دود من بطن ابني

[ايمان2009]

والله شئ ادهشني كثيرا حابيت نحكي معاكم و نتشاورو
انا ولدي عمره عام و 9 أشهر ياكل الحلويات بصفة يومية منين يخرجو عمه ولا ابوه او احد يجيبو معمر حلوى المهم البارح اكل الرمان انا نقشر و نمدله الله يبارك كلا تقريبا كعبة كاملة و الصباح كي ناض من النوم ناض يسعل مديتله مغرف زيت الضرو شرب شوي و في منتصف النهار يقولي "ماما نحيلي ديدي كاكا" اعزكم الله
كي رحت غسلتله جيت نشوف لاكوش حاشاكم لقيتها معمرة دود رقيق أبيض تشوكيت
قولولي وواش نديرلو نزيد نشربلو الزيت ولا نديه للطبيب و لا نخليه

[لينة71]

لا لا اختي متخليهش ايديه لطبيب يعطيلو واحد السيرو مليح ليه ...ربي يشفيه عن قريب ...حاولي تنقصيلو من الحلويات ...كيما يقولو احسن الامور اوسطها

[zahra13]

السلام عليكم
اختي الكريمة ماتتقلقي ما والي هذا شيء عادي عند الأطفال خاصة اصحاب الحلويات انا لم امر بهذه التجربة لحد الآن لأنو ولادي مايكلوش الحلوى قليل لكن دائما اولاد خويا كان عندهم يوجد دواء الأعشاب ولكن افضل دواء الطبيب يمكنك اخذه الى طبيب الأطفال فيه دواء لهذا الدود وامنعي عنه الحلويات تماما وعوضيها بالفاكهة ربي يجيبلو الشفا ان شاء الله.

[مواطنة]

اختي الله يشفيه
هذي هي المناسبة باش توقفي الكل عن شراء الحلويات و تقديمها لابنك دون حساب و لا رقابة
يقدرو يعوضو بالجبن او فاكهة او شيء من هذا القبيل
لازم تغسلي الفواكه و الخضار بالماء و الخل جيدا و كذلك الابتعاد عن الاكل الصابح
و من الافضل ان تاخديه للطبيب لانو احيانا تبقى تتكاثر لازم القضاء عليها بالدواء
زيت الضرو مفيد للسعال و للحروق ولا اعرف بالنسبة للدود

[bibicha]

اديه للطبيب اختي و راح يمدلو vermifuge او دواء يشبهلو المهم و نتي وصي ابوه يعود يشريلو علبة ياوورت خير من الحلوة او اعطيه حبة وحدة فالنهار و قبل 12 ربي يحفضهولك

[leilaz]

انا تاني ولدي كيف ولدك وديتوا للطبيب عطاني fluvermalتشربيه 3 ايام وتحبسي وبعد 15 يوم تزيدي تشربي 3 ايام وربي يجيب الشفاء محسوب الاولاد الكل يديرلهم الدود بصح نقصيلوا الحلوى على قد ماتقدري

["جنة فردوس"]

من الافضل تديه للطبيب و راح يمدلو des analyses "parasitologie des selles" يعني الكشف عن و جود طفيليات في الاوساخ اعزكم الله

هذاك الدود اسمو les ascaris" و نلقاوه بزاف عند الاطفال

الطبيب را اكيد يمدلو vermifuge و لكن عن تجربة الثوم هو عدو هذا الدود تقدري ترابيلو راس ثوم توكليهالو و لا تحطيهالو على شكل شميعات suppositoire و الله نتيجة مذهلة

[وردة زمن]

كي كنت نقرا تكنولوجيا التغذية دارت صاحبتي بحث على الدود ومن بين انجع الوصفات بذور اليقطين مهرسة مع العسل الحر فيها مضاد حيوي ضد الدود وزيدي بدلي عادة الحلويات باكل بذور اليقطين او ما نسميها عندنا الكابويا اللي نشريوها كيما التشغيل وربي يشفيلك وليدك

[عطر الجوري]

والله مالقيت مانقول الله يهديهم برك يعني انتي عارفة الموضوع وسامة انا ابني عام ونص مايعرفش وشنو هي حلو قليييييييل جدا نناس راهي مثقفة ضرك والي يحبو مايشريلوش حلوى يشريلو ياغورت فرماج فاكية ولا اقطعي عليه الخرجة واهدري معاهم انتي الي راكي تخلصي مع ولدك ماشي هوما انا لو مكانك نجري بيه للطبيب ربي يسترهم برك

[fati 17]

ربي يشفي ابنك احسن علاج الثوم غلي الحليب في الصباح مع سنة ثوم يوميا راح يشفى باذن الله

[om soulaiman]

ربي يشفيلك وليدك أنا ثاني وليدي حاسة عندو الدود لأنو يأكل وما يشبعش وكي درت التحاليل قالولي راها في البداية ربي يشافي كل لوليدات يا رب

[ام حاتم]

من الاحسن اديه لطبيب احسن

[ام حاتم]

نسمع كثير جدتي تقولنا الزيت زيتون مليح **الجزر قاتل لالدود و الله اعلم

[loufa]

اختي اعطيه الثوم وبذور القرع سمعتها من دكتور
الثوم تكون مقطعة والبذور المستحسن متكونش مقلية او محمرا
ديريلو فالياوورت او السلطة اذا ياكلها

[_lydia]

ربي يشفيه من الاحسن تشوفي طبيب حنا نديرو الخل بصح كي يكون الطفل كبير يعني سبع سنوات فمافوق نديرو قطن فيه الخل ونديروها في تلك المنطقة بلا ادخالو باش الدود يموت من رائحة الخل و ميقلقش الطفل

[RANIA 2001]

ربي يشفيلك وليدك ان شاء الله وانا تبالي الاطفال الي يجي فيهم الدود هوما الي والديهم مايوكهمش الحرور يعني دائما يديرولهم ماكلة خاصة وماياكلوش مع العائلة انا عندي ثلاث بنات نولفهم من الصغر ياكلوا كلش ويتقبلوا الحرور والحمد لله ماعنديش هاذ المشكل بتاتا هاذا رايي والله اعلم وربي يستر الوليدات اكل

[الحلم الجميل]

ربي يشافيه و كامل لولاد الصغار ..
ربي يحفظه ليك يا عمري غزال تبارك الله

[الأمنيات]

هدا عادي اختي كامل الاطفال يجيهم خاصة فترة التحضيري يتعداو من قلة النظافه
اديه للطبيب يعطيك دواء يشربه ثلاث ايام فقط نظن
المهم الثوم راح مليح وينفع ارحيه مع الجزر ني واعطيه كثري له راح ينقيه

[janino]

ربى يثفيه ما تخافيش كامل عانينا من هذا المشكل اديه للطبيب فقط

[aaya]

لا لا اختي متخليهش ايديه لطبيب
memkin tcharbih chih meghalli