زوجته الثانية هي لعبة المزرعة السعيدة افيدوني

[مشكلتي]

ا:sdf: السلام عليكم اخواتي الأعزاء
الزوجة الثانية لزوجي هي لعبة المزرعة السعيدة انه مدمن عليها عقلو غير معاها صبح ربي يشرب قهوتو امام هذه اللعبة حتى يروح عليه الحال, وبعد مايجي غير يفطر يروح يجري ليها صلاتو يصليها ويرجع يجري يلعب المزرعة قتلو مرات عديدة خطيك منها هي مضيعة للوقت خاصة بهذا الشكل ومافيها حتى فايدة ولكن ....لاحياة لمن تنادي فقط حبيت تساعدوني وتقولولي كيفاش نقدر نوقفو على هاذ اللعبة لي فعلا بعدتو عليا اكثر مماهو بعيد تخيلو يتركني مع الضيوف لوحدي ويروح يلعب رغم انهم اهلو هو والله نموت بالحشمة ارجوكم كيفاش نقدر نحبسلو هاذ اللعبة علما انو عندي فايس بوك نتاعو وكلمة المرور نتاعو و لأصحاب هذه اللعبة بصراحة واش الشيء لي يعجبكم فيها ....وكامل الشكر والتقدير مسبقا.
اسمحولي لكن فقط متقولوليش لعبي معاه لايمكنني اللعب في هذه المزرعة مانحملهاش ومعنديش الوقت مستحيل.[/size][/color]

[الماسة النادرة]

هههههههه كنت حانقولك العبي معاه راكي فتني للحل الامثل

[أم عبد النور]

السلام عليكم

الحمد لله أنه أدمن هده اللعبة ومأدمنش مخذرات أو قمار لقدر الله

أختي سرعانه ما ينساها ويجي وقت لي يملها وميزيدش يلعبها

مت بضحك كي قلتي يسمح في ضياف ويروح يلعبها هههههه

متقلقيش روحك ربي يهنيكم ان شاء الله

[لمعة السيف]

وعليكم السلام
اضحك الله سنك يا اختي ..
اللهو وضياع الوقت والذي هو اثمن شئ للانسان حتى يسارع للخيرات ..
اختي انت تردين ان يتفرغ لك ولبيته او تردين ان يزيل هذا المنكر
لقوله صلى الله عليه وسلم ..من رأى منكم منكرا فليغيره بيده...»
اكيد هي ليس فيها شئ لعبة كاي لعب لكن ان اعاقت الانسان عن واجبه
فهو شئ منكر ..

فهذا ادمان على شئ تافه يعيقه عن واجباته و لا ينفعه في الدنيا ولا في الآخر بل يأثم ...

الحل في يديك انت فإن عجزت هذا يعني انه بريقك زال ..اجعلي من نفسك مزرعة سعيدة

يفضلها زوجك فلا يوجد افضل من المحاولة في جعله يكرهاا وهذا بذكائك لكن حاولي

ان تنبهيه من ناحية الشرع وخاصة كيف يمضي وقته في اللهو واللعب..والوقت يمشي وهو غافل ..

[حمودية]

لا يا اخي هو ليس جايح بل مدمن لهذه اللعبة و بصراحة هذه مشكلة عامة لذا الازواج فواحد مدمن ايفون و اخر ممن بلاي ستيشن الله يستر

[souma.sousou]

الله يعينك يا ختي حتى اللعب معاه ماشي حل تخافي لاتولي مدمنة وتعيشو فالمزرعة السعيدة وتنسو االحياة ويولي بيتكم البيت التعيس.الله لا يقدر ...........حاولي اختي بالشوية تنسيه فيها مرة لعبي معاه مرا طفي المودام .كل خطرة جربي حاجا حتى يكره...ولا خليه يلعب قدامك خير ملي يروح يلعب برا.............

[jomana jiham]

خلعتيني كي قريت العنوان حسبت تزوج اعليك هههههه باسكو غير ظرك كنت نشوف موضوع على تعدد الزوجات

مين جات في اللعب ماعليش خليه يجي نهار و يمل منها.

