كسكس المناسبات على اصوله بالخطوات المصورة من مطبخي

[ام اماني77]

السلام عليكم غالياتي

الكسكس او الطعام كل واحد كيفاه يسميه حنا في الشرق نسموه البربوشة هو من اشهر الاطباق التقليدية
كاين لي يعملو مرقة بيضا وكاين لي يعملو مرقة حمرا
حنا في الاعراس والمناسبات نعملوه مرقة بيضا باللحم والحمص والجريوات
حبيت اليوم نشاركم طريقتي في اعداد كسكس مرقة بيضا لان يجي بنين بزااااف لايقاوم بشهادة لي ذاقوه عندي
بدون اطالة نخليكم مع الوصفة

المقادير:

نحتاج لحم خروف ومن الاحسن يكون فيه شوية من الدهون يعني مشحم شوية

حبة كبيرة بصل
سنينات ثوم
حبة صغيرة طماطم ماتكونش حمرا يعني ماهيش طايبة مليح باه المرقة تجي بيضا
م ك كصبر مرحي
نصف م ك راس الحانوت
شوية فلفل اسود
ملح
زوج م ك زيت ما نكثروش خصوصا اذا كان اللحم مشحم
حبة صغير ةلفت
حبات من الجريوات
حمص
طبعا الكسكس و لازم يكون رقيق

الطريقة:
اولا نحضر المقادير

http:// (http://)http://cdn.top4top.net/i_8f1836d3a91.jpg (http://up.top4top.net/)

في طنجرة نحط اللحم ونرابي البصل والثوم والطماطم ونضيفهم ونضيف باقي المكونات

http:// (http://)http://cdn.top4top.net/i_cf6251f16e1.jpg (http://up.top4top.net/)

نحطهم على نار هادئة نضيف نصف كاس ماء ونخليهم يتقلاو جيييييييدا مرة على مرة نحرك

http:// (http://)http://cdn.top4top.net/i_9762be05071.jpg (http://up.top4top.net/)

نقشر حبة لفت ونضيفلها للحم ونخليه يكمل يتقلا على نار هادئة حتى اللحم يدخلو الطياب كيما يقولو العجايز :D
يعني مابقالوش بزاف يطيب

http:// (http://)http://cdn.top4top.net/i_df8f255e911.jpg (http://up.top4top.net/)

في هذا الوقت ناخذ الجريوات نقسمها بالطول وبواسطة سكين نشرحها

http:// (http://)http://cdn.top4top.net/i_b1577dfd961.jpg (http://up.top4top.net/)

نتبلها بشوية ملح وفلفل اسود وكصبر ونخليها تتشرب

من جهة نرجع للحم بعد ما دخلو الطياب نصفيه
ناخذ طنجرة اخرى نحط فوقها الكسكاس ونفرغ المكونات لي في الطنجرة كامل

http:// (http://)http://cdn.top4top.net/i_233bf6965a1.jpg (http://up.top4top.net/)

نرجع اللحم في البرمة لي طيبناه فيها وبواسطة ملعقة نرحي حبة اللفت باه تطلق البنة


http:// (http://)http://cdn.top4top.net/i_6ad1b7db2e1.jpg (http://up.top4top.net/)

ونضيف كمية الماء اللازمة

ملازمش نضيف بزاف الماء قيس مايتغطى اللحم فقط لاني كيما خبرتكم اللحم تقريبا طايب
نفرغ المرقة فوق اللحم وهذا لي يبقى في الاسفل نرموه حنا نسموه التخ نتاع البرمة


http:// (http://)http://cdn.top4top.net/i_90ba23da251.jpg (http://up.top4top.net/)

وهذا لي نرموه

http:// (http://)http://cdn.top4top.net/i_a724d43e8f1.jpg (http://up.top4top.net/)

الان ناخذ كمية الكسكس لي تلزمنا نغسلوه ونعصروه بالايدي ونحطوه ينشف شوية من بعد نضيفوله شوية زيت نحرك الكسكسي ونعملو يفور

http:// (http://)http://cdn.top4top.net/i_f4dc9dac701.jpg (http://up.top4top.net/)

