لماذا يا ابي لماذا يا امي

[قمر السلام]

السلام عليكم ورحمة الله

نحكيلكم حوايج يمكن تشوفوهم تافهين بصح انا مقلقيني بزاف ومحيريني انتم احكموا

ومن حكمكم رح نعرف اذا كان الغلط فيا ولا في اهلي :confused::confused:

**____انا تخطبت العام لي فات بصح مكتبش مكتوب ومكملتش الخطبة المهم كنت رح نتزوج في العاصمة يعني بعيدة علينا بحوالي 250 كيلوا

واختي تخطبت الاسبوع الماضي عند ناس يبعدوا علينا بحوالي 60 كيلوا اول شيئ قالولها ابي هوانه مهوش قابل علاه ؟؟ قالها منقدرش نشوفك بعيدة عني يعني لوكان تبعدي عني ب 10 كيلوا منيش رح نقدر حتى لو كيلوا واحد قلبي ميهنينيش بنتي تبعد عني قالها انا ابوكي وهذي فطرة فيا

الغريب ..انو هاذ الكلام انا مقالهوليش ابدا


**____ امي دائما لما نقولها نروح معاك لاي مكان متحبش نخرج معاها نقولها انا علاه راكي حشمانة بيا العكس تعملو مع اختي تحبها تخرج معاها وفي كل مناسبة تقول هاذي بنتي هاذي بنتي

**_____ مرة سمعت اختي قالك لامي حتى المرض الي فيا خرجت ليك فيه قالتلها امي ايه لخاطر نتي بنتي نتاع الصح ؟؟ وانا :confused:

***____ عندنا حمام معدني وين نسكنوا كي نروح مع امي تقولي نتي اقعدي لهيه وانا نقعد من هنا باه ميعرفوش الناس بلي راككي بنتي نقولها انا علاه يا ماما تحشمي بيا وا خلاص منقعدش معاك كي تتحرج تقولي لالا باشش ميعاينوناش برك

**____امي تحب ختي بزااف تقصر معاها تضحك معاها يتهارشوا وانا تلقاني دايما نقعد في الغرفة المجاورة وحدي
لخاطر كي نشوفهم هكداك نغير انا ونقول علاه ماما متديرليش هكذاك

**_____ مرة جبنا الراقي للدار انا قلت منرقيش لخاطر راني لباس عني واذا منيش مليحة فهذا الامر مهوش تاع راقي راني علبالي وش بيا انا نقصد اني اذا كنت منيش مليحة فهذا بسبب التفريق الي تعملو امي بيني وبين اختي
قالتلي امي ترقي وولا مترقيش اصلا نتي متهمينيش نرقي انا وولادي باش نعيشوا عائلة سعيدة ونتي ربي يسهل عليك

**____كي تخطبت ختي طول ماما فكرت تبيع الارض نتاعها باش تشريلها الذهب وتعمرها بالقش الشي الي انا مفكرتش باش تديرولي قلتلها علاه اا كيما تخطبت مقلتيش نبيع الارض ؟:(

**_____ تهدر وتقول كي نبيع الارض نتاعي نجهز الطفلة تقصد في ختي ونشري طوموبيل لاخي وانا مهيش دايرتنيفي الحساب خلاص

**______ ختي تدي امي للغرفة الاخرى وتقعد تحكيلها وش يقولها خطيبها بصح ميحكوش قدامي منيش عارفة حتى حاجة عليهم حتى القش الي تشريلها فيه ميش شايفاتوا تديه للشمبرة وتسكر عليه

بصراحة وليت نكره امي واختي ونمقتهم حاسة انو انا واحد ميحبني صح كيما قال ربي

ابائكم وابنائكم لا تدرون ايهم اقرب لكم نفعا

[○•ميسون•○]

قضية غريبة جدا ربي يكون معاك

ننصحك متديهاش فيهم و ما تبينيلهمش بلي راكي زعفانو و خليهم يتخنقوا

تصرفي على طبيعتك

و تذكري ان الله يمهل و لا يهمل

[قمر السلام]

