انصحوني ارجوكم

[azoufou]

السلام عليكم وحمة الله وبركاته

انا فتاة في 30 من العمر محجبة حجاب شرعي و مرتبطة بشخص يحبني واحبه درت الفاتحة وما زال العرس.
اعمل في مؤسسة تربوية الكل يحترمني
ولكن مشكلتي مؤخرا انه يوجد استاد مهتم بي و يعاملني معاملة خاصة كلها احترام برغم من علمه بانني مرتبطة
صديقاتي في العمل لاحظنا هدا الاهتمام وقالو لي ابعدي عليه
المشكل انه انسان كثير محترم و لبق ما لقيتش كيفاه اتفاداه على جال نظرة الناس مع العلم انني كل عملي مرتبط به
انصحوني

[مراد سابقا2]

أنا حسب ما فهمت من كلامك فهذا الأستاذ أثر فيك

ولكن المشكلة فيك أنت

ألى تستطيع أن تضربي له خزرة في وجهه أو تصديه بطريقة ما

صديه ولو أستلزم الأمر أفضحيه

[azoufou]

لكنه لم يتعد حدود هده المشكلة

[HAMDI1992]

حاولي تتجنبيه بدون جرح احساسه و لا تدعيه يتعدى حدود الزمالة البريئة

[Jenifer xxx]

اذا كان صح ابن حلال رح يرضى باللّي تقوليه ،، علما انه قرأت عليكي الفاتحة من رجل آخر فالآن انتي متزوجة على سنة الله ورسوله
يلّي يحاول يقربلك عندك سلاح انا ملك لرجلٍ الآن ،، تقولين ان عملك مرتبط به ..بسيطة لو كان ابن حلال مثل ما تققولين رح يقبل بالمكتوب ويبحث من جهة اخرى ..هو ما رح يعزلك من العمل بعدين الرأي يبقى لك ونصيحة مني اختي تشبثي بزوجك ولا يغرّك شي من غير بناء عائلة ملؤها سعادة و دين وشغف و طموح نحو المستقبل..

[حميد.ص]

أول ما يشوفك مع خطيبك راه يبتعد تلقائيا

حولي تصطحبي خطيبك معك الى العمل و عرفيه على زميلك

ربي يعطيك الخير

[azoufou]

شكرا علكم على النصيحة
والله ربي الي يعلم انني احب زوجي وصيناتوا
لكن ربي يهدي كابن ناس يقتلوك بالقدر

[نورسين.داية]

السلام عليكم

قلتي أنكي تعملين في قطاع التربية

هل تعملين كموظفة إدارية أم أستاذة ....؟؟؟ حتى نعرف على الأقل إطار جبرية العمل معه ................مدير مثلا .....إذا كنتي أستادة فبعض الأساتذة لا يلتقونه بالأسبوع .....أما إذا كنتي سكرتيره فلكل منكما مكتب .منفصل .......و علاقتكي به بالهاتف فقط ..........

وضحي حتى نستطيع مد يد المساعدة .....إن إستطعنا

[عبد الله 22]

دموع في عيون وقحة محترم لكن لا يعرف الحدود فإي احترام هذا ؟؟؟؟؟

[sarl02]

عليك ان تتعاملي مع اي كان في المؤسسة في حدود واديري حسابك بلي راكي مرتبطة وما تطلقيش روحك كيما بعض لبنات والله عدنا لا نفرق بين المتزوجة والعازبة .....ثانيا مدام هو استاذ وانت موظفة ادارية فلا علاقة لك به الا نادرا ..حتى ولو كنتي مخبرية مثلا وهو استاذ علوم او فيزياء وهذا هو الارجخ مدام قلتي انك مرتبطة به فالعلاقة يجب ان تكون محدودة يدي واش خصو وتربح ...ها اليوم راه قاتلك بالقدر امبعد تولي في امور اخرى ...لهذا الانسان يتقي كل الشبهات. ووفقك الله.

[mounaminou]

قتلك بالقدر هههههههه و الله ضحكتيني .....انتي متزوجة راكي مدايرة الفاتحة يا اختي .....هدي الامور ماتخمميش فيها خلاص خلاص مام بينك و بين روحك ...

.زيد ياخي لابسة الخاتم و اكيد في اي مؤسسة ماكانش وحدة مخطوبة و اللا متزوجة بلا مايعرف الغاشي و الزملاء كامل... و ماكانش حاجة تخفا ........ديجا مام كون تكون وحدة هادرين عليها و يسمع الغاشي... غير لاكان خببات و ماقالتش بللي راهي مرتبطة و مالبستش الخاتم هديك حاجة بخلاف .... donc تبانلي راهو غير الشيطان اللي يوسوس فيك ....

نمدلك الحلول....

