زوخو على عجايزكم بأروع طبق تقليدي شاوي

[أم تينهينان]

مرحبا بيكم في كوزينتي لأول مرة
أقدم لكم طبق تقليدي 100 /100 . من الشاوية جهة باتنة اسمو الرفيس نتاع الشخشوخة. أو المشلوش.
نعملوه في المناسبات و خاصة نجاح لولاد في القراية.
هو طبق لذيذ و خفيف يصلح مع القهوة نتاع لعشية للعايلة أو لاستقبال الضياف

و الان هذي هي الطريقة مع الصور و الشرح

1- تعجني عجينة عادية مثل عجينة الشخشوخة أو المحاجب . أنا صراحو طبقت طريقة الوهرانية نتاع الكيس المبلول
من بعد تديري الويزات كيما الصورة و تخليهم يرتاحو ربع ساعة

http://www13.0zz0.com/2013/10/31/17/182330077.jpg

2- تبداي تطيبي . حاولي ترققيهم على قد ما تقدري


http://www13.0zz0.com/2013/10/31/17/617665267.jpg

3- بعد الطياب توضيح في الصورة
http://www13.0zz0.com/2013/10/31/17/596914684.jpg


4- تروليهم بالورقة كيما السيقار


http://www13.0zz0.com/2013/10/31/17/419837668.jpg

الورقة مرولية


http://www13.0zz0.com/2013/10/31/17/826536588.jpg


5- تقصيهم كيما في الصورة بالمقص أو الموس

http://www13.0zz0.com/2013/10/31/17/231658969.jpg

6- حاولي تفرقيها بصوابعك


http://www13.0zz0.com/2013/10/31/17/270703410.jpg

7- تتحصلي على هذا الشكل. هنا واجدة


http://www13.0zz0.com/2013/10/31/17/158808382.jpg

8- حضري العسل. أنا استعملت طريقة أم أنس


http://www13.0zz0.com/2013/10/31/17/144229638.jpg

9- تفوري الشخشوخة نتاعك بطريقة عادية -اسمحولي ما صورتش هذا المرحلة

10- من جهة أخرى تحطي العسل و الزبدة يذوبو و صبيها فوق الشخشوخة المفورة


http://www13.0zz0.com/2013/10/31/17/590943796.jpg

10- حطيها في طبق التقديم و زينيها بالمكسرات اللي عندك أو السكر قلاسي ..............


http://www13.0zz0.com/2013/10/31/17/260472847.jpg

11- قدميها و كلك ثقة في نفسك ومن الأفضل تؤكل سخونة


http://www13.0zz0.com/2013/10/31/17/855167430.jpg

في الأخير مرحبا بيكم . باسم الله


http://www13.0zz0.com/2013/10/31/17/299937859.jpg





جربوه و ما تندموش
اللي بغات تفاصيل أكثر مرحبا بأسئلتها

[FELDA]

ما شاء الله ربي يحفظك اختي باذن الله نجربو مزيدا من الاطباق الشوية

[مليكة01]

يشرفني اني نكون أول واحدة ترد

يعطيك الصحة باين بلي خفيف ويشهي يم يم يييييييييييم

حسبت المغارف راهم ثلاثة قلت بالخف أنا نذوق الأولى

راني قلت لأختي أرواحي شوفي النساء واش راهم يخدمو في باتنة

يا ويلك شمري على يدييك أنت الي تزوجت عند الشاوية هههههه

[Basketteuse]

مرحباً ببنت عمي الشاوية ... كم احب هذا الطبق اظن انه مستمد من الرفيس الزيراوي . وبما ان الزيراوي صعب قليلا . اصبحوا يقصونه بالمقص ... ما رأيك ؟ فقد رأيت مؤخراً ان القسنطينيات ينسبونه اليهم !! بما انك أيضاً شاوية وربما اكثر مني خبرة ربما تستطيعين افادتي . وشكراااااا

[Meriemchawiya]