[ام نسمة]

كنت راح نقلك العبي معاه هههههههههههه صراحة لعبة جميلة لا تقاوم احبها كثيراااااااااااااااااااااااااااااااااااااااااااااا اااااااااااااااااااا
ايه امالا ساهلة ماهلة طفي المودام كي يبدا يلعب بلاما يشوفك راح يمل وعلى الاقل لما يتشتت تركيزو ماراحش يكمل لعب او اسبقيه للبيسي او لاب توب او تابلات او الجهاز الل يلعب منو اسبقيه وقوليله راح نطول شوية انت ابقي تخدمي في الجهاز وتكلمي معاه في نفس الوقت ربما يتغير
ونزيدك هكا ولا اكثر يا ختي المزرعة السعيدة ولا المواقع الاباحية والمزرعة السعيدة ولا محادثة البنات والمزرعة السعيدة ولا الخمر والمخدرات والمزرعة السعيدة ولا السهر خارج البيت
احمدي ربي يا ختي وحلك هو انك انت تاني لازم تحبي المزرعة السعيدة والعبي معاه
ههههههههههه والله مني صح لعبة ممتعة ومسلية جدا

[متمنية]

يجى الوقت الى بنساه كترى دكر والاستغفار وما تعسبهش وشوفى حاجة وحدخرى تلهبك عليه حتى يكمل

[*نآدرة~]

ما نكذبش عليك،خليه كيما راه،هكذا ولا كثر
خير من راه متزوج عليك بامرة واحدة اخرى وخير من راه قاضي حياته في الدردشة مع البنات
هي صحيح حاجة تضر في القلب ،لعبة سخيفة كيما ذيك تشغلو عليك وعلى أهله وضيافه بالصح راني متأكذة يجي واحد الوقت وينساها ويكرهها غير وحدو
سمحيلي والله ما قدرت نعاونك بحل بالصح ممكن يقنعك رايي
يعني المزرعة السعيدة خير من الدردشة
بالتوفيق

[hodahodahoda]

الحمد الله ان المزرعة السعيدة اثرت فيه احسن من امور اخرى قد تقتلك و تدمر بيتك
هذا امر سينتهي عاجلا ام اجلا
عليك بالمحاولة و الصبر

[RANIA 2001]

ههههههههههه والله غير لعبة ممتعة مافيها والوا وانا ثاني كنت مدمنة عليها وراجلي كان يقابضني كي يشوفني نلعب ومن بعد كي شاف فيها منافسة وليت نشفو هههههههههههه عاد كي ينوض الصباح باه يروح يخدم يشعلي الميكرو ويحصدلي المزرعة ههههههههههه باه يضحك معايا وانا كي نوض نلقى مزروعاتي مازال مانبتتش نتخلع ويقعد هو ميت بالضحك على بالك نبات نزرع ومن بعد تقدمت في النيفو رحت بعيد وواحد النهار قالك المزرعة قيد الاصلاح ولا مانعرف وشيه زعمة كاين خلل يصلحو فيه ومن بعد كي رجعت تخيلي واش لقيت ______لقيتهم رجعوني للنيفو واحد ثم طفيت الميكرو ومازدتش لعب من هذاك النهار الى يومنا هذا على بيها يا حبيبتي ماتخافي ما والو يجي النهار الي يكره وحدو وحدو عن تجربة شخصية هههههههههههههه وكونو مايقعدش معاك ومع الضياف باه يروح يلعب هذا ليس تفريط ولا حاجة اخرى بل لان اللعبة فيها منافسة مايحبش المنافسين يفوتوه ههههههه قوليلو في الليل يزرع نباتات غالية وفي النهار يزرع حشيش راهو يطلع ليه ليه ههههههههههه ربي يكون في عونك

[khawlita.dz]

ههههههههههههههههههههههههههههههه اوكى
قلت ان لا ننصحك بلعبها لكن مادا لو حددت و اياه مدة زمنية يومية تلعبانها سويا و تتنافسان فيها و لا يقربها ابدا خارج اطار هدا الوقت

[الحلم الجميل]

