طريقة عمل عجينة التزيين [الأرشيف] - منتديات الجلفة لكل الجزائريين و العرب

aboayoub

2013-10-27, 15:36

عجينة التزيين لابات داموند لي تباع في المحلات تقدري تصنعيها ديري عبار سكر قلاسي المرجان +عبار نشا +ملون ابيض+نصف فنجال كليكوز يباع في محل الحلويات +ملعقة ماء الورد + ملعقة قارص عصيرواعجني اذا جراتلك اضيفي السكر او النشا حتي تلتم واذا مالتمتش زيدي الماء ورد او القارص ترقبوا المزيد ............
حلويات ....باتيسري ......لكرام....... افكار واسرار الحلويات كل هاذا واكثر مع
ام ايوب

aboayoub

2013-10-27, 15:54

ولا وحدى ردتلي المهم انا صانعة حلويات الي تحب تسقسي على اي حاجة راني هنا

salma26

2013-10-27, 15:58

شكرا لك اختي ربي يجازيك ان شاء الله

aboayoub

2013-10-27, 16:07

شكرا اختي سلمى26 ربي يحفظك

ام الاء وسدن

2013-10-27, 17:25

شكرا على الفايدة

طيور الجنة2

2013-10-27, 17:42

بارك الله فيك وجزاك الله كل خير

aboayoub

2013-10-27, 18:45

شكرا حبيبتي ام الاءو سدن على الرد ربي يخليك

aboayoub

2013-10-27, 18:52

وفيكي بركة اختي طيور الجنة2 ربي يخليك ويفرحك

sbmwhadz

2013-10-27, 18:59

بركت و شكرا لك لأنك عرضت علينا المساعدة الله يجعلها في ميزان حسناتك

aboayoub

2013-10-27, 19:09

شكرا اخي انا في الخدمة

sbmwhadz

2013-10-27, 19:32

شكرا اخي انا في الخدمة

بل أختك أستعمل عضوية إبني

yasmina 07

2013-10-27, 19:43

مشكوووووووورة أختي و الله أفدتيني ياسر ، لخاطر وراولي نتاع المارشمالو و نذوبو في حمام مائي و نضيفلو سكر قلاصي و ما صلحتليش ، بارك الله فيك

aboayoub

2013-10-27, 21:20

اسفة اختي انا ايضا استعمل عضوية زوجي

aboayoub

2013-10-27, 21:24

عفوا اختي ياسمين 07 اي استفسار انا في الخدمة

kamili1

2013-10-28, 16:28

بارك الله فيك وجزاك الله كل خير

omayoub2

2013-10-29, 04:33

merciiiiiiiiiiiiiiiiiiiiii

فوزية1975

2013-10-29, 06:20

شكرا على المعلومات

nounoudjs

2013-10-29, 08:01

يعطيك الصحه

hanaasiham

2013-10-29, 11:25

صحيت ربي يحفظك

ليلى القسنطينية

2013-10-29, 11:55

شكرا على الطريقة
جازاك الله خيرا

aboayoub

2013-10-29, 18:20

شكرا حبيباتي على ردودكم اليوم ساضع لكن وصفة صينية الفلون ترقبوني.....

aboayoub

2013-10-29, 19:08

3حبات بيض+3ملاعق سكر عادي كبار+3ملاعق زيت+ملعقة صغيرة فنيليا+3ملاعق فرينة+باكي خمارة الطريقة حطي المقادير بالتسلسل وضربي في البدايةالبيض مع السكر يجي الخليط جاري شوية فرغيه في صينية مدهونة بالزيت خليه يطيب كي يطيب فرغي فوقو الشاربات كاملة وخليه بجنب _في كسروله ديري 1لتر حليب +3ملاعق عشاء سكر+3.5 نشاء+ملعقة تع عشاء فنيليا الكل فوق النار حتى تعقاد ثم كبيها فوق القاطو الى وجدتيه من قبل ودخليه الثلاجة يجمد_في كسرونة ثانية حطي نفس المقادير +ملعقة كاكاو او اذا حبيتيها روز مثلا بدل الكاكاو حطي ملون روز و بنة الفراز وحطيه فوق النار حتى يعقاد وكبيه فوق الكريمة الاولى الي جمدت وخليه يجمد جي طبقات ثم قطعيه كيما تحبي وزينيه من فوق حسب الامكانيات

aboayoub

2013-10-29, 20:20

3حبات بيض+3ملاعق سكر عادي كبار+3ملاعق زيت+ملعقة صغيرة فنيليا+3ملاعق فرينة+باكي خمارة الطريقة حطي المقادير بالتسلسل وضربي في البدايةالبيض مع السكر يجي الخليط جاري شوية فرغيه في صينية مدهونة بالزيت خليه يطيب كي يطيب فرغي فوقو الشاربات كاملة وخليه بجنب _في كسروله ديري 1لتر حليب +3ملاعق عشاء سكر+3.5 نشاء+ملعقة تع عشاء فنيليا الكل فوق النار حتى تعقاد ثم كبيها فوق القاطو الى وجدتيه من قبل ودخليه الثلاجة يجمد_في كسرونة ثانية حطي نفس المقادير +ملعقة كاكاو او اذا حبيتيها روز مثلا بدل الكاكاو حطي ملون روز و بنة الفراز وحطيه فوق النار حتى يعقاد وكبيه فوق الكريمة الاولى الي جمدت وخليه يجمد جي طبقات ثم قطعيه كيما تحبي وزينيه من فوق حسب الامكانيات

الصينية تكون 40سم/40 واذا حبيتو الطبقة الاولى جي عالية ضاعفو مقادير العجينة

elise

2013-10-29, 22:15

شكرا على الافادة

مليكة01

2013-10-29, 22:20

السلام عليكم

شكرا على عرضك لمساعدتنا .
أريد أن أسأل على مقادير مقروط مقلي في الزيت
وأيضا على القلاصاج الي نزين به الحلويات كيفاش حتان يكون رقيق
إذا عندك وصفة

وما تحرميناش من حلوياتك ربي يحفظك ويخليك.

مليكة01

2013-10-29, 22:24

وإسمحي لي نزيد سؤال

الكليكوز يباع عند محلات الحلويات هو سكر يكون غبرة ؟

r39

2013-10-30, 08:42

Bonne idée merci chérie

عطر و مطر

2013-10-30, 10:20

شكرا جزيلا لك راح نجربها ان شاء الله :19::19:
ومادام راكي صانعة حلويات ان شاء الله نتعلمو عليك بزاف حوايج ماتبخليش علينا اوكي ;););):)
و جزاك الله خيرا

aboayoub

2013-10-30, 10:54

صباح الفل والياسمين شكرا حبيباتي على التقييم وراح نجاوبكم على كل الاسئلة الى الاخت الى تسال عن عن المقروط المقلي راح نحطلك الوصفة اصبري غير شوية برك والكليكوز يجي كيما لجولي او كاين الي يسميه ناباج يجي في باطات كاين الصغار والكبار يجي بنين بزاف في العجينة

إكليل

2013-10-30, 10:57

بارك الله فيك شكرا على الطريقة

ميرال هبة الرحمان

2013-10-30, 11:14

يعطيك الصحة اختي الفاضلة و شكرا على المعلومة ...........سؤال من فضلك : هل نضع فيه شوية من extrait تاع اللوز؟

aboayoub

2013-10-30, 11:37

ممكن تحطي اي بنة واي ملون لكن وحدو بحد ذاتو راح جيك بنينة بزاف

مليكة01

2013-10-30, 11:58

شكرا أختي على الرد

بارك الله فيك .

aboayoub

2013-10-30, 12:22

مقروط المقلا

3عبارات سميد متوسط+2ملاعق فرينة+ملعقة قهوة فنيليا+عبرسمن+3ملاعق زيت تكملة للعبر مايفيضش خليه يرتاح 2ساعات ماء الزهر هنا السر كي تعجني خوذي بالشوية واعجني حق 4او5 حبات لاخاطر ينشف بسرعة وراح ينحل في المقلة ....العقدة 3عبارات لوز او كاوكاو او تمر +نصف عبر يكر عادي +ملعقة عشاء فنيليا اذا كان كاوكاو+2ملاعق زبدة او سمن نلموه بماء الزهر حتى تولي عجينة خوذي شوية عجينة حليها في يدك وحطي العقدة في الوسط ولمي العجينة وديريها في مول تع الدزريات الي يكون وردة محلولة شوية ونقشي من فوق كيما تحبي انا نحط طابع تع وريقة في كل برج وحبة لوز في الوسط .طيبيهم بالمول نتعهم.__سخني الزيت مليح وحطي بالحبة اذا نحلت شوية اغطيسي الاخرين في الماء وبسرعة قطريهم واقليهم وعسليهم

مليكة01

2013-10-30, 12:39

يعطيك الصحة والله يعينك علينا .

تعرفي أختي علاش سقسيتك على المقروط كانت أختي عندها صاحبتها في المدية جابت من عندها مقروط واش نقولك ذوق وشكل
قالتلها نزيدو البيض فيه باش مايتفتحش في القليان

aboayoub

2013-10-30, 12:46

بلا مزية اختي مليكة 01 هاذا ناجح برك تكون يدك خفيفة كل حبة تصنعيها مباشرة طيبيها انا متخرجة على يد السيدة سراج راهي عندها حصة في اذاعة المدية كل اربعاء صباحا على الساعة 9

مليكة01

2013-10-30, 12:52

الله يبارك أختي

النساء في المدية معروفين بالحلويات من بكري ... كل صبع بصنعة ربي يحفظك لأهلك و يبارك في صنعتك .

aboayoub

2013-10-30, 12:58

يعطيك الصحة والله غير عندك الحق كتير الصنايع والبخت ضايع كنت في دارنا حالة نعلم الورد والحلوى درك كي تزوجت راح السعاف وراح كلش راني ناخذ غير الكوموند تع لعراس

مليكة01

2013-10-30, 13:13

واش نقولك أختي بزاف حوايج راهي تتبدل وتبدل في الناس
لكن تبقى الصحة والعافية وراحة البال خير من كلش
ربي يبارك في الوليدات ويقويك على خدمتك
نقول لأختي نهار سعيد

وما تخافيش ما دام قلتيلنا نصنع الحلويات
كل يوم تلقاينا في وجهك

وننتظروا منك المزيد والجديد

aboayoub

2013-10-30, 13:29

مرحبا بيك راني كل يوم نستنى فيكم

rasha holwa

2013-10-30, 14:37

شكراااااااااااااااااااااااااااااااااااااااااااا جزيلاااااااااااااااااااااااااااااااااا

kari yacine

2013-10-30, 16:07

شكرااختي شريتglucose باه نسييها

khnafnaf

2013-10-30, 16:40

ya3tik assa7a, sahla w mli7a, rabbi yjazik, w zidina anwa3 bach nastfadou, w merci

aboayoub

2013-10-30, 16:52

مرسي كتير على الردود الي طلعتلي المورال نوعدكم نطيلكم كل واش نعرف مع اسرار الحلويات بعد شوية راح نحطلكم عبار العسيلا الي تستعمل لمعظم الحلويات

aboayoub

2013-10-30, 17:28

العسيلا
3كيلو سكر واذا كان تع الحجرة احسن
4كيسان ونصف ماء (عبرت بكاس تع اينوكس الطويل)
شلخة شب (قد نصف حبة سكر)
نصف حبة قارص
حطي الكل بارد في بارد في طنجرة ثقيلة وحركي حطيهم فوق النار مرة على مرة حركيه كي يبدا يغلي احسبي 4 دقائق وطفيلو" حطي الساعة قدامك "
نحي النصف تع القارص بعد ما تعصريه في العسل بملعقة لخاطر سخون واظيفيلو باطا عسيلا نونورس تع كيلوا وخليها تبرد راح تزيد تعقاد (هاذا العبر يشرب سنيوة بقلاوة ويشيط ونعسلو بيه معظم الحلويات)

alchimi

2013-10-30, 18:37

جزاك الله كل خير أختي على ماقدمت

على ذكر البقلاوة

ممكن مقاديرك أنت للبقلاوة و الشاراك
مشكورة مرة أخرى.

aboayoub

2013-10-30, 18:44

شكرا حبيبتي alchimi العبر الي طيتو فيه عسيلا نونورس الي تنباع عاودي اقراي العبر وراح نحطلك عبر البقلاوة والشاراك وسر الكاوكاو باه يبان لوز

alchimi

2013-10-30, 18:51

آسفة أختي

إنتبهت من بعد

مشكورة ربي يعطيك ما تتمناي

aboayoub

2013-10-30, 19:12

البقلاوة
5عبارات فرينة
عبر نشاء
عبر مشي معمر زبدة ذائبة(فلوريال)
ملعقة كبيرة فنيليا
4حبات بيض حليهم في شوية ماء دافي
ماء الزهر
العقدة
3عبارات لوز او كاوكاو(2.5 كلغ)
عبر ليس مملوء سكر عادي
قرصة قرفة
ملعقة كبيرة فنيليا
بنة لوز الحلو في الكاوكاو
2ملاعق سمن ذائب
ماء الزهر
الطريقة=
الفرينة +النشاء+فنيلياخلطي +الزبدة وحكي بيدك ثم+البيض وحكي ثم صيريها في الرفاداو الي يكون متوسط وحكي في السيار بيدك باه يهبط الكل راح تعييك شوية لكن النتيجة رائعة ثم لمي بماء الزهر وادلكي شوية
اما العقدة رشيها برك جي متفارزة مشي معجونة
نتمنى تكوني فهمتي ولا مفهمتيش اي حاجة راني هنا

alchimi

2013-10-30, 19:32

ربي يعطيك على قد هذه النية تمديلنا بلا حساب .

إستفدت الآن الكثير منك .

الآن أسئلتي اللي راح تعبك شوي .....

ما هو العبار اللي قدمتيه في عجين البقلاوة لأنه عندو علاقة بعبار الحشو 2.5 كغ لوز و 4 بيض كاملين

وهل هذا العبار هو لصينية القاطو نتاع 1 متر يعني الكبيرة

بالنسبة للوز كيفية إستعماله في البقلاوة بالقشور و لا بلا قشور كيفاش تخدميه حتى تستعمليه

والسمن شحال باش تسقيها

ولا تسقيها بالزبدة أيضا

العسيلة ما نزيدلهاش الماء زهر باش نسقي نستعملها كيما صنعتيها

وشحال درجة حرارة الطياب وفي الأخير هذا العبار شحال يخرج من حبة

أنا نموت على البقلاوة نتاع برا تجي مقرمشة ومش مسقية بزاف وصفراء تكون باهية في اللون

شفت ما شاء الله لساني تسرح دو دو دو دو تقولي وقتاش تحبس .....................

aboayoub

2013-10-30, 19:40

الجاراكو مسيسات و عرايش نفس العبر
عبر سمن ذائب (عبري بمشيربة راه يجي زاكي)
عبر زبدة وزيت
فوق النصف العبر ماء الزهر
2 حبات بيض كاملين
2 ملاعق عشا سكر قلاسي
ملعقة عشا فنيليا
نلموها بالفرينة في الاخيروخليها شوية طرية راح تزيد تنشف حطيها في صاشي وزيديها رشة او 2ماء الزهر
الطريقة -ابداي حلي البيض والماء الزهرمع بعض ثم االسكر وخلطي+الفنيلاوالسوائل ثم الفرينة في الاخير
العقدة
3عبارات لوز او كاوكاو
عبر مشي معمر سكر عادي ( اي ناقص اصبع)
ملعقة قهوة فنيليا
2 ملاعق سمن او زبدة ذائبين +2 قطرات لغوم لوزاذا كان كاوكاو
لميها بماء الزهر

ملاحظة -اذا درتي عرايش زيدي سكرفاج القارص في العجينة والعقدة واذا درتي مسيسات نحي سكرفاج القارص وزيدي باكي خميرة نوارة

تغرينية

2013-10-30, 20:14

بارك الله فيك

عائشة62

2013-10-30, 20:53

بارك الله فيك

جازاك الله عنا كل خير

aboayoub

2013-10-30, 21:17

والله الدعاء احسن مكافاة راح نجاوبك على كل الاسئلة
1_ عبرت ب طبسي شربة متوسط (الطبسي يرفد 3 كيسان تع القازوز )
2_ نعم هذا العبار لسنيوة تع 1م
3_ اللوز كيما حبيتي
4_انا ندهن الطبقات بالزبدة احسن او خلطي زبدة و سمن اذا كان زبدة راح تدخل 2 حتى 3 باكيات فلوريال تع 250 غرام
5_العسيلا كيم هيا ما تزيدي والو
6_الطياب لازم يكون الفور سخون بزاف وسخنيه من قبل من بعد نقسيلو شوية برك اذا خفتي راح جيك 180 حتى 200 حبة حسب التقطيع
7_ نسيت باة نقلك كي تحلي العجينة رشيها بالنشاء ومتكثريش الدهين بين الطبقات هكذا جي مقرمشة
8_ اذا ستعملتي الكاوكاو اشريه بلا قشور واطحنيه مباشرة بلا ماتحمصيه و زيديلو 2ملاعق عشاء فنيلا تع الميزان احسن وحفنة لوز بقشورو راح تبان كامل باللوز

عائشة62

2013-10-30, 21:39

شكرا لك . ربي يوفقك

إذا ممكن حلويات جديدة الي تأخذهم العروس معاها

وأي وصفات حلويات بنواتكوكو مع قلاصاج شكولا

مانيش مزروبة في أي وقت يساعدك

نيفرتيتي.

2013-10-30, 21:49

مشكوووووووورة

عائشة62

2013-10-30, 21:52

أمام هذا الكرم أقول لك

يجعل ربي عملك هذا في ميزان حسانتك .

إن شاء الله نستفادو منك .
ليلة سعيدة

ريتاج تيارتية

2013-10-30, 21:58

شكرااا بارك الله فيك

bichaz810

2013-10-30, 22:03

بارك الله فيك على كرمك هذا وماتنسايش تحطي سر الكاوكاو الي يولي طعمو لوز

aboayoub

2013-10-30, 22:23

شكرا حبيباتي على ردودكن الحلوى الي تديها العروسة راح تكون صينية متنوعة تكون فيها حاجة تع طلية وكفتة وحاجة معسلة مثلا مخبز ودزيريات وفاكهة راح تكون من كل نوع 30 او 40 حبة وصينية ثانية فيها مقروط اللوز

aboayoub

2013-10-30, 22:53

غدا ان شاء الله راح نحطلكم حلويات النواد كوكو
تصبحون بالف خير

aboayoub

2013-10-30, 23:07

بارك الله فيك على كرمك هذا وماتنسايش تحطي سر الكاوكاو الي يولي طعمو لوز

سر الكاوكاو هو فيه 2 طرق الطريق 1 ولي انا نستعملها لانو اسهل وانا معنديش الوقت بزاف كي نشري الكاوكاو نشريه بلا قشور و نطحنو مباشرة ونضيفلو 2او3 ملاعق عشاء فنيليا تع الميزان و قطرات بنة لوز الحلو
والطريقة 2 فوري الكاوكاو في كسكاس وحطي في القدرة الي يفور عليها عصير القارص مع الماء وحطي حبة قارص مقطعة ثم حطيه في سنيوة مفرشا بكاغط تع الطاولات تع الاعراس وكل يوم بدلي الكاغط حت ينشف

om rahma

2013-10-31, 00:27

merciiiiiiii

ام ريم

2013-10-31, 04:32

يعطيك العافية

Babinaall

2013-10-31, 06:12

بارك الله فيك أختي لكن واش من عبار ستعملتي للسكر و النشاء؟ جزاك الله خيرا

mayaaa71

2013-10-31, 13:18

مرحبا أختي بيك معانا .

الحقيقة هذا المنتدى رائع البنات فيه ماشاء الله .

وهاكي زدت أنت الله يبارك تكمل سعادتنا بيك .......أهلا وسهلا بيك مرة أخرى .
أنت تعلمين أختي أننا دائما بحاجة للتعلم ...هناك من تعمل وليس لديها الوقت للتعلم في المدارس الخاصة .. وهناك من ليس لديها المال لتتعلم .. وهناك من تسكن في المناطق البعيدة لا يمكنها ولا يسمح لها بالتنقل إلى المدن أين توجد المدارس الخاصة للحلويات
وأنت الله يبارك صاحبة الصنعة فتحت لينا باب الخير
الله يزيدك من نعيمو ويفتح أبواب الخير في وجهك ويهون عليك كل صعب آمين .

فقط لا تحرمينا من أسرار الحلويات والجديد في هذا المجال .

aboayoub

2013-10-31, 14:03

بارك الله فيك أختي لكن واش من عبار ستعملتي للسكر و النشاء؟ جزاك الله خيرا

مساء الخير حبيباتي اسفة على التاخير في الرد الكهرباء كانت مقطوعة من الصباح
ستعملت مشيربة صغيرة راح نحطلكم عبار اخر تاني ناجح اخذتو من عند وحدة من كتاب للتورتات انجليزي
المقادير
3كيسان سكر قلاسي انا نستعمل المرجان
كاس نشاء
2ملاعق ماء ورد
ملون ابيض (انا نستعمل تع الميزان)
نصف كاس كليكوز ونفس الشيء اذاجات جارية زيدي السكر ونشاء وادلكي شوية
انا نسيت في الاولى محطيتش ملون ابيض

aboayoub

2013-10-31, 14:11

مرحبا أختي بيك معانا .

الحقيقة هذا المنتدى رائع البنات فيه ماشاء الله .

وهاكي زدت أنت الله يبارك تكمل سعادتنا بيك .......أهلا وسهلا بيك مرة أخرى .
أنت تعلمين أختي أننا دائما بحاجة للتعلم ...هناك من تعمل وليس لديها الوقت للتعلم في المدارس الخاصة .. وهناك من ليس لديها المال لتتعلم .. وهناك من تسكن في المناطق البعيدة لا يمكنها ولا يسمح لها بالتنقل إلى المدن أين توجد المدارس الخاصة للحلويات
وأنت الله يبارك صاحبة الصنعة فتحت لينا باب الخير
الله يزيدك من نعيمو ويفتح أبواب الخير في وجهك ويهون عليك كل صعب آمين .

فقط لا تحرمينا من أسرار الحلويات والجديد في هذا المجال .

تسلمي حنونة امييييين ربي يتقبل دعواكي ان شاء الله عندك الحق كل وحدة وظروفها ان شاء الله راح نمدلكم كل واش نعرف وكل ما نكتشف حاجة جديدة مش راح نبخل عليكم

aboayoub

2013-10-31, 14:32

شكرا لك . ربي يوفقك

إذا ممكن حلويات جديدة الي تأخذهم العروس معاها

وأي وصفات حلويات بنواتكوكو مع قلاصاج شكولا

مانيش مزروبة في أي وقت يساعدك

حنونة ماتقوليش راني نسيتك درك شوية نحطلك حلويات النواتكوكوا
فيما يخص حلويات العروسة راح نحط صور في الايام القادمة ان شاء الله

aboayoub

2013-10-31, 14:56

les boule de néje
كريات الثلج
2 عبارات نواتكوكوا اطحنيه
نصف عبر سكر عادي
ملعقة عشاء فنيليا
نعجنوها ببياض البيض ضربيه شوية
ديريها كويرات ورشي السنيوة بالفرينة وطيبيها
( ممكن تحطيهم في لمول تع السيليكون قلوبة راح يكون الشكل احسن انا منيش مجربتهم في هاذو لمول لكن الفكرة جاتني ذرك )
كي يطيبو خليهم يبردو مليح
والقلاساج كيما حبيتي انا هاذو نديرلهم طلية وانتي اذاحبيتي تغطسيهم في شيكولا او في معجون ثم رمديهم في سكرفاج الشيكولا نصف ابيض ونصف بلون اخر او رمديهم في قوفريط او بستاش لك الاختيار .
راح نحطلك غوسات اخرين لكن في المساء انا راني مشغولة شوية...

عائشة62

2013-10-31, 15:34

بارك الله فيك تفكرتيني ..

الله يكون في العون رغم أشغالك تفكرتيني ....يكثر خيرك أختي

في المساء أرجو منك إجابتي على أسئلتي

الطلية نتاع العرايش و المخبز وكيفاش يصنعو هذيك الخطوط الرقيقة فوق الحلوى هي قلاصاج ولا فوندون وكيفاش تكون متقونة بهذاك الشكل .

والطلية نتاع شكولا للقاطو الجاف أي نوع من الشكولا تستعملي ممكن طريقتك .

الحلويات التي تعسل مثل البقلاوة الدزيريات تتعسل فور خروجها من الفرن و العسل يكون دافىء ولا سخون مليح

والبقلاوة شحال مدة طيابها في الفرن .

وبارك الله فيك وربي يخليك لينا.

aboayoub

2013-10-31, 16:06

بارك الله فيك تفكرتيني ..

الله يكون في العون رغم أشغالك تفكرتيني ....يكثر خيرك أختي

في المساء أرجو منك إجابتي على أسئلتي

الطلية نتاع العرايش و المخبز وكيفاش يصنعو هذيك الخطوط الرقيقة فوق الحلوى هي قلاصاج ولا فوندون وكيفاش تكون متقونة بهذاك الشكل .

والطلية نتاع شكولا للقاطو الجاف أي نوع من الشكولا تستعملي ممكن طريقتك .

الحلويات التي تعسل مثل البقلاوة الدزيريات تتعسل فور خروجها من الفرن و العسل يكون دافىء ولا سخون مليح

وبارك الله فيك وربي يخليك لينا.
راح نجاوبك ذرك حنونة جبت قهوتي وراني نشرب هيها قلت نضرب دارة عندكم مادام نكمل قهرتي ونروح لشغلي
1_كاين انواع كثيرة من الطلية راح نحطهم العشية ان شاء الله وهذيك الخطوط الرقيقة الرقيقة تع الطلية هي بنفس الطلية زيديلها ملون ابيض واللون الي حبيتيه
وتكون متقونة ب..اشري لبوش تع النيلو راهم رخاس قولي للبائع الحلويات بوش تع الطلية اثقبيه ثقبة رقيقة بالكيردون(عود الاسنان او الاسياخ يجيو طوال تع اللوح يشويو بيهم )اتعلمي قبل في سنيوة او طبسي ديري خيوط او غانجووات ونقيطات كي تحكمي يدك احدمي فالقاطو
2_انا نستعمل شيكولا بوجادير نحطها في كسرونة في حمام مائي ونزيدلةا شوية حليب وكي تشوفيها ذابت نحيها على النار لخاطر تزيد تنشف وتنحرق
3_البقلاوة تتعسل فور خروجها ويكون العسل بارد وكي تشرب وتشوفيها خصها زيديها
اما الدزيرات فيهم سر ثقبيهم من الاسفل بالكيردون او الاسياخ 2او3 ثقبات وكي تشربيهم اذا كانو سخان لازم العسل يكون بارد واذا بردولك قبل ماتكملي التعسال سخني العسل
اذا كان العسل سخون=القاطو بارد
اذا كان العسل بارد= القاطو سخون
البقلاوة كل وحدة كيفاش تحبها طايبة هي تاخذ حوالي ياعة هي تبان كي اطيب راهي تطلعلها الطباب للجوانب

عائشة62

2013-10-31, 16:15

بصحتك القهوة ماتخافيش عاونينا وأنت شغلك يكمل بلا ما تحسي

كلش خفيف ظريف كل واحدة تدعيلك دعوة متينة

الله يجازيك كل خير على هذا القلب الطيب .

إذا ممكن حلويات جافة يكون فيها الحشو نوادكوكو

الله يحفظك لأهلك وناسك .

aboayoub

2013-10-31, 16:43

بصحتك القهوة ماتخافيش عاونينا وأنت شغلك يكمل بلا ما تحسي

كلش خفيف ظريف كل واحدة تدعيلك دعوة متينة

الله يجازيك كل خير على هذا القلب الطيب .

