الجلد تاع العيد

[نيفرتيتي.]

نهار العيد مارميتش الجلد درته في ساشي تحت ساشي تحت ساشي حتى قطعت عليه الهوا وخليتو اليوم رحت جبدت ونحيتله الصوف بسهوووووووووووولة تامة وغسلت وخليتو يرطاب في الامو والجافيل ارواحو تشوفوه راه هايل نحيت منه كمية هاااااااايلة
وهذه الطريقة اسهل من انه نصبو عليه الما سخون فيه شوية خدمة تاع العام هذا راني نحيته بسهولة
ننصحكم بانكم ماترموش جلد العيد لانه روعة انك تستفادي منه

[~اسيل ريحانتي~]

اختي ربي يعاونك بصح حبيت نفهم لواش تستعمليه

[سمراء الدنيا]

يعطيك الصحة انا تاني هاذي طريقتي ................لكننا ما عدناش نخدموه رانا نصدقوه للجامع و هوما يبيعوه لمصنع الجلود

بصح كيفاه استحملتي هاذيك الريحة

[ليلى القسنطينية]

انا ثاني خدمتو هكدا كيما انتي
و رايحا نزيدلو شوية صوف و نديرو coussin de sol لأولادي

[ام هنود]

انا تاني هذه العام مرمتوش اغسلتوا وزتلوا الصوف كانت عندي من بكري واخدمت بساط

[djazia87holi]

والله يا حنونة القلوب عند بعضاها غير قبيل وانا نحي في الصوف من الجلد مي نتاع عجوزتي الخطرة الاولى قاتلي نديرو هيدورة ومن بعد دارت في رايها وقالت نديرو للمخدة وارواحي طلي عليا تشوفو الحالة لي كنت فيها خفت يجي راجلي يشوفني هكداك والحمد لله سترني ربي ومن بعد رحت نجري للنات كيفاش نحي الصوف من الجلد اليابس ولقيتو يتنحى بالماء السخون درتو في بسينة وشعلت فيه الماء نتاع الشوفو مامبا ربع ساعة بدا يتنحى الصوف وحدو وخليت الماء السخون يجري فيه يتصفى من جهة ومن جهة الجلد يرطاب والله غير تنحى ببساطة وغسلتو بالاومو والجافال اكثر من مرة وصفيتو اكثر من خمس مرات وراه يقطر في السلة درك مي انا نتاعي درت كيما درتي غلفتو بساشيات ومن بعد سمانة نحيتو ببساطة تامة ودرتو مخدة صغيرة لوليدي وانشاء الله يستفادو الاخوات من المعلومة كيما استفدت انا اليوم

[ميمي2012]

السلام عليكم ورحمة الله وبركاته

حبيت نحط طريقة نتاعي في نزع الصوف وغسله وهي طريقة رائعة ما فيها لا ريحة لا والو ؟؟؟؟؟؟؟؟؟
نهار العيد أو الغد من دلك ، أنا فضل نهار العيد في المساء نكون وجدت طاس كبير نتاع الجير مشي بلاط ونخلطه مع الماء عادي ونطلي بيه الهيدورة ونلمها ونخليه وفي الغد نبد ننزع الصوف بكل سهولة،ومن بعد نأخد كوب ليس مملوء نضاف نتاع لافيونس وندير الصوف في باسينة وعليها ماء السخون ونزيد نضاف ونحرك بليد نتاع المكناسة أكرمكم الله ونخليها 3ساعات، ومن بعد نحيها وتلقي كمل هداك الوسخ أكرمكم الله تحل وراح نشللها مليح ونعود نحطها في صابون أريال أو أومو ونخليها فيه من بعد نشللها ونعود شوية نتاع صابون وقليل من الجافل ونششلل مليح مليح ونديرها في مخدة فارغة ونحطها في ألة الغاسيل نشفها قليلا مشي كثير ونخرجها نفضها بلمطرق مليح مليح وننشرها تخرج كيما القطن وإدا راكي حابة تعمري بيها المخايد لزم متحليهاش مليح مليح بعد ماتنشف لكي تبق محافضة على حجمها.
ملاحظة : نضاف نتاع لافايونس يساعد في إزالاة الأوساخ بسهولة وزيد لما تكوني تنفضي فيها أوتغسلي فيه متوجعكش في أصابعك و كأنه يطريها وتتحل في الماء بسهولة .ومتخافيش منه مادرلي والو في يديا ممكن إلا خفتي تستعملي قفاز في الأول .
نتمنى نكون أفدتكم

[نيفرتيتي.]