ههههههههههههه الله يستر عليك و يهنيك يا اختي
ايا الحمد لله الي مدمن المزرعة و ماشي حاجة اخرى
رايحة نعطيك حلين ممكن يساعدوكي الاول انكي تلعبي معاه و لا تقولي لالالا ....معليش بسيف عليك
العبي معاه و بيني بلي راكي تحبيها و قوليلوا نلعبوا ساعة و من بعد نوضوا اوكي و بالوقت والي تلعبي معاه
و كي تكملوا ساعة ايا قوليله صااااااااي نريحوا شويا و من بعد نرجعوا نلعبوا :1: اعفسي على قلبك
و الحل التاني هو انك تجربي تلعبي معاه و تخلي شغل الدار و لو ليوم اذا كان ما عندك اطفال
يعني خليه بلا غدا و بلا عشا و بلا قهوة و كي يقوله وين راه الغدا قوليله راني نلعب و عجبتني المزرعة السعيدة كيما انت
كي تنوض نوض انا تاني و بالوقت راح يولي يخاف و ينقص منها عارف بلي اذا ريحتي لماكلة مكانش:1:
بصح بلاكي تولي انت مدمنة عليها هههههههههههه
ربي يهنيكم و رزقكم و بالوقت راح يكره منها

[mess fifita]

و الله نفس المشكل عندي انا ماما دايما تلعبها و مدمنة عليها لم اجد حلا

[karim.dz]

هههههههههههههههههههههه
المزرعة السعيدة الحمد لله كي مجاتش في حاجة اخرى هكذا ولا كثر
الحل داوها باللتي كانت الداء يعني انت ايضا ديري كيفو وكي
توصل لكرشو راح يحس بيك ومع الوقت يحبسها ....
والا حاولي لفت انتباهو ليك وريحي معاه اكبر وقت ممكن
حاولي تملايلو اواقت فراغو بحيث ينسى النت وليس فقط المزرعة السعيدة

[محمد جديدي التبسي]

الحمد لله الذي عافانا مما ابتلى به كثيرا من خلقه
هاته المزرعة التعيسة كرهونا بيها بطلبات الاصدقاء حتى عملتلها حظر
لذلك اعمليلها حظر في حسابو واذا لم يكن خبير ربما يشك ان هناك عطل في حسابه وبفتح عليك ربي
الأهم أن لا تجعلي هذا المشكل كبيرا اكثر من حدو وادعي ربي برك

[بيت النّسيم]

السّلام عليكم و رحمة الله و بركاته
عليك بالتّحدّث معه عن هذا الأمر ,, فلا يصحّ لرجل متزوّج أن يترك ضيوفه من أجل لعبة
بل و يتخلّى عن الكثير من واجباته !!
الحل هو ان تتحاورا و عليك بالدّعاء يا أختي
أسال الله تعالى أن يصلح حال زوجك و يهديه لترك هذه اللعبة
وفقك الله

[kameliya]

هههههههه ماتقلقيش روحك اختي مازال يكرهها ان كنت كيفو بصح يجي وقت وين يحس بلي ضيعلو بزاف وقت و مايزيدش يدور بيها

[فـرح]

ههههههههههههههههههههه انا نقوللها المزرعة التعيسة انا واحدة من الناس كنت نلعبها وراجلي كيف كيف كان مدمن عليها غير ما ينوض الصباح يقولي نوكل الجاجات تاعي ام جاعو ههههههه بالشوي بالشوي نحاها كره منها بصح القعدة تاع الميكرو ما نحاهاش والله كيما راكي تحكي بعد تقول على راجلي
يشرب قهوتو قدام المييكرو الماكلة يزرب ياكل ويروح يجري الصلاة كيف كيف يصلي ويولي ليه
يجي من الخدمة طووووووووول ليه والله نقولو راك متزوج بزوج كرهني بصح هكا ولا اكتر خير من السهرات تاع برا قدام عينيا خير
وتاني كيما راكي تحكي قدام الضياف تاني هكا سوا قدام تاع دارهم ولا تاع دارنا يقعد في الميكرو ويحكي معاهم عييت معاه ما لقيتش حل ربي يكون فالعون وخلاص
ما تقلقيش روحك رانا كل كيف كيف

[Fatima fato]