الله الله فكرتيني فيه راني طيبت الرقاق و قصيتو وخبيتو في الكونجيلاتور فكرتيني غدوة نجبدو نديرو بصح احنا نسميوه المشلوش
يعطيك الصحة

[أم تينهينان]

مرحباً ببنت عمي الشاوية ... كم احب هذا الطبق اظن انه مستمد من الرفيس الزيراوي . وبما ان الزيراوي صعب قليلا . اصبحوا يقصونه بالمقص ... ما رأيك ؟ فقد رأيت مؤخراً ان القسنطينيات ينسبونه اليهم !! بما انك أيضاً شاوية وربما اكثر مني خبرة ربما تستطيعين افادتي . وشكراااااا

شكرا أختي على الاهتمام و الرد :19:
هو فعلا أسهل بكثير من الزيراوي و لكنه أخف منه
أنا أول ما شفتو في باتنة . و لكن كليتو حتى عند حبيبتي القسنطينية في الحامة.
و على كل قسنطينة أو باتنة ما كانش فرق كبير في الأطباق التقليدية.
و ان شا الله كاش ما نهار نحطلكم الرفيس الزيراوي الشاوي على أصوله نتاع الأوراس
كما كانت تحضره أمهاتنا .

[ريم الوداع]

بففففففففففف علااه عليييييك حرامممم عليييك سفهتينييييي وقتلتينيييي بقدرة ربيييي راح نجربهااااا تسلم ايدكككك

[أم ريمة*]

ما شاء الله روعة

[Basketteuse]

احنا الزيراوي تاعنا نديروه بنفس طريقة المشلوش لكن مانقصوهش نفوتوه في السيار.. ومانزيدولوش الغرس .. مع العلم أني باتنية ولاحظت اختلاف طريقة تحضيره حتى بين الشاوية ...( مجرد معلومة) .. راني ننتظر طريقتكم في الزيراوي وقلبي ينحسر من السخفة ممممممم

[أم إناس]

اممممممممم يسلام عليك اختي يعطيك الصحه بصحتك اميميميم

[JIMI17]

يعطيك الصحة أختي حتى حنا في بلادنا نديروه من زمان و حتي صحاب ورقلة و غرداية يديروه في أعراسهم مع الشاي شكرا مرة أخرى أختي

[عماني نور]

احنا نسموه الرفيس ،، بزااااف بنين :( توحشتوووووووو

يعطيك الصحة على الوصفة و الصور

والله يبارك ع الفحلات ;)

[كوثرنيل]

شكرا جزيلا اختي وبارك الله فيك وفي مجهودك وحسب الردود فالطبق هذا تتميزبه منلطق عديدة من الوطن احنا تانيك في منطقتنا يعملوه وله طاجين فخار مخصص احنا في منطقتنا نسميوه الفتات وكنت حابة نشوف الطريقة لطيبتيه بها طريقة العمل راهي نفس الطريقة وعندنا راهو طبق تقليدي يعملوه في راس العام اي كيدخل العام لجديد وراهي عادة ان الام لما تتزوج بنتها كيدخل العام الجديد تديلها الفتات مع الدجاج لاننا نطيبوه مع الدجاج والطريقة اننا نحضرو لاصوص انتاعو نقليو البصل والتوم مع نبته فلايو نقطعوها رقيقة وفلايو جد ضروري لانة يعطي للاكلة مداق جد مميز مع الدجاج بعد ذلك نضيف الماء والطماطم ومن جهة اخرى نكونو طيبنا حفنة فول رقيق حتى يدوب الفول مع الماء ثم نضيفة للمرق والفول مع نبتة فلايو والدجاج مع بعض يعطيو دوق خاص ولاننسى حفنة حمص بعد موجدنا المرق نسقيو به الفتات لفورناه ويقدم مع الدجاج وليشترط ان يكون دجاج عرب والاكلة فعلا جدجد مميزة

[malek1608]

الله يبارك و يعطيك الصحة أختي ممكن تقوليلي السميد الي خدمتي بيه الله يخليك

[foufa rime]

بارك الله فيك

[mima adn]