بعد مايفور نضيفلو الملح وكمية من الماء باه يجي خفيف ونخليه يتشرب


http://http://cdn.top4top.net/i_1fb90510541.jpg (http://up.top4top.net/)]




في هذ الوقت نغسل الجريوات ونضيفها للمرقة


http:// (http://)http://cdn.top4top.net/i_b2a44ccc791.jpg (http://up.top4top.net/)


نعاود نرجع الكسكس يفور للمرة الثانية وبعد مايفور نريحوه بالزبدة يعني نضيفلو كمية من الزبدة ونحرك ونغطيه حتى وقت التقديم

http:// (http://)http://cdn.top4top.net/i_de25051fab1.jpg (http://up.top4top.net/)

في هذا الوقت تكون الجريوات طابت وهذي المرقة نتاعنا راهي واجدة

http:// (http://)http://cdn.top4top.net/i_76e086be2c1.jpg (http://up.top4top.net/)


بالنسبة للحمص انا دايما نطيب كمية كبيرة في لاكوكوط نضيفلو الملح والماء كي يطيب نخليه يبرد ونحتفظ به في المجمد
ناخذ كمية من الحمص لي كنت طيبتو قبل نضيفلها شوية من المرقة ونحط على النار يسخن من بعد نزين به الكسكس

هذا النوع من الكسكس نقدوه مع الفلفل المرقد الحار
ناخذ فلفل حار نضيفلو الملح +القليل من الماء والخل والزيت وسنينات ثوم مقطعين بالطول ونحط داخل مقلاة ونغلق عليه حتى يطيب

http:// (http://)http://cdn.top4top.net/i_2a9294fb361.jpg (http://up.top4top.net/)

والسلاطة الخضراء

http:// (http://)http://cdn.top4top.net/i_56677708641.jpg (http://up.top4top.net/)

وهذا المرقة لي نسقوه بها

http:// (http://)http://cdn.top4top.net/i_910b7cc7b31.jpg (http://up.top4top.net/)

تفضلو بسم الله الكسكس راه حاضر

http:// (http://)http://cdn.top4top.net/i_025286058a1.jpg (http://up.top4top.net/)

نحط الكسكس في صحن التقديم ونزين بالحمص والجريوات

http:// (http://)http://cdn.top4top.net/i_859c9743331.jpg (http://up.top4top.net/)

ونسقيه بالمرقة

http:// (http://)http://cdn.top4top.net/i_88f693cf3c1.jpg (http://up.top4top.net/)

ان شاء الله لي ماتعرفش تعمل الكسكسي مرقة بيضا تكون تعلمت ولي تعرف زادت استفدت اكثر
صراحة تعبت في تحميل الصور فقط لي تدخل الموضوع ماتنسانيش من دعوة خير لي ولعائلتي
في امان الله

[○•ميسون•○]

يعطيك الصحة سخفتيني

[أنآحلُم]

يعطيك الصحة ام اماني الله يبارك مراة ونص

[حنين40]

اوه لو تجو الى ماما تعملكم كسكسي على اصوله تأكون ولا تشبع وبالزبيب والحمص يالله على ذاك المذاق
الكسكس يوقف الركايب يبقى تاج المأكولات

[touta2010]

الله يبارك روعة حنا في الغرب تقريبا نفس الكيفية لكن منديروش الثوم ونعملو البطاطة وزرودية

[أم إناس]

شكرًا ام أماني والله كل وصفاتك روووووعه يعطيك الصحه يامبدعتي انا من معجبينك بارك الله فيك

[soriaalg]

ممممممممم يشهي يعطيك الصحة بارك الله فيك

[بنت غليزان]

الكسكس راهو يبان مشري مش مفتول في الدار لكن حنا نديرو المرقة انتاعو حمرا

[ام اماني77]

[quote=حنين40;1054724622]اوه لو تجو الى ماما تعملكم كسكسي على اصوله تأكون ولا تشبع وبالزبيب والحمص يالله على ذاك المذاق |
اهلا غاليتي
كل منطقة كيفاه تعمل الكسكس
حنا مانعملوهش بالزبيب ويجي رااااائع
ان شاء الله تفيدنا بالوصفة هكذا نتعرفوعلى تقاليد بلادنا
تحياتي لك وللوالدة الكريمة

[ام اماني77]