الله يعينك اختي اصبري عليه برك و درك يكره منها و يحبس حتى انا كنت مدمنة على وحد اللعبة و درك ما وليتش طايقتها

[Ouided]

أنا لو مكانك نقعد نتفرج عليه كيفاش يلعب ونشجعو كي يربح من بعد نقولو والله فكرة هاذ المزارع يجيبوا دراهم ملاح أيا ومرة نشريلو دجاجة حية نخليها تسرح تحت رجلية مرة أرنب مرة نقولو زيدني شوية دراهم نجيب نعجة نحطوها في البيت نستفادو من حليبها يعني نجسدلو العالم الإفتراضي في البيت حتى يعرف واش هي المزرعة ويكرهها

[~~ نَــدَى الــرَّيــحَ ـــــآن ~~]

اختي اي لعبة تدي وقتها و مبعد تسماط
انا تاني كنت مدمنة لعبة في الفيسبوك تشبه للمزرعة السعيدة و كنت نفطر و نتغدى و نتعشى و نراجع قدامها
حتى اني ايام الامتحانات في عوض نسهر نريفيزي لالا نروح نلعب
لكن الان مام با ما نخممش نفتحها لاني كرههتها
انتي ما تناقريهش عليها لانو راح يزيد يلصق فيها
خليه مع الوقت راح ينساها
و احمدي ربي يدمن المزرعة السعيدة خير من يشاتي ولا يدير معارف في لانتارنات

[haytoo82]

انا كان زوجي يلعبها كثيرا ولكن ليس بدرجة زوجك مع انه في البداية كان يضحك على كل من يلعبهاويشغل وقته بها ووصل بي الامر الى ما وصل بك اختي لكن مع مرور الوقت كرههاوخاصة انه ساعات تتعطل ويرجعوك للمراحل الاولى والان والحمد لله اذكريلو المزرعة السعيدة وهو يقلك تحشم تكره ماعرف كيفاه كنت نلعبها واخوتي كلهم توقفو عن لعبهل لعقوبة لزوجك في القريب العاجل ان شاء الله هي مسالة وقت

[عاشقة العلم والمعرفة]

والله اختي نفس مشكلتي انا كنت مدمنة عليها وبعد فترة وانا نلعبها جات اختي تسكن بعيد خارج الجزائر يعني كان عندي اهتمام بيها وقعدت عندنا شهر تقريبا هي اللي قطعتهالي ربي يخليها يعني لو ينقطع عليها فترة ويرجع ما يحبش يلعبها على خاطر هذي اللعبة شابة مع الاولى ومن بعد تسماط هذا رايي وان شاء الله عن قريب تتهناو مع بعض
واختي ننبهك كاين رجال مين يكون ادمانهم على حاجات اخرى لا سمح الله مشي لعبة يعني انت في رحمة
اتمنى لكما السعادة

[naamane3]

اجعليه يدمن على لعبة أخرى
حتي لا يستطيع التوفيق بينهما فيتركهما معا

[RANIA 2001]

أنا لو مكانك نقعد نتفرج عليه كيفاش يلعب ونشجعو كي يربح من بعد نقولو والله فكرة هاذ المزارع يجيبوا دراهم ملاح أيا ومرة نشريلو دجاجة حية نخليها تسرح تحت رجلية مرة أرنب مرة نقولو زيدني شوية دراهم نجيب نعجة نحطوها في البيت نستفادو من حليبها يعني نجسدلو العالم الإفتراضي في البيت حتى يعرف واش هي المزرعة ويكرهها

:dههههههههههههههه والله يا اختي وداد فكرتك هايلة عجبتني بزاف بصح تخافي تعجبو الفكرة الراجل ويربح في لافار ووليلها مشكل اخر امالا خليها في المزرعة انتاع الميكرو خيرما تولي تحلب وتعلف وتنظف انتاع الصح هههههههههه :d والله لا وحدك لقيتيهالها ذرك تقارن بين المزرعتين وتولي تعشق في المزرعة السعيدة:19:;)

[منهاج]

السلام عليكم

خليه يلعبها احسن ما يدير حاجة اخرى اكثر منها

[رحمة من المولى]

ههههههههههههههه الضرة مرّة الله يكون في عونك