لتخدم قاطو لناس تدخل ربي يفتح عليها ابواب رزق

[هجيرة1]

لبنات حابة مساعدة منكم :sdf::sdf:
انا راني بديت نخدم لناس قاطو للمناسبات و افراح (ليكموند) حتى اساعد فى مصريف بيت و اولاد راكم تعرفو لمعيشه غلات
بصح معرفتش كفاش نحسب حق تعبي مع علم اني نطلب منهم انهم هما ليشرو سلعة قاطو يعنى ندي حق تعب يدي
يعني بقده نحسب حبة قاطو لاني مش حابة نكل حق حتى واحد
لاني بكل صراحة جميع انواع حلويات نحسبها ب12دج
وبقلاوة سنيوة فيها 60حبة نحسب تعبي 70الف
و مقروط نقاش12 دج
ياريت لعندها فكرة تساعدني و ربي يفتح عليها ابواب رزق:rolleyes::rolleyes::):):)

[om mita]

انا قاتلي وحدة كي يشريولك السلعة تحسبي حق يديك ب 20 و 25 حتى 30 علا حساب الخدمة كاين الي واعرة والي ساهلة اما البقلاوة 15 للحبة وهي تكون شراتلك السلعة

[كاميلا]

اختي 10 دج مكيش مدية حقك خلاصصصصصصصصصصصصص على الاقل 25دج الى 30 دج وكل شيء من عندها واخطيك من ديري من عندك خليهم هوما اللي يقضيو والي يفضال رديه البقلاوة ليس لدي فكرة بصح انا درت سني صغير تاع 60 سم قطره ب 3000دج وكل شيء من عند الي خدمتلي شوفي ديري حسابك واحسبيه
بصح فيما يخص الحلويات ديري 30دج معقولة لانه كاين من النسا يديروا ثمن على حسب كل نوع لانه كاين انواع متعبة بزاف ربي يوفقك

[karimabatna]

انشاء الله يفيدوك أصحاب التجربة انا نعرف بلي يحسبوا بالكيلو تحسبي لحوايج قداه يسقامولك يعني كلش من عندك و تزيدي 500 او 600 او 700 حسب نوع القاطو ساهل ولا واعر

[picha grh]

شوفي اختي انا انصحك ديري من عندك وبيعيه علاه؟ على خاطر قادر اولادك مثلا يحبو يهزو حبة منه او يتحرقلك لسمح الله كبفاه ديري وزيد كي تشري نتي تعرفي السلعة المليحة وشيه اللي يساعدك كيما حنا في باتنة كاين اللي تحسب بالحبة نتاع اللوز بين 5000 و6000 يعني على حساب وش يحكملك ايدك ونتاع الجوز الحبة بين 7000 او 8000 ونتاع الكاوكاو بين 3000 او 4000 وكاين الي يبيع بالكيلو والصابلي الحبة ب1000 انشاء الله نكون افدتك

[picha grh]

اما بالنسبة للبقلاوة سينية اللي تهز الحشو 3 كيلو يعني فيها تقريبا 134 حبة ب 800 الف كي يكون كلش من عندك اما اذا كان السلعة من عندهم ب 450 الف

[تغرينية]

يعطيك الصحة منكم نستفيد

[أم المعتصم بالله]

من الاحسن نت تشري السلعة باه تعرفي الجودة وثانيا ذيري حساب تخسري حبة ولا 2 تعود مسي مصروف الناس كتعودي نت صارفة هاهو لحساب لالحبة انا اختي تخدم كاتحب ليصرفلها ماتخرجهايس

[تاج النور@]

سوئال مليح نتمنا من الاخوات افيدونا

[ست الحبايب]

عندي جارتي تخدم القاطو
السلعة من عندها هي كل شيء من عندها تبيع انواع من الصابلي مزينة بالوروود والباتاموند والطلية وووووالحقيقة الذوق والشكل روعة ولكن صابلي فقط تبيع الحبة ب4000
اما سنية الباقلاوة راهي تعمل من 300الف فمافوق وغير كاوكاو للسني الي يرفد 100حبة ماكانش اقل
سلفتي خدمت سني فيه 120 حبة حسبتهولها ب300 الف

[أمل و حنين]

نفسس سؤال يارييت و نتمنا من الاخوات افيدونا

[sihemalek]

انا ايضا نخدم القاطو لكن نشري السلعة انا من المحل لان صاحب المحل يسلعدني و يحسبلي بسعر الجملة اما الاسعار فكل مودال والسعر فمثلا صابلي مزين بالجوز او النيتولا او ميرانغ ب4000 وحوايج الشيكولا ب4500 و حوايج اللوزب7000 والبقلاوة ب5000 والمقروط الكيلو 70000والكروكي ب60000،وحبيت نقلك القاطو جد متعب وتعبك لا يقدر بثمن حتى وتطلبي ما تطلبي ربي يعطينا الصحة و يرزقنا من حيث لا نحتسب قولو امين