[quote=بنت غليزان;1054724708]الكسكس راهو يبان مشري مش مفتول في الدار لكن حنا نديرو المرقة انتاعو حمرا[/quote
شكرا لمرزورك غاليتي
الكسكس مفتول مش مشري
انا نحب المفتول احسن من المشري
شكرااااا

[ام اماني77]

شكرا غالياتي نورتو الموضوع

[أم سراج الدين]

يعطيك الصحة
ام اماني
نستفاد بززززاف من مواضيعك و لو اكلات معروفة بلمستك الخاصة تجي غير
امممممممممممممم


يعطيك الصحة حبوبة

[أم يحي صهيب]

ما شااء الله عليك اخيتي روعة شهيتيني مي انا جامي جربت مرقة بيضاااء

[أم ياسين الزهراء]

اممممممممممممممممممم الله يعطيك الصحة دايما عندك لمسة خاصة بيك سخفتيني امممممممممممممممممممم

[هند21]

طريقة جديدة عليا عمرني ما طيبت طعام مرقة بيضاء

ربي يبارك فيك يعطيك الصحة على الشرح المممتاز

[حلم جميل]

هايل الله يبارك

عمري ما جربت مرقا بيضا بصح نجربو ان شاء الله

عجبني بزاف

[ام بسومة]

بارك الله فيك ام اماني
ربي يحفظلك العائلة الكريمة

[فايزة44]

يعطيييييييييييييييييييك الصحة ام اماني والله كنت حابة وصفات مؤكولات من عندك ماتبخليناش وفحلة وبنت فحلة ربي يبارك وزييييد دمت متالقة وربي يبارك فيك وفي اهلك واولادك وجوزيييييت الفردوس الاعلى

كسكسي وعلييييييه الكلام امممممممممممممممممممممممممممممممم

[rofia.sarah]

شكرا على الموضوع و الطريقة جديدة ان شاء الله نجربها

[ilbeldelmondo]

نفس طريقة أمي و خالاتي كانو يديروه في الأفراح و الاقراح هههههه لكن الجميع كان يجي لعراسنا من اجله و انا نموت عليه يعطيك الصحة

[basmala farah]

يشهي الله يبارك خاصة انامن محبات الطعام

[قلمي سلاحي]

مبدعة ما شاء الله عليك

[oum ibrahim]

امممممممممم كلشي من ايديك غيييييير مبدعة تبارك الرحمان
ربي يحفظلك عائلتك و يفرحك باولادك

[بشرى2008]

chokraaaaaaaaaaaaaaaaaaaaaaaaaaaaaaaaaaaan

[<نَجْمَاتْ>]

ماشاء الله يا مبدعة حفظك الله انت واولادك وجزاك الله كل الخير

[aya la belle]

الله عليك يا ام امانى هدا واش يحب زوجى كسكس بالمرقة البيضاءلان صوض الحمراء تسببالحريق فى المعدة (الجاير) خاصتو طاس لبن ونقول لى ماجربوش كى تدوقوه تحلفى متزيدى طيبيه غير بالصوص البيضاء والف لك اختى على مجهودك هنا عرفت بلى راك حرة تع الصح

[أم تينهينان]

متالقة دائما كعادتك ربي يعطيك ما تتمناي انت و كامل عيلتك و الله أنا شخصيا موالفة نديرو بصح استفدت منك

[~اسيل ريحانتي~]

حنا في الغرب نقولوله الطعام يعطيك الصحة ام اماني

[anaris]

مادقتو مرقة بيضاء اكيد يجي هايل بطريقتك تشكرييييييييييييييييييييين

[ام ساجد]

يعطيك الصحة ام اماني بارك الله فيك نفس طريقتنا

[Oum Aness Bba]

صراحة عمري جربتو و لا ذقتو بالصح يبان يشهي ان شاء الله نجربو ..يعطيك الصحة أختي و بارك الله فيك و رب يجازيك على تعبك

[أم شيماءْ]

تسلم اديك روعة

[sidali 2007]

يعطيك الصحة

[صابرة2013]

بارك الله فيك

[faizarbh]

يعطيك الصحة اختي ام اماني ربي يجازيك و ربي يحفظلك العائلة الكريمة

[نيفرتيتي.]