إذا ممكن حلويات جافة يكون فيها الحشو نوادكوكو

الله يحفظك لأهلك وناسك .

الله يسلمك حنونة ارواحي تشربي راهي بخبز المطلوع
راح ناطيلك عبر شباب بزاف ومايطيبش
عبر نواتكوكوا مطحون+عبر مشماش المجفف اطحنيه +عبر ناقص سكر قلاسي +زبدة غ ولمي ب كرام فراش وشكلي كيما حبيتي ممكن تحطي حشو نوتيلا او سوغيز كونفي

عائشة62

2013-10-31, 18:42

ربي يحفظك ...مع هذا العرضة و كلامك حلو كلي شربت وأكلت .

أنا خرجت من المنتدى بلا نشوف الرد .

حطيت قهوتي مع المطلوع .

الآن راني نضحك القلوب مع بعضها .

عائشة62

2013-10-31, 18:44

الله يسلمك حنونة ارواحي تشربي راهي بخبز المطلوع
راح ناطيلك عبر شباب بزاف ومايطيبش
عبر نواتكوكوا مطحون+عبر مشماش المجفف اطحنيه +عبر ناقص سكر قلاسي +زبدة غ ولمي ب كرام فراش وشكلي كيما حبيتي ممكن تحطي حشو نوتيلا او سوغيز كونفي

شحال زبدة ؟

ممكن نعوض الكرام فراش بشيء ثاني ممكن مانلقاهاش ....

aboayoub

2013-10-31, 19:19

بصحتك القهوة ماتقوليليش دارتي عشاء بوزلوف كيما اناههههههههه
الزبدة125غ ممكن تعوضي كرام فراش بكرام شانتبيي او لجولي لكن نقصي السكر لجولي حلوة وناطيك فكرة اخرى ممكن ديريه طبقات طبقة بيضاء لي هي نواتكوكو وطبقة بنيون شوية بيمو +حلوة الترك +كاس كاوكاو ولمي بالزبدة وكبي الشيكولا من فوق وكي تنشف قطعي كيما تحبي

Babinaall

2013-10-31, 19:37

بارك الله فيك

فايزة سراج الدين

2013-10-31, 20:00

شكرااااااااااااا اختي ممكن تقولي شحال سعر كل من بقلاوة وتشاراك ومقروط ..........لي تخدميهم
وتاني كاش نوع جديد للحلوى وادا تتفظلي وتقوليلي حلوة لي نعملها في عرس اخ خطيبي كهدية وشكرااااااااااااااااااااااااااااا

سليمة 34

2013-10-31, 20:03

بارك الله فيك اختي فكرة رائعة

TARTIL AYA

2013-10-31, 20:08

Merci oukhti 3la al ma3louma

فايزة سراج الدين

2013-10-31, 20:11

شكرااااااااااااا اختي ممكن تقولي شحال سعر كل من بقلاوة وتشاراك ومقروط ..........لي تخدميهم
وتاني كاش نوع جديد للحلوى وادا تتفظلي وتقوليلي حلوة لي نعملها في عرس اخ خطيبي كهدية وشكرااااااااااااااااااااااااااااا

aboayoub

2013-10-31, 20:30

شكرااااااااااااا اختي ممكن تقولي شحال سعر كل من بقلاوة وتشاراك ومقروط ..........لي تخدميهم
وتاني كاش نوع جديد للحلوى وادا تتفظلي وتقوليلي حلوة لي نعملها في عرس اخ خطيبي كهدية وشكرااااااااااااااااااااااااااااا
بلا مزة حنونة راني في الخدمة....البقلاوة ب 2.5 دج للحبة تع الكاوكاو و تع اللوز 3.5دج والحلويات الكل تع الكاوكاو ب 2.5 وتغ اللوز 40 تع الجوز و البستاش0 5 للحبة المقروط باللوز 30دج
الحلوى الي تقدميها هدية وليمن خوا خطيبك يعني لازم تبيني روحك همة و طبع وشان الدزيريات او المخبز ولا حابة تسلكي روحك الكفتة زاكية وماتنقامش كيما لخرين

الامل نور

2013-10-31, 20:41

بركت و جراك الله خيرا

aboayoub

2013-10-31, 20:52

شكرا اخواتي على الردود راح نحطلكم كيما وعدتكم انواع القلاساج البداية بانواع الطلية
1 الطلية العادية الي تستعمل في المخبز كريات الثلج مسيسات جاراك المطلي الفطيرات العرايش
عبر بياض بيض
عبر قارص
عبر ماء الزهر
ملعقة زيت
ملون ابيض
شوية فنيليا سكر قلاسي دايما المرجان........يتبع

2_ الطلية تع المخبز تع الجوز
كاس سيرو (كاس ماء+ نصف كاس سكر يغلي حتى يعقاد شوية)وخليه يبرد
1 بياض البيض
2او3 قطرات لغوم تع الجوز
صاشي ناسكافي حليها في شوية ماء سخون
2او3 قطرات لغوم كرمال
سكر قلاسي المرجان
هذا فوووووووووور بزاف......يتبع غدا

foufa rime

2013-11-01, 01:33

السلام عليكم اولا ياختي حبيت نسقسيك كيفاه يجي قوام هده العجينة لانه هناك الي بعد نا تخدميها و تحطها فوق القاطوانتاعك تيبس ارجو الرد وشكرا

aboayoub

2013-11-01, 12:25

السلام عليكم اولا ياختي حبيت نسقسيك كيفاه يجي قوام هده العجينة لانه هناك الي بعد نا تخدميها و تحطها فوق القاطوانتاعك تيبس ارجو الرد وشكرا

وعليكم السلام -حبيبتي هذي عجينة التزيين كيما حبيتي اديريها هي ككل عجينة اذا خليتيها معرضة للهواء مدة طويلة اكيد راح تيبس اذا ستعملتيها جارية كطلية حطي معاها فنجال زيت هكذا راح تقعدلك الطلية طرية مدة اطول واذا ستعملتيها باه تزيني الكيكة او ورود للحلويات مجريهاش خليها عجينة وحليها بالحلال عادي
(سر الطلية في الصيف باه تقعد طرية ديريلها فنجال زيت ونقصي الماء الزهر)

aboayoub

2013-11-01, 12:43

حبيبتي عايشة62 وين رحتي باينة راكي غايسة فالنواتكوكوا علابالي تحبيها على هذي جبتلك عبر تع حلوي ساهلة وبنينة
مقيرطات النواتكوكوا
3 حبات بيض
كاس سكر عادي
كاس زيت
فنيليا
1 باكي خميرة نوارة
الفرينة حتى تلتم
ديري العجينة حرابش على طول السنيوة وعلو 1.5سم وطيبيةا عادي كي طيب فور خروجها من الفرن قطعيها مقروطات الومستطيلات او مثلث ثم عسليها ورمديها في نوات كوكوا
ممكن تلوني العجينة بالكاكاو او روز......وممكن تلوني نواتكوكو

r39

2013-11-01, 12:52

Good t3ichi okti ou teslem yedik

aboayoub

2013-11-01, 13:12

good t3ichi okti ou teslem yedik

تسلمي حبيبتي ربي يحفضك

مليكة01

2013-11-01, 13:33

حبيبتي عايشة62 وين رحتي باينة راكي غايسة فالنواتكوكوا علابالي تحبيها على هذي جبتلك عبر تع حلوي ساهلة وبنينة
مقيرطات الجلجلان
3 حبات بيض
كاس سكر عادي
كاس زيت
فنيليا
1 باكي خميرة نوارة
الفرينة حتى تلتم
ديري العجينة حرابش على طول السنيوة وعلو 1.5سم وطيبيةا عادي كي طيب فور خروجها من الفرن قطعيها مقروطات الومستطيلات او مثلث ثم عسليها ورمديها في نوات كوكوا
ممكن تلوني العجينة بالكاكاو او روز......وممكن تلوني نواتكوكو

صباح الأنوار أختي
واش أحوالك إن شاء الله بخير

يعطيك الصحة على كل شيء

أردت سؤالك على هذا القاطو كيفاش إسمو مقيرطات جلجلان و مافيهش الجلجلان ولا نسيتيه؟

وأردت ان أعرف كيفية إستعمال الملون الأبيض في العجين
شحال المقدار أنا عندي سائل مش غبرة

عمري ما جربتو في الحلوى

الحب و الوفاء

2013-11-01, 13:41

بارك الله فيك اختي و جعلها في ميزان حسناتك قرات وصفاتك و لاايت انها معقولة جدا لذا اريد ان اسالك عن وصفة خاصة بالحلويات التي تتكون من عجينة والحشو مثل الياسمينة و قنيدلات يعني وصفة اساسية استعملها دائما عفوا على الاطالة اعانك الله وكتب لك رزقا حلالا كثيرا امين

aboayoub

2013-11-01, 13:55

صباح الأنوار أختي
واش أحوالك إن شاء الله بخير

يعطيك الصحة على كل شيء

أردت سؤالك على هذا القاطو كيفاش إسمو مقيرطات جلجلان و مافيهش الجلجلان ولا نسيتيه؟

وأردت ان أعرف كيفية إستعمال الملون الأبيض في العجين
شحال المقدار أنا عندي سائل مش غبرة
القاطو كنت مزروبة هو مقيرطات نواتكوكوا اسفة

عمري ما جربتو في الحلوى

وصباحك ومساءك اسعد حبيبتي الله يسلمك راني 100/100 بصحبتكم
ديري الملون ابيض تع الميزان شباب بزاف والعبرنصف ملعقة لتاي واذا درتي عبر كبير زيدي الكمية

مليكة01

2013-11-01, 14:02

الحمد لله .

اللهم أدم علينا نعمتي الصحة والعافية .

بارك الله فيك على الرد السريع .

أنا متتبعة لكل ما تقديمينه حتى نبدا نجرب لما يكون عندي فراغ .

aboayoub

2013-11-01, 14:03

بارك الله فيك اختي و جعلها في ميزان حسناتك قرات وصفاتك و لاايت انها معقولة جدا لذا اريد ان اسالك عن وصفة خاصة بالحلويات التي تتكون من عجينة والحشو مثل الياسمينة و قنيدلات يعني وصفة اساسية استعملها دائما عفوا على الاطالة اعانك الله وكتب لك رزقا حلالا كثيرا امين

وحسناتك حبيبتي راح نحط وصفة الاساسية للحلويات الي طلبتيها والحشو ايضا تابعيني على طول
وصفة القنيدلات تختلف عليهم راح نحطلك الوصفة والحلويات الي تنخدم بيها

aboayoub

2013-11-01, 14:27

القنيدلات
500غ فرينة
100غ زبدة طرية
ملعقة قهوة فنيليا
3 ملاعق سكر قلاسي
نلموها بماء الزهر العجينة جي ناشفة بزاف .
الطريقة= فرينة+فنيلا+سكر+زبدة قطع صغار وحكي بيدك شوية+ماء الزهر بالشوية وادلكي وخليها ترتاح ربع ساعة في صاشي
العقدة=
عبر معمر مليح لوز لازم لوز فالقنيدلات
نصف عبر سكر عادي
ملعقة قهوة فنيليا
سكرفاج تع 4حبات قارص (في كيلو لوز 4حبات قارص)
نلموها بالبيض كامل جي ناشفة
من الحسن يباتو باه يطيبو باه يبقاو واقفين (24 ساعة)
كي تطيب ملعقة عسيلة على السخانة ممبعد ديري لجولي من فوق وعقاش رقيق

leilaz

2013-11-01, 14:47

4444444444444444444

aboayoub

2013-11-01, 14:54

4444444444444444444

ميرسي خنونة انتي لي 4444444444444

aboayoub

2013-11-01, 16:06

تابعوني المساء راح نحطلكم الدزريات

أم سيرين3

2013-11-01, 16:45

السلام عليكم ورحمة الله
بارك الله فيك أختي على هذا الجهد في ميزان حسناتك وربي يوفقك لكل خير
حبيت نسقسيك على حلوة المورانغ إذا ممكن تعطيني الوصفة تاعها لاني سمعت يديرو فيها الخميرة والنشا باه جي خفيفة.

فايزة سراج الدين

2013-11-01, 18:05

بلا مزة حنونة راني في الخدمة....البقلاوة ب 2.5 دج للحبة تع الكاوكاو و تع اللوز 3.5دج والحلويات الكل تع الكاوكاو ب 2.5 وتغ اللوز 40 تع الجوز و البستاش0 5 للحبة المقروط باللوز 30دج
الحلوى الي تقدميها هدية وليمن خوا خطيبك يعني لازم تبيني روحك همة و طبع وشان الدزيريات او المخبز ولا حابة تسلكي روحك الكفتة زاكية وماتنقامش كيما لخرين

شكرااااااااااااااااا اختي للافادة وجزاك الله خيراااااااااااااا

المستغفرة

2013-11-01, 18:37

السلام عليكم بارك الله فيك
رزقكي الله الفردوس يعطيك وش
تتمناي
قولييلي شحال اللوز و الجوز عندكم في المدية
ر

faryal zahira

2013-11-01, 18:44

شكرا اختي العزيزة على الافادة

aboayoub

2013-11-01, 18:55

السلام عليكم ورحمة الله
بارك الله فيك أختي على هذا الجهد في ميزان حسناتك وربي يوفقك لكل خير
حبيت نسقسيك على حلوة المورانغ إذا ممكن تعطيني الوصفة تاعها لاني سمعت يديرو فيها الخميرة والنشا باه جي خفيفة.

