هل كرهني زوجي ؟ 2 عاااااجل

[مشكلتي]

أنا صاحبة المشكلة http://http://www.djelfa.info/vb/showthread.php?t=1458335
ليس لي سوى الله ثم أنتم فأنا لا أريد إخبار أي أحد من أهلي بالمشكل مع زوجي
لحد الان زوجي لا يريد الصلح هو يتفاداني و لا يريد مكالمتي .. يأكل خارج البيت .. و ينام في غرفة أخرى تصوروا يغلق على نفسه بالمفتاح لا أستطيع أبدا التحدث إليه ... و عندما أحاول مكالمته يصدمني بإجابات لا تخطر ببالي ... يحاول إهانتي بشتى الطرق .. لقد تحول إلى شخص لا أعرفه إطلاقا قال لي " لا تمثلين لي شيئا بعد اليوم" " راح تبقى هذه هي المعاملة ما عجبكش الحال روحي عليا " و كل مرة يجيبني بشيء من هذا القبيل
ماذا أفعل ؟؟؟؟ هل أستمر في محاولة الإعتذار و في كل مرة يسمعني كلاما مهينا و يفقد الإحترام بيننا ؟؟ أم أتركه و شأنه حتى يهدأ؟؟؟
و الله لا أنام اليل من شدة الخوف أن يكون قد كرهني فعلا .. أحب زوجي كثيرا و لا أريد أن أخسره
ماذا أفعل ؟؟؟ أرجوكم ساعدوني

[انغام المنى]

تمسكي بالاعتذار توددي اليه واحلفي انت تكون اخر مرة وان كان يحبك حقا سيسامحك
ربي يصح بيناتكم

[biologie2001]

شفتي يا اختي محمدتيش ربي على النعمة اللي كنت فيها و الان سيقتلك الندم خبيتي يكون دايما تحت يدك كشفتيه يحبك و يعزك .... انت اهنتيه و طعنتي كرامته و هو كان مستحمل و لما وراك انت القليل و رفض اعتدارك شوفي راكي مترقديش الليل و ندمانة ... عقدتيها بيديك ادن فكيها بسنيك.......

حاولي و حاولي و حاولي الاعتدار و هدا لا يكفي ....... انا على علم ان ردي ممكن يجرحك و لكن هده هي الحقيقة

[سرور12]

لاحول ولا قوة الا بالله اختي العزيزة الرجل ماهوش كيما والديك مهما واش تديري يسامحوك ويقولو مازلت صغيرة لازم تعرفي انو الراجل يحب مرتو تكون رزينة ولا مانع انها تدلل شوية بين حين واخر شوفي وقت الندم راح لازم تديري المحال انك ترضيه ماتكتفيش بالاعتذار لازم تبينيلو انك طويتي صفحة تلك المراءة اللا مبالية وسامحيني على هاذ اللفظ شوفي روحي لعمك قوقل واكتبي اساليب رومانسية للاعتذار من الزوج كاين حوايج مانقدرش نقولك عليهم ونظن فهمتي قصدي مازالكم في اول الطريق وانشاالله يسامحك

[mereyoucef]

حنونة الغلطة ديالك و هو صبر عليك و عرفي لو كرهك تع الصح صدقيني كون طلقك ماراكيش قاعدة في الدار هو فقط راهو يعاقب فيك فقط باش تعرفي الغلطة انتاعك انتي حاولي اتبعدي عليه و متلحيش باش يهدر معاك ديري الواجب اتاعك من اشغال البيت و الاكل و خليه هو راهو يراقب فيك واش اديري صلي قدامو و ابكي في صلاتك صدقيني وحدو رايح يحس بلي راكي ندمانة وحدو يعاود يولي ليك فقط اصبري و ادعي و بلاكي تهدري فقط لاهلك رايحين يدخلو بالسلبية وربي يفرج عليك و اعطينا اخبارك رانا ندعيولك

[loulou02]

ربي يفرج عليك إن شاء الله و ترجع المياه لمجاريها ، عليك بالدعاء و الإستغفار ، صلي ركعتين في جوف الليل و إبكي لربي سبحانو وألحي في الدعاء ، قولي يا رب حنن قلب زوجي عليا وإهديه ، و ما تنسيش الإستغفار مليح و يصنع العجائب ، والصدقة كذلك مليحة ترفع البلاء ، هاذا واش نقولك أختي ديري واش قلتلك و إن شاء الله ربي يفرج عليك و علينا في أقرب وقت ، ماتقطعيش لياس .