يعطيك الصحة وبارك الله فيك يام اماني وصفاتك دائما في القمة
انا نموت على الطعام الابيض وراجلي مايحبوش
نديرو غير كي نكون وحدي
لكن حبين نسقصيك عل القرفة علاه مادرتيهاش لانه على حساب علمي الطعام الابيض لازم تكون فيها القرفة
نشالله نجرب طريقتك لانك شهتيني لدرجة كبيرة
ثان البصل كاين اللي يقسمو علة زوج ويخليه وبعد ينحيه
واش رايك

[امونة الشاوية]

يعطييييييييييييك الصحة ام اماني كلشييييييييييييييييييي تاعك مميز

[قطيطوشة]

الله يعطيك الصحة بربوشة هايلة
كيف تاعنا فقط أحنا الكسكس مانديروش فيه الثوم والقصبر
بصح خرجلك هايل

[القرآن راحتي]

ماشاء الله

[ام لقمان02]

الله يبارك تسلم الايادي

[nacimata]

جزاك الله كل خير :19::19::19::19::19:
ان شاء الله تكون في ميزان حسناتك
ان شاء الله ربي يعطيك ما تتمناي

[قوية بايماني]

ااااااااااااااااااااااااااام مشاء الله عليك والله غير شهيتيني راه حاب ينطق

[TATA SOUSOU]

الله يعطيك الصحة راه يبان بنين ياسر من صاب منو قصعة سخونة ياكلها مع الحباب

[ام محمد منتصر]

يعطيك الصحة

[oumhana]

الله يبارك ام أماني لتدرها تجيك هايله و رائعه ما شاء الله ربي يجازيك و يثقلك ميزان الحسنات .مع اني من محبات المرقة الحمرا لكن كشفت طعامك قلت لازم نجرب طريقتك خاطر شحال من حاجة تعلمتها عليك نطبقها و تخرجلي روعة مزال غير قريوش مطبقتوش خفتو خاطر ظهري مريض والطبيبه قالت لي ملازمش التعب بصح غير نبرا نجربو.شكرا لك و لكل اهل المنتدى الرائع.

[فـرح]

مممممم نمون عليه المحور يعطيك الصحة سيرتو كي نديرولو الكفتة يم يم

[& هبة الرحمن &]

http://store2.up-00.com/2013-10/138305755471.gif

[اسمهان79]

الله يبارك
رائع حقا

[faryal zahira]

احسن اكلة ممكن ناكلها مع لحم العيد بورك فيك

[intissar ben]

يعطيك الصحة جا روعة

[Tayr E'chamal]

Baraka elaho fi ki,y ban bniiiine bsahetkom

[بسمة فرح07]

كل حاجة من يدك ولو بسيطة تخرج تشهي بارك الله فيك على كل ما تقدمينه

[عطر و مطر]

الله الله عليك يا ام اماني
رائعة ومبدعة دائما
جزاك الله خيرا

[السيدة كرمين]

سخفتيني وأنا عاملة ريجيم حرام عليك

[خربشة ناعمة]

يعطيك الصحة اختي على الشرح الوافي و عرفتيناعلى طريقة ناس الشرق
احنا ناس الوسط المرقة البيضاء انتاع الطعام معتمدينها يوميا من زمان ...يعني كي طعام الدار او طعام الافراح..و جامي نطيبوه مرقة حمرا..
بصح كاين فرق مانحطوش الثوم و الطماطم و راس الحانوت في المرقة
نحطوا فقط بصل و زيت ملح فلفل اسود وقرفة و الحمص
و الخضر نحطوا القرعة و البنة خيال... و كاين اللي يحط معاها الجزر
اما الطعام انتاع الافراح يحطوا القرعة للبنة فقط مايسربيوهاش مع الطعام..يحطوا فقط الحمص و اللحم فوق الطعام..

