رايكم عاونوني

[مشكلتي]

السلام عليكم
انا مراة عندي 25 سنة مزوجة وعندي 2 اولاد تزوجت زواج تقليدي بكل معنى الكلمة وانا عندي 18 خسرت الباك معودتش

في داك الوقت كنت نحب شخص وهو تاني حبني مخرجنا ما حوسنا مادرنا والو غير حبينا بعضنا فقط معناه كان حب صادق ونقي بمعنى الكلمة كان حاب يخطبني غير مكان مكون نفسو وشكون يرضى بيه
جاني هاد زوجي خطبني مخاصو والو خدام بدارو بدراهم لكن محبيتوش سبحان الله مدخلش قلبي ولكن والديا عجبهم

وكنت نخاف نقوللالا يزعفو منى عفست على قلبي نهار وقلت لالا امي ربي يسمحلها وقفتلي قاتلي خلاص درك واش يقولو عليك الناس قتلها واش راحلي فيهم ندي واحد منحبوش حتى اعجاب مكانش غضبت عليا مدة وليت خفت من ربي رضتيها وقتها راني قابلة خلاص وانا في صميم قلبي لالالا لاني كنت نحب شخص اخر

تزوجت تعبت بعد الزواج بزاف زوجي حاسب دراهم هي كلشي سهر برى مشتاقة منو كلمة طيبة وحنينة من القلب ابدا معوج



ع
مظهري لباس عليا قايمة بكل الواجبات المنزلية والزوجية لكن قلبي من الداخل ممزق
تعبت بزاف
ادعولي

[فحلية]

بسم الله
هل زوجك يحبك ؟ إذا كان يحبك اشكري الله
هل زوجك ينفق عليك بالمعروف ؟ اشكري الله
لماذا تبحثين عن المشاكل ؟ كثير من الأزواج لايحبون زوجاتهم وزجات لايحبون زوجاتهم ( الحب الذي نراه في الأفلام ) وهم يعيشون مع بعضهم حياة سعيدة
لماذا تريدين تدمير عائلتك ؟
الحب الحقيقي لله ورسوله يعطيك سعادة تنسيك المخلوقين

[مراد سابقا2]

ربي يهديك...........................

[lola22]

نظن بلي المخلوقة مهيش اتحوس على المشاكل ولا تدمير عايلتها ومن حقها راجلها يهتم بيها ويقيمها شووية للاسف راني انلاحظ منقولش ديمة ولكن في اغلب الاحيان المرى هي الغالطة اختي.... وديمة يقولولك لازم تسايريه وتصبري مي يا ريت الرجال يخمموا يسايسوا نساهم كما نخمموا حنا
واش انقلك اختي زوجك ربي يهديك و ربي يهنيكم
وانتي حاولي بدلي الروتين نتاعك وانشغلي بحوايج مليحة باه هك بالاك تنسي شوي وما تبقايش غير اتخممي ........
تقبلي مروري ....

[مواطنة]

اختي الكريمة الله يسر امرك و يوفق في زواجك
اختي انت تزوجتي بيه حتى ترضي والديك و ترضي الله عز وجل حتى تحسي بالطمأنينة لازم تخلصي عملك لله عز وجل
تاني ان امر الله واقع اما ان تصبري و تؤجري و امره واقع و اما ان تجزعي و امره في كلتا الحالتين واقع اختي حكاية الشاب الاول نحيها من راسك لانها من الماضي و انت التي وقعت على ورقة عقد الزواج مهما كانت الظروف و قبلت به زوجا وماشي لازم تكوني تحبيه حتى تتزوجي بيه
المهم انت رضيتي بيه لترضي والديك الان وقع ما وقع
اذا انت حبيتي زوجك يكون مليح معاك يا اختي لازمك تعيني نفسك و تسامحي من قلبك لي كان عندو يد في زواجك لكن كوني على يقين تام انه قضاء فارضي بقضاء الله تعالى
هذا الزوج المسكين واش ذنبو كي تزوج بيك هل تعلمين ان معاملته لك يمكن انها ناتجة عن مشاعرك السلبية التي تعتقدين انه لا يمكنه معرفتها لكن العكس تماما اذا انت لحد الان لم ترضي به فهو يشعر بقلة اهتمامك العاطفي به حتى لو اديت كل واجباتك
اذا راكي حابة تصلحي بيتك و تتهناي في معيشتك غيري انت من نفسك و تعلمي تحبي زوجك من جديد اهديلو هدية كوني لطيفة معه
و دربي عقلك دائما قولي انا احب زوجي و هو كذلك وسوف يتدرب العقل على كلامك ويصبح حقيقة باذن الله وبمجرد ان تتغير مشاعرك لزوجك سوف ترينه ينجذب الى البيت حيث تنتظره زوجة تحبه فهذا هو الاهم بالنسبة للزوج
بما انو عندك اولاد و لله الحمد لازمك تجاهدي نفسك اكثر باش يكبرو ولادك في وسط عائلة متحابة متماسكة ليتعلمو منك و من زوجك المحبة و المودة و الرحمة فهيئي لهم ذلك الجو
ربما ستقولين انه مجرد كلام لكن سأقول لك ان الشيطان يحب ان يحزننا بالماضي و هذه الاشياء السلبية فانت سيطري على حياتك بذكر الله و عدم الاستسلام لما اصابك في الماضي لان امر المؤمن كله خير و لا نعلم الحكمة من هته المصاعب
الله يوفقك اختي انشاء الله تكون اخر مرة تشكي فيها من شعورك و زوجك و المرة الجايه جيبيلنا اخبار مفرحة

