مشكل الانترنت..مانفع لا طالب لا طبيب..ساعدوني

[الزعيمة]

السلام عليكم جماعة الخير
عندي مشكل فالانترنت مافاد فيه لا طالب ولا طبيب
عندي عام ماللي ركبت الانترنت..وقلت يافرحتي راني نواكب الحضارة و التطور:1:
بعد 3 اشهر اللولة تاع الاشتراك بدأت رحلة المعاناة:mh31:
واش نحكي واش نخلي
هي مشي اجي وتروح..تروح وتروح
عييت نعيطهلم فالتلفون.عييت نروح ليهم نشكتي...قتلهم راني نجي ليكم كثر ماللي الانترنت اجي لعندي:1:
المهم...7 شهر وانا اعاني...وهوما يتمنكرو فيا كي يولي قريب الاشتراك تاع الشهر رايح يخلاص يقولولي لازم تزيدي تخلي الشهر الجاي باش نقدرو نعالجو المشكل..وهكا نلقى روحي كل شهر نخلص و يموت الشهر و المشكل ماتحلش
ياو المشكل ماعرفوش اصلا وين الخلل تميزو هادي هدرة؟ هادو خدامين هادو ماهمش قادرين يشخصو الخلل وين راه؟؟؟؟؟؟
المشكل عندو هو كالتالي
كانت اجي وتروح وقلنا عادي
من بعد ولات ماجيش كامل...جاو سقموها ولات اجي فالنهار حااااااااااااااااالة غير تلحق 6 تاع الشعية او 6.30 كي شغل واحد طفاها من عندهم
يعني مالستة تاع العشية ماتعاودش ترجع حتى منذاك غدوا الصباح وهكذا كل يوم
درت فيهم 2 رابور ومكان حتى فايدة
ياخاوتي بالاك نتوما تفهمو خير منهم قولولي المشكل وين
هوما حارو مالقاوليش حل
بالاك نتوما تقولولي عالحل ولا المشكل وانا نقولهم وهوما يلقاو الحل
تعيشو عاونوني رايحة نهبل من مخي
:sdf::sdf::sdf::sdf::sdf::sdf::sdf::sdf::sdf::sdf: :sdf:

[⋟صقر☬الأندلس⋞]

عليك مطالبتهم بمراجعة غرفة التّوزيع و تغيير الأسلاك الخاصّة بخط هاتفك الى موضوع آخر بدل الموضع المتّصلة به حاليا .

[NADJIB-90]

هذا ليس مشكلك وحدك بل مشكل كل مشتركي انقطاعات الجزائر لايوجد حل صراحة الا تدبر معرفة يحلك الموضوع مايفيد لا رابور لا شكوي سقسي مجرب وماتسقسيش طبيب

[djamel123]

أنا على حسب ضني
أن هناك مشكل في الكابل وليس في الانترنت
نفس المشكل حصل مع أحد أصدقائي
الهاتف يعمل والأنترنت تتقطع واحيانا لاتعمل
وبعد أن ضغط على عمال الجزائرية للاتصالات
بكل الطرق
جاؤوا لبيته وقاموا باصلاح الكابل
واتضح أنه غير موصول جيدا بالعلبة الرئيسة اللي في الشارع

ادعي فقط أن يأتي الـجيل الثالث ويرحمك ويرحمنا منهم
أنا حالف أن أكون المشترك رقم 01 من ولايتي في هذه الخدمة

[bfares13]

نعم اخي صدقت اظن ان المشكل متعلق بالخط الهاتفي والربط بين العلبة والمودم

حيث ان انقطاع الانترنت الساعة 6متعلق باشتعال الانارة العمومية

فخطوط الكهرباء تؤثر كثيرا على خطوط الهاتف لان انقطاعات الجزائر تستغل اعمدة الانارة العمومية في ربط الكابﻻت

العل هو تغيير كابل الربط

هل اعوان انقطاعات الجزائر اغبياء او متغابين

[المهاجر المسافر]

السلام عليكم و رحمة الله

هذا المشكل يكون من خيط الهاتف اذا كان فيه وصلة في مكان القطع أو صدأ في العلبة الخارجية للحي خاصة الخيط الذي يربط منزلك , الرطوبة تشكل ترسب ( صدأ) النحاس فيقل مرور الحرارة بشكل جيد , خاصة معلومات الانترنت التي تتنقل مع التيار الخاص بحرارة الهاتف .
مررت بنفس المشكل و كل مرة سبب معين ( على مر 8 سنوات) مرة وجدوا المشكل في الخيط الذي يربط العلبة الداخلية مع الموديم ( ترسبات بسبب الرطوبة) و مرة في الوصلة بين جزئين من الخيط الخارجي التي ركبت بعد انقطاع الخيط بسبب عاصفة , و مرة في العلبة الخارجية للحي ترسبات في مكان اتصال الخيط الخاص بي ) و في المرة الاخيرة لم ينفع شيء و كان المشكل عام فقامت المصالح بتغيير العلبة القديمة الخاصة بالشارع و تركيب خيوط جديدة بعد ان قام الجميع بشكوى جماعية لكثرة الانقطاعات سواء الهاتف او الانترنت .

[الفارس27]

تخلصت مؤخرا من نفس المشكل، اتّضح أن السسب كان الكابل الموجود داخل المنزل
حاولي لأن تعيدي التوصيلات الموجودة بالمنزل و صلاحية الكابل. بالتوفيق