[أم محمد تاج]

رووووووووووووووعة ام أماني حنونة والله ريحتو وصلتني
راكي تعرفي الشاوية نديروه احمر ولا ابيض وخاصة في الأعراس نديروه أبيض
شكرا وألف شكر على تعبك
وربي يحفظلك عائلتك يارب

[hony]

allah yebarek rabi yahafdhak w yekhlilak wlidatek w zawjak w yekhalik lihom w lina bien sur

[زهرةالعمر]

يعطك الله الصحة مبدعة دائما نتمنى منك تعملي البقلاوة بطريقتك بالتفصيل شكرا

[لمسة حنية]

ماشاء الله راائعه كعادتكي الف تحية عزيزتي

[*أم ثازيري*]

ربي يبارك فيك و في وليداتك يا ام أماني
طريقتي مختلفه عن طريقتك بصح النتيجة كيف كيف البنه ههههه
انا ساعات نديرو بالكسكسي المتوسط و الله هااااااايل

[zineb hanifa]

بارك الله فيك.

[zahra30]

http://www.lakii.com/vb/smile/32_307.gif

[mima adn]

يعطيك الصحة

[الصوامعية]

شكرا عزيزتي على الطبق الراااااااااااائع
حنا نسموه الطعام
مع اختلاف بسيط منديروش الطماطم والثوم ومنصفوش المرقة وكإضافة حنا نزيدولو غصن كرافص والجزر والتوابل ملح فلفل وقرفة فقط
شكرا جزيلا ام اماني طريقتك تستحق التجربة
بلا ما توصينا دائما رانا ندعولك

[أم ماجد]

يعطيك الصحة ام اماني
نفس طريقتنا لكن بالمرق الاحمر
ماناش متعودين على الابيض لكن نجربوه لاه لالا ؟
ربي يبارك في عائلتك

[ام اماني77]

شكرا غالياتي نورتو الموضوع

[إلهام07]

أولا شكرا جزيلا على الموضوع أكيد مفيد جدا للاخوات خاصة أنو المناطق اللي يديرو الكسكس أبيض في الجزائر قلال .

ثانيا : حبيت نجرب طريقتك لاخاطر ماما تربات في قسنطينة وكانو يديرو المرق أبيض للكسكس وحتى الىن ساعات ديرو بص بص يعني شوية برك أحمر ( تلوح فيه حبة طماطم كبيرة يجي شوية بصفورة بصح بنين ).
المهم حبيت نسألك على حاجة :
ديما ماما تقولي ماتلوحيش الجريوات في المرق نتاع البربوشة يطلق الصفورة نتاعو والماء نتاعو يرجع المرق ماشي بنين وثاني يرجع خفيف ماشي ثقيل
قاتلي في الأعراس نفورو الجريوات ونجيو شوية نتاع مرق في كوكوط صغيرة ونطيبيو فيها الجريوات باش مانحطوهاش مع المرق تفسدلو البنة

ضرك فهميني كفاش ندير ؟ أنا راني من عشاق الكسكس وتعرفي الكسكس راهو وجبة أساسية عند الجزائريين نحب نكون فحلة ونطيب كلش شيء :19: عليها نحب نتبعك ونتعلم عليك باش نولي حرة نتاع الصح ;)

راني نتبع فيك في كل وصفاتك وكل ماتسمح الفرصة نطبق وحدة منهم

حقة راني طبقت مءخرا بساط الريح + كيكة التوفي روووعة تهبل ( حقة استعملت كريم فراش نتاع الجزائر نورمال نتاع العلبة المدورة دير 80دج والله عطاتني نفس النتيجة نتاعك حبيت نقولك المعلومة هذي لاخاطر كاين اللي سقساو إذا ممكن يديرو بنتاع الجزائر نقولك على ضمانتي نفس النتيجة ;) :19: )


تحياتي لأحلى أم اماني

[loubna79]

يعطيك الصحة ام اماني الله يبارك

[ام بلبل]

ما شاء الله اختي وصفاتك كلها رائعة ربي يعطيك ما تتمناي و يحفظلك عائلتك امييييييييييييييييييييييييييييييييييييييييييين

[رحيق القلوب 29]

جزاك الله خيراااا

[om mehdi]

يعطيك الصحة سخفتيني راني ندير فيه ,حالة الصفحة تاعك ونخدم ان شاء الله يجي كيما تاعك

