سؤال لأم رامي و كل ماهرة في تحضير البريوش [الأرشيف] - منتديات الجلفة لكل الجزائريين و العرب

مشاهدة النسخة كاملة : سؤال لأم رامي و كل ماهرة في تحضير البريوش

عماني نور

2013-10-31, 12:59

السلام عليكم و رحمة الله و بركاته ~

ان شاء الله كااامل تكونوا ملاح و يصحة و سلامة

تعييشي يا أم رامي حابة نسقسيك على البريوش المحشي بالشوكولاطة ،، أنا جربتو ،، و خرجلي هاااااايل فالطعم ،، هش و خفيييييف و الله يبارك عليه

مع أنها أوّل تجربة ليا :mh31:

بصح الشكل :( يحشم :sdf: ،، خرجتلي الشوكولا كااامل و ساحت فالسنيوة ،، و كاين حبات اتثقبو من فوق و خرجت منهم الشوكولا ..... ماعرفتش علاش :confused: :confused:

وواش لازم ندير باش مايصراليش هكذا ....

حابة نعاود الوصفة هاد العشية ان شاء الله باش نديها معايا ،، راني معروضة للسهرة عند صاحبتي :19:

و خفت يصرالي كيما البارح :( ~

شوري عليا تعيشي

آآه و تاني حبيت نسقسيك على حرارة الفرن و المدة

~

راني نستنى فيك أو في أي ماهرة في تحضير البريوش

تعيييشوووو جاوبوني في أسرع وقت ،، باش نبدا نديرو

راااني نستنى

و اسمحولي تعبتكم معايا

عماني نور

2013-10-31, 13:14

زعما صح وااحدة ماعندها اجابة ؟؟ :(

الماسة النادرة

2013-10-31, 13:24

راكي خرمني انا لتطعم ولاشكل ههههه ممكن تعطيني الوصفة الي جربتيها

ام البنتين

2013-10-31, 13:34

اختي ما دام المشكل انو الشكولا خرجتلك يعني ممكن تكوني رققتي كثير العجينة بما انك جربتيه و عجبك حاولي تعمليها هذه المرة بسمك اكثر شويا بالنسبة للفرن 180 درجة و المدة راكي جربتي و شفتي اي انت و الفرن ديالك راني جاوبتك حبيت نعاونك لانك مستعجلة فقط

عماني نور

2013-10-31, 13:53

راكي خرمني انا لتطعم ولاشكل ههههه ممكن تعطيني الوصفة الي جربتيها
ههههههههههههه لالا انا الحمد لله خرج الطعم بقات الصورة غير واضحة :D

هاذي هي الوصفة ،، و جربيها على ضمانتي :19: (( نضمنلك الذوق بصح الشكل الله ينوب :o ))

http://www.djelfa.info/vb/showthread.php?t=1149717

*ام رامي*

2013-10-31, 14:14

عماني نور

2013-10-31, 15:00

راهي جاوباتك الاخت ام البنتين يعطيها الصحة
انت رققتي العجين شوية وكثرتي الشكولا ديري العكس العجينة خليها غليضة والشكولا غير شوية في النص واغلقي عليها ملييييييييح وحطيها تخمر ومكان الغلق يكون اسفل او ربما خمرتيها بزاف لدرجة ان العجينة تفتحت
الطياب انت والفرن نتاعك انا ندير 200 در جة حوالي ربع ساعة يطيب ونحمره من فوق فقط ونحطه في الرف الاوسط
هذه اول تجربة المرة الجاية تتقنيه اكثر
بالتوفيق

يااا عمري يااا عمري أم رامي بنفسها جاوبتني ههههه اصبري نستوعب خاطرش مانيش مآمنة :d

مشكوووورة يا أمي و اختي الغالية ،، صدقيني أنا كنت عرّة في الطبخ ظوكا ولّيت مرة و نص و الفضل بعد ربي سبحانو يرجع ليك

راني نطبق في أي حاجة و كل حاجة تقولي عليها ،، ربي يخليك لينا و مايحرمناش منك يااااارب و يجازيك عنّا كل خير

و اسمحيلي نزيد نديرونجيك شووووية برك ،، حابة نسقسيك على لاكرام باتيسياغ بالشوكولا ،، أنتِ حشيتي بيها لامونا و انا حابة نسييها فالبريوش

(( راني خليتو يخمر للمرة 1 )) ..... نخليه نص ساعة ... اومبعد نزيد نص ساعة ؟؟ سواسوا ؟؟ (( راني دايراتو فالصاشي " طريقة الأخت الوهرانية " ))

المهم ،، فالكرام باتيسياغ ،، الشوكولا كي درتيها فالأول مع الحليب اديريها قطع ولاّ مبشورة ؟؟ لاخاطرش معاهم المايزينة فأكيد رايح يخثار تم تم
و ماتلحقش الشوكولا تذوب لالا ؟؟

راني نستنى في جوابك على أحر من الجمر

و صدقيني شرف كبييييييييير ليا انك تكوني في صفحتي و تجاوبيني شخصيا

الله لا يحرمك من كل حبيب او قريب ،، ان شاء الله كل خير راكي اديريه فينا ربي يخرجو في أهلك وولادك ان شاء الله