قضية غريبة جدا ربي يكون معاك

ننصحك متديهاش فيهم و ما تبينيلهمش بلي راكي زعفانو و خليهم يتخنقوا

تصرفي على طبيعتك

و تذكري ان الله يمهل و لا يهمل


ياريتني قدرت ندير روحي منيش زعفانة منهم


شكرا على مرورك

[hodahodahoda]

اقبل كل شيئ من امك

لازم ما تشوف منك عير الخير

و ربي بينكم

[sarl02]

والله تحير من بعض تصرفات الاهل مع اولادهم وخاصة اذا كانت هذه ام ....اختي كبري بالك وقلبك وادعي ربي افرج عليك وتاكدي ربي ما اخيبكش وراح يعطيك على حساب قلبك ...ووالله هذه الام ستحاسب على هاته التصرفات اتجاهك وربي يمهل ولا يهمل وراح اتشوف العواقب فالدنيا ..المهم انت مهما كان تبقى امك قدريها واحترميها وبري بيها وتاكدي انك ستربيحين دنيا واخرة.

[يوسف الجزائر]

امر غريب حقا، لكن لا نملك لك إلا الدعاء
فرج الله عنك أختي كربتك وأزال غمك وكفاك ما أهمك

[قمر السلام]

امين يارب العالمين والله لا اريد شيئا سوى ان تحبني امي

انني لا اريد ان اقول حسبي الله ونعم الوكيل في امي لانها امي

ولكن لا اريد سوي ان تكون بجانبي والله اني ادعوا الله

ان يمرضني فقط لاراها بجانبي

[طارق1900]

ربي يفرج عليك أختي و الله مشكلة ما شفتش كيفها من قبل , طبعا عارف بلي كاين التفريق بين الأولاد بصح مش لهاذي الدرجة , الحاجة اللي ننصحك بيها هي الصبر ثم الصبر لأن هذا إختبار لك و ربي يحفظك إن شاء الله

[قمر السلام]

ربي يفرج عليك أختي و الله مشكلة ما شفتش كيفها من قبل , طبعا عارف بلي كاين التفريق بين الأولاد بصح مش لهاذي الدرجة , الحاجة اللي ننصحك بيها هي الصبر ثم الصبر لأن هذا إختبار لك و ربي يحفظك إن شاء الله

امين يا اخ طاررق ربي يحفظك

[حرة في بلادي]

لا اجد اجابة واضحة حقاااااا
فلا ادري لم تتصرف امك هكذااااااا
صحيح انو امهات يفضلن ماشي نقولو يحببن ولكن يداصرو بنت على الاخريات
مثلا انا الكبرى امي تتكل عليا وتديني للمناسبات لكن ما يمنعش انهاااااا
تحب خواتاتي او تزوخ بيهم وغيرو
امك الله يهديها ما راهيش عارفة نتيجة اللي تقوم بيه....لا يجب التفريق بين الابناء وخصوصا االبنات لانهن حساساااااات جداااااا
وسعي خاطرك...واعملي روحك ماشي مبالية بيهم و تعلمي اللامبالاة
باش تقدري تعيشي حياتك
سيأتي يوم تتغير فيه هاته الام
كان الله في عونك

[bibicha]

انا نقول ربما انتي اجمل من اختك و قارية عليها و امك حابة تخليها تزوج باش ما تبقالهاش فالدار
و ربما انتي تخدمي او ابوك جابدك ليه اكثر؟عليها امك جابده اختك ليها

[قمر السلام]

والله لا اعلم

يكثر الكلام والاراء واضيع انا في النص

[naamane3]

كاين مثل يقول رب العالمين عندو احبابه
حاولي تكوني من احبابه احسن لك من الدنيا وما فيها

[مناد بوفلجة]

