بقلاون بلاطو كبير (طلب مساعدة )

[تاج النور@]

سلام عليكم ورحمته وبركاته
كيف حالكم إن شاء الله تكونو بخير
نحب نسقسيكم خواتاتي عن مقادير بقلاوة لبلاطو كبير
وأي نوع أحسن الدائري أم المستطيل حتى ميكونش فيه ليشيت بزاف وكم من حبة تقطع كل بلاطو

بجاه ربي ننتظر مساعدتكم للضوروة

الله افرحكم ويسهل عليكم كل أمر صعيب

[*أم كوثر*]

وعليكم السلام ورحمة الله
البقلاوة من المستحسن فس بلاطو مستطيل
البلاطو الكبير يقطعلك 200 حبة
يستهلك 4 كيلو لوز او كوكاو او وش تحبي

2 كيلو فرينة
رطل زبدة و العسل بيدون كبير وعينك ميزان

[ندى معمر]

صباح الخير حنونة اختي لوكان حطيتي فوتو تع ليبلا نشوفوهم باش نقدرو نقولولك الكيل بانسبة ادا كان الدائرة لي نطيبوه عند المخبزة تقدري تكيلي بالبول تع الشربة اما التقطيع الدور يتقطع على شكل نجمة باش ميخرجولكش ليشوت هو الافضل يكون كاري خاصة ادا كان التقطاع تاع كاري ميخرجولكش كامل ليشوت اما الوصفة انا نستعمل 5كيلات بكيلة سمن مخلطة مع مرغرين التوريق قرصة ملح ونلم بالماء وماء الزهر وان شاء الله نكون فدتك

[rimora]

البلاطو الكبير المستطيل احسن من المدور باه مايروحوش لحواشي

ديري فيه 5كيلو مخلط بين جوز ولوز يجيك هايل

انا كي نقطعها تعطيني 208 حبة

فرينة 2كيلو

ديري 4 كيلات فرينة وكيلة زبدة

والحشو تاني كيفكيف اربعة بواحد

والعسل ديري اربعة كيلو ونصف وشوفي ادا ناقصة زيدي شوي المهم ماتفوتي خمسة كيلو وخليه شوية برككككككككككككك بماء الزهر

نقولو كيلو بكيلو يعني بلاطو يهز زوج كيلو لوز نديرو زوج كيلو عسل

نتمنى اني افدتك

موفقة اختي

[ghzala]

السلام عليكم اختي الفاضلة انا ننصحك ديري 4 كيلات فرينة و كيلة نشاء و بيضة و تيجي ياسر انتي و الكيلة

[fati blidya]

السلام عليكم اختي عن تجربة ديري العجينة7كيلات بكيلةلدام تخرج رااااااااائعةوبشهادة الجميع وفي وسط كل طبقة ندير السمن كيما موالفين