وعليكي اللسلام "للمورانق عندي 2 وصفات
4بياض بيض+10ملاعق سكر قلاسي كبار+رشة ملح+ملعقة قهوة فنيليا طلعيهم بالباتور في الاخير زيدي ملعقة نشائ

العبر الثاني = في حمام مائي حطي 6بياض البيض ابداي اطلعي فيهم واضيفي السكر بالتدريج واستمري في الخفق راه يبان كي يولي مورانق
الاول نستعملو فوق ليتارتولات والثاني كحبات مورانق

aboayoub

2013-11-01, 19:02

السلام عليكم بارك الله فيك
رزقكي الله الفردوس يعطيك وش
تتمناي
قولييلي شحال اللوز و الجوز عندكم في المدية

ر

ويرزقك الجنة وواش تتمناي

اللوز ب من 98 حتى 120 على حساب الكليتي والجوز 160_170 انا نشري من عند القروسيست زوج اختي قروسيست يشريهولي منين يقضي

أم سيرين3

2013-11-01, 19:27

بااارك الله فيك ختي وجزااك الله خيرا.

الحب و الوفاء

2013-11-01, 19:33

بارك الله فيك اختي في انتظار الوصفة الاخرى

ام اشرف2

2013-11-01, 20:34

جزاك الله يا أختي

بصح عندي سؤال. واش الفرق بين عجينة اللوز. ولابات داموند

وكيفاش نخبوهوم

om mita

2013-11-01, 20:49

حبيبتي ربي يخليك وناس المدية مشهورين بالكرم تاعهم

عائشة62

2013-11-01, 22:18

حبيبتي عايشة62 وين رحتي باينة راكي غايسة فالنواتكوكوا علابالي تحبيها على هذي جبتلك عبر تع حلوي ساهلة وبنينة
مقيرطات النواتكوكوا
3 حبات بيض
كاس سكر عادي
كاس زيت
فنيليا
1 باكي خميرة نوارة
الفرينة حتى تلتم
ديري العجينة حرابش على طول السنيوة وعلو 1.5سم وطيبيةا عادي كي طيب فور خروجها من الفرن قطعيها مقروطات الومستطيلات او مثلث ثم عسليها ورمديها في نوات كوكوا
ممكن تلوني العجينة بالكاكاو او روز......وممكن تلوني نواتكوكو

شكرا عزيزتي

اليوم نهار وحدو تجمع فيه كل شيىء

شغل الدار ما حبش يكمل

وزادو الضياف واش نقولك ربي سهلها وخلاص

شكرررررررررررررررررااااا ألف مرة أختي ربي يحفظك

مليكة01

2013-11-01, 22:39

هدية بسيطة من أختك على هذا الرابط

http://www.dromadaire.com/dromacarte/form?id=3102eb3bb368bcf61fc4beb33a08f969

aboayoub

2013-11-02, 11:13

جزاك الله يا أختي

بصح عندي سؤال. واش الفرق بين عجينة اللوز. ولابات داموند

وكيفاش نخبوهوم

صباح الورد والعسل حبيباتي اسفة تاخرت في الرد عليكن والله البارح كنت غرقانة لشوشتي وحتى وحدة ما جات تعوني مشي حق عليكم ........
حنونة الفرق بين عجينة اللوز ولابات داموند هو الاولى جي غير لوز وسكر هذي تع الكفتة والفاكهة و الفانيد والثانية تخدمي بيها الورد للتزيين ولا تغلفي بيها بياس مونتي مفيهاش اللوز جي بالسكر والنشاء برك

aboayoub

2013-11-02, 11:16

حبيبتي ربي يخليك وناس المدية مشهورين بالكرم تاعهم

تسلمي حبيبتي حتى ناس سطيف الله يبارك والله يعجز اللسان عن الوصف ربي يحفضكم

aboayoub

2013-11-02, 11:19

شكرا عزيزتي

اليوم نهار وحدو تجمع فيه كل شيىء

شغل الدار ما حبش يكمل

وزادو الضياف واش نقولك ربي سهلها وخلاص

شكرررررررررررررررررااااا ألف مرة أختي ربي يحفظك

ميرسي حنونة والله حالتك كي حالتي نهار تع البارح انا مشغولة بالقاطو وراجلي جاب السقام و قالي ديري عشا للراجل

aboayoub

2013-11-02, 11:45

هدية بسيطة من أختك على هذا الرابط

http://www.dromadaire.com/dromacarte/form?id=3102eb3bb368bcf61fc4beb33a08f969

تسلمي حبيبتي ربي يحفظك ويباركلك وينجحك ويخليلك كل الناس الي تحبيهم ويرزقك دنيا واخرة
انا كي تخلت للرابط مالقيت والوا سييت دخلت معلوماتي الشخصية يقولي الايمايل غالط

aboayoub

2013-11-02, 12:10

الدزريات
3عبارات فرينة+ملعقة قهوة فنيليا+شوية ملون ابيض+شوية تحت النصف العبر زبدة ذائبة حكي بيدك حتى تدخل كامل الزبدة في الفرينة ولمي بماء الزهر العجينة ترتاح ربع ساعة
العقدة
عبر معمر مليح لوز مصومع (مقبب)
نصف عبر سكر عادي
ملعقة قهوة فنيليا +رشة ماء الزهر
3او4 حبات قارص مكرفجين
نلموها بالبيض كامل جي العقدة ناشفة
تحلي العجينة في المشينة 1 3 6 وقطعي بطابع المدور والمبرج رقم 90 عبري العقدة نتاعك ديريها في باطة صغيرة تع الفنيليا هكذا يجيو كامل قدقد
حطي العقدة في وسط وادهني الاطراف ببياض البيض واقرسي من اربع جهات عينك ميزانك وبين كل طية وطية اقرصي العجينة 2 قرصات راح جيك الكل 12 نقرصة ويجيوك كامل قدقد
واثقبيها مناسفل بالكيردون او الاسياخ 2 ثقبات وكي اطيب عسليها حطيت عبر العسل ممن قبل كيما تع البقلاوة

ام الاء وسدن

2013-11-02, 15:24

اختي انت منين من المدية لخاطر انا تانيك من المدية ونخدم القاطو والباتيسري

aboayoub

2013-11-02, 15:39

انا نسكن قدام جامعة يحيى فارس وانت منين حبيبتي ممكن تساهمي معايا وتمدينا عبارات انا تاني كاين شي حاجات مذابيا نزيد نتعلمهم مدام راكي تخدمي القاطو فيدينا معاك واي وحدة فالمنتدي الي تحب تساهم بكاش غوسات مرحبا بيها او تحط صورة والي عندها غوسات ناجحة تجاوبها

aboayoub

2013-11-02, 18:04

وينكم اخواتي كاش وحدة جربت هادو الليروسات الي مديتهم اطوني النقطة

مليكة01

2013-11-02, 18:06

هدية بسيطة من أختك على هذا الرابط

http://www.dromadaire.com/dromacarte/form?id=3102eb3bb368bcf61fc4beb33a08f969

البطاقة متحركة فيها موسيقى هايلة لكن للأسف ما قدرتش نعرف نوصلها

هاهي البطاقة فقط

aboayoub

2013-11-02, 18:12

البطاقة متحركة فيها موسيقى لكن للأسف ما قدرتش نعرف نوصلها

هاهي البطاقة فقط

100000 مرة شكرا والله وصلت لاعماق قلبي ربي يحفضك الصورة رائعة حنونة

مليكة01

2013-11-02, 18:17

وينكم اخواتي كاش وحدة جربت هادو الليروسات الي مديتهم اطوني النقطة

مساء الخير معلمة

أنا معلمة دايم نحضر عندك وما نتغيبش

بصح معلمة مازال ماشراوليش الأدوات

بصح معلمة وشكون الي يمد النقطة أنت ولا حنا

أنا خيتك ما تقوليليش ما تحضريش حتان تجيبي أدواتك وطبسي القاطو ههههههه

إن شاء الله لما نفرغ شوي نجرب

aboayoub

2013-11-02, 18:32

مساء الخير معلمة

أنا معلمة دايم نحضر عندك وما نتغيبش

بصح معلمة مازال ماشراوليش الأدوات

بصح معلمة وشكون الي يمد النقطة أنت ولا حنا

أنا خيتك ما تقوليليش ما تحضريش حتان تجيبي أدواتك وطبسي القاطو ههههههه

إن شاء الله لما نفرغ شوي نجرب

مساء الورد مانيش عليك حنونة انتي تلميذة مجتهدة
هذي الخطرة سمحتلك المرة الجاية جيبي دوزانك
نورمالمو انا نمد النقطة لكن قي حالتي حتى وحدة ماقاتلي جربت وجاني مليح
ان شاء الله تجربي القاطو وترديلي خبر راني تاكلة عليك تحمريلي وجهي وتولي تزوخي بالقاطو نتاعي

مليكة01

2013-11-02, 18:48

ربي يخليك ويحفظك

أنا قلت نجرب البقلاوة على خاطر معتادة على مقادير 4 فرينة مع عبر إيدام لكن أنت قلت 5 عبار ومع المايزينة

حابة نشوفها كيفاش تجي ؟
بإذن [الله نجربها

aboayoub

2013-11-02, 19:25

ربي يخليك ويحفظك

أنا قلت نجرب البقلاوة على خاطر معتادة على مقادير 4 فرينة مع عبر إيدام لكن أنت قلت 5 عبار ومع المايزينة

حابة نشوفها كيفاش تجي ؟
بإذن [الله نجربها

هذي جي فور بزاف مقرمشة وبنينة حتى ولو اديريها بالكاوكاو كيما قلت اشريه بلا قشور واطحنية ديراكت بلا ماتحمصيه وكثري الفانيليا تع اليزان وناكد تع الميزان والعبر تع العسل الي مديتو تقدري تعبري غير بكاس جي سنيوة صغيرة مبصح متشدلكش راهي تتكل في نهارها هههههههه

مليكة01

2013-11-02, 19:50

زدت شوقتيني نجربها نجربها

aboayoub

2013-11-02, 20:03

زدت شوقتيني نجربها نجربها

يطيك روينة راكي عارفة لوكان تقعدي تاكلي فالقاطو وسيرتو البقلاوة قدمن تولي فالعرض ولا والفتيها ولاقت بيك تولي الشهرية تروح غير فالبقلاوة معلي حنا العرب ما ناكلوش كي النصارى غير ذواقة لوكان متحطيش 2 حبات معا القهوى كامل متقوليش
كليت

aboayoub

2013-11-02, 21:36

تصبحون على خير ترقبو المزيد غدا

alchimi

2013-11-03, 08:23

البقلاوة
5عبارات فرينة
عبر نشاء
عبر مشي معمر زبدة ذائبة(فلوريال)
ملعقة كبيرة فنيليا
4حبات بيض حليهم في شوية ماء دافي
ماء الزهر
العقدة
3عبارات لوز او كاوكاو(2.5 كلغ)
عبر ليس مملوء سكر عادي
قرصة قرفة
ملعقة كبيرة فنيليا
بنة لوز الحلو في الكاوكاو
2ملاعق سمن ذائب
ماء الزهر
الطريقة=
الفرينة +النشاء+فنيلياخلطي +الزبدة وحكي بيدك ثم+البيض وحكي ثم صيريها في الرفاداو الي يكون متوسط وحكي في السيار بيدك باه يهبط الكل راح تعييك شوية لكن النتيجة رائعة ثم لمي بماء الزهر وادلكي شوية
اما العقدة رشيها برك جي متفارزة مشي معجونة
نتمنى تكوني فهمتي ولا مفهمتيش اي حاجة راني هنا
صباحك سعيد أختي

ربي يجعل عملك في ميزان الحسنات إن شاء الله

أردت السؤال عن عجينة البقلاوة
أنا عندي الماشينة حتى الرقم 9 أي رقم نفتح فيه العجينة ؟

وشحال من طبقة ندير من فوق ومن التحت ؟

aboayoub

2013-11-03, 08:53

صباحك سعيد أختي

ربي يجعل عملك في ميزان الحسنات إن شاء الله

أردت السؤال عن عجينة البقلاوة
أنا عندي الماشينة حتى الرقم 9 أي رقم نفتح فيه العجينة ؟

وشحال من طبقة ندير من فوق ومن التحت ؟
وصباحك اسعد حبيبتي وكل متتبعين منتدانا الغالي
شكرا ربي يحفضك ويثقل ميزان حسناتك
البقلاوة قد ماتكون رقيقة احسن حليها في 9 وديري 7طبقات من تحت و6 من فوق

aboayoub

2013-11-03, 15:13

مقيرطات الجوز بالطلية
للعجينة= 100غ زبدة اخدميهابيدك مليح+حبة بيضواخدمي بيدك+ 300 غ الفرينة فيها 3ملاعق عشاء سكر+1باكي خميرة+ملعقة قهوة فنيليا+سكرفاج2 حبات قارص وخلطي مليح ولمي بالحليب جي العجينة طرية تتلاسق وخليها ترتاح نصف ساعة
ادهني السنيوة بالزبدة ذائبة
رشي الطاولة بالفرينة وحلي العجينة رقيقة ورشي من فوق باه ماتلسقش في الحلال
حطيها في السنسوة وخلي الجوانب طالعين وثقبيها بالفرشيطة كامل وني وجدي العقدة منقبل
العقدة 2كيسان جوز او لوز او كاوكاو
كاس سكر
3صفار البيض
عصير 2 حبات قارص
3بياض البيض مطلع ناج (مثل الثلج)
خلطي كل المقادير الا بياض البيض في الاخير ضيفيه وخلطي بالشوية في نفس الاتجاة
وكبي الخليط فوق العجينة كبي في الوسط وطيبيها حتى تحمار وخليها تبرد مليح

وجدي الطلية ديري باكي سكر قلاسي+عصير 2حبات قارس+ملعقة او2 ماء بارد جدا اي قلاسي واذا حبيتي تلوني الطلية لكي الاختيار وفرغيها فوق القاطوا وكي تبدا تنشف قطعيها مقروطات وحطي حبة جوز في الوسط وخليها تكمل تنشف

ritage19

2013-11-03, 17:14

merciiiiiiiiiiiiiiiiiiiiiiiiiiiiiiiiiiiiiiiiiiiiii iiiiiiiiiiiiiiiiiiiiiiiiiiiiiiiiiiiiiiiiiiiiiiiiii iiiiiiiiiiiiiiii rai ybark fiiiiiiik nchalah

:19::19::19::19::19::19::19::19::19::19::19::19::1 9::19::19::19::19::19::19::19::19::19::19::19::19: :19::19::19::19::19:

aboayoub

2013-11-03, 17:44

merciiiiiiiiiiiiiiiiiiiiiiiiiiiiiiiiiiiiiiiiiiiiii iiiiiiiiiiiiiiiiiiiiiiiiiiiiiiiiiiiiiiiiiiiiiiiiii iiiiiiiiiiiiiiii rai ybark fiiiiiiik nchalah

:19::19::19::19::19::19::19::19::19::19::19::19::1 9::19::19::19::19::19::19::19::19::19::19::19::19: :19::19::19::19::19:

وفيكي 10000000000000000000 بركة ميرسي حنونة تابعيني .......ok

khaoula90

2013-11-03, 17:52

بارك الله فيك

تغرينية

2013-11-03, 18:29

يعطيك الصحة

aboayoub

2013-11-03, 22:14

شكرا حبيباتي على الرد تصبحون على خير

aboayoub

2013-11-04, 09:55

صباح الخير والورد والعسل وين رحتو نزيدكم الجديد ولا خلاص......

