بيتزا x بيتزا نتحداكم جميعا بعجينتي المميزة

[عماني نور]

السلام عليكم و رحمة الله و بركاته :mh31:
ان شاء الله كاااامل تكونوا ملاح و بصحة و سلامة :)

~
وليت نتحدى يااااه هههههه بصح صدقوني عجينتي للبيتزا صح مميزة ،، و مستحيييل تجربيها و تستغني عنها :19:

و تقدري حتى تخدمي بيها لي توغت ،، و مام تسحقي خبز ديريها و طيبيها على شكل خبز والله تجي هاااايلة

احنا فالدار معتمدينها و معتمدين عليها ،، و الحمد لله عمرها ما خيبتنا ^^

يعني ناااجحة ناااجحة بإذن الله :mh31:

و مام تخبيها فالكونجيلاتوغ تبقى شحال تبقى مايصرالها والو ،، و تجي خفييييييييييييييفة و طرية (( انا مانحبش البيتزا الي تجي كيما الفطير ،، مانحسش كااامل بلي راني ناكل :confused: ))

بصح هاذ العجينة تخرج منفوخة الله الله و بنيييييييييييينة ، زيديلها صووص مليحة من فوووق مانحكيلكش ممممممممممممممممم لا تقاااوم :o

المهم مانطولش عليكم

نعطيكم الوصفة ،، و اسمحولي لأني ماصورتش الطريقة ،، عندي صورة لبيتزا درتها في أول أيام رمضان الي فات ،، و كي شفت وصفاتكم قلت والله غير نحط مام انا الوصفة تاعي و تحديتكم بيها :p لأني واثقة من روووعتها ;):19:

يلااااا نبداو بسم الله :

المقادير :

- كأس زيت .

- كأس حليب دافئ .

- كأس ماء دافئ .

- ملعقة كبيرة خميرة الخبز .

- ملعقة كبيرة سكر .

- ملح (( حسب العبار الي راكم تعبرو بيه ،يعني عينكم ميزانكم بصح ماتكثروش :sdf: ))

- 2 حبات بيض .

- علبة ياغورت طبيعي (( هذا هو سر الطعم الخطييير و الخفة اللامتناهية :19: ))

- فرينة ... حتى تتلم العجينة .


التحضير :


خلطي السوائل مع بعض : البيض + الحليب + الزيت + الياغورت + ماء .... نضيفلهم الخميرة و السكر و الملح ... و نلم بالفرينة

لازم العجينة تجي طرية ،، ماتكثروش الفرينة

غطيها بكيس بلاستيكي ،، طرشون و خليها تخمر


حضري الصلصة ::

أنا شخصيا نموووووت على البيتزا بالطون ،، و على هاذيك دااايما ندير هاذ الصلصة

(( ماتستغربوش كي تشوفو البيتزا معمممممرة بلاصوص راني نموووت عليها :o ))

- حبة بصل نقطعها قطع صغيرة جدا + حبة طرشي (( فلفل أخضر )) مقطعة قطع صغيييرة جدا ... نقليهم مع بعض حتى يذبالو

نرابي 2 حبات طماطم كبيرة حمراء + ملعقة كبيرة طماطم مصبّرة ... و نفرغهم فالمقلاة ... نزيد التوابل " عكري + فلفل أسود + زعيترة + و الملح اكيييد

كي تطيب الصلصة ،، نحل العجينة ،، نديرها خبزة أو ميني بيتزا

نحطها في سنيوة ،، و نحط الصلصة فوقها و نبدا نوزع الطون كيما نحب (( تونة بالطاطم أو الطون الطبيعي الي يجي غير مع الماء و الملح )) ،، و نحط الزيتون ،، و المعدنوس (( الي يحبو )) ،، و الفرماج

ندخلها تطيب


و تبدى ريحتها تعبببببببببببق و تشهيييييي :o

و بالصحة و الهناء :mh31: :mh31: :19:


نتمنى تجربوها باش تفهمو احساسي و انا نكتب :( ..... تهبل تهبل تهبل :19:

و تجي خفييييفة و بنينة و تشبع ;) أهم حاجة :p

يلاااا الله قولولي رايكم زعما قد التحدي .؟؟

و ماتضحكوش على بيتزاتي راني نحبها هكذا معمممممممرة و محممممرة :p

علابيها دبدوبة :p

~

(( بالنسبة للصور والله راني من 6 تع لعشيا و انا نسيي نطلعهم ماحبوش :( ... حطيت واحدة فالمرفقات مي ماعجبتنيش تبان شكشوكة :mad: ماشي بيتزا :( .... المهم الوصفة راهي الفوق ،، و الصور نحاول ممبعد نحطهملكم ~ ))

