طورطات الليمون [الأرشيف] - منتديات الجلفة لكل الجزائريين و العرب

~اسيل ريحانتي~

2013-10-28, 17:44

السلام عليكم ورحمة الله وبركاته بعد ايام قليلة رايحين نحتافلو بعيد ميلاد ابنتي الحبيبة رايحة تكمل عامين ان شاءالله وراني حابة تساعدوني بوصفات les tarte تكون سهلة خاصة اذا كانت بذوق الليمون وشكرا لكن مسبقا:mh31:

~اسيل ريحانتي~

2013-10-28, 19:21

50 مشاهدة ولا احد رد عليا مسكينة بنتي ماعندهاش الزهر المهم شكرا على المشاهدة

فانيسا

2013-10-28, 19:43

يا اختي راي انك تديري طارط بالشكلاطة احسن والى حبيتي ديري جينواز وزينيها بكريمة الليمون وكل عام وبنتك بخير تتربئ في عزكم

كنوز البحار

2013-10-28, 20:37

ربي يحفظها علاه ماعندهاش الزهر..كون علي نجيبلها انا لاطارت ياعمري كل عام وهي بالف خير..ديري طريقة الجينواز تاع ام اماني و ديري كريمة الليمون فوقها راحتلي صاحبة الوصفة للاسف

~اسيل ريحانتي~

2013-10-28, 21:05

ربي يحفظها علاه ماعندهاش الزهر..كون علي نجيبلها انا لاطارت ياعمري كل عام وهي بالف خير..ديري طريقة الجينواز تاع ام اماني و ديري كريمة الليمون فوقها راحتلي صاحبة الوصفة للاسف
يااختي كنت قادرة نحوس على الوصفات بصح والله راسي راه يوجعني انا قلت نحط طلب باش تسهال عليا المهم يعطيك الصحة وشكرا بزاف على كلامك الحلو

~اسيل ريحانتي~

2013-10-28, 21:26

يا اختي راي انك تديري طارط بالشكلاطة احسن والى حبيتي ديري جينواز وزينيها بكريمة الليمون وكل عام وبنتك بخير تتربئ في عزكمبصراحة يااختي الكريمة تاع الليمون كنت كاتبتها ومالقيتهاش العجينة نعرف نخدمها بصح الكريمة غاضتني كي راحتلي فهمتينيييييييييييييييي شكرا اختي

ريتاج تيارتية

2013-10-28, 21:49

كاين بزاف راني لقيتلك هاذي ضوك نعاود نحوسلك المنتدى شوي ثقيل
http://www.djelfa.info/vb/showthread.php?p=1053326137

ريتاج تيارتية

2013-10-28, 21:51

http://www.djelfa.info/vb/showthread.php?t=1191908
http://www.djelfa.info/vb/showthread.php?t=1181911

JIMI17

2013-10-28, 22:13

1 - كريمة الليمون رائعة و دايمن مداومة عليها و هي 250غ سكر مع 300ملل ماء أي كاس و نصف نضع فوق النار حتى يدوب السكر تماما ثم نضيف 75غ نشاء محلل في 3معالق ماء بارد\ باش ما يتكلكلش نشاء في المحلول \و نحرك جيدا حتى يخثار. بعدها بعد من النار و نضيف 4 صفار مع التحرك السريع و نرجع إلى النار مدة دقيقة بعدها نطفي و نضيف قشور الليمون و 3 عصير الليمون و 70غ زيدة و نحرك . 2 العجينة 250 غ زبدة طرية مع 2 صفار مع 1بيض مع رشة ملح و 2 معالق كبيرة سكر ناعم و نضيف كدالك الفانى و ملعقة كبيرة ماء بارد نصف كيس خميرة كعك تخليلك العجينة هشة نبسو كامل مع بعض و نجمع بالفرينة و لا نعجن بعدها نضع في الثلاجة ترتاح مدة 15 دقيقة و الباقى تعرفية ,,,,, هدي العبرة تعطيك 2 تارت إدا كانت في مول المخصص للتارت و كل عام وبنتك حلوة

~اسيل ريحانتي~

2013-10-29, 08:20

1 - كريمة الليمون رائعة و دايمن مداومة عليها و هي 250غ سكر مع 300ملل ماء أي كاس و نصف نضع فوق النار حتى يدوب السكر تماما ثم نضيف 75غ نشاء محلل في 3معالق ماء بارد\ باش ما يتكلكلش نشاء في المحلول \و نحرك جيدا حتى يخثار. بعدها بعد من النار و نضيف 4 صفار مع التحرك السريع و نرجع إلى النار مدة دقيقة بعدها نطفي و نضيف قشور الليمون و 3 عصير الليمون و 70غ زيدة و نحرك . 2 العجينة 250 غ زبدة طرية مع 2 صفار مع 1بيض مع رشة ملح و 2 معالق كبيرة سكر ناعم و نضيف كدالك الفانى و ملعقة كبيرة ماء بارد نصف كيس خميرة كعك تخليلك العجينة هشة نبسو كامل مع بعض و نجمع بالفرينة و لا نعجن بعدها نضع في الثلاجة ترتاح مدة 15 دقيقة و الباقى تعرفية ,,,,, هدي العبرة تعطيك 2 تارت إدا كانت في مول المخصص للتارت و كل عام وبنتك حلوة
شكرا حبيبتي على الوصفة:mh31::mh31::mh31:

~اسيل ريحانتي~

2013-10-29, 08:22

كاين بزاف راني لقيتلك هاذي ضوك نعاود نحوسلك المنتدى شوي ثقيل
http://www.djelfa.info/vb/showthread.php?p=1053326137
بارك الله فيك اختي العزيزة:mh31::mh31::mh31: