طردتني عجوزتي

[مشكلتي]

السلام عليكم انا لست صاحبة الموضوع انما اردت كتابة الموضوع لجارة لنا
انا امراة متزوجة منذ 10 سنوات زوجي لا يملك مسكن قبلت بيه وقبل السكن مع عائلته ووالديه ظنا مني انني سأكون رعاية وحفظ عائلة اعتبرها عائلتي لكن بعد سنوات الجمر ادركت انني كنت غالطة اتمنى العيش في بيت فوضوي قربي ومنعيشش معاهم زوجات سلافي عايشين في زوج طيجان واتا في الطاج الاخير ماهوش مفيني لكن الحمد لله وفي الطابق السفلي دار عجوزتي
المشكلة عجوزتي بعد تحملي الطويل للسانها والله كلامها كالسم من نهار جيت مش عاجبتها زوجي يحبني وهي لا نطيحلها في الما متشربوش المشكلة انا لا اعمل ونسا سلافي يعملوا يعني انا ديما معاها
تدخل لطاجي دير واش تحب انا ساكتة لسبب انه بالرغم انني ساكنة نتم لكن يبقى المنزل دارها كيما تقول هيا وهي عندها الحق دارها ودار شيخي وانا سومتي سومة الرخيسة في هاديك الدار احس نفسي ارخس ثمنا من كلب الحديقة بل كرهت الزواج وندمت حاجة وحدة مصبرتني زوجي واولادي رغم انني نقول خلاص منزيدش نوليلوا كرهت منهم جميعا
المشكلة وباختصار نعم عجوزتي طردتني لانني مؤخرا اعاني من فراغ بطلب من زوجي سجلت في مدرسة قرآنية نتعلم في الاحكام ومشاركة في جمعية خيرية على الاكثر نخرج مرتين او ثلاث في الاسبوع وولدي الصغير معايا
جن جنونها لما سمعت وهي اصلا تعاملني ديما على انني طفيلية في دارها وكل نقاش يصرا تقولي ولزوجي اخرجو من داري مرتك مش قابلة بيها مرتك مخيرتهاش انا الخ
في يوم جيت فيه من المدرسة بعد ما هددتني اني نحبس القراية لاقاتني في الباب من كلمة لكلمة رفعت يدها عليا وضربتني وجات بنتها ودفعتني للخارج في الزنقة بين الديار بل وصل الحد انهم نحاولي الخيمار وكل الناس شافت بعينها فضحوني مقدرتش نهز راسي بين الناس بهدلوني حقروني هربت من الدار اى دار خالي ولا اريد العودة وزوجي ميقدرش يدبر سكن في العاجل دمرولي عايلتي شتتوني
بالله علييكم انا منهارة اريد الموت وكرهت الدنيا بما فيها

[*ام عبد الكريم*]

لا حول ولا قوة الا بالله حسبنا الله و نعم الوكيل يا اختي قلبي معك و لا احسدك على الموقف ...لازم تقوي نفسك و لا تنهاري و اتكلي على الله و حاليا يمكن لزوجك الكراء و لو f2 المهم لا تياسو ..و صدقيني لست الوحيدة الي صرى معها هكذا و هي من الامور الخاطئة في مجتمعنا الرجل و لو متزوج يبقى في سكن الولدين و لا يتحرك للبحث عن حلول ..و السكن مع الولدين يجلب مشاكل كثيرة و عويصة ربي يسهلك امورك اختي عليك بالدعاء رحمة الله واسعة و لكن ما قلتيناش رائ زوجك فيما فعلته امه؟ انه ظلم و دعوة المظلوم مجابة

[○•ميسون•○]

لو كان ضربتيها كان احسن حتى انتي مراة

ربي يفرج همك هاذا ما راح نقولك

[نجوى لحلوة]

ربي يفك احوالك ولي يحكم في ربي ما يخيبش

[السي ياسين]

ادعي ربي يفرج على زوجك و يكري أو يشري سكن

[فحلية]

لا حول ولا قوة إلا بالله العلي العظيم
اللهم فرج كرتها واجمع بينها وبين زوجها كما جمعت بين يوسف ويعقوب

[سمو امير الكلمات]

يا أختاه نقولك حاجة البنت نهار لي تخرج من دار بوها شوفي واش تقولها يماها
يابنتي زواج زوجتك بصح الهناء مانظمنش البنتي

اختاه البنت لي تتزوج بدل ماتجهز روحها وتخسر ذوك الفلوس كامل على جال حوايج قادرة تلبسهم وقادرة لا لا
تجهز روحها بالصبر ثم الصبر ثم الصبر واذا ماقدرتيش تصبري على أذى نتاعهم معنتها استسلمتيلهم وهذا أكبر خطأ انت وكلي ربي عليهم وبالعكس اذا هوما يسعاو باه يخربولك دارك انت ابنيها
على حساب كلامك افهمت ان زوجك راه واقف معاك هذا هو الصح انت ماتظلميهومش لأنه ربي حرم الظلم على نفسه وربي يديلك حقك منهم
امسكي في راجلك وكبري في عينو لأنك قدرتي تصبر معاه على أذى أمو على حساب كلامك هو ثاني سحتوه
اختي مكانش دار مافيهاش مشاكل واذا نحلو المشاكل بالإنفصال مراهش حل أبغض الحلال عند الله طلاق
وكنصيحة مني واش تقولك دري ماتخليهاش تحكم عليك حاجة هكدا تموت بالغزال
فكري مليون مرة وعدي للعشرة قبل ماتأخذي قرار تندمين بعده
ربي يحفظ عائلتك ويقوي المحبة بيناتكم ويهدي امو لي طريق صواب وربي يفرج عليكم بسكن تتهاني من العجوزة ولوسة :1:
امين يارب العالمين

[حرة في بلادي]

ألله يهديها ما لقيت ما نقول
كل واحدة وزهرها في الدنيا الله غالب طحتي طيحة شينة كيما يقولو مكتوبك تفوتيه
حتى واذا بغيتي بنت حلااااااال
الصبر والصبر والصبر وكثرة الدعاء وربي يفرج عليك ان شاء الله

[*نسيبة*]

اصبري يااختي واحتسبي الاجر عند الله

ربي يفرجعليك ويلقى زوجك بيت يضمكم قريبا باذن الله

[الحلم الجميل]

لا حوله و لا قوة الا بالله
حسبي الله و نعم الوكيل فيهم
لا املك لكي اختي الا الدعاء عسى الله يفرج همك عااااااااااااجلا غير اجلا
قولي حسبي الله و نعم الوكيل لا تفارق لسانك
يوما ما ستفرحين باذن الله .......الصبر الصبر الصبر

[ايمان ألماس]

اختاه احزنني ما سمعته عنك اليوم وربي يكون معاك انا اترجاك الا تتركي اولادك ولا زوجك ولا تفكري بالطلاق ارجوك انا اعرف معنى تشتت العايلة والله اثاره يبقى طوييييييييييييييييييييييييييلا .ادعي ربي يفرج عليك واحتسبي وكل نفس ذائقة الموت واصبري مع راجلك بزاف ...وصدقيني راح يفتخر بيك طول عمرو واليك هذا الدعاء قوليه كي تبدا تعس فيك /ياحي ياقيوم برحمتك استغيث اصلح لي شاني كله ولا تكلني الى نفسي طرفة عين/ واقراي بسم الله الرحمان الرحيم /وجعلنا من بين ايديهم سدا ومن خلفهم سدا فاغشيناهم فهم لا يبصرون/ صدق الله العظيم وكرريه كثيرا ورجعيلي الخبر الحلو

[بنت غليزان]

ربي يهديها و يصبرك و يكون معاك
لاحول و لاقوة الا بالله العلي العظيم

[ٱولادي ٱحبابي]

اصبري اختي انا ثاني كيفك حاوزتني عجزوتي منذ 7 سنوات و انا حامل و قاتلي نطلقك و ربي يطيحلك البيبي و ماتفرحيش بيه و كلمات بزاف يجرحو و خرجتني من دارها وبعد 3 اشهر رجعت ووضعت حملي ذكر ماشاء الله و صبرت و اليوم بعد 9 سنوات زواج فرج ربي و قريب نرحل داري بصح انا صبرت ووكلت ربي وجاء القرج ولو بعد سنوات والحمد لله لهذا نقولك اختي ارجعي دارك و ماتيتميش ولادك و ربي يصلح نشالله

[نوارة البلاد]

يا اختي حالتي و حالتك كيف كيف تقريبا انا متزوجة عندي عام وشهر برك و راهي عجوزتي مشربتلي الخل ما فهمتش وعلاش المهم انها في الاخير طردتني انا و زوجي من البيت و بسبب تتتتتتاااافه جدا و هذا كله كي ما خلتلهاش سبة عليا يعني ما حكمت عليا والو انا وكلت وعليها ربي انا محرمة عليا كلش و هي محلاة لمرة سلفي الي صرا فيا ما يعلم بيه غير ربي او ضرك راهي تقول بلى بني مسكين ومرتو الي حرشاتو و مازلت موكلة عليها ربي و صابرة خصوصا اني قريب نزيد و يجيني طفل وكلي ربي و اصبري