.مادامو قاتلك بالقدر غدوة الاحد هززي باطة gâteau و اديها مستورة في ساشي و كي تلقايه مديهالو و قوليلو هاك الفال تاع الفاتحة تاعي و هككا تكوني انتي الي قتلتيه بالقدر المرة هدي ههه و قولي لخطيبك يجي يلاقيك سمانة هدي و كي يجي قوليلو نعرفك بزميل تاعي ....
ماتقوليليش كاين اجراج لانو مهما يكون اكيد ماش كتر من la situation اللي راكي فيها

و جربي ماتضحكيلو ما تحكي معاه ...لانو كاين نسا مساكن يتعاملو بعفوية و مام و هوما متزوجات يعانيو من الدصارة و الضخاصة تاع الزملاء ف العمل ...عليها نححي النية و كوني حازمة و ماتمديلوش فرصة لانو كون يتمادا ف المعاملة تاعو و كون يميزك علا الغاشي رايحة تخرج عليك الهدرة ف المؤسسة

ملاحضة الحجاب الشرعي مايكفيش يا اختي لازم انتي تفرضي الهيبة و الوقار تاعك لازم يخافك و يحشم مننك ..في العمل انتي اللي تمدي l feu rouge و اللا le feu vert

[مسلم سني]

السلام عليكم
مادام يعلم أنك مرتبطة من المفروض أن يحترم نفسه دون أن تقولي له ذلك ودون تلميح لأنه مادام محترما كما تقولين فما يرضاه لأخته سيرضاه لك
ومالايرضاه لها أكيد سيجنبك إياه
علاقة العمل مهما كان فيها الاحترام فهناك خطوط حمراء لا يجب أن نتعداها
أنت تشعرين ربما بإحراج لو طلبت منه الابتعاد ولا تجدين ربما الطريقة المثلى لذلك
لكنك وبذكائك يمكنك تجنبه دون أن تخسريه كزميل عمل خاصة وأنك وعلى حسب كلامك عملك مرتبط به
حاولي تجنبه قدر الإمكان هاته الفترة ولما يسمع بأنك صرت في بيت رجل آخر فأكيد هومن سيتجنبك لأنه محترم كما قلت
لكن سؤالي:
ماذا لو يسمع خطيبك أو يخبره أحد الأساتذة بذلك؟؟؟؟
هل سيتفهم الوضع على أنه مجرد زميل كما تفهمينه أنت؟؟؟
تجنب الشبهات يجنبنا الكثير من المتاعب
بالتوفيق
أتمنى لك حياة سعيدة
احترماتي

[ninacicino]

حذاري اختي من هاذ العلاقة البريئة والله تتطور كما يكبر الاطفال تكون بريئة ثم شيئا فشيئا تصل لمرحلة المراهقة اصعب مرحلة ممكن تصبحين متزوجة و تبقى العلاقة خاصة في الزواج تكون دائما فترات عكرة و لتم تبدا تكبر العلاقة
انتي شوفي للبعيد
راكي مستعدة تدخلي في نوع من العلاقات المشبوهة والله لاوجود للصداقة بين رجل و مرأة
فلا تنخدعي
راجعي اوراقك قبل فوات الاوان فان دخل قلبك فلا رجعة

[نورالهدى بيولوجيست]

اختي رانا قع خدامات و عارفين طبيعة العلاقات يا اختي مهما كنتي مضطرة للتعامل مع شخص معين دايما الوحدة فينا هي اللي تحدد طبيعة و حدود العلاقة استعملي ذكائك و اكيد رح يبعد عليك

عجبني رأي الاخ العضو : حميد.ص

ربي يفتح عليك ان شاءالله

[alilho]

من ترك شيئا لله عوضه الله خيرا منه

أتركي العمل لوجه الله وتكفلي برعاية زوجك

فالله خاطب النساء بالمكوت في البيت

[hattal]

شكرا علكم على النصيحة
والله ربي الي يعلم انني احب زوجي وصيناتوا
لكن ربي يهدي كابن ناس يقتلوك بالقدر

اخية هذه نتائج الاختلاط
قري في بيتك اخية فالله يقول لا نسالك رزقا نحن نرزقك و العاقبة للتقوى فاتق الله و لا تختلطي بالرجال فلست مكلفة بالانفاق
و لا تتحججي بغلاء المعيشة فالقناعة هي الغنى
هذه نصيحتي لك

[الحلم الجميل]

السلام عليكم
اختي ياااااااااا اختي مشكلتك ماشي صعيبة
انت متزوجة اذا قدرتي تتجنبيه في عملك و اذا ما قدرتيه
فهميه هذا الشئ اذا اتكلم معاك في اي شئ اخبريه انك متزوجة
او كلفي صديقة في عملك تخبرك بطريقة غير مباشرة انك متزوجة
و اذا ما قدرتيش ادي معاك زوجك للعمل او اثناء عملك اتصلي بزوجك باه يجيك للعمل
و هاكا يشوفوه كامل العمال
بصح كلمة قتلني....بالقدر...(يا راه الشيطان يخدم في طابي تاع الطريق باه يجيك) اسفة بصح حبيت نفهمك
لانو كاين بزاف الي من كلمة الاحترام و القدر دخل الشيطان و ضيعوا ديارهم
حافظي على زوجك اختي و صونيه في غيابه و كوني شديدة اللهجة
الله يهنيك و يرزقك و زوجك ان شاء الله و مبروووووك عليك

[kamel76]

الله يهديكم يا لبنات تخلطوها و من بعد تقعدو حاصلين و نادمين

[loufa]

دموع في عيون وقحة محترم لكن لا يعرف الحدود فإي احترام هذا ؟؟؟؟؟

ونعم الراي

[azoufou]

أشكركم على النصيحة
وأنا أحترم رأي كل واحد منكم
شكرا جزيلا اخواني

[touta2010]

اختاه لاتنضري الى الناس فرضى الناس غاية لاتدرك مكيش متاكدة بلي نيته سيئ منقدروش نحكمو على الغير بمجرد الملاحضات

وبلاك هو نيته بعيدة كل البعد على شكوكك
تاكدي من نوياه ثم اتخدي مايجب ان يتخد

نصيحة لاتتعجلي في الحكم عليه بسرعة