[chez biba]

يعطيك الصحة نور، في انتظار الصور ان شاء الله

[أم ريمة*]

نجرب الوصفة ثم نعطيك النقطة هههههه باينة هايلة من مكوناتها بوركتى بنيتى

[عماني نور]

يعطيك الصحة نور، في انتظار الصور ان شاء الله

يسلمك حبيبتي ،، ان شاء الله في أقرب وقت :):rolleyes:
نجرب الوصفة ثم نعطيك النقطة هههههه باينة هايلة من مكوناتها بوركتى بنيتى

شرف ليا أنك تجربي وصفتي ^^ و نستنى رأيك :rolleyes:

مشكووورة على المرور ^^

[Meriemchawiya]

قريتها سخفت خلي يا لكان نشوفها يغطيك الصحة يا لالة

[*أم ثازيري*]

امممممممممممم شكراااااا
ياريت كن شفت الصور راح تعبر اكثر

[ام محمد78]

يعطيك الصحة

[maram89]

شكرا على الوصفة لكن هل ماتتعجنش خلاص يعني غير تتلم

[إلهام07]

نموت على التحدي .....................حطيلي الصور نقولك رأي وأكيد نجرب وننتقد :cool:
وجدي روحك :cool:

[<نَجْمَاتْ>]

يعطيك الصحة. سلمت يداك

[عماني نور]

قريتها سخفت خلي يا لكان نشوفها يغطيك الصحة يا لالة

ههههه اعطيني موقع مليح لتحميل الصور نخليك تشوفيها :( والله قاعدة غير نسيي فشحال من موقع ماحبتش تطلع ماعلاباليش علاه :(

امممممممممممم شكراااااا
ياريت كن شفت الصور راح تعبر اكثر

اعطوني موقع مليييح لتحميل الصور :(

يعطيك الصحة

يسلمك أختي مشكورة على المرور :)

شكرا على الوصفة لكن هل ماتتعجنش خلاص يعني غير تتلم

ماتتعجن ،، ماتعيي ،، ماتدي وقت ،، و تخرج تهببببببل ،، تجربيها و شوفي
نموت على التحدي .....................حطيلي الصور نقولك رأي وأكيد نجرب وننتقد :cool:
وجدي روحك :cool:

تآمني لوكان نقولك كلمة تحدي كتبتها و انا نفكر فيك ههههههه ،، ياخي انتِ ملكة المعجنات " و ماكذبوووش كي قالوا عليك ملكة " ماشاء الله :19:

و اعتبريني تلميذتك :) (( بيناتنا انتِ مانتحداكش نخاف نتبهدل هههههههههههههه ،، بصح جربي العجينة و قوليلي رايك :19: مجرد رأي ماشي تحدي :o " نخاف منك انتِ ههههههه " :p ))

يعطيك الصحة. سلمت يداك

يسلمك حبيبتي ،، مشكورة على المرور :)

[ام البنتين]

اعجبني فيك روح التحدي نجربها و نرد عليك

[sidali 2007]

يعطيك الصحة

[عماني نور]

مشكورات أخواتي على المرور :) ربي يبارك فيكم ~

[besbes]

بارك الله فيك

[lahna moka]

شكرااااااا على الوصفة حبيبتي أكيد رايحين نجربوها
بالنسبة لطريقة تحميل الصور نتمنى تستفادي من هذا الفيديو
http://www.youtube.com/watch?v=F5VpWiAdG1k

[أم ريمة*]

سلام لتحميل الصور جربى مركز تحميل الجلفة وربى يجزيك بنيتى

[مرام اروى]

يعطيك الصحة نجربها ان شاء الله ونرد لك الخبر

[lili2]

نجربها ونديرلك صور يعطيك صحة على وصفة

[أم إناس]

شكرًا اختي على الوصفه وَبَارِكْ الله فيك

[fifise88]

Ya3tik sah okhti w sah 3jina ray3a ana malfa nasta3malha tji hayla w bniiiiiiiina fort w tasta3mliha hata f ftayar :19::19:

[أم همام 2015]

بارك الله فيكي

[دلوعة أبيها]

نقراء في المقادير وانا نسخف انا من محبي البيتزا عجبتني وانا ماشفتها ماجربتها يعطيك الصحة راني انجربها ونردلك الخبر ياويلك لكان ماتعجبنيش
راكي جوعتيني على10 30 وفي ليلة باردة ههههههههه

[oum malek]

ya3tik al saha

[امعماد]

بارك الله فيك

[إلهام07]

يابنتي اين الصور :confused::confused::confused::confused:
هيه خلاص ماشي تحدي نعطيك رايي فقط هيا ترى :cool::cool::cool:
عزيزتي لا ملكة هنا لا والو هنا كامل نتعلمو من بعضانا ;);););)

