هل أخبر خطيبي بهذا

[مشكلتي]

السلام عليكم
انا فتاة تحصلت على عمل منذ مدة قصيرة في احدى الادارات و مؤخرا تمت خطبتي ، في الفترة التي بدات بها العمل كان هناك زميل يعمل معي و كان يلمح لي بانه يريد الزواج مني كنت اتحدث معه عبر الفايسبوك لم ألتق به ابدا خارج العمل ، كنت دائما انتظر ان يقول متى سيتقدم او يتكلم بجدية في موضوع الزواج مثلما كان يفعل عندما حاول ان يتقرب إلي لكنه مع مرور الوقت لم يفعل بل اكتشفت ان قلبه متعلق بفتاة و ان اقترابه مني بحجة الزواج لم يكن سوى هوسا لذا ماعدت اكلمه و قلت له انه لا يعني لي شيئا اكثر من زميل عمل و ان مناوراته و كلامه المعسول ليس سوى كذبا ، في الفترة التي انسحبت فيها ( صرت اتحاشاه في العمل ، الفايسبوك، حتى في الطريق اعمل نفسي لا أراه ) تقدم لخطبتي هذا الشاب ووافقت عليه بعدما رايت منه من رجولة و اصرار على الحلال ، الآن تساؤلي هل اخبر خطيبي بما كان قبله ام لا انا خائفة ان يسمع من شخص آخر فالناس تحب الفضائح ...

[hikari1988]

Non ne lui dites rien, ce n'ai pas important et ça nuirait à votre relation.

[محمد جديدي التبسي]

لا تخبريه شيئا وابحثي عن عمل آخر وابتعدي عن التعامل مع الرجال في عملك
مكانش حاجة اسمها زميل عمل كوني أوعى والتزمي بحجابك وبدينك كما ينبغي ربي يوفقكم

[محمد مصطفى الحبيب]

لا تخبريه شيئا وابحثي عن عمل آخر وابتعدي عن التعامل مع الرجال في عملك
مكانش حاجة اسمها زميل عمل كوني أوعى والتزمي بحجابك وبدينك كما ينبغي ربي يوفقكم

من تستطيع تجاهل زميلها في العمل ؟ اتق الله في نفسك فالاحترام و اجب بينهما ....

[الحلم الجميل]

في راي لا تخبريه لانه لو ماكنش موسوس راح يولي يشك فيك اكثر و راح تندمي
ربي يستر عليك اختي و يهنيك

[blue.sky]

توبي ولا تعودي لذنبك مرة أخرى ولا تخبري خطيبك حتى لا تدخله الوساوس والشكوك انت في غنى عنها

[AMINA.Z]

بما انو الحكاية كانت في الفايسبوك من المفروض واحد ما سمع

الا اذا انتي كنتي تحكي للبنات

انتي ما تقولي والو

و اذا لحقو الخبر قولي الصح

[ahlam2060]

لا انصحك باخباره فهذا سيفتح عليك ابواب من الشكوك انت في غنى عنها

[بنت النخلة]

السلام عليكم
لا يا اختي لا تخبريه هداك الله ربي سترك وانت تراعي تفضحي نفسك
وهذا ليس رايي انا بل راي العلماء ولقد سمعت الكثيرات يسألن عن مثل حكايتك او اكثر ويجيبها المشايخ بعدم البوح ولاكن استغفري الله وكوني صادقة

[متمنية]

انا تبانلى ماتقوليلوش ونسى الى كان ضربة وحدة

[عاشقة العلم والمعرفة]

لالا تعخبريه اخيتي لا تكوني سببا في خلق مشاكل انت في غنى عنها والله يستر عليك وجعله رفيق دربك في الدنيا والاخرة

[الوردة المتفتحة]

اختي لما تفتحي على روحك بيبان الشر هاذي خصوصياتك وكانت قبل مايتقدم خطيبك وماكان لاه تخبريه بيها حياتك بدات معاه من نهار خطبك هنا لازم ماتغلطيش منا وجاي .تعلمي حاجة الصدق والامانة مهمة في حياة الزوجين لكن هناك امور كي تخفيها تحافظي على بيتك اكثر وحتى اذا كاشما سمع انت انكري الامر ولاه تروحي تفضحي روحك
اكيد هو رح يوثق فيك ومايبقاش ينبش على ماضيك
ربي يسرلك امورك وحاولي تجمعي بزاااف مع النسا المتزوجات اللي يفوتوك بسنوات رح تستفادي من نصائحهم بزاااف وربي يوفقك

[نايفز55]

صراحة راحة يسمعها منك خير من غيرك واذا سمعها من ناس

هذك الوقت وتوليمكيش متربية

انت صرحيه واوعديه بتوبة هذا هو الحل

[razika zouzou]

وعلاااااش تقوليلو يا اختي و تروحي تكشفي روحك

ويولي يشك فيييييييك

وعلاه يسمعو الناس ياك الفيس غير نتوما زووج
مديري واااالو في بالك



كلشي مبرووووووووووك حنونتي لعقوبه للدرية الصالحه

[بسمة تحدي]