السلام عليكم

في كل عائلة هناك أبناء أقرب للوالدين من البعض الآخر

أمر عادي جدا بالرغم من أنه أحيانا لا يحسن
الوالدين طرق التعامل مع الأبناء بشكل لا تبين التفريق


لا تهتمي بذلك

[sammar]

قولي فقط *حسبي الله لا اله الا هو عليه توكلت و هو رب العرش العظيم * 100 مرة يوميا تنوين بها اصلاح علاقتك بامك راح تشوفي الفرق بام عينيك

[RABHA ALI]

لاتحزني والله أعرف الكثير مثل حالتك و أسوأ منها ....................
ثقي في الله واصبري

[ام محمد تقي الدين]

لايستطيع المرء ان يحكم سمعنا ما تشعرين به ولم نسمع امك و بما تشعر ولما تتصرف هكذا اتصرفاتها هذه مقصودة ام غير مقصودة
فانا قد مر علي اناس يقولون بان اباءهم يكرهونهم وانا لا ارى في تصرفهم كره لهم
فانا اعلم ان اخي الاصغر واختي الصغرى اقرب الى قلب ابي وامي من الباقين و ليس من اجل هذا اتهمهم بانهم يكرهونني فهناك من الاباء من لا يعرف كيف يوزعوا حبهم بين الابناء وهذا لايعني انهم يكرهونك

[اريج الاخلاق]

اختي قمر لا عليكي فكل شيئ سيهون
المرض ليس عيبا وانما العيب في فعل الخطأ
مهما فعلت فامكي ستبقى امكي كوني انت الاجمل دائما في افعلالك
فدوام الحال من المحال ماهي الا ايام او اشهر وستتزوجين وسيصبح كل هذا مجرد كلام
اختي هنا ودائما معاك وراني في خدمتك
تهلي في روحك

[**د لا ل**]

اصبري يا اختي وربي يعوضك بالزوج الصالح

فرج الله همكِ واصلح احوالك ِ اختي

[ريم الوداع]

ربي يكوووووووووووون معااااااااااااااااك حنونه كنت نعااااااااااااااااااااني مثللللك مي كلش يفوووووووووووووت حنونه ما تحطي شيى في بااااااااااااالك

[dida rida]

إدعي في صلاتك لوالديك بالهداية

[AMINA.Z]

و الله راني حايرة

ربي يفرج عليك اختي و يقويك


ربي يهديهم

[SELMA.]

rabi yfarej 3lik w yjibblek rabi mektoub mlih ye3awthek wash fatek f hyatek w rabi yhanen guelb moik 3lik

[شوق وحنين الى الجنة]

عليك فقط بالصبر و الدعاء ان يهدي الله امك فقط عليك ان تعيشي حياتك دون التدقيق في العلاقة بين امك و اختك حاولي ان تتناسيهم ة اهتمي بعملك و حياتك و الله المستعان

[قمر السلام]

امين يارب العالمين شكرا على ردودكم وارائكم

[اريج الاخلاق]

اهلا باختي قمر عسى انكي ارتحت الان
اعلم انكي لن ترتاحي كليا لكن اتمنى انكي بخير حتى ولو قليلا فمثلما يقولون**الشر ياتي كليا اما الخير فايتي بالجزء**
http://festivals.iloveindia.com/friendship-day/pics/friendship-day-flowers.jpg

[مريم الصابرة]

السلام عليكم اختي
قريت مشلكتك وفعلا تأثرت جدا لأنو ربي يسامح اهلك وما نسبوش البنزين على النار نقولو ربي يهديهم وخاصة أمك شوفي الام محال تفرط في اولادها هي فقط فرقت بينك وبين أختك فالمعاملة لا بأس اختي إدعي ربي يهديها وم تكرهيش لا ختك ولا أمك على العكس كي يتصرفو معاك تصرفات تجرحك إدعي ربي يهديهم عارفة تغيضك وتجرحك وتحسي روحك وحدك وإنو إنت منبوذة لكن إنت ما تقوليلهمش في كل وقت إنو مبعدين عليك خليهم يحسوها بمعنى ما تتقلقيش وما نعرفك حكيمة ومتبعة مشاركاتك الله يبارك قمة فالحكمة عليها كملي خيرك وكوني حيكمة مع نفسك وطنشي وهذو مهما كانو أهلك
ربي يهديهم يا رب ما تقلقيش روحك

[Jenifer xxx]

كوني اثر وحدة مهتمة بالمنزل و افراده ككلّ ،، اظن انّو المشكل بدا من يوم الغاء خطوبتك يعني هي زعفت و مش حاابة يقولو هذيك يلّي بنتها بطّلو عليها والله اعلم هذا شي يبقى في القلوب ربي عالم بيه.. نصيحة مني اختي الكريمة كيما قالك اضحك للدنيا تضحك لك انتي بلاش زعاف قدامهم كوني المرحة الحنونة و اذا هم يغلقو على رواحهم و يحكوا كوني نفس الشي مع كلاهم بلعقل بلعقل حتى تلقاي روحك وسطهم الى ان يجيك مكتوبك و تبني دارك ترتاحي ،، ربي معااك اختي

[ahmedchourar]

والله غير تاثرت بقصةك اختي ........ اذن انت لا مجال غير الله تسعنين به في هذا الامر ..... و حاولي تكوني انسانة صالحة لزوجك هو الذي يحميك في باقي حياتك ولا تكرهي اهلك بل قري عينا انت الاحسن ولا تبتعدي عنهم بل اكثري عليهم ودخلي روحك في كل شيء معاهم ... والله انا ادعوا لك الان لكي يفرج الله عنك ...وفقك الله في حياتك ...امينن

[قمر السلام]

ياريتني نقدر ندير وش راكم تحكوا ونعمل روحي منيش شايفتهم ولا نعيش بسعادة وحدي

الكلام مش كي الفعل يعني مستحيل اني ندير روحي سعيدة ونضحك وانا منيش هاك

والله نفسيتي تعبانة وحزينة طول الوقت وزايدة غير نشيان وشهيتي مغلوقة خلاص يعني حاسة ان الهم ورا الهم

حاسة روحي الهم يشوف فيا غير انا وفي حقيقة الامر معندي حتى شي نشتغل بيه باش ننسى همومي كامل

وليت غير ندعي اني نموت ولا نمرض ولا نختفي غير كي ندخل للنت هنا ساعات ونقرا ولا نكتب مواضيع ولا نقرا مشاكل الناس كي نخرج من هنا نرتاح شوية نلقى روحي ناسية من بعد نعاود نرجع للحزن حاولت نروح لطبيب نفسي بصح مكانش هنا في المسيلة طبيب نفسي

متفهمونيش غلط بصح حتى القران وليت منقراش حتى الاذكار كنت نديرها بطلت

وليت عايشة في حالة من السكون وكأني شبح في البيت ساكتة برك ونبكي بلجحدة ومنحكي حتى مع واحد مش عارفة وش بيا

[MEGHILA KERIA]

أشك ان هذه القصة مع احتراماتي للأخت من نسج الخيال
والله اعلم
ما دخلتش في راسي انو توجد أم بهذه القسوة على فلذة كبدها

[قمر السلام]

أشك ان هذه القصة مع احتراماتي للأخت من نسج الخيال
والله اعلم
ما دخلتش في راسي انو توجد أم بهذه القسوة على فلذة كبدها


لوكان من نسج خيالي منبهدلش روحي قدامكم ونقول امي كنت قادرة نقولك جارتنا ولا ام صديقتي ولا شي تاني يعني هادي اي واحد يفهمها مع احتراماتي ليك

امي انسانة قلبها ميكفيش انها حب اولادها الثلاثة مع بعضهم يعني اذا حبتني انا فترة تكون معاديا اخي الصغير واذا حبت خويا وحكات معاه فترة تعادينا انا واختي فيها