[ايمان نور الجزائر]

أهلااا يا اختي
زوجك ياخذ وقته للتفكير ....من اجل معاتبتك وتحسيسك بالذنب اولا
وايضاااا...هو يختبر صبرك وقوة تعاملك مع الموضوع...ويرى ان اعتبرتي منه او لاااا
لا عليكي منه او من كلامه.......
اخدمي في دارك عادي....طيبيلو اغسلي ملابسه...رتبي الغرفة التي فيهاااااااااا
ولا تحاولي الاقتراب منه...اكثر
دعيه على راحتك حتى يلين قليلا ثم حدثيه

[الحلم الجميل]

السلام عليكم
اليوم فقط قرات المشكلة الاولى و الثانية معا
نصيحة مني يا اختي
لا تحاولي فعل اي شئ خلي الامور تمشي لوحدها
يعني ما تكثريش عليه الهدرة و تحاولي ترجعيه خليه وحده يرجع
الحاجة الي ديريها انك تغيري من اسلوبك خليه يشوف التغير في طريقة تعاملك مع الاشياء و معه
و ووحده راح يرجع
لانه راه يربي فيك اسفة على الكلمة
الله يصلح بيناتكم

[naamane3]

عليك بالاستغفار قدر المستطاع
وباذن الله سينصلح حالك

[Fatima fato]

حنونة شوفي هنا كاين وحد النصائح روووووووووووووعة اقريهم و رديلي الخبر
http://forum.uaewomen.net/showthread.php?t=84664

http://fashion.azyya.com/346550.html

[valantyno]

ارى ان الامور تعقدت بعض الشيء لما بدأ الرجل ينام في غرفة لوحده فعلمي ان القضية حمضت و بشما هي ريحة غادي التعقد المهم كنصحك انه ملي اجي للدار حاولي تكوني معاه ظريفة بزاف و وجدي له اكل لي كيعجبو و سيبي دار مزيان و كوني حتى فلبسك تكوني انيقة و جدابة و علمي له عشاء رومنسي اليوم و تسنيه ملي راه اجي للدار فالمرة الأولى ماغديش اتعشى معاك جربي نفس طريقة مرة و تانية و تالتة تم طلبي منو السماحة راه الين قلبو و نشاء اسامحك و تقاد الامور

[samira135]

واضح انو يعاقب فيك لو كان كرهك وكان طلقك في لحظتها خليه يوم او يومين يريح مع روحو ومن بعد عامليه عادي كأن شيئاً لم يحدث

[قمر السلام]

يا اختي ربي يكون معاك في هذه المحنة وعلبالي راكي تمري بايام لا تحسدي عليها اولا اتكلي على ربي وادعي

ثانيا حاولي تغيرري سلوكك وشوفي وش الشي الي راجلك ميحبوش فيك وتغيري على جالوا باش متخسريهش ثالثا واهم شي يمكن زوجك راه مسحور حاولوا ترقوا وربي يجيب الي فيه الخير

[hodahodahoda]

اكيد عملتيها كبيرة معاه قلبو معمر عليك
ليس من السهل ان يسامحك انه مجروح الى اقص الحدود و الله اعلم ما قلت له
لعلك امنتيه ي كرمته
الله اعلم

لقد كنت ملكة عنده و تحولت الى حشرة بتصرفاتك الطائشة (معذرة اختي )

مادام انسان طيب سيسامحك ان لمس منك صدق سيسامحك حتما لكن الله اعلم متى

كوني لحوحة معه
اعملي المستحيل لارضائه
في غفلة منه اخصنيه قبليه على راسه
اطلبي السماح
و اهم شيئ تذكري ماذا كان يقول لك
افعلي كل ما كان يتمناك ان تفعليه
سيرى تغيرا في سلوكك
خالطي اهله بادب و لطف
اطلبي منه الاذن وزوريهم
دعيه يرى تغير في تصرفاتك

في الاخير اتمنى ان تكون قصتك عبرة لنا جميعا

[*أمة الله*]

يا حبيبتي راه يتقلش لكن هدا لا يعني أنك لن تطلبي السماح بلى كل يوم مترقديش حتى تقوليلو سمحلي
و جهزيلو طلباتو وعديه بأنك لن تعودي الى تلك التصرفات يا أختي راجلك طيب حافظي عليه علكي أن تخافي من أن ينظر الى فتاة أخرى يا ختي مهما كان يبغيك و غادي يمل
راكي عارفة روحك غالطة ديريله حاجة ميتوقعكش أنك ديريها
مثلا وجديله عشاء رومنسي بالشموع و ديريله الماكلة لي يموت عليها و صنعي لا تارت فيها اسمك و اسمه
كاين بزاف صوالح فقط فكري بمنطق يا حي راكي في نعمة أختي حافظي عليه

[محمد جديدي التبسي]

المثل يقول اذا عز أخوك فهن وهذا زوجك وهو أكيد يريد تأديبك وإشعارك بالذنب لكي يستفيد لاحقا من امرأة مطيعة نادمة تكون له كما يريد
لذلك عليك إشعاره أنك نادمة غاية الندم وقابلي كل اساءاته بالإحسان اليه والتودد له وان فكرت ان تقابلي اساءته لك بإساءة أخرى فتذكري ما فعلته وما سبب له هذا التغير ربي يهديكم ويصلح حالكم