[sorour%]

لا حول ولا قوة الا بالله ,اصبري اختي الكريمة و ما تخليش لعجوزتك الفرصة انها تهدملك دارك باه تجيب وحدة اخرى لولدها من اختيارها هي و ما تستسلميش فالحياة ملئ بالصعاب لازم تحاربي على خاطر ولادك و زوجك و البيوت مليانة بمشاكل مثل مشكلتك و اكثر و جاء النهار الي فرج ربي عليهم , ادعي ربي يفرج همك و وكلي عليها ربي , نقول لكل ظالم متجبر :
لا تظلمن اذا ما كنت مقتدرا فالظلم آخره يأتيك بالندم نامت عيناك و المظلوم منتبه يدعو عليك و عين الله لا تنم

[khadidja master]

ربي يحفظ عائلتك ويقوي المحبة بيناتكم ويهدي امو لي طريق صواب وربي يفرج عليكم بسكن تتهاني من العجوزة ولوسة :1:
امين يارب العالمين

[ام رجاء 09]

انا متلك تماما جوزت حياة كئيبة تعيسة مرة لايوجد لها وصف حتى ضاقت عليا الايام ونقص ايماني وفكرت اما الهروب واما الانتحار حتى زادت عني مشكلة الاولاد مدة عامين لكن ليس هادا هو السبب الحق لم تظرني بكلمة من هذه الناحية لكن هي عقليتها تتغذى من القباحة وتشرب من الكلام السيء والسب كل واحد كيفاه مربي جوزت معاها 6سنين مع ذللك معاقة نصفيا وربي رزقني اولاد وبعد ذللك توام وتتفاااااااااااااااااااااااقم المشاكل لان ابنها ايحب الاولاد وانا رزقت بالتوام اصبحت بين مشكلة و مشكلة هناك مشكلة لكن قررت نكون خير منها ليها ربي ومازال الحق يوم القيامة يبان كل شيء قمت الليل مرارا وتكرارا باه نخرج وكان هادا هو الحل لان زوجي كان ماعندوش اب وهوابن اكبر كل شيء عليه معناه محال نخرج وربي دور الساعة وخرجت والان ولات تقولهم ماكاش كما هي ظلمتا بصح عمرها ماظلمتني حكيتهالك باه ديري كوراج عمرك ادا تسمحي فيه ادا كان هو مايظلمش ومعاك وخاصة اولادك ردي بالك ان شاء الله تعاودي تردينا خبر شباب الله يفتح عليك

[سَـآجدة]

السلام عليكم ورحمة الله و بركاته

حكمتين يا أختاه

---كلما هممت ببوح حزني أخجلني قوله تعالى "" وبشر الصابرين""

فلتعلمي أختاه أن

الصبر نبات مر ذو فاكهة حلوة

وما عسانا نقول إلا
الله المستعان

[ام رجاء 09]

انا متلك تماما جوزت حياة كئيبة تعيسة مرة لايوجد لها وصف حتى ضاقت عليا الايام ونقص ايماني وفكرت اما الهروب واما الانتحار حتى زادت عني مشكلة الاولاد مدة عامين لكن ليس هادا هو السبب الحق لم تظرني بكلمة من هذه الناحية لكن هي عقليتها تتغذى من القباحة وتشرب من الكلام السيء والسب كل واحد كيفاه مربي جوزت معاها 6سنين مع ذللك معاقة نصفيا وربي رزقني اولاد وبعد ذللك توام وتتفاااااااااااااااااااااااقم المشاكل لان ابنها ايحب الاولاد وانا رزقت بالتوام اصبحت بين مشكلة و مشكلة هناك مشكلة لكن قررت نكون خير منها ليها ربي ومازال الحق يوم القيامة يبان كل شيء قمت الليل مرارا وتكرارا باه نخرج وكان هادا هو الحل لان زوجي كان ماعندوش اب وهوابن اكبر كل شيء عليه معناه محال نخرج وربي دور الساعة وخرجت والان ولات تقولهم ماكاش كما هي ظلمتا بصح عمرها ماظلمتني حكيتهالك باه ديري كوراج عمرك ادا تسمحي فيه ادا كان هو مايظلمش ومعاك وخاصة اولادك ردي بالك ان شاء الله تعاودي تردينا خبر شباب الله يفتح عليك
كتري من الاستغفار ووكلي ربي ابكي وما تظلميش ولو بكلمة

[mohaa47]

الله يصبرك ......................عليك بالصبر و الصلاة.................