لالالالالالالالالالالالالالالالالالالالالالالالا متقوليش وخاصة راكي تقولي هذا يخدم معاك

لو تقولي لخطيبك يولي يغير عليك ويولي يشك فيك وووو ميخليكش قع نورمال

ياك ضوك انتي مكاش حتى علاقة بينك وبين هذا الي يخدم معاك خلاص

ركزي مع خطيبك وعيشي حياتك نورمال

[prettyangel]

يا أختاه لماذا القلق و الحيرة ، طبقي الموقف ديالك على خطيبك ، يعني لو خبى عليك اي شيء و سمعتيه من غيرو أكيد راح يدخلك الشك و التوسويس ، خلاصة القول أحب لغيرك ما تحب لنفسك
ختي ماكاش قد الصدق و الثقة باش دوم العلاقة ، قوليلو و تهناي باش تكوني مرتاحة مع ضميرك .

[مريم الصابرة]

السلام عليكم اختي
وإنت علاش تقوليلو هو يجي يحكيلك على شعال من وحدة عرفها يا اختي خطبك راجل وقبلت توبي لربي وإنساي وإبداي حياتك معاه والناس كلها تحي تهدر وإنتوما على توصلو رواحكم تتشهرو قدام الناس حتى يسقسي عليك ويعرف من الناس من رأي ما تقوليلو ما والو عادي فترة في حياتك وخلاصت وإنساي ربي يكملك معاه لانو لو تقوليلو ما راحش يجي يصفقلك ويهنيك را يروح وما يرجعش وكل واحد تقوليلو هكذا يدير لاخر يتزوج وإنت شدي الطبول إنساي وطنشي وربي يكملك مع خطيبك

[نورالهدى بيولوجيست]

توكلي على ربي و خلي نيتك حسنة

[مواطنة]

اختي اذا حبيتي تخسري خدمتك و ترجعي خطيبك موسوس قوليلو
هذي كانت حياتك الخاصة ما عندو حتى دخل فيها بما انو ليس لها تاثير عليه انت ملزومة ما تغلطيش في حقو من وقت خطبك
و اذا ما لحقو كلام انت فسريلو بلي هذاك كان ناوي يخطب و انت ما عجباتكش تصرفاتو و ما قبلتيش بيه
ما تقلقي روحك ما والو نحي فايس بوك و بدلي اخر
و ما تحكيش بزاف للبنات على خطيبك
اما زميلك كملي تجاهليه برا وعلاقتكم في حدود العمل وخلاص
استغفري الله و باذن الله تتحسن نفسيتك

[meriem_lmd]

كل الناس معفى إلا المجاهرون

فأسأل الله لك العافية

[om mostapha]

]سمحييلى نقولك يا بننتي متتهوريشي متقولي والو ونسي نسي الفيسبوك وليي فيه ورضاي بقسمتك وتوبي وشكوري الله

[ABIALHOROF]

حسب ما ذكرتي فانه لم يكن بينكم شئ خطير (فقط تعارف قصد الزواج او الحلال )هذا من جهة
من جهة ثانية انتي في الدقيقة الي عقدتي معاه عقد الزواج من ثمة و رايح لازم تخلصي له تماما و تحترميه و تخليه يحترمك ....لذلك من وجهة نظري اللي فات قبل الزواج ما يخصوش و ما لازمش هو يسال عليه و ما لازمش انت تفكري فيه
تمنياتي لكي باتوفيق

[أندلس]

من ستره الله فليستر نفسه
كما ان الرجل لا يسامح ابدا و لا يتسامح في مثل هذه الامور حتى و ان سامحك الآن بعد الزواج سيصبح يشك فيك

[أندلس]

يا أختاه لماذا القلق و الحيرة ، طبقي الموقف ديالك على خطيبك ، يعني لو خبى عليك اي شيء و سمعتيه من غيرو أكيد راح يدخلك الشك و التوسويس ، خلاصة القول أحب لغيرك ما تحب لنفسك
ختي ماكاش قد الصدق و الثقة باش دوم العلاقة ، قوليلو و تهناي باش تكوني مرتاحة مع ضميرك .
يا اختي هي تتحدث عن شاب جزائري و ليس غربي

[thawizat]

أختي بلاك يغرك واحد ويقولك أحكيلو ، ياخي تعرفي العقلية كيفاه، يولي يشك فيك و يعاودها في كل مرة و ممكن أيضا يقولك حبسي الخدمة خاطر كل ما يشوف فيك رايحا للخدمة ميامنش و يتفكر هاذ الزميل ، أصلا مفهمتش واش رايحا تحكي كنتي تهدري في الفاسبوك ياخي تقولي مخرجتش معاه إهمالا خليها تموت ف الفاسبوك و ما تدريش من الحبة قبة استري ما ستر الله .