بصريح العبارة ولا مرة احنا الثلاثة اخوتي عشنا مع امنا فترة مع بعض

وامي تتبع الانسان الي يكون في حالة السعادة يعني بما انو اختي هي الي تخطبت هاد الايام
امي مش رح تقلق روحها وتكون معايا انا الي راني عايشة في حزن الانفصال من خطيبي فهمت ؟؟

[nouna l maghbouna]

اصبري و خلاص ماعندك ماديري بماك و لازم تحترميها malgré ts
ربي يرزقك ولد لحلال اللي ينسيك هاد الحزن كامل

[رتيـل]

كان الله في عونك اختي

تاملي في هذه الاية كم هي مريحة"لعل الله يحدث بعد ذلك امرا"

فصبر جميل

[اريج الاخلاق]

احترم نفسك يامن تقول انها قصة من نسيج الخيال
اولا مشاكل الناس ليست حكايات وقصص وروايات
وانما هي حاضرنا الذي نعيشه ويوجد ماهو ابشع من هذا بكثير لذلك اختي الحبيبة قمر تفائلي واصبري فالصبر مفتاح الفرج ولعل الله يجعل لك بهذا خيرا
حاولي ان تتفائلي اذا مازلت تقري تهلي في روحك وفي قرايتك وفي صلاتك
واذا راكي تخدمي ثاني تهلي في خدمتك واذا راكي قاعدة في الدار تهلي في روحك وفي صلاتك
واذا عندك قضية اقضيها بالسكات وانت مريحة صحيح راني نهدر ونعرف انو الكلام ساهل لكن الفعل صعييييييب
حاولي انك تعامليهم باخلاقك ماشي باخلاقهم**عذرا حتى ولو انها امكي**عامليها باخلاقك ومن يدري ربما ستحن عليك يوما وسستطلب منكي السماح سامحيها ومن نحن حتى لا نسامح ان الله غفور رحيم لذلك سامحيها وسامحي اختكي >فانت ستكونين الاجمل دائما صدقيني حاولي فقط ولا تنسي صلي صلاتك ولا تهتمي باحد
عذرا انا **ثرثارة جدااااااااا**

[قمر السلام]

احترم نفسك يامن تقول انها قصة من نسيج الخيال
اولا مشاكل الناس ليست حكايات وقصص وروايات
وانما هي حاضرنا الذي نعيشه ويوجد ماهو ابشع من هذا بكثير لذلك اختي الحبيبة قمر تفائلي واصبري فالصبر مفتاح الفرج ولعل الله يجعل لك بهذا خيرا
حاولي ان تتفائلي اذا مازلت تقري تهلي في روحك وفي قرايتك وفي صلاتك
واذا راكي تخدمي ثاني تهلي في خدمتك واذا راكي قاعدة في الدار تهلي في روحك وفي صلاتك
واذا عندك قضية اقضيها بالسكات وانت مريحة صحيح راني نهدر ونعرف انو الكلام ساهل لكن الفعل صعييييييب
حاولي انك تعامليهم باخلاقك ماشي باخلاقهم**عذرا حتى ولو انها امكي**عامليها باخلاقك ومن يدري ربما ستحن عليك يوما وسستطلب منكي السماح سامحيها ومن نحن حتى لا نسامح ان الله غفور رحيم لذلك سامحيها وسامحي اختكي >فانت ستكونين الاجمل دائما صدقيني حاولي فقط ولا تنسي صلي صلاتك ولا تهتمي باحد
عذرا انا **ثرثارة جدااااااااا**

ربي يخليك انجلاريا شحال متمنية انك تكوني صديقتي بصح انا منيش محملة برنامج الماسنجرمن الاصل اذا حبيتي نفتحلك فيس بــوك ولا إســكايب وش رايك

[3bir31]

والله يا ختي قطعتلي قلبي قريب بكيت
حرام عليهم يدرولك هكذا علاه واش خصك انت
والله حرام عليها حرام هذا الشيئ
أصبري وخلاص واش راح دري أن شاء الله يفرج عليك ربي