انا ديما متبعاتك ودرت وصفاتك منها بساط اريح و الملفوف و قاطو ماجور والغريبية وقاطو الجلجلانية بالبيمو وليمادلان تاع السميد و قاطو الطبقات و تاغتولات بالفواكه قاطو كحلوشي معسل وختي دارت قلوب الشكلاطة بالكاكو وجلجلانية وقاطو ليسيقار و كيكة بالدانيت و ان شاء الله مرة على مرة ندير الباقي حتى نكملهم ومشكورة بزاف لانو وصفاتك ناجحة لانو درتهم فالقهوةتاع اختي بدون ما نجربهم من قبل نجحت فيهم من اول مرة وزيد المعريض عجبهم كلشي وداخو فيهم
ربي يعطيك ما تتمناي

بوركت وزادك من نعيمه

[ريم الوداع]

فوووووووووووووووووور بلبزاف انا تعلمته منك نتيييييييييي ربي يفتحه عليييييييييييك حنونه

[lamiak1]

ام اماني دايمافور.

[زهرة الخليج _05_]

تهبل يعطيك الصحة ليوم انشالله تجربها حنا دايما نديروها مرقة حمرا

[liyna_24]

شكرا أختي نفس طريقتي بصح أنا ما نديرش الثوم
لي ما جربتش المرقة البيضة غير تزرب تجربها روعة
مشكوووووووووووووووورة

[ناديـة]

الله يبارك أم أماني أنا تاني من الشرق الجزائري الكسكس أكلتي المفضلة

[lamis.imen]

اممممممممممممم يشهي

[أم لجين هيثم]

جامي دقتو الكسكس بالمرقة البيضاء بصح تاعك راهو يشهي

[sarah89]

lah ya3tik elsaha ....la premier foi nchouf kouskousi avec toumm...mais enchallah njarbou...
bsahtkoum...Yami Yami

[idron0]

يعطيك الصحة

[فايزة1207]

شكراااااااااااااااااااااا

[oum didou]

merciiiiiiiiiiiiiiiiiiiiiiiii 444444444444444444444444444444444444444444444:19:

[zakia05]

بارك الله فيك فكرة جديدة عليا هداك اللفت

[iaman.fr]

يعطيك الصحة

[idron0]

يعطيك الف عافية ان شاء الله

[habiba1974]

يعطيك الصحة ام اماني الله يبارك مراة ونص

[جزائرية جلفاوية]

اممممممم والله فحلة يعطيك الف عاااااااااااافية

[amina-31]

شكرا على الوصفة حنا منديرش توم ونكترو بصل وجزر ومعدنوس
وفلمناسبات نديروه شوية حلو بالزبيب ولبصل وعسل...........

[amona23]

بارك الله فيك وربي يحفظك ويحفظ عايلتك

[صفاء الرووح]

ربي يعطيك ويحفضك ويسعدك ان شاء الله

[om roumaissa]

يعطيك الصحة هايل

[*ام ادم*]

يعطيك الصحة ام اماني الله يبارك مراة ونص

[أم تيم الله]

ربي يبارك فيك يعطيك الصحة

[nassima18]

بارك الله فيييييييييييييك

[*سالي*]

aaaaaaah ychhi fakrtini fih w hna fi ramdan emmmmmmm

[امل لا ينتهي]

بارك الله فيك اخيتي
ورزقك الفردوس

[hodahodahoda]

بارك الله فيك

[madie]

http://img4.hostingpics.net/pics/5198121254891585.gif (http://www.hostingpics.net)

[بنت سكيكدة]

ربي يعطيك ما تتمناي

بارك الله فيك

[القرآن راحتي]

ماشاء الله
الله يجازيك خير ويحفظلك عائلتك

[amouna18]

يعطيك الصحة ام اماني

[louli2007]

macha2allah
ya3tik sahha

[samaazarkaa]

ما شاء الله

[Flora Gucci]

بارك الله فيك
رووووووعة
يعطيك الصحة
ربي يجازيك

[om mari]

يعطيك الصحة

[narcisse lilas]

rawwwwwwwwwwwwwwwwwwwwwwwww3a

[روح مراد]

شكرا ليك يا أختي
ربي يعطيك ما تتمناي إن شاء الله

[ندى العيون]

يعطيك الصحة معندي مانقول ربي ابارك فيك
اشهي انا نموت على الكسكس كيما نقولو بالشاوية البربوشة


التزين اهههههههههبل
مشاء الله

[انتصار فاطنة]

