العصيدة

[ايمان2009]

نضت الصباح لقيت المطر يتهاطل والحال بارد قلت نفطر بالعصيدة كيما ايام زمان وجبت لحباباتي يفطرو معايا
بصحتكم و عام هجري مبارك للجميع
http://im35.gulfup.com/eEN4v.jpg
مممممممممممم بزيت زيتون بنينة
كل واحدة تقولنا كيفاه يديروها و واش من مناسبة يطيبوها فيها
احنا في قالمة نفطرو بيها في الشتاء و نطيبوها للاطفال الصغار

[أم إناس]

يعطيك الصحه وبصحتكم

[رانيا لوك]

واااااااااااااااو هايلة كيفاه درتيها

[ام محمد78]

يعطيك الصحه

[oum souma]

يعطيك الصحة اختي حنا تاني نديروها بالزبدة وعسل حرة ونطيبوها في المناسبات مثلا في النجاح ولا كي دخلي حاجة جديدة للدار

[عطر الياسمين الاصلي]

ما شاء الله احنا تاني نديروها بصح بدون مناسبة ونديروها باللبن يعني نحطو اللبن والسميد اللبن يكون بارد باه السميد ما يكعبرش ونحط على النار هادئة حتى تطيب ونحط في صحن وهي سخونة نحط عليها الزبدة وبالصحة والعافية بلا ما ننسى نحط شوية ملح مع اللبن والسميد في الاول تجي بنينة انا نحبها بزاف

[صلاتي راحتي]

سلام عليكم واش تقصدي البن حليب حنا نخدموها بالماء و ندير فص ثوم

[oum yahya]

احنا نديروها و ناكلوها بالزبدة بصحتك اختي ايمان و انا مازلت نسنى في قبولك دعوة صداقتي و انك تبعثيلي على الخاص عنوان الاتوليي تاعك و ان شاء الله خير

[رزان.]

يعطيك الصّحه
احنا نديروها بالزبدة

راح نجربها بزيت الزّيتون

[مسلمة بالفطرة]

دير وه بالسميح الرطب ولا لحرش جاوبيني من فضلكم

[yasmina mileuve]

عام سعيد و ربي يفرجها على الامة الاسلامية العام هذا ان شاء الله

[*نسرين]

شكرااااااااااااااااااااااااااااااااااااااا وعام سعيد للجميع

[أم محمد تاج]

روووووووووووعة ونموووت عليها حنا نديروها بالدقيق والماء وكي تعقد نضيفولها الحليب والملح وشي سكر وزيت الزيتون وكي توجد نطيبولها صوص بالطماطم وشوي شحمة وهريسة وفلفل حااااااار ونحطو لعصيدة في صحن ونحطو في الوسط الصوص الحارة ممممممممم للشتاء والله ماتبردووو راهي عن تجربة

[ايمان2009]

شكرا لكن حبيباتي على الردود الرائعة هي تختلف من منطقة الى اخرى على حسب العادات و كاين اللي مايعرفوهاش احنا نديروها بالماء بارد و السميد العادي يعني اللي كاين في الدار مش لازم ارطب ولا احرش و شوي ملح و نحركه على نار هادئة كي تبدا تعقد نزيدولها زيت الزيتون حتان تنشف و نحطوها في الصحن كاين اللي يحبها بالزيت والسكر كيما انا و كاين اللي يحبها بالزيدة والسكر كيما اخواتاتي ههه