[doba]

ربي يكون معاك أختي لماذا الإرتباط من الأول وبعدها الندم

[الحلم الجميل]

نصيحة صغيرة فقط اختي
اانسي الشخص الي كنت تحبيه لانه ماااااااااااضي
و تاني شئ على جال بناتك عيشي حياتك كما هي
الصبر هو المفتاح السحري لاستمرار الحياة الزوجية
ربي يهنيك و يفتح عليك و يحنن قلب زوجك عليكي

[AMINA.Z]

ربي يفرج عليك

[أم أسيل الاثرية]

ربي يفرج عليك

[ام جواهر]

اختي المراة تحب انوا زوجها يهتم بيها وحتى يدللها ....لكن حاولي انك تتقربي منوا اكثر بلاك يتغير و ربي يهدا النفوس.

[maria 2013]

يا عزيزتي فكري في زوجك فقط فأنا أرى تفكيرك خطأ 100 فأحمدي الله كثيرا و تقربي من زوجك خاصة عندما تحدثتي عن الأول وقلتي أنه كان يحبك و ما أدراك بذلك فالمرأة ليست كالرجل و من قال لك اذا كنت لم تتزوجي بزوجك هاذا تكوني قد تزوجتي من الأول فأنا لست متزوجة أحببت زميلي في العمل لكن لم يحدث بيننا أي شئ حتى أنه لم يعلم بذلك أبدا و أحمد لله لانه لم يعلم و كنت أحس أنه كذلك من جهته بمعاملته الجيدة لي و اهتمامه الزائدة لي مقارنة بزميلاتي وأخلاقه الجيدة فبنيت أحلاما حتى سمعت بزواجه فكان هذا الخبر بالنسبة لي كالصاعقة فأنا أحاول نسيانه خاصة أنني أعمل معه و بلغت سن 30 فحاولي أن تحمدي الله ادعوا لي بالزواج عن قريب

[Fatima fato]

يا اختي الله يهنيك و يفرحك و يفرج عليك
حاولي تتقربي من زوجك و حتى هو اذا حس باهتمامك راح تتبدل الأوضاع بينكم
الله يهنيكم

[maria 2013]

كما سبق وحدثتك عن تجربتي الشخصية والآن أحدثك عن صديقتي التي تزوجت قبل يحبان بعضهما كثيرا لو ترينها الآن كيف يضربها زوجها و كيف يعاملها فالإنسان لا يستطع علم الغيب يا حنونتي حاولي التقرب من زوجك فكلنا لدينا أخطا ء ولا يوجد المثالي فأنت تحاولين البحث فقط عن أخطائه تفكريني بالدعاء

[محمد جديدي التبسي]

أظن ان هذه عقوبة لك لأن قلبك متعلق بشخص آخر لذلك توبي إلى ربك واستغفريه وبهذا سيصلح حالك مع زوجك

[ايمان ألماس]

اختي املئي وقت فراغك بالخياطة ولا دراسة والعبيمع بنوتاتك وحفظيهم القران وانساي همومك وربي يفرج ويصبرك

[حميد.ص]

اختي الكريمة انت الان لديك زوج و ولدين

حاولي تحافظي عليهم

اصبري و سوف يجازيك الله خيرا

[mounaminou]

ختي راكي تهدري علا حكاية عندها 7 سنين و علا حساب هدرتك كان حب سطحي برك ماوش حقيقي ....علاه راكي نادمت ...شكون اللي كيفك مزوجة و عندك 2 ولاد الله يبارك....قولي الحمد للله و اشكري النعمة....لبنات اللي قدك مازالو ماتزوجوش .......يا اختي ماتقارنيش الزوج تاعك بواحد عرفتيه من قبل...زوجك ديما شوفيه خير من الناش لخرين ....و المشاكل تاعك حلليهم بلا ماتفتحي الباب للماضي .....كاين بنات عرفو 5 و كي تزوجو كانو مخلصات لرجالتهم و نساو الي فات و انتي مازلتي متعلقا ب السراب و الخيال ...

فيقي مع روحك و انساي حكاية فاتت و اصلا الشخص اللي هدرتي عليه بلاك او بولادو دركا و اصلا مانضنش راهو يتفكر فيك ...راهو عايش ف حياتو و نتي رايحة تخربي دارك بيدديك ............سلام

[hodahodahoda]

انظري الى محاسن زوجك
اذا كان طيب و يصرف عليك
لا يهينك
لعله من النوع الذي لا يظهر مشاعره
انسي حبك الاول
اعطي فرصة لنفسك مع زوجك