نصيحة او كلمة طيبة.

[مشكلتي]

السلام عليكم.
ارجو منكم نصيحة تريحني,انا مخطوبة مند سنة . ومشكلتي هي المشاكل التي لاتنتهي مع خطيبي دايما يتشاجر معايا بسبب وبدون سبب وكي نقولو واش درتلك يقولي ماعليش ننساو اللي فات وسمحيلي فوت بزاف بصح عييت والله قلبي تعمر واللي قاهرني اكثر الاهانة والتعالي علي ومعاملة الاستصغار ويحسسني اني لاشئ ويقولي كلام والله لايحتمل و اخر كلام قالهولي مانديرش عقد مدني ندير عقد شرعي باه ادا خرجتي وماقلتيلش نبطل بسهولة مع اني درك خاطبني برك ونشاورو قبل مانخرج وهادي هي الي فيضت الكاس وحسيت نيتو ماش صافية.وكون نقولو كلمة يقولي واش تقصدي.حابة نبطل والله عييييييت ربي اللي عالم بحالي.قولولي المشكل فيه او فيا انا او في كثرة الكلام فالهاتف كل دقيقة يعيطلي ويهدر بساعة كرهت.ارجو نصيحة منكم.

[نورسين.داية]

قبولك لإهاناته من البداية هو من اوصلكي الى هذا المستوى اليوم ....

مسألة التعالي .....لما يتعالى عليكي .................؟؟؟؟ وضع غريب الصراحة ..........

عموما إذا لم يوجد بينكما الإحترام ....إرمي عليكي .....................

[الحلم الجميل]

السلام عليكم
و الله انت في موقف لا تحسدي عليه ربي يهديه
ما دامك ما عقدتيش اصبري حتى تتاكدي مليح منه
هذا الي راه يعاملك هاك قبل الزواج و مورا لزواج كيفاش
المرة الجاية اعملي له حد يعني ما تخليهش يهينك و استخيري الله و ادعي كثيرا
ربي ينور طريقك و تختاري صح ان شاء الله

[.kiki]

السلام عليكم و رحمة الله

هذا نتيجة الكلام في الهاتف.. الكلام الذي لا أدري ما الغاية منه.. هذا الداء الذي لا يكاد يترك بيتا الّا و هدمه..
يا أختي انت أشرت الى أنّه لم يتم أي من العقدين لا الشرعي و لا "المدني" فأخبريني بربّك بأيّ حق يحادثك؟ بل و يهينك و يتعالى عليك؟
أنصحك بالتةقّف حالا عن هذا الفعل. أخبريه أنّك تبت و لن تتحدّثي معه الأ بعد أن يصير زوجا لك، توكّلي على الله و لن يضيع الله عبدا لجأ اليه أبدا.
توبي الى الله يا أختي و لا تتّبعي خطوات الشيطان... و الله اننّا نسمع في هذا الزمن الكثير من قصص الزواج الفاشلة و السبب الرئيسي في ذلك هو عصيان الله تعالى فيما أمر و زجر.
أكثري من الاستغفار و الدعاء... كوني قويّة الشخصيّة... و اعلمي أنّه لا طاعة لمخلوق في معصية الخالق.
بارك الله فيك و سترك في الدنيا و الآخرة

[AMINA.Z]

الاحترام اولا و قبل كل شيء

و لا راجل يستاهل تذلي روحك ليه

خممي مليح

[دكن]

مع حترام هذا حاب يذلك ويلعب بيك اخطيك منوا وصدقني راح تعني معاه هذا ليخمم في تطلاقك بسهولة

موش راجل كون جاء حاب يعمل به يستحفظ عليك

[بنت النخلة]

السلام عليكم
بما انك تحكي معاه في التلفون مع ان هذا الامر اجازه العلماء بظوابط شرعية .........المهم الان انه يهينك ويتعالى عليك حتى وان كنت انت من تركتي له المجال لذالك لكنه سمح لنفسه ان يقلل من شانك وهذا وانتما في فترة الخطوبة ويهددك كل مرة بالانفصال هذا يا عديم المسؤولية ولا يعي ما يقول ويتصرف او انه لا يريدك اصلا او انه يرى ان ما يفعله رجولة ونفخ لعضلاته عليك كي لا تركبيه
استخيري الله وتاكدي منه اولا وان لم يكن فيه الخير لك فدعي ويرزقك الله احسن منه

[لمعة السيف]