الحب و الوفاء

2013-11-04, 10:10

صباح الخير اختي دائما نحوسو على الجديد و الحاجة لمليحة مايتشبعش منها برك كل وحدة و ظروفها راكي تعرفي مشاغل الحياة حبيت انبهك الوصفة الاخيرة ماحطيتيش كمية الفرينة و بارك الله فيك وفي عائلتك

aboayoub

2013-11-04, 13:53

صباح الخير اختي دائما نحوسو على الجديد و الحاجة لمليحة مايتشبعش منها برك كل وحدة و ظروفها راكي تعرفي مشاغل الحياة حبيت انبهك الوصفة الاخيرة ماحطيتيش كمية الفرينة و بارك الله فيك وفي عائلتك

ميرسي حنونة والله غير علابالي اناثاني احيانا نطول عليكم كيما قلتي مشاغل الحياة
شكرا على التنبيه راكي تلميذة مجتهدة وتبعي مليح تستاهلي طبسي بقلاوة وطبسي منوع واش حب حاطرك
راني عدلت الوصفة

souma.sousou

2013-11-04, 14:16

بارك الله فيك اختي بالنسبة لعجينة التزيين كنت نحوس علييها ومالقيتهاش.ربي يجازيك الف خير.حبيت نسالك لكان نقدر نغلف بيها الجنواز.....الغليكوز لي في باطات كيما نتاع االعسل ويكون بعدة الوان ...........وااذا امكن طريقة الجنواز .........والبتي فور الي يتباع .ومشكورة نتمنى ماكثرتش عليك.........الله يفرحك ويعطيك كل ماتتمني

aboayoub

2013-11-04, 14:42

بارك الله فيك اختي كنت نحوس علييها ومالقيتهاش.ربي يجازيك الف خير.حبيت نسالك لكان نقدر نغلف بيها الجنواز.....وااذا امكن طريقة الجنوز .ومشكورة نتمنى ماكثرتش عليك.........

.وفيكي بركة حنونة نعم تقدري تغلفي بيها الجنواز مبصح ادلكيها شوية باه جي رطبة ومسحونة وجوزي بانسو ناكخي باه تولي تبرق اكثر ووصفة الجينواز
6 حبات بيض
كاس سكر (100غ) سكر عادي
150غ فرينة كاس ونصف
شوية فنيليا
طلعي البيض كي يبدا يتكاثف ابداي اديري السكر بالشوية اقسمي السكر على 2او3 دفعات وكملي طلعي البيض حتى يتضاعف الحجم اي ضربي 15حتى20 دقيقة او كي تشوفي البيض كي تشكلي حرف 8 مثلا بالخليط وما هبطتش ابداي اديري فالفرينة بالصفاية وتخلطي على اتجاه واحد اقلبي بالشوية حطي الفرينة على3 دفعات والفانيليا معاها
هذا العبر تع ورقة رقيقة اذا حبيتي خبزة كبيرة ديري 18 حبة بيض ودوبلي المقادير الاخرى جيك في سنيوة 40على 50 وتكون عالية
المساء راح نحط كريمة الزبدة ولا راكي مستعجلة نمدهالك درك

souma.sousou

2013-11-04, 14:50

.وفيكي بركة حنونة نعم تقدري تغلفي بيها الجنواز مبصح ادلكيها شوية باه جي رطبة ومسحونة وجوزي بانسو ناكخي باه تولي تبرق اكثر ووصفة الجينواز
6 حبات بيض
كاس سكر (100غ) سكر عادي
150غ فرينة كاس ونصف
شوية فنيليا
طلعي البيض كي يبدا يتكاثف ابداي اديري السكر بالشوية اقسمي السكر على 2او3 دفعات وكملي طلعي البيض حتى يتضاعف الحجم اي ضربي 15حتى20 دقيقة او كي تشوفي البيض كي تشكلي حرف 8 مثلا بالخليط وما هبطتش ابداي اديري فالفرينة بالصفاية وتخلطي على اتجاه واحد اقلبي بالشوية حطي الفرينة على3 دفعات والفانيليا معاها
هذا العبر تع ورقة رقيقة اذا حبيتي خبزة كبيرة ديري 18 حبة بيض ودوبلي المقادير الاخرى جيك في سنيوة 40على 50 وتكون عالية
المساء راح نحط كريمة الزبدة ولا راكي مستعجلة نمدهالك درك

والله غير فرحتيني كي رديتي عليا اختي ربي يهنيك ويعطيك الصحة..لا لا مارنيش مستعجلة وقت ماحطيتيهاا...حبيت وصفة البتي فور كيما لي يتباع :)

souma.sousou

2013-11-04, 14:58

اختي ام ايوب حبيت نقولك علاه ماديريش كل وصفة ديريها موضوع جديد في قسم الحلويات حبذا لو يكون فيها صور هكذا يستفادو منه ويكونوا الوصفات باينين للاخوات .ويزيدو مشاركاتك .........الله يفرحك بايوب ويخليهلك

aboayoub

2013-11-04, 15:12

والله غير فرحتيني كي رديتي عليا اختي ربي يهنيك ويعطيك الصحة..لا لا مارنيش مستعجلة وقت ماحطيتيهاا...حبيت وصفة البتي فور كيما لي يتباع :)

البتي فور عندي 2 غوسات الاولى 250غ زبدة طرية
3 صفار البيض
كاس سكر قلاسي
ملعقة عشا فنيليا تع الميزان
نصف ملعقة قهوة خميرة نوارة
ملعقة عشاء كاكاو
ولمي بالفرينة
اخدمي الزبدة حتى ربع ساعة+الفنيليا واستمري في الخلط +سكرقلاسي وابقاي تضربي+صفار البيض وضربي ثم زيدي الفرينة فيها الخمارة والكاكاو ولمي برك ما تدلكيش جي العجينة طرية شكليها كيما تحبي او خليها طرية وديريها فالبوش بدوي المتوسط

aboayoub

2013-11-04, 15:28

اختي ام ايوب حبيت نقولك علاه ماديريش كل وصفة ديريها موضوع جديد في قسم الحلويات حبذا لو يكون فيها صور هكذا يستفادو منه ويكونوا الوصفات باينين للاخوات .ويزيدو مشاركاتك .........الله يفرحك بايوب ويخليهلك

شكرا حبيبتي ان شاء الله راح نحط صور قريبا حاولت امس نحط صور لكن محبتش تدخل ومرات منلحقش باه نصور انا كي يكون عندي كوموند كبير نخدمو في دارنا باه نتعاون انا اختي مرات نلقاها بدات كي تشوفني بطيت المهم راح يكونو صور قريبا وحبيت ندير موضوع متسلسل باه مننساش كاش وحدة منردش عليها
وايوب ممو عينيا عندو 4 سنوات ويقولي مماتي جيبيلي عروسة كيما جنى تع طيور الجنة ان شاء الله نفرح بيه ويفرحك انتي تاني ويكملك واش راكي حابة

souma.sousou

2013-11-04, 15:31

البتي فور عندي 2 غوسات الاولى 250غ زبدة طرية
3 صفار البيض
كاس سكر قلاسي
ملعقة عشا فنيليا تع الميزان
نصف ملعقة قهوة خميرة نوارة
ملعقة عشاء كاكاو
ولمي بالفرينة
اخدمي الزبدة حتى ربع ساعة+الفنيليا واستمري في الخلط +سكرقلاسي وابقاي تضربي+صفار البيض وضربي ثم زيدي الفرينة فيها الخمارة والكاكاو ولمي برك ما تدلكيش جي العجينة طرية شكليها كيما تحبي او خليها طرية وديريها فالبوش بدوي المتوسط

يعطيك الصحة ..هل يمكن الاستغناء على الكاكاو لان زوجي ميحبهش......اسفة لكان تقلت عليك خصني وصفة الباتيسري نتاع المحلات............و والمسكوتشو .الله يجعله في ميزان حسناتك ..............وسامحيني على كثرة الطلبات وعلى تعبك......

souma.sousou

2013-11-04, 15:40

شكرا حبيبتي ان شاء الله راح نحط صور قريبا حاولت امس نحط صور لكن محبتش تدخل ومرات منلحقش باه نصور انا كي يكون عندي كوموند كبير نخدمو في دارنا باه نتعاون انا اختي مرات نلقاها بدات كي تشوفني بطيت المهم راح يكونو صور قريبا وحبيت ندير موضوع متسلسل باه مننساش كاش وحدة منردش عليها
وايوب ممو عينيا عندو 4 سنوات ويقولي مماتي جيبيلي عروسة كيما جنى تع طيور الجنة ان شاء الله نفرح بيه ويفرحك انتي تاني ويكملك واش راكي حابة

ربي يخليهلك ويفرحك بيه وتزوجيه باحلى عروسة..........حبيت نبعتلك رسالة على الخاص لاكن خفت يكون هناك احراج .قلت نستأذن منك قبل...........ومشكورة اختي...........

aboayoub

2013-11-04, 16:13

ربي يخليهلك ويفرحك بيه وتزوجيه باحلى عروسة..........حبيت نبعتلك رسالة على الخاص لاكن خفت يكون هناك احراج .قلت نستأذن منك قبل...........ومشكورة اختي...........

امين يارب ابعثي واش حبيت حنونة راني اختك .......والوصفات الي طلبتيها راح نحطهملك الباتيسري راهي انواع واش راكي حابة

طبعا الكاكاو يمكن الستغناء عنه وماكثرتي ماوالو راني ختك

souma.sousou

2013-11-04, 16:33

امين يارب ابعثي واش حبيتش حنونة راني اختك .......والوصفات الي طلبتيها راح نحطهملك الباتيسري راهي انواع واش راكي حابة

طبعا الكاكاو يمكن الستغناء عنه وماكثرتي ماوالو راني ختك

الله يسلمك حبيبة وربي يخليك .شوفي اختي انتي النوع لي نقدر نديره فالدار ولادي يحبو الباتيسري بزاف .وصراحة غالي منقدرش نشريه .
هل نقدر نصنع الكرام شونتي فالدار...........وحبيت نعرف الغليكوز لي يتباع هل هو لي يجي في باطات كيما نتاع العسل ويجي ملون ومعطر.................ومشكووووووووووووورة :o

aboayoub

2013-11-04, 17:40

الله يسلمك حبيبة وربي يخليك .شوفي اختي انتي النوع لي نقدر نديره فالدار ولادي يحبو الباتيسري بزاف .وصراحة غالي منقدرش نشريه .
هل نقدر نصنع الكرام شونتي فالدار...........وحبيت نعرف الغليكوز لي يتباع هل هو لي يجي في باطات كيما نتاع العسل ويجي ملون ومعطر.................ومشكووووووووووووورة :o

ربي يحفضلك اولادك ويفرحك بيهم ان شاء الله ...العبر الي مديتو هذيك هية الجنواز تستعمل في معضم الباتيسرس
الكرام شانتيي تقدي تصنعيها اشري حق 100دج جي غبرة تتباع بالميزان وطلعيها بالباتور مع كاس حليب بارد وزيدي الفنيليا او اي بنة تحبيها
الكليكوزيجي ترونسبارو كيما لجولي وهاذيك اليجي في باطات بالالوان لجولي معطرة تستعمليها منفوق الباتيسري
اما اذا حبيتي ديري كريمة الزبدة بين الطبقات
كريمة الزبدة
رطل سكر عادي +كاس ما خليه يغلي حتى يولي يتخايط بين صبوعتيك
طلعي 2بياض بيض ناج من قبل واضيفي العسل سخون واستمري في الخلط بالباتور واضيفي 600او700 غ زبدة تع لذيذ تكوني قطعتيها من قبل قطع صغيرة حطي الزبدة بالشوية وابقاي تضربي باه تذوب الزبدة كامل باه الكريمة جيك رطبة ومافيهاش الحبيبات وفي الاخير +3 ملاعق عشاء فنيليا وبقاي تضربي حتى تبياض يمكن تزيد الملون ابيض او اي ملون واى بنة ........اسمحيلي طولت عليك وانا نثرثر

ana7anane

2013-11-04, 22:05

مساء الخير اختي و ربي يعطيك ما تتمناي ان شاء الله انا حبيت نعرف مقادير الغريبية اذا ممكن

aboayoub

2013-11-04, 22:18

مساء الخير اختي و ربي يعطيك ما تتمناي ان شاء الله انا حبيت نعرف مقادير الغريبية اذا ممكن