[عصفور الجنة]

شكراااااااااااا

[aures40]

حسب مكوناتها باين عليها هايلة من غير تحدي مشكورة حبيبتي يسلموا يديك

[Oum salsa il]

يعطيك الصحة حبيبتي شهيتيني وحبيت نجر بها mais ماعرفتش واش قصدت بياغورت طبيعي هل هو le petit suisseولا ياغورت بدون سكر اشرحيلي واعطيني نوع الياغورت ليستعملتيه وشكرا راني نستنا الاجابة باه نجر بها ونرد لك الخبر

[تاج النور@]

واو تبان لذيذة بصح فهمني في الياؤوت ؟؟؟

[.kiki]

الله يبارك يعطيك الصحة ختي بانة هايلة.. عجبتني بزاف فكرة الياغورت الطبيعي..

[منى العلم نور]

انا نحب البيتزا بزاف والطريقة عجبتني برك حبيت انسقسي اذا قللت الزيت تجي مليحة

[رحاب 007]

السلام عليكم
اختي انا من عشاق وصفاتك المذهلة
راح نجربها ونردلك الخبر
تحياتي

[الشتاء البارد]

نعرفها ومرت عمي ديرها بصح بلا بيض و ياوورت وتخرج متنشبعش

[ام يوسف 2013]

شكرا لك وبارك الله فيك

[lila gh]

merci pour la recette
mais ma9oultinach wach ndirou bhadouk 2 habat bydh (les 2 oeufs.)

[lila gh]

aaaaaaaaaaah je m'excuse rani 3awdt 9rit la recette wallah la 1er fois j'ai pas vu les oeufs .
encor une fois n9oulek merci beaucoup

[lilianour]

شكرااااااااااااااااااااااااااااااااااااااااااااااا ااااااااااااااااااااااا على الوصفة اتمنى لك التالق والمزيد من النجاحاااااااااااااااااااااااااااااااااتتتتتتتتتتت تتتتتتتتتتتتتتتتتتتت:):):):):):):):):)

[nadiatlemcenia]

العجينة تبان راااائعة
نجربها ونتحداك ههههههه
بارك الله فيك

[tesnim27]

وااااااااااو مشكورة اختي اختي جربتها وجاتني هبااااااال

[lamiak1]

شكرا على الوصفة جاري التجريب

[ام عبد الواحد 2016]

شكرا جزيلا على الوصفة رايحة نجربها في اقرب فرصة

[لوسي جابر]

شئ رائع وجميل جداا

[زهرة213]

4444444444444444

[ام اسماء82]

شكرا على الوصفة

[hab12456]

بارك الله فيك

[*imene*]

جارب التجريب

[رقة زمان]

بارك الله فيك

[الشكورة]

يعطيك الصحة:19:

[oum mari]

أ لف شكر يا أختي

[ام ياسمين10]

اخخخخخخخ شهيتينى حرام عليك رانى نتوحم هاذا قع بلا صور

[بشـرى]

رغم أني لست من محبي البيتزا بصح وصفتك تبان بنينة ، ان شاء الله نجربها
يعطيك الصحة

[حياة نور الدين]

بارك الله فيك

[زوجته]

شكرااااااااااااااااااااااااااااااااااااااااااااااا ااااااا

[idron0]

بارك الله فيكي حبيبتي وجعله في ميزان حسناتك

[fofa08.ss]

يعطيك الصحة وجيبيلنا تصاوير

[oum imane83]

يعطيك الصحة

[fatisousou]

شكرا لك اختي

[salii24]

شكراااا ع الوصفة

[jawada22]

يعطيك الصحة

[wala]

شهيتينا كامل بصح ولا وحدة ورجعت وراتنا التطبيق ممكن انا معاهم يعطيك الصحة

[wala]

:dشهيتينا كامل بصح ولا وحدة ورجعت وراتنا التطبيق ممكن انا معاهم يعطيك الصحة

[SMILE NADOUCHA]

يعطيك الصحة

[ome ismail]

شكرا علي وصفة انا نديرها كيما هاك لكن بدون كاس حليب عطاهالي بائع بيتزا من مغنية ان شاء الله نجربها

[ام مريم15]

يعطيك الصحة انا نحب بزاف البيتزاونحبها معمر كيما انتي راح نجربها ونقولك

[عزيف]

شكرا اختي على الوصفة
ربي يجازيك

[DIDOUMINA]

4444444444444444444444444444444

[ام يونس و محمد]