وعليكم السلام
و اخر كلام قالهولي مانديرش عقد مدني ندير عقد شرعيهذا لتهاونكن وبعدكن عن احكام الله باي صفة تحدثين هذا الرجل وتسميه خاطب لا عقد شرعي ولا شئ
هذا اجنبي عليك يا اختي انت تعصين الله فتوبي لا سلطة هذا الرجل عليك باي حق تكلمينه وتخافين منه ..أصلا الرجل من هذا النوع لا اخلاق له فالاحسن ان تتركيه لانه من يفعل هذا ببنات الناس لاامان الله ولا استثنيك انت ايضا مذنبة في هذا ..الشخصية القوية التي تفرض نفسها مهمة لرجل او المرأة اي هناك خط احمر والاخلاق والاحترام ولكن ليس لدرجة ان الانسان يخضع ويكون عبدا منقادا لكل شئ تجاوز وحدود فانت تلزمين حدك والذي يريدك في الحلال ايضا يكون ملزما بحدود الادب والاخلاق حتى يكون التفاهم عند الارتباط هذا اقوله عند العقد الشرعي وليس عند الاستهتار ومكاملة هكذا اجنبي ...يا اختي هداك الله لا يجوز إقامة أي علاقة بامرأة أجنبية خارج إطار الزوجية لو كانت خلوة او التحادث في الهاتف

توقفي فورا من هذا العبث ..واصبري حتى يرزقك الله من الباب وليس من شباك المغامرات لانها اثبتت التجارب انها فاشلة قبل الزواج ..والاحسن في امور الزواج هو الاسراع في الخطبة والزواج ..افضل من هذا العبث مثل الهاتف الذي ضيع الكثير من الزيجات فقد قال النبي صلى الله عليه وسلم: لم ير للمتحابين مثل النكاح. رواه ابن ماجه، وصححه البوصيري والألباني.

[doba]

ربي يكون معاك اختي
لالالالالا تتسرعي

[sirin12]

السلام عليكم ورحمة الله اختي الحبيبة ارجوك هدئي من روعك وتاكدى من ان ما قالته لك الاخوات في مصلحتك وصحيح صلي صلاة الاستخارة وثقي بالله عز وجل فلا خير الا في ما اختاره الله.

[أم الحسين 24]

تبانلي هدا الشخص مش داير النية و الله أعلم ماذا سيأتيك منه ... اسمحيلي أنت مخطئة أيضا عندما سمحت لنفسك أن تكلميه بالساعات دون قيد أو شرط و هو أجنبي عنك ففقدت احترامك بالنسبة إليه . اقطعي الإتصالات العابثة فورا , صلي استخارة , خممي مليح و ربي يسرلك أمرك ان شاء الله.

[مواطنة]

السلام عليكم اخت الكريمة
لي هو معروف ان الخطاب رطاب لكن هذا سبحان الله راهو يعمل كلشي باش يكره بروحي وكانو متؤكد انك شادة فيه وعلاش يتأكد وقيل يحسب في بنات الناس لعبة ولا مشتاقين في الخطاب المعوجين؟
اختي الزوج لي تختاريه ليك ولاولادك لازمو بكون ممن ترضون دينه واخلاقه
اختي مهما كان يحبك ماتقوليش هذا هو الصح لان واعر كاس الذهب لي يشربك فيه المرار و يتبرر باسم الحب و الغيرة لان لي يحب يحب يفرح محبوبتو ماشي يرجعها تكره حياتها هذا قبل ما تروح عندو
حتى لو كان هذا الخطيب انت اخترتيه مافيها والو اذا اعدت النظر في علاقتك معه الان حتى لو شافوك الناس معاه ام لا المهم انت تكوني في حالة نفسية ترضين عليها ما تهينيش نفسك ابدا
اختي اجبدي روحك منو و قوي علاقتك مع الله اكثر بالدعاء و الاستخارة باذن الله سيتضح لك الطريق الصحيح
و ما يغيظك ما والو اذا حسيتي انك لا تستطيعين الزواج به فليس هناك حرج لان الزواج بالرضا و الله لا يكلف نفسا الا وسعها سبحانه
اختي في هذه النقطة بالذات كوني انانية خممي في روحك برك واش يليق بيك و لا تلتفتي لا الى سنك و لا للاهل المهم انت تهناي مع نفسك وما تغلطيش في حق روحك

[أمة الله 12]

ربي يهدي ما خلق هذا مازال مادخلتيش لدارو يخمم ف أسهل الطرق لطلاق,

الغلطة الاولى انك كثرتي معاه الهدرة ف التلفون و الثانية انك تقبلتي اهاناتو,

القدر بين الناس هو كلشي, و في العلاقة الزوجية الاحترام أهم من الحب, كون في بلاصتك نباري عليه بالأحمر

[MOGIWARA BOY]

بطلي منو و هني روحك نادام راه يحتقرك كيما هكا واش رايح يصرا بعد ما تتزوجو و هذا اذا تزوجتو

ديري حدود و اذا تجاوزها ارمي عليه الماء

[BOUDJEMAA73]