مساء النور حبيبتي الغريبية

عبر زبدة اخدميه مليح بالباتور او يدك حتى تبياض الزبدة +نصف العبر سكر قلاسي
ولمي بالفرينة جربي طيبي بالحبة اذا نحلت بزاف راهي يخصها الفرينة
وزمان كانو يديروها سكر عادي وعبر زيت ويلمو بالفرينة
واذا حبيتي تحطي فيها لوز مطحون بودرة او جلجلان وشوية خمارة

ana7anane

2013-11-04, 22:32

مساء النور حبيبتي الغريبية

عبر زبدة اخدميه مليح بالباتور او يدك حتى تبياض الزبدة +نصف العبر سكر قلاسي
ولمي بالفرينة جربي طيبي بالحبة اذا نحلت بزاف راهي يخصها الفرينة
وزمان كانو يديروها سكر عادي وعبر زيت ويلمو بالفرينة
واذا حبيتي تحطي فيها لوز مطحون بودرة او جلجلان وشوية خمارة
يعطيك الصحة اختي حبيت نسقسيك اذا كاين كتاب مجرباتيه و صدقولك الوصفات اللي فيه باش نشريه و نجرب منوا لاني بعد ما تخرجت حبيت نتعلم شوية القاطوا لاني بصراحة مبتدئة في هاذ المجال:o :D

aboayoub

2013-11-04, 22:53

يعطيك الصحة اختي حبيت نسقسيك اذا كاين كتاب مجرباتيه و صدقولك الوصفات اللي فيه باش نشريه و نجرب منوا لاني بعد ما تخرجت حبيت نتعلم شوية القاطوا لاني بصراحة مبتدئة في هاذ المجال:o :d

تسلمي حنونة ممكن كتب بن بريم ناجحين لكن معضم الكتب راهم ياخذو منهم الشكل فقط

aboayoub

2013-11-04, 22:54

http://C:\Documents and Settings\Administrateur\Mes documents\Mes images\dfes.bmp هذي المشكلة غدا راح نحطها

aboayoub

2013-11-04, 23:29

http://im42.gulfup.com/jycGP.jpg (http://www.gulfup.com/?zDirOJ)
http://http://im36.gulfup.com/e1Li8.bmp (http://www.gulfup.com/?kTJ3og)
http://http://im42.gulfup.com/jycGP.jpghttp://im36.gulfup.com/e1Li8.bmp (http://www.gulfup.com/?kTJ3og)

NeSsrino

2013-11-04, 23:57

شكرا لك اختي

تاج النور@

2013-11-05, 11:12

سلام عليكم ورحمته وبركاته
شكرا لك أختي ممكن نتواصل معاك على الخاص ان أمكن
نحتاج مساعدتك ربي يأخذ بيدك ويسهل عليك كل أمر صعيب

aboayoub

2013-11-05, 13:50

سلام عليكم ورحمته وبركاته
شكرا لك أختي ممكن نتواصل معاك على الخاص ان أمكن
نحتاج مساعدتك ربي يأخذ بيدك ويسهل عليك كل أمر صعيب

شكرا حبيبتي على الرد نعم ممكن تتواصلي معايا مرحبا بيك وراني هنا باه نعاونك

aboayoub

2013-11-05, 13:51

شكرا لك اختي

ولكي الف شكر ميرسي حنونة

najjia

2013-11-05, 16:54

بارك الله فيك

aboayoub

2013-11-05, 17:16

بارك الله فيك

وفيكي بركة حبيبتي مرحبا بيك

aboayoub

2013-11-05, 20:54

المشكلة
4 عبارات فرينة
شوية فوق نصف العبر زبدة ذائبة
ملعقة قهوة فنيليا
ملون ابيض
1 حبة بيض حليها في شوية ماء دافي ولمي العجينة بماء الزهر ادلكي شوية وديريها في صاشي ترتاح
العقدة
3عبارات لوز
عبر مشي معمر سكر عادي
ملعقة تع عشاء فنيليا اذا كان كاوكاو+سكرفاج القارص اذا كان كاوكاو
رشة ماء الزهر
نلموها بالبيض جي العقدة ناشفة

*نسرين

2013-11-05, 21:48

شكرااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااااااااااااااااااااااا

loulou78

2013-11-06, 00:58

Salam min fadelek rani haba elkeriwsha kima li tenba3 fi elmahalat rani netwahem 3eliha .baraka allho fiki w fi sahetek

رنيم بيسان

2013-11-06, 08:23

والله يعطيك الصحة و راني حابة نشري ميزان نتاع قاطو ولا ممكن تساعديني واش نشري

souma.sousou

2013-11-06, 11:51

السلام عليكم واش راكي اختي ام ايوب.............راني جربت الجنواز لي عطيتيهلي خرجت روعة يعطيك الصحة والهنا.......راني في انتظار بقية الوضفات

aboayoub

2013-11-06, 14:06

Salam min fadelek rani haba elkeriwsha kima li tenba3 fi elmahalat rani netwahem 3eliha .baraka allho fiki w fi sahetek

وعليكي السلام حبيبتي القريوشة راح نحط عبري مي ياريت تحيطيلي الصورة ان امكن ممكت انتي تقصدي حلوى اخري لانو كل منطقة كيفاه تسمي الحلويات ممكن يكون نفس الاسم لكن مش نفس الحلوى
راكي تقصدي على هذي المشبك
http://im42.gulfup.com/nuGvU.jpg (http://www.gulfup.com/?p6Z2F4)

aboayoub

2013-11-06, 14:18

والله يعطيك الصحة و راني حابة نشري ميزان نتاع قاطو ولا ممكن تساعديني واش نشري

الله يسلمك حنونة واش نقولك كاين شي حاجات مايسحقوش الميزان وكاين وين يكون لازم اذا كنتي تخدمي الحلوة للناس اشريه هكذا كل ما تاخذي قاطوا حتى ولو يكون عبرتي بالطبسي اوزني كلش وفي الاخير احسبي شحال من حبة هكا تعرفي كل عبر كي الناي يحبو يشريو الدوزان من عندهو ويسقسيوك شحال يشريو فرينة ولوز او يكر تكوني عارفة متنحرجيش وباه مايكونش تبذير

aboayoub

2013-11-06, 14:24

السلام عليكم واش راكي اختي ام ايوب.............راني جربت الجنواز لي عطيتيهلي خرجت روعة يعطيك الصحة والهنا.......راني في انتظار بقية الوضفات

مرحبا بيك والله غير توحشتك بزاف واش نقولك راني مدقدقة اليوم باية قاعدة مع ايوب كان مريض ...والحمدوا لله
يعطيك الصحة وبصحتكم كنتي تصوريها ......ان شاء الله نحطها مي مشي اليوم راني مشغولة

aboayoub

2013-11-06, 14:26

شكرااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااااااااااااااااااااااا

تسلمي اختي نسرين شكرا على مرورك

souma.sousou

2013-11-06, 15:27

سلامة ايوب من المرض......والله غير صباح كي ملقيتكش تقلقت.............المهم ربي يشافيه ويخليه ويعطيه الصحة والعافية .....
معرفة خير اختي وربي يهنيك.........متقلقيش حبيبتي ايوب اهم من الوصفات.المهم يريح والباقي ساهل......ماراحش ننساه من دعواتي...............

http://www10.0zz0.com/2013/11/06/14/730693846.jpg (http://www.0zz0.com)

loulou78

2013-11-06, 15:50

Thank you 3ela rad lakin ana rani haba shebakia not hadik hena nkouleleha kerouisha

souma.sousou

2013-11-06, 16:04

اختي ام ايوب هذي هي الجنواز درتها صغيرة المرا الجايا نشاله نكبرها ونبعت الصورة

http://www3.0zz0.com/2013/11/06/15/512751214.jpg (http://www.0zz0.com)

ana7anane

2013-11-06, 16:52

واش راكي ام ايوب ان شاء الله تكوني لاباس و ربي يشافيلك ايوب و ترجعي تحطيلنا الوصفات نتاع الحلوى ان شاء الله يحلي ايامك .انا راني خلاص درت كراس و حطيت فيه كل الوصفات اللي عطيتهوملنا على امل التطبيق عن قريب :)

aboayoub

2013-11-06, 19:27

سلامة ايوب من المرض......والله غير صباح كي ملقيتكش تقلقت.............المهم ربي يشافيه ويخليه ويعطيه الصحة والعافية .....
معرفة خير اختي وربي يهنيك.........متقلقيش حبيبتي ايوب اهم من الوصفات.المهم يريح والباقي ساهل......ماراحش ننساه من دعواتي...............

http://www10.0zz0.com/2013/11/06/14/730693846.jpg (http://www.0zz0.com)

الله يسلمك حنونة ربي يخليك ومعرفتك كنز ......ان شاء الله يكون دعائك مستجاب شكرا حبيبتي

aboayoub

2013-11-06, 19:36

اختي ام ايوب هذي هي الجنواز درتها صغيرة المرا الجايا نشاله نكبرها ونبعت الصورة

http://www3.0zz0.com/2013/11/06/15/512751214.jpg (http://www.0zz0.com)

يعطيك الصحة والله غير راكي شاطرة خرجتلك روعة في الوسط ماهيش باينة درتيلها كريمة ولا لالة انا نسيت باه نقولك كل طبقة شمخيها بشوية عسل جاري (شاربات خفيفة ) وتقدري اديري الفاكة في الوسط والملفوق اذا درتي الفاكهة ادهني بلاجولي سيرتو البانان باه مايكحالش ......وبصحتكم

aboayoub

2013-11-06, 19:46

Thank you 3ela rad lakin ana rani haba shebakia not hadik hena nkouleleha kerouisha

راني فهمتك قصدك الزلابية
http://im38.gulfup.com/2hiOp.jpg
url=http://www.gulfup.com/?uhV1Oq]http://im38.gulfup.com/2hiOp.jpg[/url]

http://im38.gulfup.com/Ohn3j.bmp (http://www.gulfup.com/?q4npFo)
http://im38.gulfup.com/Ohn3j.bmp

aboayoub

2013-11-06, 19:59

واش راكي ام ايوب ان شاء الله تكوني لاباس و ربي يشافيلك ايوب و ترجعي تحطيلنا الوصفات نتاع الحلوى ان شاء الله يحلي ايامك .انا راني خلاص درت كراس و حطيت فيه كل الوصفات اللي عطيتهوملنا على امل التطبيق عن قريب :)
الحمدولله ان شاء الله ربي يشفي كل مريض ويخلي كل انوش لماماه ........
ياسلام على العرايس والفحلات ان شاء الله طبقي عن قريب وتفرحيني كيما سوسو راهي جايبتها فور بزاف انتهلاي باه تصوري وتورينا

ام الهضاب

2013-11-06, 20:06

بارك الله فيك ربي يعيشك و يعطيييك ما تتمناااي يا رب و ايخليييلك ايوووب
ربي يعطيك قد نيتك

ام الهضاب

2013-11-06, 20:07

ايعيشك أعطينا مقادير الصابلي مضبوووطة

aboayoub

2013-11-06, 20:45

ايعيشك أعطينا مقادير الصابلي مضبوووطة

الصابلي
250غ زبدة طرية
200غ سكر قلاسي
2 حبات بيض+2 صفار
ملعقة عشاء فنيليا
كاس ونصف مايزينة (نشاء)
باكي خميرة نوارة
نلموها بالفرينة جي العجينة طرية
الطريقة
اخدمي الزبدة 15 حتى 20 دقيقة+ السكر وخلطي+ البيض وخلطي + المايزينة وخلطي +الفرينة والخمارة وخلطي وغطيها وخليها ترتاح نصف ساعة في الثلاجة
ملاحظة
كي تشكلي ماتاخذيش كمية كبيرة عجينة ما تبقايش تعجني وتعاودي باه ماربيش الخيط خوذي قيس 3او4 حبات

aboayoub

2013-11-06, 20:55

بارك الله فيك ربي يعيشك و يعطيييك ما تتمناااي يا رب و ايخليييلك ايوووب
ربي يعطيك قد نيتك

وفيكي بركة اختي ان شاء الله كل وحدة على نياتها ربي يكمللها واش تتمنى وربي يحفض كل اولاد وبنات الجزائر

المستغفرة

2013-11-06, 21:08

السلام عليكم اختي ام ايوب راني درت عجينة
التزين هايلة بصح درتلها شوي سيرو
مليقتش كليكوز شوفي تطبيقيhttp://www.djelfa.info/vb/showthread.php?t=1459598
بارك. الله فيك ربي يرزقك الفردوس والمسلمين امين

ام ساجد

2013-11-06, 21:08

يعطيك الصحة ممكن تقوليلنا بواش نقدرو نستبدلو الجلوكوز

ام ساجد

2013-11-06, 21:24

وممكن طريقة تذويب الشوكولا البيضاء واحسن نوع

بارك الله فيك وجعله في ميزان حسناتك

aboayoub

2013-11-06, 21:55

السلام عليكم اختي ام ايوب راني درت عجينة
التزين هايلة بصح درتلها شوي سيرو
مليقتش كليكوز شوفي تطبيقيhttp://www.djelfa.info/vb/showthread.php?t=1459598
بارك. الله فيك ربي يرزقك الفردوس والمسلمين امين

وعليكي السلام الله يبارك على على الفحلة ديالنا يعطيك الصحة انا شفت الشيف اسامة تع دبي يخدمها بالسيرو مي من الاحسن بالقليكوز ياطي بنة هايلة احين من تع الي تنباع
يبارك فيك ويرزقنا جميعا الفردوس ان شاء الله

aboayoub

2013-11-06, 22:00

يعطيك الصحة ممكن تقوليلنا بواش نقدرو نستبدلو الجلوكوز
الله يسلمك حنونة ممكن تستعملي السيرو او لجولي اكن تنقصي السكر وتعوضي بالنشاء باه ما تكونش حلوة بزاف مبصح ماتكونش كيما تع الجليكوز ياطي بنة اخري

loulou78

2013-11-06, 22:01

wellah sorry rani 3athbtek me3aya machi hadi welah sehab elgharb yel
klouleha chebakia wela kerouicha. rani mahrouka 3eliha.allah ya3tek elsaha 3ela seha .because rani fi London that,

aboayoub

2013-11-06, 22:07

وممكن طريقة تذويب الشوكولا البيضاء واحسن نوع

بارك الله فيك وجعله في ميزان حسناتك

الشكولا البيضاء احسن نوع (بوجادير ) تذوبيها في حمام مائي وتزيديلها شوية حليب في باطا فنجال حليب وغي تذوب بعديها من النار باه متزيدش تنشف وتنحرق
وفيكي بركة شكرا :mh92:

طهراوي ياسين

2013-11-06, 22:12

الله يعطيك الصحة

souma.sousou

2013-11-06, 22:19

يعطيك الصحة والله غير راكي شاطرة خرجتلك روعة في الوسط ماهيش باينة درتيلها كريمة ولا لالة انا نسيت باه نقولك كل طبقة شمخيها بشوية عسل جاري (شاربات خفيفة ) وتقدري اديري الفاكة في الوسط والملفوق اذا درتي الفاكهة ادهني بلاجولي سيرتو البانان باه مايكحالش ......وبصحتكم

سلام حبيبتي ام ايوب نتمنى ايوب راه خير من لي كان ربي يشفيه......يعطيك الصحة على النصائح القيمة صراحة مدرتلهاش الكريمة مكانش عندي مقاديرها درت من فوق الشكولا وزينتها بالكرام شونتي
تصبحي بالف خير

aboayoub

2013-11-06, 22:35

wellah sorry rani 3athbtek me3aya machi hadi welah sehab elgharb yel
klouleha chebakia wela kerouicha. rani mahrouka 3eliha.allah ya3tek elsaha 3ela seha .because rani fi London that,

مبروك عليك وانشاء الله يكون ذرية صالحة يا ريت تحوسي في قوقل وحطيلي الصورة
ممكن هذي
http://im32.gulfup.com/ZEuRf.jpg (http://im32.gulfup.com/ZEuRf.jpg)http://im32.gulfup.com/ZEuRf.jpg (http://www.gulfup.com/?80xn3g)

http://im32.gulfup.com/CixBo.jpg (http://www.gulfup.com/?tdjQnd)
http://im32.gulfup.com/HPnxK.bmp (http://www.gulfup.com/?6pXpPP)

تاج النور@

2013-11-06, 22:52

أختي عندي بعض الاستفسارات كثيرة ممكن "س،ك،ي،ب
وأول استفساري نحب مقادير لكل بقلاوة لبلاطو مربع شويا كبير
وكيف نقصها أشكال متساوية وكم حجمها بالتقريب

aboayoub

2013-11-06, 22:55

سلام حبيبتي ام ايوب نتمنى ايوب راه خير من لي كان ربي يشفيه......يعطيك الصحة على النصائح القيمة صراحة مدرتلهاش الكريمة مكانش عندي مقاديرها درت من فوق الشكولا وزينتها بالكرام شونتي
تصبحي بالف خير

اهلين بالغالية سوسو ايوب راهو الحمدوا لله احسن بكثير وبدا القباحة ......الله يسلمك حطيت مقادير كريمة الزبدة من قبل

وانتي بالف خير نوم الهناء حبيبتي

http://im36.gulfup.com/hX5Ah.bmp (http://www.gulfup.com/?9q5oAV)

http://im36.gulfup.com/SHAHf.bmp (http://www.gulfup.com/?nOpQ4h)
واحلى كيكة لاحلى سوسو

aboayoub

2013-11-06, 23:05

أختي عندي بعض الاستفسارات كثيرة ممكن "س،ك،ي،ب
وأول استفساري نحب مقادير لكل بقلاوة لبلاطو مربع شويا كبير
وكيف نقصها أشكال متساوية وكم حجمها بالتقريب

يا ريت تحديلي كم الول والعرض وباش تقصي اشكال متساوية بمسطرة تع 50 سم والعرض 5سم والحجم 5/5 او راهو كاين الطابع يجي مستطيل مقسم مقروطات او كاريات راح يسهل عليك

aboayoub

2013-11-06, 23:09

الله يعطيك الصحة

الله يسلمك ويحفظك

loulou78

2013-11-07, 00:32

Salam yes the first picture ya3tik elsaha (le premier photo allah yeshefilek ayoub and yahfedlek zoujek

souma.sousou

2013-11-07, 09:34

احلى صباح لاحلى ناس
واش راه ولدي ايوب...نتمنى صبح احسن
حبيت نصبح عليك نكمل اشغالي ونجي

http://www7.0zz0.com/2013/11/07/08/820288431.gif (http://www.0zz0.com)

souma.sousou

2013-11-07, 16:24

اين انتي يا ام ايوب .....................نشاله غيابك خير............تحياتي ودعواتي

anaris

2013-11-07, 16:38

شكرا اختي على المجهودات المبدولة وكون تكملي خيرك تعطينا اخر الحلويات الجافة البنينة بحلوة ولك الف شكر

rosadiamant

2013-11-07, 20:38

مشكورة اختي يسمى لبات داموند مافيهاش اللوز خلاص

cuisineshowdalatifa

2013-11-07, 22:04

مرحبا أم أيوب , يا بنت بلادي و بنت حومتي , فرحت كي لقيتك من منطقتي أنا قرب حماية المدنية , عجبوني وصفاتك وكنت جربت البعض من وصفات بن سراج , راهم ناجحين , و أناكيما المدانيات نهتمو بزاف بالطبخ و عندي موقعي الخاص أي مدونة إسمها http://cgsho.bl
ogspot.com/ (http://cgsho.blogspot.com/) cuisine show de latifa
نتمنى نمثلوا منطقتنا أحسن تمثيل و بوركت على مجهودك الرائع.

souma.sousou

2013-11-08, 09:17

صباح لخير ام ايوب والله غير هولتيني عليك نتمنى ما يكون غير الخير وتكونوا كامل بخير

لميس اميرة

2013-11-09, 10:02

4444444444444444444444444444

يعطيك الصحة

و رانا نستناو وصفاتك بالصور و هاديك المشكلة تهبل تهبل

وردة الامان

2013-11-09, 12:17

مرسي لك دمت لنا

souma.sousou

2013-11-11, 00:58

يا ام ايوب وين راكي والله ماراكي تروحي من بالي .كل وقت ندخل نحوس عليك .نتمنالك الخير .............نشاله انقطاعك عنا يكون سببه انقطاع الانترنت لا غير.........تحياتي ودعواتي .............ياريت نطمن عليك..............ملقيتش طريقة ..............ربي يحفظك ويخليك.........راني مقلقة عليك بزاااااااااااااااااااااف

souma.sousou

2013-11-11, 14:08

نداااااااااااااااء

ana7anane

2013-11-11, 18:37

مساء الخير ام ايوب راكي طولت الغيبة ان شاء الله المانع خير

souma.sousou

2013-11-13, 14:25

مازلت في انتظارك حبيبتي ام ايوب ......قلبي مشغول عليك

fifise88

2013-11-13, 15:19

y3tik al saha w merci bayna beli chatra ysalam yadik

aboayoub

2013-11-13, 16:15

مساء النور حبيباتي توحشتكم بزاف بزاف اسمحولي طولت عليكم وقلقتكم بزاف سيختو سوسو حنونتي وحنان والله رانا كامل بخير النات كانت مقطوعة و رحت ضيفة لدارنا

aboayoub

2013-11-13, 16:32

Salam yes the first picture ya3tik elsaha (le premier photo allah yeshefilek ayoub and yahfedlek zoujek

هذيك القريوش
اسمحيلي طولت عليك
المقادير
3 عبارات فرينة +نصف عبر سمن او زبدة+ملعقة تع عشاء خل او قارص+حبة بيض+نصف كاس جلجلان مطحون بودر+ قرصة ملح+ملعقة عشاء خميرة تع الخبز لمي العجينة ب ماء الزهر
خليها تريح
حليها رقيقة وقطعيها بالجرارة شكليها واقليها ثم عسليها
http://im37.gulfup.com/JvViN.png

http://im37.gulfup.com/JvViN.png (http://www.gulfup.com/?n6nshE)

aboayoub

2013-11-13, 16:40

مشكورة اختي يسمى لبات داموند مافيهاش اللوز خلاص

حبيبتي لبات داموند فيها نوعين اليمفيهاش اللوز للتزيين والثانية فيها لوز للكفتة والتزيين والفانيد

aboayoub

2013-11-13, 16:46

يا ام ايوب وين راكي والله ماراكي تروحي من بالي .كل وقت ندخل نحوس عليك .نتمنالك الخير .............نشاله انقطاعك عنا يكون سببه انقطاع الانترنت لا غير.........تحياتي ودعواتي .............ياريت نطمن عليك..............ملقيتش طريقة ..............ربي يحفظك ويخليك.........راني مقلقة عليك بزاااااااااااااااااااااف

راني هنا علابالي بلي راكي مقلقة حتى انا تقلقت وتوحشتك بزاااااااااااااااااااااااااااااف
الله يخليك ويحفظك ............ربي يفرحك

aboayoub

2013-11-13, 16:55

مرحبا أم أيوب , يا بنت بلادي و بنت حومتي , فرحت كي لقيتك من منطقتي أنا قرب حماية المدنية , عجبوني وصفاتك وكنت جربت البعض من وصفات بن سراج , راهم ناجحين , و أناكيما المدانيات نهتمو بزاف بالطبخ و عندي موقعي الخاص أي مدونة إسمها http://cgsho.bl
ogspot.com/ (http://cgsho.blogspot.com/) cuisine show de latifa
نتمنى نمثلوا منطقتنا أحسن تمثيل و بوركت على مجهودك الرائع.

اهلين ببنت الحومة وجارتي والله انا تاني فرحت بزاف انتي قرب الحماية وانا تاني صافيك تغسلي في حمام بحة كيما انا ان شاء الله نتلاقاو

دارنا ففالحومة الي مورا دار السلاني قدام المسيد والجامع

الله يبارك علي الموقع وربي يوفقك ويبارك فيك وفاعمالك
ان شاء الله راح نمثلوا منطقتنا باحسن تمثيل شكرا حبيبتي تسلمي

aboayoub

2013-11-13, 17:00

شكرا اختي على المجهودات المبدولة وكون تكملي خيرك تعطينا اخر الحلويات الجافة البنينة بحلوة ولك الف شكر

تسلمي اختي راح نحطلك حلويات جافة تابعيني

bienetresurterre

2013-11-13, 17:06

https://encrypted-tbn2.gstatic.com/images?q=tbn:ANd9GcTbQHbvm2s3gYLLkFkxIcAb7aFL0IBwa 0mNZam3fupetJw8CveK

souma.sousou

2013-11-13, 17:12

الله يجيبلك النو........................والله غير قلقتيني عليك.............المهم الحمد لله راكي بالف خير ....واش راه ايوب؟هادا وين ارتحت.مأمنتش كي شفتك على سلامتك...........ايا .....كي جيتي وصفاتي هما لولين........درك نحكيلك قصتي.......انا زوجي ميحبش القاطو يحب الموسكوتشو......الجنواز........الكيك.............. .والطورنو.........كلما نديرهم يقولي ماهش كيما لي يتباع.......دبري عليا

souma.sousou

2013-11-13, 17:30

http://www13.0zz0.com/2013/11/13/16/440572013.jpg (http://www.0zz0.com)

http://www13.0zz0.com/2013/11/13/16/440572013.jpg (http://www.0zz0.com)

aboayoub

2013-11-13, 18:44

الله يجيبلك النو........................والله غير قلقتيني عليك.............المهم الحمد لله راكي بالف خير ....واش راه ايوب؟هادا وين ارتحت.مأمنتش كي شفتك على سلامتك...........ايا .....كي جيتي وصفاتي هما لولين........درك نحكيلك قصتي.......انا زوجي ميحبش القاطو يحب الموسكوتشو......الجنواز........الكيك.............. .والطورنو.........كلما نديرهم يقولي ماهش كيما لي يتباع.......دبري عليا

الله يسلمك حنونتي ايوب راهو مع القباحة ....ربي يحميلك زوجك ويجعلوا قرة عينك في الدنيا والاخرة ان شاء الله .....يعني زوجك ياكل غير الحاجة الي فيها الزبدة والشيكولة بالاكي يسمن بزاف ههههههههه....درك ندبر عليك وناطيك عبارات
هذيك الطورنو والله مافهامتها وشنهي هيا

souma.sousou

2013-11-13, 18:59

الله يسلمك حنونتي ايوب راهو مع القباحة ....ربي يحميلك زوجك ويجعلوا قرة عينك في الدنيا والاخرة ان شاء الله .....يعني زوجك ياكل غير الحاجة الي فيها الزبدة والشيكولة بالاكي يسمن بزاف ههههههههه....درك ندبر عليك وناطيك عبارات
هذيك الطورنو والله مافهامتها وشنهي هيا

الله يسلمك حبيبة......الطورنو .هو قاطو لي نخرجوه بالمحقن بالماشينة لي نرحو بيها اللحم.........او قاطو الطابع لي ندهنوه من فوق بالبيض ورشوه بالسكر .نتاع بكري تاع جداتنا.نتمنى فهمتيني .........

زوجي ميحبش الشيكولا يحب الكيك ناشف بلا تزيين...................ومشكوررررررة ..........او عطيني وصفة للمادلان ..لي يبيعوه محلات الحلويات

aboayoub

2013-11-13, 20:10

الله يسلمك حبيبة......الطورنو .هو قاطو لي نخرجوه بالمحقن بالماشينة لي نرحو بيها اللحم.........او قاطو الطابع لي ندهنوه من فوق بالبيض ورشوه بالسكر .نتاع بكري تاع جداتنا.نتمنى فهمتيني .........