اطباقك روعة عزيزتي

[ام كوكو]

يعطيك الصحة ام اماني هذي هي البربوشة نتاعي

[darkangel]

كسكس جزائري على أصوله
يشهي

[* ام زينب *]

baraka allah fiki

[fatinati]

الله يبارك و الله طعام و طعام
انا نحب المقادير تاع الكسكس يعني كيلو كسكس شعال لازملو ماء شكرا

[angel_forever]

حتى نحنا في تبسة نديروه في لعراس بصح من غير خضرة نديروه غير حمص وزبيب ويجي بنييييييييين وهايل

[sandra didou]

merciiiiiiiiiiiiiiiiiiiiiiiiiiiiiiiiiiiiiiiiiiiiii i

[أمّ عبد الله]

جزاك الله خيرا

[Farah Amani]

بارك الله فيك أم أماني

[أم تيم الله]

بارك الله فيك ام امانى

[ام نهوله]

يشهي ما شاء الله سخفتيني يعطيك الصحه

[HADIL2044]

يعطيك الصحة
ربي يجازيك

[حسناء القمر]

تسلم ايديك

[om djawad]

روعة يعطيك الصحة والعافية يارب العالمين

[amel...]

راني كلما ندخل لوصفة من وصفاتك ندعيلك بالخير و نقول ماشاء الله و نتمنا نولي فحلة كيما نتي
ربي يحفظك

[meriouma mimi]

روعة يعطيك الصحة

[idron0]

يعطيك الصحة بارك الله فيك

[kamimujer]

مشكووووووووووورة

[minina2601]

بارك الله فيكي
سبحان الله وبحمده سبحان الله العظيم

[LINA300]

بارك الله فيك

[ديدا ديدا]

الله يبارك هاذي بربوشة ولا خليني

[ام ايمان16]

يعطيك الصحة

[linda-b]

الله الله كسكس على اصولو

[Shaza]

مرسيييي اختي

[ام رضوان]

ام امانى الله يرزقك الامن والامان انت وكل عائلتك آمممممييييييين

[momrazika]

44444444444444444444 machaa lahhe

[شميشة22]

السلام وعليكم مشكووووورة

[ام محمد اسلام الله]

يعطيك الصحة سهيتيني

[أمة العزيز]

جازاك الله خيرا

[ibtissem_algerienne]

يعطيك الصحة

[افكار خياطة]

يعطيك الصحة

[chahrazad01]

يسلموووووو ام اماني

[Amina Hamidi]

بارك الله فيك
يسلموووووووووووووووو

[belle la vie]

جزاكي الله خيرا أختي

[warda 07]

هذا طياب لحراير شكرا اختي

[aya33]

شكراااااااااااااااااااااااا سلمت يداك

[Rababe_Gh]

ربي يعطيك ما تتمناي ان شاء الله

[ايمان فلاور]

يعطيك الصحة

[منار الحق]

يعطيك الصحة :)

[ام سيرين 84]

تسلم الايادي يا احلى ام اماني

[طبيبة سمية]

ما شاء الله

[الرسالة النبيلة]

[يعطيك الصحة

[omoamira]

جميييييييييييييييييييل جدااااااااااااااااااااا

[ome nadir]

روووووووووووووووووععة

[حياة نور الدين]

راني جربته وراائع بارك الله فيك

[um alaa]

روووووووووعة بارك الله فيك و جزاكي كل خير ان شاء الله

[TCR]

رائع تسلم هل أيادي

[assia47]

baraka Allaho fik

[ManouraHilwa]

الكسكس لذيذ وخاصة مع المكسرات جربوه

[holitchi]

بارك الله فيك يعطيك الصحة

[nawalsk21]

يعطيك الصحة أمم

[mona ashraf]

شرح رائع بالصور

[souma simo]

مشكووووووووووووووووورة يا غالية الله ينورك و ربي يحفظك

[بقلاوة]

4444444⁴ سخفت

[هبة3]

مممممممممم ابان بنييييييييييييييييييييييين يعطك الصحة

[noudjoud 05]

عطيك الصحة هادا الكسكسي الأصيل تاع الشرق

[jawada22]

يعطيك الصحة

[شقراء]