شكرا لك اختي عندك الحق هي احسن عجينة بيتزا..........انا هده الطريقة راني معتمدتها مند سنين..............بصح مانديرش الياغورت.........كيما قولتي تصلح لكلش انا ندير بيها تورت...كوكا.....سوفلي........كلش ينجح بيها.



http://d.top4top.net/p_62ao3i2.jpg
http://e.top4top.net/p_62nfvf3.jpghttp://c.top4top.net/p_62oisa1.jpg

[salamon kalou]

:dj_17:شكرااا ا

[salamon kalou]

بارك الله فيك

اجو ان. تعجكم. ،،،المقادير. هي،،،،،،،،،، الفرينة. + دقيق+زيت. +ملح+سكر+وتجمع بالحليب. + الخمر. تع. الدار. +كيس خمير. تع. نوار
تعليهم. قريصات. صغير. وبعد. ميطلع. تقرصيه. وعملي. الحشو. كم. تحب. وبرمه.

كما. مسكوتش. غولي.

ودهنيه. بالصفار. البيض. ممزوج. مع. قليل. من. القهوة.

وتثقبه. ولحيه. يطيب. درجت. الحرار. ١٨٠.
راهو. هايل. انشاء. الله. جربوه. وردولي. الخبر.
......................شكراااااااا،،،،،،،،،،،

[salamon kalou]

مشكور. مشكورررررر

[fatima3131]

بارك الله فيك

[serine06]

Merci raou3a je l ai essayé

[marwa مروة]

بارك الله فيكم

[أم الزهرتين]

:dj_17::dj_17:

[anayis anayis]

يعطيك الصحة يا ختي شهيتيني

[سحابة باردة]

:19::19::19::19::19::19::19::19:

[amira155]

شكرا كثيرا على الوصفات

[ام ادم و اسيا]

شكرا على الوصفة

[hasna2016]

روووووووووووووعة

[princesse18]

ﻳﻌﻄﻴﻚ ﺍﻟﺼﺤﺔ

[omsafwa]

جربتها مليحة وهايلة مي خدمتها خبز وجا معجن مافهمتش وعلاه

[nanaalbahri]

الوصفة رائعة يعطيك الف صحة جربتها اليوم على العشاء العجينة روعة ربي يحفظك

[معلمة03]

يعطيك الصحة

[Lyne ramdani]

يعطيك الصحة

[amouna.sem]

بارك الله فيك

[سوسن تسنيم]

بصحتكم .
لكن مشكيتش انو يمكن الاحتفاظ بالعجينة لمدة طويلة لانو تحتوي على الياغورت
و الله اعلم

[amel62]

يعطيك الصحة

[نور لمين]

بارك الله فيك

[ليمونة مجنونة]

يعطيك الصحة اختي انشاء نجربها

[ذكرى أبي]

لقد أصبحت مدمنة على وصفاتك يا نور، جربت كذا وصفة و كلها ناجحة ، تمدي الوصفات من قلبك ، و خصوصا les astuces.و هذا الشي ماهوش قليل ، و يدل على طيبتك و كم أنك إنسانة راقية ، الله يرحم اللي رباك ، تستاهلي تكوني نجمة في التلفزيون ، لكن أكيد أنك نجمة عند الله ، بما تقدمينه ، و بالبيوت التي أسعدتيها.الله يجازيك دنيا و آخرة

[OUMHAFSSA]

شكرا على الوصفة

[ام هزار]

.................................................. .................................................. .................................................. ..................وين راكي يا نور توحشناااااااااااااااك

[mohamed1598753]

طريقة مميزة جدًا لعمل البيتزا

طريقة عمل البيتزا (https://www.borio-how.com/*****ng/how-to-prepare-pizza/)

[الدرة المصونة 5]

بصحتك اختي

[جنة الفردوسْ]

تسلم الايادي... جاري التطبيق*

[raghado]

امممممممممممم باينة تشهي يعطيك الصحة

[المطمئنّة]

السّلام عليكم ورحمة الله وبركاته
جزاكِ الله خيرا وشكرا جزيلا على مجهودكِ

[yasmine700]

يعطيك الصحه نجربها

[ياسين هشاام]

وصفة رائعة

[حياة مليزي]

يعطيك صحة اختي على الوصفة

[Ibtissam bl]

نجربهاإنشاء الله

[rayhana kass]

بارك الله فيك، هذي العجينة أصبحت عجينتي المفضلة في كل المملحات شكرا

[عائشة333]

شكرا على الوصفة

[النوميدي]

شكراً على الوصفة الرائعة، جزاك الله خير

[assiab]

نجرب الوصفة ثم نعطيك النقطة هههههه باينة هايلة من مكوناتها بوركتى بنيتى

[Ritaj.miel]

بالفعل، السر في العجينة
شكراا