[كغومة]

السلام عليكم

عليك بطلب السماح من زوجك لكن متضغطيش عليه بزااف وخليه يرتاح لكن عليك ان تبرهني له انك تغيرتي وجدي له كل طلباته لازم متنسايش اي حاجة كان يبغيك ديرها

وان شاء الله سيامحك لكن الاهم ان تستفدي من هذه المشكلة ولا تعاودي ورجلك ميستاهلش الي عملتيه فيه مع انك قلتي انسان طيب كوني معه انتي كذلك طيبة

[مواطنة]

اختي الكريمة كلنا نخطأ المهم ان نصلح اخطاءنا
زوجك راهو يعطيك الدرس باش تحسي بقيمتو و الحمد لله نجح بمتياز
انت عليك انك تتهلاي في روحك قدامو البسي اتعطري وكانو ماصرا والو لان الزوج يحب الغموض يولي مع نفسو مدهوش واش بيها هذي حبست البكا حبست الحزن
كي يفهم بلي الخطة تاعو ما جيبش نتائج اكثر يحبس الخطة و تولو نورمال باذن الله
اختي زوجك فاهمك و يحبك ويعرف نقطة ضعفك و انك حساسة ولذلك عاقبك بالابتعاد
لكن انت كوني لطيفة معاه و كلامو القاسي ديريه بعيد حتى ترجع الامور لمجاريها

[" أبو عبود"]

الله يهديكم يا جماعة لقد افسدتم الزوجة على زوجها. دعوها على ما هي عليه لقد افسدتم الخطة التي رسمها لاصلاح زوجه فهو يعرف ما يفعل وانا ادرك تماما انه لن يظلمها. فاتركوها واعلموا انه يفعل ما يراه مناسبا لاصلاحها ونأمل ان تعرف حق زوجها عليها وان لا تعود لمثل هذ. " واللاتي تخافون نشوزهن فعضوهن واهجروهن في المضاجع واضربوهن فإن أطعنكم فلا تبغوا عليهن سبيلا". ابشري اختي المرة القادة ستكون الهراوة لاني اظنه قد جرب الاثنتين ههههههههههه. الله يكون في عونك وفي عونه عليك

[yamyonita]

انا تفلة كيفك و راني حاسة بيك و افضل انك متتعامليش معاه و تجنبي مقابلة تاعو سقسيه غير على الامةر الواجبة عليك كيما الاكل ...الخ و خليه كي يهدئ يتكلم معاك و ربي يفرج عليك

[* الحلم سكر *]

أهلااا يا اختي
زوجك ياخذ وقته للتفكير ....من اجل معاتبتك وتحسيسك بالذنب اولا
وايضاااا...هو يختبر صبرك وقوة تعاملك مع الموضوع...ويرى ان اعتبرتي منه او لاااا
لا عليكي منه او من كلامه.......
اخدمي في دارك عادي....طيبيلو اغسلي ملابسه...رتبي الغرفة التي فيهاااااااااا
ولا تحاولي الاقتراب منه...اكثر
دعيه على راحتك حتى يلين قليلا ثم حدثيه

أوافق. الاخت إيمان تماما
قومي بواجباتك. و خليله وقت مع روحه
اعتذري لكن بالافعال و حاليا توقفي من الكلام الكثير معاه و لا تلحي
ربي يهدي النفوس و يصلح بينكم و ان شاء الله يا رب يحنن قلب زوجك عليك و يكون درس ليك و لكل من قرأ حكايةك
موفقة

[kamel76]

لا تقلقي هو مجرد عقاب لك . لكنننننننننننننننن عليك أن تستقيمي و أن تصححي أخطاءك . أما ما عليك فعله الآن خاصة بعد أن اعتذرت إليه و لم يصفح عنك ، هو أن تلتزمي الصمت و فقط مع المحافظة على أمور البيت و مع وجه لا عابس و لا بشوش . و لا تنسي الدعاء أن يسامحك زوجك و أن يعينك الله على المحافظة على أسرتك من الشتات .

[عفوك يا رب]

السلآم عليكم و رحمة الله تعالــــى و بركآته

أنتِ قمتِ بالإعتذار و حاولتِ تصحيح خطأكِ وعليك أن لآ تعودي إليـه مرة أخرى !
لأنكِ في الحقيقة تماديتي قليلآ ...

مآ عليكِ القيآم به الآن المداوه على الإستغفار وَ قيام الليل لأن في الثلث الأخير من الليل معجزات إلهيه جميلـه ’’ ....

و ستحلّ مشكلتكِ بإذن الله

موفّقـه^^

[AMINA.Z]

ربي يفرج عليك