اريد نصيحة من فضلكم

[maramdou]

هل اوافق على شرط زوجي بالتوقف عن العمل من اجل ارجاعي الى بيت الزوجية مع العلم اني نفذت رغبته سابقا لكنه عاود التخلي عني وعن ابنتي مدة العامين من غير نفقة بسبب اني رفضت الرجوع الى بيت والديه:sdf:

[maramdou]

محتارة فهل من ناصح لي

[sali-sali]

السلام عليكم
اختي ادا زوجك يصرف عليك و على ابنته ... عادي توقفي عن العمل
لكن ان كان مقصر .. فالقرار يرجع لك

[maramdou]

المشكل اني صرت اخاف من ان اجد نفسي في الشارع كلما خالفت له امرا

اما المصاريف فانا ارضى بالقليل المهم الهنا

[Some1]

تخافي كون نهار يزيد يعاود يخليك ،اشكون راح يصرف عليك ؟
هذا راجع الى سبب الاختلاف الأول

[hodahodahoda]

رايي لا تقبلي بشرط زوجك
مادام تخلى عنك من قبل و قد قبلت بكل شروطه
هذا شخص لا يؤتمن
على الاقل لا قدر الله و ان حدث امر لديك عملك تعيشين منه و تصرفين على ابنائك دون ان تمد يدك لاحد
و انت ادرى بزوجك و باخلاقه و بوفائه بعهوده

[حرة في بلادي]

راجلك وتعرفيه...اذا مشكل راح يخليه يرميك ويتخلى عليك
جامي لا تفرطي في خدمتك ....
صلي استخارة مرارا وشوفي الحاجة لي تريحك...انصحك بعدم التخلي عن عملك

[achwak crazy girl]

ختي اذا شفتي روحك اكي عايشة ومتهنية ونورمال وراح ينفق عليك توقف عن العمل علاه واش ديري بيه واذا راه مقصر في حقكم انا نقلك عندك الحق باش تخدمي 100/100

[naamane3]

علا حساب ما فهمت زوجك هذا انسان بخيل
لذا شرطك هو العمل حتي لا تضيعي وابنتك
وان استطعت ان تكري بيت فاحسن واحسن
وايجاره يكون مناصفة بينك وبينه

[maramdou]

رايي لا تقبلي بشرط زوجك
مادام تخلى عنك من قبل و قد قبلت بكل شروطه
هذا شخص لا يؤتمن
على الاقل لا قدر الله و ان حدث امر لديك عملك تعيشين منه و تصرفين على ابنائك دون ان تمد يدك لاحد
و انت ادرى بزوجك و باخلاقه و بوفائه بعهوده
صحيح هو سبق وتخلى عنا و هذا ما يجعلني لا امن جانبه
و كم هو صعب العيش مع عدم الثقة

[كمال 16]

:dj_17: ديري عطلة مرظية عام ، بلا ما تقوليلو إلا الأمور جازت كيما أتفقتوا فحبسي الخدمة و إلا كان هناك غدر و مكيدة ما خسرتي والو تعاودي ترجعي و الله أعلم

[ريم الوداع]

كمالللللللل اتتفق معك

ربييي يصلح حاااالك

[maramdou]

:dj_17: ديري عطلة مرظية عام ، بلا ما تقوليلو إلا الأمور جازت كيما أتفقتوا فحبسي الخدمة و إلا كان هناك غدر و مكيدة ما خسرتي والو تعاودي ترجعي و الله أعلم
شكراعلى النصيحة في الحقيقة اني سبق و جربتها وخسرت عملي الاول والان انا احاول جمع شتاتي والتاقلم مع الوظيفة الجديدة و التي اخاف تركها و الوقوع في نفس المصيدة و هي الثقة بظروف لا تدوم

[AMINA.Z]

لا تخاطري

اساس الحياة الزوجية هو الثقة و الاحترام

و المراة تتزوج باه تحس بالامان ماش تعيش في خوف دائم

[maramdou]

لا تخاطري

اساس الحياة الزوجية هو الثقة و الاحترام

و المراة تتزوج باه تحس بالامان ماش تعيش في خوف دائم
يعطيك الصحة انا اصلبحت افتقد الثقة والامان والحقيقة لهذا السبب انا متشبثة بوظيفتي لانها السبيل الوحيد للامان خاصة بعد تجاربي السابقة معه ادعولي بالفرج فانا فعلا في حالة صعبة

[بنت غليزان]

شوفي اختي انت العبي هاك و هاك ديري la mise عام كامل و قوليلو بلي حبست الخدمة و جربي و شوفي اذا تغير و تهنيتي معاه صح في وجه اولادكم
و اذا رجع لعوايدو تلقاي خدمتك واجدة

[mounaminou]

يا احتي شوفي السبب اللي خلاه يشرط عليك باه تخلي الخدمة و السبب اللي خلاك تفضلي الطلاق على العيش معاه........نضن انو ماكانش مرا تخللي زوج صالح و تحكم ف الخدمة غير لاكان كانت مشاكل بخلاف اكثر من العمل خارج المنزل و خاصة لاكانو كاين ولاد .....

...انتي علابالك بروحك لاكان كنتي مقصرة معاه بسبب الخدمة الاولى ...بالاك حس بالغبياب تاعك و بالاك هو من منضورو بللي المشاحنات السابقة كانت بسبب العمل ...بالاك نتي كي خدمتي كنتي تتقلقي و ماتساعفيهش .....ربما ماقدرش يستحمل التقصير تاعك .....لاكان هدو هما الاسباب تاع المشاكل حبسي يا اختي و ربي ولادك و تفرغي ليه خير

en plus انتي ادرا ب الاخلاق تاع راجلك....لاكان رجل صالح و يخاف ربي فيك و قادر ينفق مي المشكل برك هو انو رافض الخدمة ...حبسي لانو الراجل لمليح والله يساهل تتفرغلو مرتو و تتهللا فيه كيمما لازم ...زيد حرام تتدمر العائلة علاجال 2 ملاين زايدين

مي لاكان من النوع اللي يخون و يغدر و عندو علاقات بزاف و المشاكل تاعو مايخلصوش و مايتحلوش b1sur c'é pas la peine ترجعي لانك ماش رايحة تتهنناي

[ninacicino]

حبيت نعرف برك اذا كاين راجل ف هاذ البلاد صريح و ماشي منافق و ماشي كذاب يا سبحان الله كاين رجال غيرو معنى الرجولة تماما
علاش مايهدروش الحقيقة قبل الزواج
يخلو للمراة تحمل تولد امبعد يوليو يتحكمو كيما يحبو
و يزيدو كل دقيقة يمرمدوها ف الشروعات. و المحاكم
عيب كبير
اولا شرط اخرو نور
حتي تاكلي على. ربي و ابداي حياتك راجلك عشاق ملال تخافي تزيدي. تولي و يرميك بطفل اخر خممي مليح اللي دارها خطرة يزيدها