[medmedi]

انا تاني نخدم القاطو وكل نوع و سومته مثلا صابلي تا ع المعجون 2500 الحبه وصابلي بالشكولا 3000 ولي كون محشي 3500 والمعسل 4000 والمطلي وبالديكور 4000 تاني وكيما قاتلك الاخت والله غير يتعب والله يكون في عون جميع الاخوات

[ابداع جزائرية]

ربي يوفقك ويرزقك من حيث لا تحتسبي
كما قالولك الاخوات

[aboayoub]

سلام اختي طلبتي اني نشاركك في الصفحة وراني جيت
القاطو كل واحدة وكيفاه تخدموا على حساب اللوز مرا يغلى ومرى يرخص
وننصحك تشري انتي الدوزان انتي تعرفي النوعية وزيد كيما الالوان يقعدولك تستعمليهم من بعد راكي تربحي مصروف للقاطوات اخرين والبنات ثاني
وننصحك الي يكمانديك يسبق العربون نصف المبلغ لخاطر كاين الي يكمانديك وما يديش يدور في حالوا ويكماندي جيها اخرى راهي تقعد في راسك
وديري واحد اشري عليه دايما يولي ينقصلك
والقاطو من عندك كلش احسبي تع الطلية المنقوش ب 60 للحبة والبقلاوة سنيوة تع ميترا فيها 180 حبة حتى 190 حبة للحبة بالكاوكاو 2.5 وباللوز0 4للحبة
السنيوة تع ميترا ترفد 3 كيلو لوز و3كيلو فرينة وكيلو نشا و 6 باكيات زبدة تع 250غ و4كيلو سكر( 3للعسل 1 للعقدة)وباطا كيلو عسيلا نونورس 2قرع ماء الزهر
بين الفرينة والنشاء 3500+4200للزبدة 000 35او40000 تع السكر +15000 عسيلا +70للماء الزهر +الكاوكاو بلا قشور 30حتى 3500 للكيلو يعني 100 الف حتى 120 الف المجموع 240الف او 250 الف رانا حسبناها بالزيادة احسبي 180 حبة *2.5=450 الف نحي 250 تع الدوزان تقعد 200 الف حق يدك

[souma.sousou]

سلام اختي طلبتي اني نشاركك في الصفحة وراني جيت
القاطو كل واحدة وكيفاه تخدموا على حساب اللوز مرا يغلى ومرى يرخص
وننصحك تشري انتي الدوزان انتي تعرفي النوعية وزيد كيما الالوان يقعدولك تستعمليهم من بعد راكي تربحي مصروف للقاطوات اخرين والبنات ثاني
وننصحك الي يكمانديك يسبق العربون نصف المبلغ لخاطر كاين الي يكمانديك وما يديش يدور في حالوا ويكماندي جيها اخرى راهي تقعد في راسك
وديري واحد اشري عليه دايما يولي ينقصلك
والقاطو من عندك كلش احسبي تع الطلية المنقوش ب 60 للحبة والبقلاوة سنيوة تع ميترا فيها 180 حبة حتى 190 حبة للحبة بالكاوكاو 2.5 وباللوز0 4للحبة
السنيوة تع ميترا ترفد 3 كيلو لوز و3كيلو فرينة وكيلو نشا و 6 باكيات زبدة تع 250غ و4كيلو سكر( 3للعسل 1 للعقدة)وباطا كيلو عسيلا نونورس 2قرع ماء الزهر
بين الفرينة والنشاء 3500+4200للزبدة 000 35او40000 تع السكر +15000 عسيلا +70للماء الزهر +الكاوكاو بلا قشور 30حتى 3500 للكيلو يعني 100 الف حتى 120 الف المجموع 240الف او 250 الف رانا حسبناها بالزيادة احسبي 180 حبة *2.5=450 الف نحي 250 تع الدوزان تقعد 200 الف حق يدك

راني حكمتك وين تروحي وراك............الله يجازيك خير على المعلومات القيمة والمفصلة

[aboayoub]

راني حكمتك وين تروحي وراك............الله يجازيك خير على المعلومات القيمة والمفصلة
ههههههههههههi:D حتى انا وين نشم ريحتك نكون ثم .......................الله يسلمك ......انا درك نروح نقضي شغلي خليوني اوموا ندير الفطور

[رزيقة16]

انا في جوان ليفات درة فيونساي كرحة عند لي طيب كل انواع القاتو تحسبهم 65 دج الا الكفتة 75 دج او كاين لي مودال تع الجوزية تحسبو 100 دج

[ام الاء وسدن]