[حنين الرياح]

اختي لازم ديري ثقة في ربي بلي مارحش يخليك بصح انتي حاولي اكتسبي ثقة امك
يعني اشريلها هدايا ديرلها واش تحب
واذا مرضاتش اقعدي احكي معها قوليلها علاش تعمليني هكا واحكيلها الى راكي حاسه بيه
وننصحك كي تقعدي في غرفتك وحدك كي تكون ماماك تهدر مع ختك ماينفع لوالوا لازم تجي وتقعدي معاهم باش ما تبينلهومش بلي راكي زعفت
وزدمي في كل شئ وخاصة عندما تكون تحكي ختك لماماك على خطيبها باش تبينيلها بلي راكي جزء من العائلة
جربيها وجيبيلي بالخبر
واذا مفاد والو اعرفي بلي حاجة درتيها لماماك وباباك الى خلاهم يديروا هكا والله اعلم
اتمنى اكون افدتك

[اريج الاخلاق]

ويييييييييييييييينك؟؟؟؟؟؟؟؟؟؟؟؟؟

[قمر السلام]

ويييييييييييييييينك؟؟؟؟؟؟؟؟؟؟؟؟؟
مقدرتش نفوت بلي عطيتيهلي نتي راني فتت بنتاع ختي اعطيني انتي عنوانك في رسالة خاصة وانا نبعتلك اوكي

[قمر السلام]

اختي لازم ديري ثقة في ربي بلي مارحش يخليك بصح انتي حاولي اكتسبي ثقة امك
يعني اشريلها هدايا ديرلها واش تحب
واذا مرضاتش اقعدي احكي معها قوليلها علاش تعمليني هكا واحكيلها الى راكي حاسه بيه
وننصحك كي تقعدي في غرفتك وحدك كي تكون ماماك تهدر مع ختك ماينفع لوالوا لازم تجي وتقعدي معاهم باش ما تبينلهومش بلي راكي زعفت
وزدمي في كل شئ وخاصة عندما تكون تحكي ختك لماماك على خطيبها باش تبينيلها بلي راكي جزء من العائلة
جربيها وجيبيلي بالخبر
واذا مفاد والو اعرفي بلي حاجة درتيها لماماك وباباك الى خلاهم يديروا هكا والله اعلم
اتمنى اكون افدتك
ربي يخليك على نصيحتك راني عارفة بلي اذا تتغلق كل الابواب في وجهي يبقى غير باب ربي مفتوح ولا عمروا يتسكر
اما على باش ندخل معاهم وهك منقدرش يعني انا وختى دك رانا عدوا ودبح اما ماما ساعة ساعة تعطيني كلمة زعما تقولي جيبي هاذي ولا اخدمي هذيك بصح كلام كلام نتاع صح مكاش

اما امي كي نجي نقولها انا ديما نروح ليها ونقولها ماما علاه مثلا قلتي هك ولا علاه متحبينيش تقولي روحي اخطيني منيش حابة نفتح نقاش معاك دك وتنوض تخليني

انا اهلي معملتلهم شي ولا عمري جرحتهم بلكلام لا هوما ولا الناس البرانية يعني الكل يشهد اني انسانة خجولة وجابدة روحي
الله المستعان نتمنى انو يجي النهار الي نتفكر فيه هاد الايام ونضحك شكون يدري

[ام محمد تقي الدين]

