كابوس الثانوية

[مشكلتي]

سلام أنا نادرا ما أضع مشاكلي في هذا القسم لأنه ليس من عاداتي نثقل همي مع هموم الناس لكني أردت طرح المشكلة لعلني أجد نصائح مفيدة:
أنا طالبة ثانوية سنة أولى،مشكلتي هي أنه كل البنات مايحبوش لما يشوفوني ندرس بجد،أنا ملي كنت ممتازة و نحب نقرى+كامل يقولولي"علاه تقراي هكدا؟علاه تحبي الدراسة؟"
و هذا أثر فيا بزاف،يعني وصل مجتمعنا لدرجة من التخلف يشوفو الانسان يجد في شيء مفيد يبغيو يحطموه؟
انا ماعندي حتى صديقة من السنة الاولى نصاحب غير بنات من السنة الثانية،لي نعرفهم من بكري،و لي يقراو معايا دائما يهدرو من ورا ظهري و للآن مافهمتش علاش يديرو هاك؟
أنا راني نشوف روحي نورمال و بالعكس كي طلعت للثانوي راني حابة نكمل قرايتي و ندي الباك بتقدير ممتاز
لكن راهم يشوفو فيا غريبة أطوار ،و انا صراحة مانبغيش نصاحبهم كيعاد جاوني كامل صحبة سوء من خلال تصرفاتهم في و خارج القسم
علابالي ما لازمش نسمع كلام الناس لكن هذا المشكل أصبح يغضبني

[بيت النّسيم]

و عليكم السّلام و رحمة الله و بركاته
أنت لم تقومي بشيء خطأ أختي الفاضلة ,, هكذ هم النّاس في يشتغلون بغيرهم و ينسون أنفسهم
لا تعيري كلامهم ايّ إهتمام
للأسف نحن في مجتمع معظم النّاس فيه ينتقدون غيرهم
إهتمّي بدراستك و لا تكوّني صداقات مع من هم اق منك مستوى (أقصد العقلية و ليس الدراسة) تابعي دراستك
و اتركيهم يغتابونك و لا تقلقي من هذا الأمر ابدا
فهناك فرق شاسع بين من يمضي في طريقه قدما و بين من ينفق كلّ وقته في تتبع عثرات النّاس و التّحقير من شأنهم و ظلمهم !
و استعيني يا اختي بقراءة القرآن فإن كل الرّاحة تجدينها هناك
وفقك الله أختاه

[naamane3]

من يري انه يوجد من يتفوق عليه
لا يجب له الخير ويتمني من كل قلبه ان يفشل
فلا تعيريهم اي اهتمام و انضري الى مستقبلك
الذي ستكونين فيه ذات شأن كبير
والله المستعان

[منهاج]

السلام عليكم

عامليهم مليح هوما راهم يشف فيك متكبرة انتي ديري خطوة معاهم لي ما يفهمش ساعديه لي عنده مشكل في

اجب حليه معاه عامليهم كل ما تشفيهم سلمي عليهم مشي بالضررة تصاحبيهم حتى ما يضركش بالهدرة

[لمعة السيف]

وعليكم السلام
ان كانت صحبة سوء والغتبة والنميمة والكلام التافه والسطحي والوقيعة بين الرفيقات ...
فماذا يفيدك هذا؟ وماذا تجني من كل هذا غير الذنوب والطبع السيئ ؟
و هجرهن افضل ولا يهمك ماذا قالوا..انت هدفك ان تصلي لمبتغاك اي الدراسة او ارضاء هؤلاء ...
لكن لاانصحك ان تكوني منزوية على نفسك وحتى لا يظن غيرك انك متكبرة ..
بل تواضعي وابحثي عن رفيقات فيهم الخير..
يقول الشاعر .أنت في الناس تقاس بالذي اخترت خليلا
فاصحب الأخيار تعلو وتنل ذكرا جميلا
....
جنب قرين السوء واصرم حباله**** فإن لم تجد منه محيصاً فداره.
..

[kamel76]

هؤلاء معظمهم يحسدونك على اجتهادك ، لا تعيريهم أي اهتمام و لا تدخلي معهم في نقاش حول هذا الأمر و اصبري على أذاهم ، و اعلمي أن أبواب الجامعة قريبة جدا منك فركزي أكثر على دراستك و اتركي لهم اللعب و الأمور التافهة . و لاتنسي الدعاء أن يعينك الله و يوفقك في دراستك و ألا يشمت بك الأعداء

[youcef seb]

تبعي قرايتك انا شاب كونت نجيب المعدل 17 و كيوصلت الى الليسي تبعت كلام الناس كانو يقولولي كيما انتي حتى عاودت الباك

بالاكي تبعيهم ركي شفتي واش صرالي

[*~عَبدُ الحَليمِْ~*]

او نورمال شيء عادي بالنسبة للمتازين مثلك
فقط انسي الامر و لا تعكري مزاجك بكلامهم

[AMINA.Z]

انتي بالاك يا اختي مواضيع النقاش تاعك كامل غير على القراية

حاولي ما تبينيش بلي تهتمي غير بالقراية و اتجنبي الكلام عليها

و خلي النتائج تاعك اللي تهدر في بلاصتك

[FOGHLOUL JAMEL2]

شوفي اختي
اولا بعدي عليهم قدر ما تستطيعين
ثانيا في وقت الفراغ حاولي تراجعي ايات من القرءان الكريم هكا متحسيش روحك وحدك
ثالثا اختاري من ترين فيها الدين والورع والحياء اجاسي معاها وتناقشو
رابعة ادعي الله يهديهم
خامسا اصبري فان الله مع الصابرين
اقول هذا مع اني ضد تمدرس الفتيات لكن الله يعوضلك عما فقدت خيرا