يعطيك الصحة وان شاء الله تكوني بخير

[fatisousou]

صباح الخير عليك
44444444444444 بدون مجاملة يعطيك الصحة ماشاء الله مع تحياتي :mh31:

[ام بلبل]

ما شاء الله دائما مبدعة

[عاشقة مجنونة]

كسكس و عليه لكلام امممممممم يعطيك الصحة

[chiraz16]

بارك الله فيك وربي يجعله في ميزان حساناتك

[La reine Nour]

الله يبارك.يعطيك الصحة

[ahlk39]

;);););););););););););):o:o:o:o:o:o:o:o:o:oو الله يعطيكم الصحة نفحتوني

[أم تقي الدين]

بارك الله فيكي على مجهوداتك الطيبة وجعله الله في ميزان حسناتك

[ounissinauha]

يعطيك الصحة ام اماني تقريب نفس طريقتي الا في الجريوات نطيبها تحت الماء الي تفور فيه البربوشة

[abassia81]

أممممممممممم كسكسي على أصوله

[mariilina]

ربي يجازيك بالخير يشهي

[تاج الوقار16]

مافهمتش مليح المرقه اللي ترميها

[4ayaaa]

ربي يبارك فيك وفي عايلتك

[imane-droit]

طريقة جديدة و رائعة في الول استغر بت الثوم في المرقة تاع الطعام و راس الحانوت لانو حنا في الغرب نزيدهم لمرقة بركوكس والقرفة و الفلفل كحل لمرقة الطعام و بدون شك مادام انتي طيبتيها الذوق يكون رائع معنديش شك في طيابك نجربها و نرجعلك الخبر

[emiscorpi]

يعطيك الصحة

[omme Mohamed]

اممممممم يشهي جاك يهبل و انا تحب الطعام و انا تاني نديرو مرقة بيضا

[أم محمدامين]

ما شااء الله عليك اختي ربي يخلكي

[fatisousou]

:mh31:بارك الله فيك

[sousou52]

شكرًا ام أماني والله كل وصفاتك روووووعه يعطيك الصحه

[كلمة حرة]

شكله مختلف قليلا لكني اجده صحي وشهي

شكرا ام اماني

[وردة الرمال43]

444444444444444444444444444444
البربوشة لي بلاصوص بيضاء حنا نسموها المحور

[كوثر التائبة]

يشهي يعطيك الصحة

[جنة الفردوسْ]

افضل طبق عندي نموت عليه مشكورة جدا

[sajda 31]

444444444443

[سهيلة2013]

yaatik saha

[sunshine2013]

مشكورة ام اماني

[البدرية]

بارك الله فيك

[جلالي بلخير]

الله يبارك روعة
الطعام همه لو كان على الماء

[أسماء سوما]

بارك الله فيك أم أماني و ربي يخققلك كل امانيك

[~راقيــة بأخلاقـــي~]

44444444444444444

[kahina maam]

ماشاء الله

[امال7]

ماشاء الله

[أم منتصر]

ما شاء الله عليك، وصفة رائعة، و شرح أروع، لكن تمنيت لو أعطيت لنا التوقيت، مثلا، مدة التفوار التي تعملين بها، و مدة طهي الكورجات ، لأنها تذوب لي في أغلب الأحيان، و هل يمكن تعويضها بالكابويا الحمراء ؟ و دمت متألقة.

[رميسا ريمي]

يعطيك الصحة راهو يشهي

[محتاجة لعفو الله]

بارك الله فيك و جزاك الله خيرا فعلا وصفاتك دائما مختلفة و فيها لمسة خاصة ربي يحفظك

[سحابة باردة]

ماشالله يشهي فعلا أبدعتي شاف ام أماني
الله يبارك طعام نتاع همة وشان

[فاطمة شلف]

شهية طيبة للجميع
بارك الله فيك

[شاف مريم]

شكرا جزيلا

[chedot browser]

thank you :)

[mimi hano]

يبان بنين ويشهي ربي يحفظك ويحفظك عايلتك.شكرا جزيلا لك

[imane imiy]

شكرا ام أماني وصفاتك اكثر من رائعة

[MALIKA88]

يعطيك الصحة شهتيني

[راكان خالد]

ماشاء الله