ أعطيلنا الملف الذي قبل منك ؟ بارك الله فيك.

[أخوكم الصادق]

الحمد لله على سلامتك هكذا ولا كثر و كما يقال الكاتبة في الجبين لازم تشوفها العين، ان شاء الله تفوت هذي المحنة على خير فمن كان في عون أخيه كان الله في عونه ربي يسهلك و ان شاء الله نسمع عنك أخبارا سارة في القريب العاجل.

[sinopointic4]

بالتوفيق ياسين ....................


:1::1::1::1::1::1::1:

[sinopointic4]

لعقوبة للإعفاء إن شاء الله. أخي لأي ناحية عسكرية تنتمي ؟ أعطيلنا الملف الذي قبل منك ؟ بارك الله فيك.


ن ع 4
الملف كما هو موضح في توقيعي

[sinopointic4]

ربي يكون معاك يا خويا .. كيما ديناها حنا ان شاء الله تاديها انت

++

عطاولك سورسي عام ولا نو ؟


لا أخي عطاوني إستدعاء فقط إلى يوم 14/01/2014
والسورسي إن شاء الله بعد لونكات إن شاء الله

[مايسترو عمران]

ربي يكملك و يكون الاعفاء ان شاء الله و تتهنى

انا ثاني حاب ندير ملف الكفالة و كل الشروط مستوفية ما عدا اني لازلت ادرس و التخرج بعد عام باذن الله بصح مشكلتي اني لم اجتز الفحص الطبي .. و الجماعة على حساب مايحكوا قالوا المحكمة العسكرية تطول بزااف .. واش تنصحني الملف نبدا نخدم فيه من درك ولا حتى نخرج ان شاء الله ..

[sinopointic4]

بالتوفيق ياسين ....................
...............
+
1

[sinopointic4]

ربي يكملك و يكون الاعفاء ان شاء الله و تتهنى

انا ثاني حاب ندير ملف الكفالة و كل الشروط مستوفية ما عدا اني لازلت ادرس و التخرج بعد عام باذن الله بصح مشكلتي اني لم اجتز الفحص الطبي .. و الجماعة على حساب مايحكوا قالوا المحكمة العسكرية تطول بزااف .. واش تنصحني الملف نبدا نخدم فيه من درك ولا حتى نخرج ان شاء الله ..


ان شاء الله أخي لنا ولكم
+
نعم إذا كنت مستوفي الشروط قم بتحضير الملف
لكن من الأحسن ان تجد عملا ولو غقود ما قبل التشغيل
أما بخصوص الفحص الطبي فسيكون مشكل لأنك لم تقوم به
وأظن أنه لا يمكنك دفع الملف إلا في المحكمة العسكرية و إذا كنت عاصي والله أعلم

[sinopointic4]

بالتوفيق ياسين ....................
:19::19::19::19::19::19::19::19:

[أبحث عن النجاح]

صديقي ممكن نموذج الطلب الذي تقدمه في الملف ؟

[sinopointic4]

صديقي ممكن نموذج الطلب الذي تقدمه في الملف ؟

طولقة في: 09/11/2013
من: ياسين .............. إلى السيد : رئيس المحكمة العسكرية
العنوان: حي 40 مسكن....... لولاية ورقلة
الهاتف : 077...

طــــــــلب إعفاء من الخدمة الوطينة
كفالة عائلية

يسعدني و يشرفني أن أرفع إلى سيادتكم طلبي هذا المذكور أعلاه والمتمثل في طلب الاستفادة من إعفاء من الخدمة الوطينة عن طريق ملف الكفالة العائلية هذا كما لا يفوتني أن أحيطكم علما بأني الكفيل الوحيد لعائلتي بالإضافة إلى .............. و أنا المتكفل الوحيد لأسرتي بعد أن ....وأصبحت قادرا على تحمل اعباء الحياة كما لا يفوتني أيضا أن أخبركم أن ....... , وفي الأخير أرجوا أن يحضى طلبي هذا بالقبول و لكم مني أسمى عبارات التحية والاحترام والتقدير.

إمضاء المعني :

وشـــــــــــــــــــــــــــكرا

[أبحث عن النجاح]

بارك الله فيك صـديقي
تقريبـا هو نفسه الطلب المقدم للبلدية الخاص بشهادة الكفـالة
ان شاء الله هذا الاسـبوع نتوجه للمحكمة وان شاء الله يكون فيه خير
ادعونا معاكم

[sinopointic4]

بارك الله فيك صـديقي
تقريبـا هو نفسه الطلب المقدم للبلدية الخاص بشهادة الكفـالة
ان شاء الله هذا الاسـبوع نتوجه للمحكمة وان شاء الله يكون فيه خير
ادعونا معاكم



:19:



ان شاء الله