لا تفوت فرصة سماع القرآن

سورة الكهف بصوت القارئ محمد صديق المنشاوي رحمه الله (http://www.youtube.com/watch?v=uTN5eTfZnHA)

تحياتي

[soumias]

خمي مليح يا اختي الزواج ما راهوش نهار راهو حياة كامله ...هدا مازال ما راكيش زوجته وراهو يديرلك هكدا ؟؟؟ يا اختي لازم تديري قيمة لروحك ادا ما احترمكش وما قدركش اليوم صدقيني ماش راح يديرلك قيمة منبعد ....والغلط الكبير الهدرة الزايدة في التلفون هي لتدير المشاكل ....انا ننصحك باش تفكري مليح بعقلك وخلي العواطف بجانب وراكي تشوفي مليح القصص لرانا نسمعوها على نساء واش راهم يعانيو مع ازواجهن ....وصلي استخارة ما خاب من استخار ربي يهنيك ختيتي

[hodahodahoda]

المشكلة احنا النساء ضعاف ننساو ان الزواج مكتوب و القسمة من عند ربي
المراة منا تقبل الاهانة باش ما بطلش عليها خطيبها
و هذي غلطة كبيرة

[غربة أهل السنّة]

و عليكم السّلام و رحمة الله و بركاته

حتّى لو كان خطيبك و لكنّه أجنبيّ عنك,,,أي أنه لا يجوز لك أن تتحدّثي معه لا في الهاتف ولا أن تخرجي بصحبته
الخطأ خطؤك لأنك أنت من سمحت له أن يهينك
أنا لوكنت مكانك لتراجعت عن قراري لأنه لا يرى في الزواج ميثاقا غليظا
نعم: الزواج ميثاق غليظ و أرجّحُ أن هذا الشخص يستعملك لتمضية الوقت فقط
منتهى الإهانة أن يقول لك: كي نحب نبطل نبطل
أين كرامتك يا أختي؟؟
إعلمي رحمك الله أن الله تعالى خلق الإنسان عزيزا
و الذّل يجب أن يكون مع الله فقط
فكيف لكِ أن تسمحي لإنسان كهذا أن يهينك
إتّق الله في نفسك و اتركي عنك الكلام في الهاتف,,و اعلمي أنك إذا استمرّيت في الكلام معه ستتضررين أنت
أولا مع الله تعالى بأنك لم تنقادي لأمره
و ثانيا كرامتك و كرامة أهلك
إنتبهي بارك الله فيك
واشغلي نفسك بما ينفعك في دينك و دنياك
فيوم نرحل عن هذه الدنيا نتمنى الرجوع لكي نعمل صالحا
في تلك اللحظة لن ينفعك خطيب ولا صديقة و لا أهل
وفقك الله و رزقك زوجا صالحا يصونك و يأخذ بيدك للجنة

[جزائري1985]

اصعب موقف رايته اظن
مازال الحال تقدري تديري بزاف حوايج باه تتجنبي يوم لا ينفع فيه الندم

[قمر السلام]

يا اختي لماذا يتعالا عليك علاه هو قاري ونتي لا ؟؟؟؟؟

وتاني بالاك راه يديرلك هكدا غغير باش يخليك تخافي منوا برك

نتي تاني كي كرهتي هدرة التلفون عودي ساعات ديري روحك مشغوولة يعني كي عاد ديما يلقاك موجودة مخليتيهش يحس بغيابك عليه يعني على الاقل تشوفي يشتقلك ولا لالا

وصلي الاستخارة وشوفي وربي يوفقك

[الوردة المتفتحة]

اختي نقولك حاجة خلي نفسك عزيزة واذا هانت عليك نفسك وقبلتيلها الاهانة تاكدي رح تهون على اي شخص
انا مانيش نقولك ارفضيه احسن شي انك تباي مع روحك وتوازني سيئاتو مع حسناتو وشوفي اذا كان زعاافو لسبب منطقي لازم تراجعي روحك واذا كان صح غلط وغلط وانت تحملتيه لانك تحبيه نقولك يا ختي كلمة طلاق راها صعيبة المتزوج كي يقولها بالمزاح لزوجتو راها تهتتز كرامتها مابالك شخص مازال ماضمنش بلي حتى كي ليه وقاعد يدير هكدا
استعيني بالله وادعي ربي وابكي في دعائك كلمي ربي تاكدي والله الله والله عن تجربة اذا كان هذا الامر مش مليح ليك رح تجي الاسباب وحدها اللي تخليك ترفضيه واذا كان مكتوبك انت تبعدي فيه وهو لاصق فيك
نقولك فكري بعقلك مش بقلبك ماكيش اول وحدة ولا اخر وحدة فسخت بعد الخطبة
ربي يهدي خطيبك ويسرلك امورك للي فيه الخير