ربي كتب لك ان تولد في هاته العائلة ولهذا الاب وهذه الام وان يكون هؤلاء اخوتك ........عليك ان تقبلي بما كتب الله عز وجل وقدر واجعلي في نفسك ان هناك من هم اسوء حال منك
الله عز وجل فقط من يعلم ما هو خير لك ، ان المتك تصرفاتهم ادعي لهم بالهداية و ان يهديك معهم ، ربما الذي انت فيه سبب لتتقربي من الله عز وجل وربما لتقوية ايمانك
واعلمي ان المؤمن مصاب ومبتلا ليرى الله عز وجل مقدار صبر الانسان ورجوعه الى الله عز وجل ومقدار صبره وطاعته
وانت تسالين لنفسك الموت لقد اتيتي شيئا كبيرا وجعلتي للشيطان مدخلا وسبيلا ،فاغلقي عنك هذا الباب وارجعي الى الله واسثغفريه وكفك هو ونيسك والواقف الى جنبك مهما وقف الناس في وجهك والله ستسعدين اذا جعلتي هذا هو تفكيرك
اذكري الله يذكرك واستعيني به يعينك كل ما في دنيا زائف وز ائل الا عملك وطاعتك ، تقربي من الله واجعليه في قلبك وفي كل تصرفاتك وسترين
الصلاة في وقتها والاذكار والتوكل على الله في كل ما تقومين به وقراء القرآن ، قومي بهذه الامور و صفي قلبك ورديلي بالخبر

[حنين الرياح]

وقوليلي ختك وقتاش تروح لدارها يعني وقتاش تتزوج ؟
يعني اذا مقعدلهاش بزاف هي كي تروح لدارها تقعدي نتي الطفلة الوحيدة وحاولي اغتنمي الفرصة باش تكسب المحبة ديال والديك
وندعي ربي ان شاء الله باش يجي مكتوبك المليح وتروحي لدار راجلك ان شاء الله وتتهاناي نتي وراجلك وولادك
وربي يهدينا جميعا
ربي يوفقك اختي واذا احتجت اي حاجة راني هنا

[اريج الاخلاق]

قمر راني بعثتلك وينك انت؟؟؟؟؟؟؟؟؟؟؟؟؟؟؟؟

[riham riri]

rabi yafaraj 3lik 7anouna ou ya7di mamak 3lik osabri balak rabi yafta7a fi wajhak inchaa allah

[قمر السلام]

rabi yafaraj 3lik 7anouna ou ya7di mamak 3lik osabri balak rabi yafta7a fi wajhak inchaa allah
ربي يعيشك
اميين اجمعيين

[Jenifer xxx]

ياريتني نقدر ندير وش راكم تحكوا ونعمل روحي منيش شايفتهم ولا نعيش بسعادة وحدي


الكلام مش كي الفعل يعني مستحيل اني ندير روحي سعيدة ونضحك وانا منيش هاك

والله نفسيتي تعبانة وحزينة طول الوقت وزايدة غير نشيان وشهيتي مغلوقة خلاص يعني حاسة ان الهم ورا الهم

حاسة روحي الهم يشوف فيا غير انا وفي حقيقة الامر معندي حتى شي نشتغل بيه باش ننسى همومي كامل

وليت غير ندعي اني نموت ولا نمرض ولا نختفي غير كي ندخل للنت هنا ساعات ونقرا ولا نكتب مواضيع ولا نقرا مشاكل الناس كي نخرج من هنا نرتاح شوية نلقى روحي ناسية من بعد نعاود نرجع للحزن حاولت نروح لطبيب نفسي بصح مكانش هنا في المسيلة طبيب نفسي

متفهمونيش غلط بصح حتى القران وليت منقراش حتى الاذكار كنت نديرها بطلت

وليت عايشة في حالة من السكون وكأني شبح في البيت ساكتة برك ونبكي بلجحدة ومنحكي حتى مع واحد مش عارفة وش بيا



كوّني صداقات تنسي الهم ،، مجرربة و ايجابية وان شاء الله تتحسن احوالك و بصراحة كلّنا مش على طبيعتنا ونقولو الحمد لله ونسكتو ونحاولو نغيروا ما نحن عليه الى ابتساامة تقتل من لا يهتم لامرنا ولا سامع بينا .. كوني ممن يحكو لمن فيه الثقة طبعاً،، استعيني ورح تشوفي تغيّر انشالله..