[hanadi21]

لو كان ضربتيها كان احسن حتى انتي مراة

ربي يفرج همك هاذا ما راح نقولك



aayb tedorbi mra fi sin omok wa law ???


aala hsab ma nchouf raki enti tani ralta koun mahawedtihach weskoti koun enti fi darek


matgoulich mahdartelha walou imposible


whiw tani rabi yehdiha

[مناد بوفلجة]

ربي يفرج عليك

[حبيبة زوجها]

اصبري اختي كاين بزااف مشاكل من هاد النوع ومااكثرهم لكن العالاج دايماا هو الصبر والدعاء بالفرج
اوقفي مع راجلك خصوصا هو معاك واحمدي ربي انه مش ضدك
وحاولي يتدخلو كبار العائلة ويشوفو حل لهاد المشكلة

ربي يفرج همك ويرزقك من حيث لاتحتسبين

[أمة الله 12]

يا أختي ننصحك ما تخسريش راجلك علجال عجوزة نست اللي راح يجي يوم و تتحاسب قدام ربي سبحانو,

اذا ممكن انو يكري واش عليه, و اذا ما يقدرش ارجعي لدار عجوزتك, و تفاهمي مع راجلك تقفلي الباب على روحك, اذا جات عجوزتك و انتي وحدك ما تحليش الباب و اقتليها بالقدر ما ترديش ليها حتى كلمة, و اذا كان راجلك ثمة و حبت تجي مرحبا بيها, و كاش ما قلتلك قدامو روحي لشمبرتك و خليها مع ولدها,

هاذي احسن حاجة انك تتجنبيها, و سعات تفكريها بكادو و لا اذا طيبتي حاجة باهية ابعثيلها, ماتدري يجي يوم و تحن القلوب على بعضاها,

ماتنسيش وكلي ربي و ادعيه,

ربي يفرج عليك

[فازيلات]

حسبي الله و نعم الوكيللللللللل هادا ما تقولي صلي و ادعي اللع يفتح عليك اما بالنسبة لزوجك لازم ياخد موقف و يديرلك دار يكريلك و لو غرفة و اياك ترجعي لبيت العجوزة اياك تم اياك حتي انت انسانة تحملت 10 سنين و تحملتي لكلام.... لغاية الضرب و الشتم امام الناس و الجيران هادو مش مسلمين الله يهديهم عنداكي تتراجعي قوليلو اكريلي كما كامل الناس استلفو يلا ماعندكمش الدراهم المهم ماترجعيش .....
الله يكون معاك و ربي يهدي عجوزتك

[فازيلات]

راني قريت الردود تاع المشاركين نحترم اراءهم لكن انا ضد انك ترجعي لبيت عجوزت و الله تندمي لان الانسان ليغزر فيك و يضربك و يرميك لالشارع هادا ماراهش سياهل ا ختي سمعي كلامي و الله راني ننصحك كيما نفسي عجوزتك راه يمات راجلك ماتقدريش تفوتيها يعني لوكان تولي تعيشي معاهم والله يعودو يديرولك كتر و يهبلوك و لا لاقدر الله يفرقوك علي زوجك ادن ابتعدي عنهم و قبطي في راجلك هو الاساس و وليداتك اما عجوزت الله يهديها مع الوقت تنسي خصوصا كي تبعدي عليها و انشاء الله تواليو ملاح يقولك المل ابعد عن الشر و غنيلو
لوكان ترجعي لبيتها و الله ماتنساك و تبقي كل يوم دايراتك بين عينيها حتي تكرهلك معيشتك و يحصل شيء لا قدر الله ...