زوجي ميحبش الشيكولا يحب الكيك ناشف بلا تزيين...................ومشكوررررررة ..........او عطيني وصفة للمادلان ..لي يبيعوه محلات الحلويات

راني فهمتك حنا هذاك القاطو نسميوه الطرونية

المقادير
عبر بيض+عبر سكر وخلطي+عبر زيت ناقص حق اصبع+فنيليا+فنجال كبير حليب وخلطي ولمي بالفينة وحطي فيها خمارة نوارة
(الخمارة 1.5 في 3حبات بيض)ولمي برك ما تدلكيش وكي تطبعي خوذي العجينة بالشوية حق 4حبات والديشي تع العجينة لميه ما تبقايش تعجني وادهنيها بhttp://im33.gulfup.com/40n3b.jpg (http://www.gulfup.com/?edoPdG)البيض

aboayoub

2013-11-13, 20:17

https://encrypted-tbn2.gstatic.com/images?q=tbn:and9gctbqhbvm2s3gyllkfkxicab7afl0ibwa 0mnzam3fupetjw8cvek

ميرسي حبيبتي ربي يخليك

ana7anane

2013-11-13, 21:03

مرحبا و سهلا بالغالية والله توحشنــــــــــــاك ان شاء الله تكوني لاباس انت و داركم و كيما قالت سومة ربي يجيبلك النو ما نيش عارفة واش معنتها بصح تعجبني هدرتها هههههههههه

aboayoub

2013-11-13, 21:38

مرحبا و سهلا بالغالية والله توحشنــــــــــــاك ان شاء الله تكوني لاباس انت و داركم و كيما قالت سومة ربي يجيبلك النو ما نيش عارفة واش معنتها بصح تعجبني هدرتها هههههههههه

مرحبتين بالغوالي والله انتي اغلى يتوحشك الخير والله بالف خير انا تاني عجبتني النو ربي يخليك حنونتي واحلى وردة لاحلى زهرة حنانhttp://www.iraqnaa.com/ico/image/053.gifhttp://img.qwled.com/i/ccd1fc9a8d2ae42c9cbfbd5557a5f1aa.gif (http://www.qwled.com/vb/t284251.html)

ام عبود

2013-11-13, 21:48

بارك الله فيك

aboayoub

2013-11-13, 22:05

بارك الله فيك

وفيكي بركة شكرا على مرورك العطرhttp://2.bp.blogspot.com/-YwX5A0jP334/UNEkAnsqu3I/AAAAAAAATNE/EtxKbPXlZF0/s400/1NCif-116-1.jpg (http://2.bp.blogspot.com/-YwX5A0jP334/UNEkAnsqu3I/AAAAAAAATNE/EtxKbPXlZF0/s1600/1NCif-116-1.jpg)

ana7anane

2013-11-13, 22:19

مرحبتين بالغوالي والله انتي اغلى يتوحشك الخير والله بالف خير انا تاني عجبتني النو ربي يخليك حنونتي واحلى وردة لاحلى زهرة حنانhttp://www.iraqnaa.com/ico/image/053.gifhttp://img.qwled.com/i/ccd1fc9a8d2ae42c9cbfbd5557a5f1aa.gif (http://www.qwled.com/vb/t284251.html)
الله يجعل كل ايامك ورود انت و العائلة انتاعك

loulou78

2013-11-13, 23:09

شكراً حبيبتي انشاء الله في ميزان حسناتك كنت قلقانة عليك ولله حسيتك مثل اختي

aboayoub

2013-11-13, 23:18

حبيباتي تصبحون بالف خير غدا راح نجاوبك سوسو واناريس على الوصفات الي طلبتوها http://sphotos-h.ak.fbcdn.net/hphotos-ak-ash3/155850_462982863738442_1594860219_n.jpg

aboayoub

2013-11-13, 23:31

شكراً حبيبتي انشاء الله في ميزان حسناتك كنت قلقانة عليك ولله حسيتك مثل اختي

شكرا اختي والله الشعور متبادل والله انا اكثر وحدة تقلقت على جالها هي انتي كنت عارفة كنتي مستحقى الوصفة في اقرب وقت

http://www.mixuchat.com/vb/imgcache2/58587.gif (http://www.7ophamsa.com/vb/showthread.php?t=7812)

souma.sousou

2013-11-14, 08:04

شكرا اختي والله الشعور متبادل والله انا اكثر وحدة تقلقت على جالها هي انتي كنت عارفة كنتي مستحقى الوصفة في اقرب وقت

http://www.mixuchat.com/vb/imgcache2/58587.gif (http://www.7ophamsa.com/vb/showthread.php?t=7812)

صباح الخير على الحبابات.......................راني بديت نغير..............هي تقلقتي عليها وانا لا لا ..............

souma.sousou

2013-11-14, 08:08

http://www4.0zz0.com/2013/11/14/07/936528485.jpeg (http://www.0zz0.com)

souma.sousou

2013-11-14, 08:16

صباح الخير.عالناس الزينين...............حبيت نفهمك كلمة النو واش معناها....................يعطيك النو ..هاذ ي نقولوها لواحد لي نحبوه منحبوش ندعو عليه بدعوة ماشي مليحة......نخافو عليه ايا نقولوله يعطيك النو......النو هي المطر ...........نتوما تقلولها الشتا.ولا لالا........نتمنى فهمتيني نتي والاخت لي عجبتها..........

madie

2013-11-14, 09:26

Allah yatik essaha oukhti t barakallah alik

ana7anane

2013-11-14, 10:44

صباح الخير.عالناس الزينين...............حبيت نفهمك كلمة النو واش معناها....................يعطيك النو ..هاذ ي نقولوها لواحد لي نحبوه منحبوش ندعو عليه بدعوة ماشي مليحة......نخافو عليه ايا نقولوله يعطيك النو......النو هي المطر ...........نتوما تقلولها الشتا.ولا لالا........نتمنى فهمتيني نتي والاخت لي عجبتها..........
هادي مليحة :19: مالا يعطيك انت تاني النو و الخير و الهنا ان شاء الله بصح حبيت نعترفلك بحاجة ......انت تطلبي في الوصفات و انا نجي نديهم بالساهل:d نستنى فيك غير وقتاه تطلبي وصفة انا معنديش ههههههه و ربي يخلينا ام ايوب العزيزة

sayo.maya

2013-11-14, 11:05

merci merci merci............................................. .......

aboayoub

2013-11-14, 12:26

صباح الخير.عالناس الزينين...............حبيت نفهمك كلمة النو واش معناها....................يعطيك النو ..هاذ ي نقولوها لواحد لي نحبوه منحبوش ندعو عليه بدعوة ماشي مليحة......نخافو عليه ايا نقولوله يعطيك النو......النو هي المطر ...........نتوما تقلولها الشتا.ولا لالا........نتمنى فهمتيني نتي والاخت لي عجبتها..........

يا صباح النو ....حنا تاني نقولولها النو...والشتا ....ان شاء الله تصب عليك بالخير والهنا والصحا واللويز ......فهمتك زعقي كيما تحبي راني اختك
http://ghlasa.com/up/do.php?img=7809 (http://forums.imageslove.net/pic25091/)

http://ghlasa.com/up/do.php?img=7820 (http://forums.imageslove.net/pic25091/)

aboayoub

2013-11-14, 12:41

صباح الخير على الحبابات.......................راني بديت نغير..............هي تقلقتي عليها وانا لا لا ..............

انتي الكل في الكل .........والله كامل عزاز عليا ....مبصح فرحتيني زيدو زيدو تفاتنو عليا هههههههههههههههههه

راح ندلعك اخر دلع حنونتي سوسو
http://2.bp.blogspot.com/-WA3VvK61u68/UQd8l0bKjqI/AAAAAAAABmw/RGwhZ7qOdto/s1600/%D8%B5%D9%88%D8%B1+%D8%B5%D8%A8%D8%A7%D8%AD+%D8%A7 %D9%84%D9%88%D8%B1%D8%AF+-2.jpg (http://2.bp.blogspot.com/-WA3VvK61u68/UQd8l0bKjqI/AAAAAAAABmw/RGwhZ7qOdto/s1600/%D8%B5%D9%88%D8%B1+%D8%B5%D8%A8%D8%A7%D8%AD+%D8%A7 %D9%84%D9%88%D8%B1%D8%AF+-2.jpg)http://sphotos-d.ak.fbcdn.net/hphotos-ak-snc7/578533_350987171655385_1598006812_n.jpg

https://fbcdn-sphotos-b-a.akamaihd.net/hphotos-ak-ash4/320317_3878745615189_1005674118_n.jpg (http://www.epda3.7ozn.com/t9786/)

aboayoub

2013-11-14, 12:54

هادي مليحة :19: مالا يعطيك انت تاني النو و الخير و الهنا ان شاء الله بصح حبيت نعترفلك بحاجة ......انت تطلبي في الوصفات و انا نجي نديهم بالساهل:d نستنى فيك غير وقتاه تطلبي وصفة انا معنديش ههههههه و ربي يخلينا ام ايوب العزيزة

ربي يخليك انوشتي علابالي درك تغيري منها ......راح نخليهم يغيرو منك هذي في خاطرك

http://up.3dlat.com/uploads/13434406302.jpg

http://up.3dlat.com/uploads/13434408915.jpg
http://www.almosafr.com/up/uploads/images/almosafr_eddf52403d.jpg (http://www.almosafr.com/up/uploads/images/almosafr_eddf52403d.jpg)

.. (http://www.almosafr.com/up/uploads/images/almosafr_ea3058d83a.jpg)

ام الاء وسدن

2013-11-14, 12:56

السلام عليكم وعاشوراء مباركة ليك ولكل ناس المدية
اختي ام ايوب حبيت نسقسيك بما اني مانيش عايشة في الوسط من 13 سنة
وعن قريب بلاك نرجع المهم ....انا في عنابة نشري extraits ;والملونات تاع تونس
لاخاطر هما الاحسن بصح مالقيتهمش كي جيت للبليدة كنت نشري قرعة تاع ليترة ب65او90
تشدلي عام قوليلي بليز احسن الانواع اللي راكي تخدمي بيها ومنين تشريها

aboayoub

2013-11-14, 12:58

Allah yatik essaha oukhti t barakallah alik

الله يسلمك وفيكي بركة حبيبتي

http://uploads.sedty.com/imagehosting/410440_1363985064.gif (http://forum.sedty.com/)

ام الاء وسدن

2013-11-14, 13:10

وين راكي ام ايوب................

souma.sousou

2013-11-14, 13:44

يا سلام على النشاط راكي صابحا ناشطا اليوم .الله يدوم النشاط والصحة والهنا.............http://www13.0zz0.com/2013/11/14/12/385742000.jpg (http://www.0zz0.com)

يعطيك الصحة عالورد الشباب .راني نخذم فالمفرش حطيته وقعدت نشوف فالورد الله يجعل ايامك ورد في ورد
http://www13.0zz0.com/2013/11/14/12/716004562.jpg (http://www.0zz0.com)

aboayoub

2013-11-14, 14:56

السلام عليكم وعاشوراء مباركة ليك ولكل ناس المدية
اختي ام ايوب حبيت نسقسيك بما اني مانيش عايشة في الوسط من 13 سنة
وعن قريب بلاك نرجع المهم ....انا في عنابة نشري extraits ;والملونات تاع تونس
لاخاطر هما الاحسن بصح مالقيتهمش كي جيت للبليدة كنت نشري قرعة تاع ليترة ب65او90
تشدلي عام قوليلي بليز احسن الانواع اللي راكي تخدمي بيها ومنين تشريها

وعليكي السلام حبيبتي وكل عام وانت والاهل بالف خير وعلى الامة الاسلامية اجمعين .....ان شاء الله ترجعي بخير . .. انا نشري الفنيليا تع الميزان تع الخارج
ونستعمل arome ) ( global) ;والالوان تع الميزان ومرات تع ( fructa ) تع تونس انا نشريها منا مالمدية
ومرات نستعمل البطراف نديرو جي وملونات طبيعية مثل الفراز و التوت

aboayoub

2013-11-14, 15:01

يا سلام على النشاط راكي صابحا ناشطا اليوم .الله يدوم النشاط والصحة والهنا.............http://www13.0zz0.com/2013/11/14/12/385742000.jpg (http://www.0zz0.com)

يعطيك الصحة عالورد الشباب .راني نخذم فالمفرش حطيته وقعدت نشوف فالورد الله يجعل ايامك ورد في ورد
http://www13.0zz0.com/2013/11/14/12/716004562.jpg (http://www.0zz0.com)

يسلمك حنونة امييييييييييييييييييييييين يا رب ..........ويخليك احلى وردة في عيونا وفي قلب زوجك يا رب
يا ريت تحطيلي صورت المفرش وربي يرزقك الصحة والابداع

souma.sousou

2013-11-14, 15:17

امين يا رب ولك بالمثل...............هاهو المفرش مازل مكملش دارته الاخت ندية الجوري ورشة والله الاخوات روعة بارك الله فيهم......تعلمنا منهم ........http://www13.0zz0.com/2013/11/14/14/556952634.jpg (http://www.0zz0.com)

لكان تقدري تعطيني وصفة كيك او مسكوتشو حابا نديره اليوم لزوجي ....وبارك الله فيك

ام الاء وسدن

2013-11-14, 15:48

سلام ام ايوب الي نشريهم عبارة عن سائل منهم ملون ومنهم ريحة راهم روعة
يسمى في جيهتنا ماكاش العوض على ربي
وقوليلي منين في المدية exactementنقدر نشري هاداك الي قلتي

aboayoub

2013-11-14, 16:22

قلوب بالشيكولا
500غ زبدة طرية اخدميها 10 دقائق +200غ سكر عادي واخدمي+ملعقة عشاء فنيليا +250غ حلوة التركواخدمي+250غ لوز او جوز او كاوكاو مطحون رقيق واخدمي +2حبات بيض و2 صفار واخدمي +الفرينة فيها 2 باكيات خمارة نوارة حتى تنشف ولمي برك ماتعجنيش جي كيما لتاخت طرية وخليها ترتاح
حلي العجينة واطبعيها قلوب او دوائر او اى شكل كي تطيب ضعي الحبة فوق حبة ولسقيهم بكريمة الزبدة (كنت حطيتها من قبل) اغطسي الحب في الشيكولا بيضاء او كيما تحبي وارسميها من فوق بالبوش
كيما المخبز او ورود
[url=http://www.gulfup.com/?VaDA9y]http://im33.gulfup.com/7IIxY.bmp[/url