لبنات حابة مساعدة منكم :sdf::sdf:
انا راني بديت نخدم لناس قاطو للمناسبات و افراح (ليكموند) حتى اساعد فى مصريف بيت و اولاد راكم تعرفو لمعيشه غلات
بصح معرفتش كفاش نحسب حق تعبي مع علم اني نطلب منهم انهم هما ليشرو سلعة قاطو يعنى ندي حق تعب يدي
يعني بقده نحسب حبة قاطو لاني مش حابة نكل حق حتى واحد
لاني بكل صراحة جميع انواع حلويات نحسبها ب 10دج
وبقلاوة سنيوة فيها 60حبة نحسب تعبي 60الف
و مقروط نقاش12 دج
ياريت لعندها فكرة تساعدني و ربي يفتح عليها ابواب رزق:rolleyes::rolleyes::):):)

ربي يقدرك على مصاعب الحياة
ادا خدمتي ب 10د هادي للاقارب فقط
قاطو الكاوكاو 20 من عندك
قاطو اللوز 30 من عندك
40 لقاطو الجوز من عنك
وهكذا
وقاطو الزبدة ب10 مثلا النقاش
النيوة تاع البقلاوة تاع 1م كلش من عندك ماش اقل من 100000
ومن عند الزبونة كلش احسبيه على حساب الصعوبة من 15 واطلع
والمقروط واللبراج بالكيلو ب 400او 450
الكروكي ومشتقاتو كيف كيف
الصابلي بانواعو وعلى حساب المكونات 450
قاطو مشوك نوات كوكو ب600 او 650 للكغ
ونت شوفي على حساب المنطقة اللي راكي فيها
نشا الله راني فهمتك

[محبة الدعاء]

بارك الله في الجميع

[ام فاروق]

اختي ننصحك لاني مثلك اخدمت القاطو بدراهم انك تبيعي بالحبة و الحبة دير ب25دج الى 30دج هذا اذابعتي للمحلات اما للناس عامة فتبيعي بيع المحلات واش يدير القاطو للحبة في بلادكم و دائما تشوفي على حساب سومتها في المحلات و النصيحة الاخيرة هي للتي تحل حانوت لانها رايحة تربح اكثر و طلبات دائما مباعة والفائدة كاينة و بتوفيق

[همسة مشاعر]

انا نخدم القاطو بصح قالولي اخدمي وبيعي ولا اخدمي للاعراس محبيتش صراحة متعب وارضاء الناس غاية لا تدرك
اختي البثاوة راكي تخدميها كلش من عندك 400 راهي تعب

[nadou93]

سلام
يا اختي خدمة القاتو تعب بزاف و فيها شقا , انا الحلوى لي فيها خدمة و تعب نحسبها 20 دج للحبة كما المخبز , و لي شوي ساهلة
نحسبها 15دج للحبة ( و تكون السلعة من عندها اكيد ) و انا نحسب حق السلعة و نزيد حق ايدي و نشوف شحال المجموع و نقلها تجيبلي الدراهم , و اذا كنتي رايحة تديريلها الحلوى في لي بوات تحسبي بوات وحدة ب 5 دج
كااااااامل تاحلوى فيها تعب , ربي يكون في العون و ربي يرزقنا كامل .....

[زوجة الغول]

شوفي يا ختي
أنا حلويات عرسي تفاهمت مع واحدة حتى هي تخدم للناس
قاتلي نتي أشري السلعة وبقداه جاتك السلعة هاذاك هو حقي
بصح دارتلي كيلو من نوع واحد برك من عندها
الكيلو فيه 30 حبة ودار 150 ألف

[أم عبد الله السلفية]

السلام عليكم

أختي الفاضلة أنا نتفاهم مع لمرا على أنواع القاطو و العدد نجيب ورقة و نكتب كل الي نسحقو و نحسب السومة نتاع السلعة وحدي علاخاطر نعرف لسوام نحسب كلش حتى الحوايج الي عندي في الدار و من باعد ندير سعر لخدمة يدي على حسب المودال فيه التعب و لا لا

و عندك الحق تخممي على جيوب الناس ربي يباركلك و يباركلنا و أيضا لازم الإخلاص نخدملها كأني نخدم لنفسي.

[هجيرة1]

اشكركم جميعا كل وحده باسمها على تعاونكم جزاكم الله خير وبارك الله فيكم وجعله الله في ميزان حسناتكم

[oum sohaib maria]

ابعثيلي وصفات حلوه لي تخدميها حبيت نعاون راجلي وولادي اك رزق على ربي انت بعيده علي مانيش رايحه نديلك رزقك :rolleyes:

[فاتي تيارت]

ربي يعاونكم

[هجيرة1]

ابعثيلي وصفات حلوه لي تخدميها حبيت نعاون راجلي وولادي اك رزق على ربي انت :)بعيده علي مانيش رايحه نديلك رزقك :rolleyes:

:):)
والله يااختي الارزاق بيد الله قوليلي واش نوع تحبي راح نعطيك وصفة:):)