[AMINA.Z]

يا لطييييف

وكيلها ربي

ربي يفرج عليك و يرزقك الصبر

[hayout]

لا حول ولا قوة الا بالله
ربي يفك احوالك ولي يحكم في ربي ما يخيبش

[abedalkader]

السلام عليكم
اول مرة اظنني ادخل قسم مشكلتي
اختي الكريمة اياك ان تخطئي في حق عجوزتك
مهما حصل لان زوجك مهما كان لن يقبل لانها امه
وانت كما ذكرتي لك اولاد راهم محتاجينك وبزاف ما تنسايش
حاولي انت وزوجك اذا راكم متفاهمين توجدوا حل ولو تستاجروا دار
بغرفتين ما عليهش المهم نصيحة البقاء مع عائلة كبيرة يجيب المشاكل
ليكم ولغيركم
واذا كان بمقدور زوجك وانت وماليك تساعدوه لشراء سكن ولو f2
المهم سكن منفرد
وصدقيني ان شاء الله ربي يسهل وتسكنوا وحدكم او رايحين تصيروا احباب وتعود المياه لمجاريها
ماتغلطيش فقط بالمعصية وعليك بالصبر
حاجة اخير الدعاء الصلاة بجوف الليل
والشيئ الي تسالونا به الدعاء ندعولكم بظهر الغيب
.................................................. ............الله يجيب الخير

[لمعة السيف]

وعليكم السلام
كان الله في عونك اختي الكريمة أنت تقرئين القرآن وتعرفين اهمية الوالدين بالنسبة للزوج ..فعلا انت انظلمت.
اصبري لله و تحاولي ان لا تحرضي زوجك على والدته او تزيدي همه بل كوني عونا له
.وحاوولي ان لا تهيني او تسبي ووالدة زوجك امام الناس ..
حتى لا تزيد الهوة والخلافات وينقلون كلامك ...بل احسبي مصابك لله..ووجهي دعائك لله العلي القدير هو الذي يجعل لكم مخرجا
وهناك بيوت للكراء ولو غرفتين كما ذكر لك الاخ بارك الله فيه .المهم كوني قدوة لأولادك بأخلاقك لأنهم يشاهدون هذا وتكون له تبعات في المستقبل ..
.واما أم زوجك صدقيني سيأنبها ضميرها ..
وستعلم حجم الضرر الذي فعلته يإبنها وأولاده على الاقل .لهذا لا تتسرعوا ولا تزيدو من حكم الخلافات كالشكوى..انت تزوجت بحكم زوجك هو المسؤول عن حياتك والسكن من مسؤولياته ..فلا تأخذي بنصائح البعض في هداهم الله التلقي الاساءة الضرب من عجوز كبيرة
بالضرب بالاساءة مثلها ..
لا شك أن أذية المسلمين من أقبح الأفعال وأشدها حرمة في الإسلام يقول تعالى
: وَالَّذِينَ يُؤْذُونَ الْمُؤْمِنِينَ وَالْمُؤْمِنَاتِ بِغَيْرِ مَا اكْتَسَبُوا فَقَدِ احْتَمَلُوا بُهْتَانًا وَإِثْمًا مُّبِينًا {الأحزاب:58}،

بل كوني عونا لزوجك وتمسكي به وحافظي على اولادك ..وتحلي بالاخلاق الحسنة في هذه الظروف تكون عونا لك ..لا تنسى

صفات النساء المسلمين كما قال تعالى " فَالصَّالِحَاتُ قَانِتَاتٌ حَافِظَاتٌ لِّلْغَيْبِ بِمَا حَفِظَ اللّهُ" اختي بالعكس
انتهت معاناتك وارض الله واسعة الافضل لكل المشاكل ان يكون بيتا مستقل ولو بالكراء المهم راحة البال والحياة بسلام
وفقك الله وفرج كربك ..

[r39]

والله قلبي تقطع اختي لكن انا نقول بلاك ربي راح يرزق زوجك وتتهناي من العيشة الظنكة معها يقلك بات على غيض وماتباتش على ندامة انتي الحمدلله ماغلطيش فيها بلاك ربي دايرلك فيها الخير ودايما بعد الشدة يجي الفرج وانا ننصحك احكمي في راجلك واحملي معاه الحلوة والمرة وربي مش راح ينساك

[*اية*]

ربي يصبرك اختي
حسبي الله ونعم الوكيل في ناس كيما هادو

[أم رمزي]

الله يكون في العون يا أختي اللي قلتيه كل صح لأنه كاين عباد كيما عجوزتك, ما يخافوش ربي و لا كيفاه

تخرج عروستها و الصغار الي الشارع, هدا الكل الأزمة السكنية اللي تعاني منها كل العائلات الجزائرية, لو كان

كاين السكن , راكي ماتقعديش هده السنوات الكل و ما تقيميهاش, و ما تبهدلكش التبهديلة هده الكل قدام اللي

يسوا و اللي مايسواش , واش تحب أدير الصبر ثم الصبر حتي يفرج ربي.http://www.djelfa.info/vb/images/icons/rosiecheeks.gif
.