يعطيك الصحة

[أم تينهينان]

شكرا جزيلا اختي وبارك الله فيك وفي مجهودك وحسب الردود فالطبق هذا تتميزبه منلطق عديدة من الوطن احنا تانيك في منطقتنا يعملوه وله طاجين فخار مخصص احنا في منطقتنا نسميوه الفتات وكنت حابة نشوف الطريقة لطيبتيه بها طريقة العمل راهي نفس الطريقة وعندنا راهو طبق تقليدي يعملوه في راس العام اي كيدخل العام لجديد وراهي عادة ان الام لما تتزوج بنتها كيدخل العام الجديد تديلها الفتات مع الدجاج لاننا نطيبوه مع الدجاج والطريقة اننا نحضرو لاصوص انتاعو نقليو البصل والتوم مع نبته فلايو نقطعوها رقيقة وفلايو جد ضروري لانة يعطي للاكلة مداق جد مميز مع الدجاج بعد ذلك نضيف الماء والطماطم ومن جهة اخرى نكونو طيبنا حفنة فول رقيق حتى يدوب الفول مع الماء ثم نضيفة للمرق والفول مع نبتة فلايو والدجاج مع بعض يعطيو دوق خاص ولاننسى حفنة حمص بعد موجدنا المرق نسقيو به الفتات لفورناه ويقدم مع الدجاج وليشترط ان يكون دجاج عرب والاكلة فعلا جدجد مميزة

شكرا على الملاحضة حبيبتي
الوصفة اللي حكيتي عليها نسميوها شخشوخة. حتى احنا نديوها غدا للعلروس في صباح عرسها
و لكن الوصفة اللي حطيتها هي لنوع من الرفيس "حلو"
طريقة الطياب كيف كيف في طاجين نتاع الحديد عادي المخصص لطياب الشخشوخة
و مرحبا دائما بيك و بأسئلتك

[أم تينهينان]

الله يبارك و يعطيك الصحة أختي ممكن تقوليلي السميد الي خدمتي بيه الله يخليك
شكرا أختي على المرور
السميد اللي نستعملو دايما هو سميد بن عمر الممتاز المتوفر في منطقتنا
و لكن تقدري تلقاي واحد مليح مثل سفينة

[نيفرتيتي.]

يعطيك الصحة

[nina13]

احنا في قسنطينة نسموه المشلوش رائع بارك الله فيك

[*نسيبة*]

يعـــــــــــــــــــــــطيك الصحة

[*أم ثازيري*]

ربي يحفظك ياااااي واش حوست على هاد الوصفه
ناشفا كي كنا في لاسيتي تجيبوا وحده تسكن في عين البيضا اممممممممم

[soriaalg]

مممممممم يشهي بارك الله فيك

[SAMAH SAMAH]

شكرا احنا نسميوها المشلوش

[*عاشقة الجنة*]

مشاء الله

تبارك الله عليك يا الشاوية

انا تاني نمووووووت عليه مي منديروهش بزااف

نديرو الرفيس بطريقتنا اذا حبيتي تشوفيه

راه في مواضيعي

[r39]

Allah ibarek bayena bnina

[ام محمد ساجد]

السلام عليكم بارك الله فيك اختي الكريمة بصح اشرحيلي كيفاش طريقة الكيس والمبلول وشكرا مسبقااااااااااااااااا

[*أم كوثر*]

ممممممممممممم يعطيك الصحة
في عنابة نسموه الرفيس
عندنا نوعين هدا ونسموه الرفيس تع الملاوي
والاخر رفيس عادي

برك احنا العجينة نبسوها بشوية زيت
وكي نطيبو الورقات نحكوهم على سيار خاص
ونفوروه مع الزبدة والسكر وعند التقديم نديرولو العسل والمكسرات

[أم تينهينان]

السلام عليكم بارك الله فيك اختي الكريمة بصح اشرحيلي كيفاش طريقة الكيس والمبلول وشكرا مسبقااااااااااااااااا

هذه الطريقة حطتها الزميلة الوهرانية 1 (http://www.djelfa.info/vb/member.php?u=419391)

و هذا هو رابط الصفحة
http://www.djelfa.info/vb/showthread.php?p=12222552#post12222552

و شكرا على المرور
:mh92:

[هديل مها]

4444444444444444444444444444444444444'

[أم ياسمينdz]

يعطيك الصحة

[oum souma]

يعطيك الصحة وصفة بنينة شفتها هاذاك النهار في قناة سميرة و عجبتني يسميوها لمشلوش

[ام الرميصاء]

احنا تاني نسموه المشلوش. ونقدموه مع اللبن في المناسبات السعيدة .ربي يدوم افراح الجميع.

[azizab12]

هدا الطبق في الاصل قسنطيني والشاوية ميعرفوهش .درك وين عادو يعرفوه واسمو المشلوش

[Basketteuse]

هدا الطبق في الاصل قسنطيني والشاوية ميعرفوهش .درك وين عادو يعرفوه واسمو المشلوش

هذا الطبق ليس قسنطيني المنشأ .. بدليل انو الشاوية يديروه من وقت الحضارة النوميدية .

[MERIEM SETIF-2-]

ما تتخيليش وش فرحت بموضوعك حكاولي على المشلوش و تمنيت نشوفو شكراااااااااااااااا ،بارك الله فيك و جزاك كل خير .

[ذكريات الطفولة 7]

السلام عليكم اختي هذا الطبق قسنطيني و نڨولولوا المشلوش

[أم تينهينان]

هدا الطبق في الاصل قسنطيني والشاوية ميعرفوهش .درك وين عادو يعرفوه واسمو المشلوش

معذرة أختي تعليقك فيه عنصرية و جهوية. و أنا كي قلت طبق شاوي نحكي على الرفيس وين شفتو و تعلمتو . و على كل حال احنا كامل جزايريين.

[أم تينهينان]

الأخوات . (http://www.djelfa.info/vb/member.php?u=248379)

روضة 88 (http://www.djelfa.info/vb/member.php?u=514908). Meriemchawiya (http://www.djelfa.info/vb/member.php?u=175550) . . oum souma (http://www.djelfa.info/vb/member.php?u=513802) . ام محمد ساجد (http://www.djelfa.info/vb/member.php?u=511787) . Batila137 (http://www.djelfa.info/vb/member.php?u=372307) . MERIEM SETIF-2 (http://www.djelfa.info/vb/member.php?u=394096) . .FELDA (http://www.djelfa.info/vb/member.php?u=248379)

شكرا على التعليق. و نتمنى نشوف على الأقل واحدة مدايراتو في التطبيقات و الّلا ما سيتاهلش؟؟
طلعولي شوية المورال
و نجيبلكم أفضل الأطباق اللي نعرفها مع الشرح الممل و الصور

[meriem beldjoudi]

walah ghir ichahi ya3tik saha

[موني السطايفية]

يعطيك الصحة

[سرور2]

شكرا اختي على الوصفة احنا عدنا في بوسعادة والجلفة نسموه لمبرم ونديروه غير في الاعراس ونديرولو الكوكاو او اللوز المرحي من فوق وكنعودو نخلطو فيه نديرو معاه الزبيب يجي هايل خاصة اذا اكل سخون

[الجزائرية المحبوبة]

يعطيك الصحة

روعة

[om roumaissa]

اممممممممممممممممممممممممم اسخف

[marwa255]

ya3tiik el sahaa

[oum islem]

lama ndir lmsemen njarbou

[iaman.fr]

يعطيك الصحة

[idron0]

بارك الله فيك

[حمودية]

444444444444444444444

[ام كوكو]

بارك الله فيك صح بنيين و ما يتشبعش منو صحيتي يا بنت عمي

[shanese hanane]

http://up.3dlat.com/uploads/13672394855.gif

[serine mouloudi]

طبق رائع حتى حنا في المدية ندروه رائع


يعطيك الصحة اختي شاوية خيار الناس:19:

[malisa19]

الله يبارك
ما شاء الله

[oum malek]

بارك الله فيك

[b-ilhem]

شكرا لكي اختي على الصور
ملاحظة فقط الطبق اصلا ليس جزائري بل مغربي و في الغرب الجزائري معروف جدا جدا و يقطع باليد و ليس بالمقص و يقدم بطرق مختلفة و اصل تسميته الرفيسة و ببحث صغير في قوقل تلقاي صوره و حتى كتب طبخ مغربية عنه و اشهر طرق تحضيره بمرق مع العدس و الفول و الدجاج و يقدم عندنا في الغرب مع السكر او العسل مع القهوة و الرفيس في الشرق الجزائري معروف جدا و يمثل الرفيسة التونسية و هو مختلف جدا عن الرفيس في المغرب و الغرب الجزائري . و بحطم دراستي للطبخ التقليدي اؤكد هذه المعلومة و من الامانة التصحيح و ليست جهزية او غيره لكن هناك اطباق معروف اصلها و يجب ان نحافظ على تراث بلادنا كما هو . الفرق انه الرفيس الجزائري يقطع صغير جدا اكبر بقليل من شخشوخة الضفر و يفور فورا و يدهن بالزبدة و يرش عليه السكر و يقدم مرفوق بالعسل . الرفيسة نفس الشيء و لكن تقطع على شكل اشرطة مثل ما قدمته لكنها تقدم بمرق خاص و الشخشوخة كذلك تقطع بشكل اكبر ببساطة لتمتص المرق .
فياريت نحافظ على اصول الاطباق لانه هناك اطباق معروفة مثل المشوشة و تكربابين في بلاد القبائل و الكباب و الشربة البيضاء و التشاراك من العاصمة و الشخشوخة من الشرق و الحريرة من الغرب و هي اصولنا و حضارتنا .

[kamimujer]

مشكووووووووووورة

[nina13]

بارك الله فيك شكرا على الوصفة كيما نتاع قسنطينة نعملوه كيما هكا

[*أم ثازيري*]

امممممممم روعة
عندي الشخشوخة ضرك نجربو ان شاء الله

[طالبة النجاحْ~]

جد مشهي يعطيك الصحة اختي

[سميرة10]

هذه الكيفية اسمها المبرم عندنا
شكرا

[nadira12]

http://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي.http://www13.0zz0.com/2013/10/31/17/855167430.jpg4444444444444444444444444

[ome ishaq]

يعطيك الصحةأختي

[Amina Ben 2016]

شكرا جزيلا اختي

[ziha24]

يعطيك الصحة بنين وتقليدي نحب الأكلات التقليدية خاصة الشاوية

[الدرّة المصونة]

ماشاء الله يعطيك الصحة

[الطائر الأصفر]

44444444444444444444444444444444444444

[yamina n]

:19:اكيد منندموش يعطيك الصحة الاخت الكريمة

[أم عبد الله السلفية]

السلام عليكم

يعطيك الصحة يالفحلة.......الله يبارك فيك

أنا شاوية و عزوزتي نايلية ان شاء الله نديرهولها و يعجبها

بصح لو حبذا بدلت عنوان الموضوع من زوخو على عجايزكم الى فرحوا عجايزكم ...هكا أفضل باه ربي يباركلك في موضوعك و تدي الحسنات أكثر,,,,,,,,شكرااااااااااااااااااااااا بوركت

[سمراء 40]

اممممممممممممممم معسلة تهبل

[rafik-12]

شكر ا بارك الله فيكم

[aya la belle]

يعطيك الصحه

[رحمة تقوى]

شكرا لكي اختي احنا في منطقتنا نسموه مرفوسة تقدم في الصباح يوم طهور الاولاد وتقدم كذلك في الصباح يوم صباح لعروسة انسموها مرفوسة العرسان

[جنة الفردوسْ]

روعة يعطيك الصحة

[جنة الفردوسْ]

يعطيك الصحة اختي تحيا االشاوية