هل انا طبيعية؟

[مشكلتي]

السلام عليكم جمعة مباركة

انا بنت قريب نولي 15 سنة
لا اعرف لماذا ولكن نحس روحي مختلفة جدا عن الفتيات في عمري
انا فعلا لا احب الضحك والهدرة معاهم في جماعات نحب نحكي غير مع الكبار واللي متثقفين
ما نفرحش كيما البقية كي يجي عرس او شيء بل نتشاءكم وما نحبش نروح نخاف من الهدرات اللي يهدروهم النساء راكم تعرفو
لا اقول اني نعاني من الوحدة بسبب اختلافي ولكن حتى صديقاتي ما بقيتش نهدر معاهم كيما بكري
وعندي استاذ كنت نعتبرها صحبتي وكنت دايما نحكي معاها حتى هي ماعادش نرتاحلها بزاف اما المسلسلات كل البنات نلقاهم يتفرجوا الا انا جربت من قبل نتبع مسلسل ولكن كرهت لاني نلقا روحي نعلق وما نصدقش اي حاجة وكي يقولولي علاه نقوللهم خمموا بالمنطق راكم في الجزائر عمرها هادي الحاجة مارايحة تصرا
واذكر انو هاذي الحالة بدات تسيطر عليا بعدما فقدت اغلى اخ في الابتدائي لانو صح كان يشاركني افكاري بعقلية كبيرة ولكن الان راح يتعلم ويحفظ القران في بلاد اخرى ومن هاداك اليوم وحالتي هكا

قولولي اذا هاذي حاجة عادية واذا كانت لا ارجوكم ساعدوني

[نورسين.داية]

السلام عليكم

أراكي عادية .............كل أنسان و توجهاته ...لما يحب و يكره .................عادي ممكن حاجة فقط .ا أراها في شخصيتك .أعطيتي لنفسك أكثر من حجمك ..لأن رصيدك الثقافي منطقيا و سنك ....مع الواقع لا يؤهلكي لأطلاق بعض الأحكام .....ممكن ...أنا هذا رأي ....إن شاء الله ماتزعفيش ؟ من رأي

[wafa16]

oui okhti anti tabi3iya w bezaf nass kima nti ;ana tan merit b had l 7ala
lakin makherjetch 3liya
lazem f had denya net3amlou m3a koul al 3a9liyat
ana tan ki ya7kou s7abati w les filles li 9edi n7ass beli klamhom w ihtimamathom tafiha
n7assha bila fayda wela tbanli kalam mourahi9ine
lakin t3alemt ncharekhom l 7adit w ida massebtch wach n9oul netbessem wa aktafi b al istima3
lah ghaleb mate9edrich t3ichi wa7dek lazem so7ba w 3ala9at
ama 7kayet mousalsalat bezaf nass kima nti
w hada tabi3i
mais lazem tet3almi ta3afssi 3la 9albek w tkouni ijtima3iya w tetwassli m3a nass

[AMINA.Z]

عادي

مرحلة و ستمر

[عاشقة العلم والمعرفة]

انت رائعة لانك تضعين في حسبانك كل العواقب جراء ما تفعلين ومن الجيد ان تخالطي ذوي الثقافة لكن هذا لا يعني ان لا تحادثي البقية الا تدخلين في التكبر والعياذ بالله لكنك عادية جدا اخيتي .

[naamane3]

انت تحملين عقل انشتاين
حاولي ان تكوني بارزة في علم ما
وكوني قوية لتخطي الصعاب والعقبات
والله يكون معك

[نايفز55]

كبرتي قبل وقتك

يلزم تتعملي مع كل أنسان بعقليتوا وحولي تدخلي مع بنات في موضيع لتخصكم

وفي نفس الوقت احتفظي بعقيتك روحك يعني مع صغار صغيرة ومع كبار كبيرة

[hodahodahoda]

انت طبيعية جدا
هذا سن المراهقة فقط

[دكن]

هذي ميزة جيدا فيك حولي تتأقلمي مع صحباتك دري كيفهم وخليهم يعلموك

[chaima tehari]

كل معظم البنات هكذا و انا واحدة منهم شيئ عادي فهذه مجرد مرحلة قد تكون نفسية

[NADJIB-90]

عادي مرحلة المراهقة وتمر عليك بتقوية شخصيتك والعمل علي زيادة قدراتك الاجتماعية قد لاتشاركين اصدقائك اهتماماتهم لكن التنازلات لابد منها في اي علاقة اجتماعية مادامت لا تؤثر علي الاخلاق او الدين
الان من الطبيعي ان تشعري بالتوهان ومحاولة الانتماء وتحديد الاشياء التي تريدينها فقط اكثر من النشاطات المفيدة مادمت لا تحبذين التلفاز هذا ليس عيب فقط جدي اهتماماتك ونميها سواء كانت ادبية او علمية او رياضية كما علك ان تشاركي هذه الافكار مع شخص تثقين فيه من العائلة ليوجهك وينصك والافضل ان تكون امك او اختك الكبري

[بنت النخلة]

انا لما كنت بعمرك كنت كما تقولين عن نفسك واكثر واضنك انسانة موهوبة ولاكن مم زاد حدة هذه الطباع والصدامات مع الناس هي فترة المراهقة..........حاولي ان تكتشفي مواهبك وان تنميها ووفقك الله اخيتي

[بنت الزمان]

15 سنا سن المراهقة و في هذا ڢالسن و اللي جاي موراه تغيرات نفسية تصرا لاي شخص
و خصوصا انوا داخل علآ مرحلة تغير نمط التفكير و المزاجية و كل هذا بتدخل هرمونات معينة مع الوقت تزيدي تتبدلي
حاولي ان تتقبلي ما يحصل لك بش ماتضيعيش و ماتقارنيش بين وين كنتي و كيفاه راكي
حاولي تكسبي عادات ملاح مش شرط تكوني كيف البنات
موفقآا

[nadjib souf]

السلام عليكم
الصراع الداخلي الذي تعيشيه هوبرهان ان عقلك راهو يعمل
الانسان الذي لا يعيش الصراع لا يفرق بين الحق و الباطل
حولي دائما اختيار الحلول الصحيحة و لا تتطرفي
فكل ما يفعله الاخرين ليس خاطئ تماما بل لديه جانبا من الايجابية ,
فلا تغفلي على ايجابياته ,

[hamdanhamdod]

مرحلة مراهقة فقط

[ام وعد]

اذا لم تخطط فانت ضمن مخططات الاخرين
مليح واش راكي تعملي غير احذري قليل وين تلقاي صديقة خير
الله يهنيك واحمدي ربي على واش اعطاك

[hattal]

دلائل خير ربي يكمل

[L'ôNêly_GîrL]

و أخيراااااااااااااااااا وجدت فتاة مثلي في العقلية أين كنت تختبئين فأنا أيضا مثلك

[الحب و الوفاء]

الله يبارك راكي ماشية في الطريق الصحيح تكوني هكذا خير لك من ان تكوني فتاة متهورة

[moonlight19]

انت عادية و رائعة ايضا
تعجبني هاذي العقلية
راح تكوني انسانة عاقلة و هاذا اصبح قليل في وقتنا هاذا
ربي يسترك و يحفضك بنيتي

[younnesbannour1]

طبيعي انا كدلك مثلك و اسأل الناس ويقولون لي انتعادي