[samar89]

اريد ان اسالك.... هل اختك مريضة؟؟؟؟؟؟

ربما لو كانت مريضة يمكن ان تعذري والديك اختي.... اعلم انه لاشيء يبرر تصرفاتهما في نظرك...لكن والله هي الحساسية الزائدة التي تطغى على شخصيتك ربماا هي التي تدعوك الى كل هذه الوساوس..
اردت ان اخفف عنك قليلا وابلغك وجهة نظري لكن لم استطع ايصال الفكرة... اعتذر

سئل احد الاباء ...أي الأبناء أحب إليك ؟ فقال: المسافر حتى يرجع،والمريض حتى يبرأ،والصغير حتى يكبر....
حاولي ان تتجاهلي مايحدث واشغلي نفسك باي شيء واكثري الاستغفار والله مجرب...وسيفك كربك...

[اريج الاخلاق]

سلام قمر راني راسلتك حبيبتي
http://www.nora9.com/vb/imgcache/2104.imgcache.jpg

[قمر السلام]

اريد ان اسالك.... هل اختك مريضة؟؟؟؟؟؟

ربما لو كانت مريضة يمكن ان تعذري والديك اختي.... اعلم انه لاشيء يبرر تصرفاتهما في نظرك...لكن والله هي الحساسية الزائدة التي تطغى على شخصيتك ربماا هي التي تدعوك الى كل هذه الوساوس..
اردت ان اخفف عنك قليلا وابلغك وجهة نظري لكن لم استطع ايصال الفكرة... اعتذر

سئل احد الاباء ...أي الأبناء أحب إليك ؟ فقال: المسافر حتى يرجع،والمريض حتى يبرأ،والصغير حتى يكبر....
حاولي ان تتجاهلي مايحدث واشغلي نفسك باي شيء واكثري الاستغفار والله مجرب...وسيفك كربك...

صحيح وش راكي تحكي

[نتــــــــــاشا]

rebi yhediha

[عطرالذهب]

والله حيرتيني
عندي ثلاث احتمالات انت ادرى واناه الصحيح
1- تكوني متبنية وبنت ناس اخرين وفي هذه الحالة من حقك تعرفي
2-تكوني قبيحة مع والديك وما كيش طايعتهم واختك تحترمهم وتطيعهم اكثر منك
3- تكون ماماك تتعمد باه تديرلك القلب وتستناك تروحي تستفسري منها اكيد رايحة تجاوبك
ما نكذبش عليك انا عندي2 بنات ربي يخليهملي ويفرحني بيهم صح راهم صغار بالصح ما نتخيلش روحي يجي نهار ونفرق بيناتهم
ربي يهدي ماماك وكيما قلتلك روحي سقسيها لاااازم تعرفي السبب

[قمر السلام]

والله حيرتيني
عندي ثلاث احتمالات انت ادرى واناه الصحيح
1- تكوني متبنية وبنت ناس اخرين وفي هذه الحالة من حقك تعرفي
2-تكوني قبيحة مع والديك وما كيش طايعتهم واختك تحترمهم وتطيعهم اكثر منك
3- تكون ماماك تتعمد باه تديرلك القلب وتستناك تروحي تستفسري منها اكيد رايحة تجاوبك
ما نكذبش عليك انا عندي2 بنات ربي يخليهملي ويفرحني بيهم صح راهم صغار بالصح ما نتخيلش روحي يجي نهار ونفرق بيناتهم
ربي يهدي ماماك وكيما قلتلك روحي سقسيها لاااازم تعرفي السببوالله يا اختي ولا وحدة من هذي الاقتراحات صحيح

ربي يخليلك بناتك ويكبرهم في شفاعتوا وطاعتوا ويجعلهم بارين بيك نهار تحتاجيهم في كبرك

اما بالنسبة لموضوع امي احترت وكرهت ومليت ووليت مش محوسة الشي الي متأكدة منو انو الانسان عندوا قلب واحد والقلب الواحد يكفي لشخص واحد