[○•ميسون•○]

انا تاني صرالي كيفك لكن و الله غير ربيتهم ولاو يقادروني

لي تهدر عليا و تضحك من ورا ضهري نبهدلها

الهدف تاعهم انك تكوني ضعيفة و تدي معدل صغير

ما تراعيلهم هاذو العباد غيارين

[dali rami]

نصيحة لك أختاه ،،، انا وبحمد الله مررت بتجربتك وكنت متفوقا بالثانوية ومازلت بالجامعة ،،، لاتسمعي لهم ولا تلتفتي اليهم واعتزليهم تماما وتجاهليهم من حياتك وامض في طريق ،، فالقافلة تسير والكلاب تنبح -- أعزك الله -- ، والعبرة بالخواتيم عندما يكلل جهدك بنجاح باهر ،، كامل التوفيق اتمناه لك

[وردة27]

نصيحة لك أختاه ،،، انا وبحمد الله مررت بتجربتك وكنت متفوقا بالثانوية ومازلت بالجامعة ،،، لاتسمعي لهم ولا تلتفتي اليهم واعتزليهم تماما وتجاهليهم من حياتك وامض في طريق ،، فالقافلة تسير والكلاب تنبح -- أعزك الله -- ، والعبرة بالخواتيم عندما يكلل جهدك بنجاح باهر ،، كامل التوفيق اتمناه لك
كلام في القمة اخي ..كيف احوالك مع الصيدلة

[وردة27]

السلام عليكم ....اختي كلنا مررنا بهذه المواقف في حياتنا ...نصيحتي لك لا تعيريهم اهتماما ضعي هدفا لحياتك و حاولي الوصول اليه بكل ما اوتيتي من قوة و صعي هذه المقولة في ذهنك "لم يترك لي اهتمامي بهدفي و تحقيق غايتي وقتا للكراهية او الحقد"ركزي في دراستك اختاه فهي اهم شيئ"كلما كانت شخصية الشخص اقوى وثباته على مبادئه اشد كان اهم في الحياة"موفقة اختاه

[اريج السلام]

انت في الطريق الصواب

[samara lara]

اختي متبعيش كلامهم و اخطيك منهم و هادي كامل غيرة وصلت لدرجة الحسد و الكره ما عليك غير تحطي راسك في قرايتك و ربي ينجحك ان شاء الله و ربي يوفقنا كامل

[hana555]

Khetitou ana kount kima nti f cem mi doka f lycée manbayanlhoumch ga3 bli na9ra adkhli m3ahoum f la3b ta3houm o f la fin ki tjibi une bonne moyen ywalou houma nadmin

[sara-sarora]

اختي انا كنت كيفك كانوا يكرهوني بصح دخلت في اللعب نتاعهم و هادا العام 2 ثانوي طحت في المعدل بسبب ظروف راهم فرحانين هادوا سموهم العديان مديريش عليهم وتواضعي ننصحك اختي بالتواضع

[karliemoshimo]

يا اختي انتي مادامك صغيرة خليك منهم ومن عمايلهم
ماتسمعيش لواش راهم يقولو لازم كلما تقولك وحدة هكداك انتي زيدي ديريلها أكثر ..... وزيديابذلي مجهود اكثر وخليهم يتحرقو
اقراي واجتهدي وخليك من كلامهم
وكنصيحة لازم تكون عندك ولو صديقة وحدة في مثل سنك تفهميها وتفهمك وتتعاونو على هاد المشاكل وتقراو مع بعضاكم
ومش شرط تكون من قسمكم شوفي طفلة من قسم اخر

[أميرة العلوم]

انت مراكش غالطة حنونة واصلي في طريقك و اقراي مليح

و اذا راكي حابتهم يتقربو منك ديري روحك كانك ما تقريش و حذاري تستعملي اسلوب ما خدمتش و ماجاوبتش و في الاخير تدي نقطة مليحة

كي يسالوك دائما قولي ماعرف حتى نشوف النتيجة

[sana42]

سلام أنا نادرا ما أضع مشاكلي في هذا القسم لأنه ليس من عاداتي نثقل همي مع هموم الناس لكني أردت طرح المشكلة لعلني أجد نصائح مفيدة:
أنا طالبة ثانوية سنة أولى،مشكلتي هي أنه كل البنات مايحبوش لما يشوفوني ندرس بجد،أنا ملي كنت ممتازة و نحب نقرى+كامل يقولولي"علاه تقراي هكدا؟علاه تحبي الدراسة؟"
و هذا أثر فيا بزاف،يعني وصل مجتمعنا لدرجة من التخلف يشوفو الانسان يجد في شيء مفيد يبغيو يحطموه؟
انا ماعندي حتى صديقة من السنة الاولى نصاحب غير بنات من السنة الثانية،لي نعرفهم من بكري،و لي يقراو معايا دائما يهدرو من ورا ظهري و للآن مافهمتش علاش يديرو هاك؟
أنا راني نشوف روحي نورمال و بالعكس كي طلعت للثانوي راني حابة نكمل قرايتي و ندي الباك بتقدير ممتاز
لكن راهم يشوفو فيا غريبة أطوار ،و انا صراحة مانبغيش نصاحبهم كيعاد جاوني كامل صحبة سوء من خلال تصرفاتهم في و خارج القسم
علابالي ما لازمش نسمع كلام الناس لكن هذا المشكل أصبح يغضبني
مشكلتي مل مشكلتك تماما و لكن لا تعيريهم اهتماما وواصلي دراستك بجد وتدكري دائما لا تحاسب نفس بدنوب نفس اخرى غدوا ماشي هوما لي يجيو ويحوسولك خدمة ولا يخدمو عليك اتمنى لك التوفيق