افكار رووووعة انا في الاول خفت من الريحة وثان من الدود حتى اني فكرت اني نرميه قبل حتى مانحله لانه الدود مايتحملش
وبعد توكلت على الله وحليته الريحة ماهيش الريحة اللماتتحملش ولاكاين لادود لا والو كملت نحيت الصوف بسهووووووولة وخرجت رميت الجلد قبل مايجي راجلي ويطيشنا الكل بيا بالصوف بالجلد ههههههههههههههههههههههه
ودرك راه يشيح
واللي سالت واش نديرو بيه نديرو في المخاد
وكيما يقولو ناس بكري جلد كبش العيد فيه البراكة رانا ماشين على نيتهم

[حمودية]

السلام عليكم ورحمة الله وبركاته

حبيت نحط طريقة نتاعي في نزع الصوف وغسله وهي طريقة رائعة ما فيها لا ريحة لا والو ؟؟؟؟؟؟؟؟؟
نهار العيد أو الغد من دلك ، أنا فضل نهار العيد في المساء نكون وجدت طاس كبير نتاع الجير مشي بلاط ونخلطه مع الماء عادي ونطلي بيه الهيدورة ونلمها ونخليه وفي الغد نبد ننزع الصوف بكل سهولة،ومن بعد نأخد كوب ليس مملوء نضاف نتاع لافيونس وندير الصوف في باسينة وعليها ماء السخون ونزيد نضاف ونحرك بليد نتاع المكناسة أكرمكم الله ونخليها 3ساعات، ومن بعد نحيها وتلقي كمل هداك الوسخ أكرمكم الله تحل وراح نشللها مليح ونعود نحطها في صابون أريال أو أومو ونخليها فيه من بعد نشللها ونعود شوية نتاع صابون وقليل من الجافل ونششلل مليح مليح ونديرها في مخدة فارغة ونحطها في ألة الغاسيل نشفها قليلا مشي كثير ونخرجها نفضها بلمطرق مليح مليح وننشرها تخرج كيما القطن وإدا راكي حابة تعمري بيها المخايد لزم متحليهاش مليح مليح بعد ماتنشف لكي تبق محافضة على حجمها.
ملاحظة : نضاف نتاع لافايونس يساعد في إزالاة الأوساخ بسهولة وزيد لما تكوني تنفضي فيها أوتغسلي فيه متوجعكش في أصابعك و كأنه يطريها وتتحل في الماء بسهولة .ومتخافيش منه مادرلي والو في يديا ممكن إلا خفتي تستعملي قفاز في الأول .
نتمنى نكون أفدتكم
بارك الله فيك

[ميمي2012]

وفيك بارك الرحمان أختي حمودية

[نيفرتيتي.]

بارك الله في الجميع

[ميمي2012]

اللهم آآآآآآآآآآآآآآآآآآآآآآآآآآآآآآآمين.

[ايمان نور الجزائر]

حنا ما بقيناش نغسلوه نديرولو الملح
ونحطوه...وتجي سيارة تديه لمصانع الجلد او نحطوه قدام لجامع

[نيفرتيتي.]

حنا ما بقيناش نغسلوه نديرولو الملح

ونحطوه...وتجي سيارة تديه لمصانع الجلد او نحطوه قدام لجامع
والله يا اختي حاجة مليحة انك تحصلي كل عام مخدة من صوف العيد

["جنة فردوس"]

يعطيك الصحة اختي كون غير قريت موضوعك من قبل انا خليتو في دار عجوزتي و الله غاضني خاطر كنت حابة ندير coussin بصح راجلي ماحبش يخليني نجيبو

[نيفرتيتي.]

يعطيك الصحة اختي كون غير قريت موضوعك من قبل انا خليتو في دار عجوزتي و الله غاضني خاطر كنت حابة ندير coussin بصح راجلي ماحبش يخليني نجيبو

ياختي كون نتبعو الرجال والله مانديرو والو
حتى انا العام اللي فات عيدت في دارهم وماجبتوش

[ام بلبل]

بارك الله فيك على الموضوع انا طريقتي نهار العيد درتلو الجافيل و لويتو فالساشيات مليح نهار الثاني لعشية نحيتها بكل سهولة

[djamilach]

الصوف تعمل الحساسية لذلك الكثير من العائلات لاتحتاج الى جلد العيد .في القديم كانو يستعملونه حتي للنوم للجلوس للتزيين ، حتى العروس تاخذه معها لكنه بدا بالاختفاء بسبب كثرة الحساسية.

[نيفرتيتي.]

الصوف تعمل الحساسية لذلك الكثير من العائلات لاتحتاج الى جلد العيد .في القديم كانو يستعملونه حتي للنوم للجلوس للتزيين ، حتى العروس تاخذه معها لكنه بدا بالاختفاء بسبب كثرة الحساسية.
ياختي ملي حليت عيني واحنا بالمطارح تاع الصوف ولا حساسية لاوالو
كاين عايلات صح يعانو من الحساسية يستغنو عليه
شكرا على المرور

[السَّحابة البيضاءْ]

السلام عليكم

طريقتك جدّ فعالة نشكرك على المُشاركة المُفيدة

[om inas]

شكراااااااااااااااااااااااااااااا

[omayoub2]

http://www8.0zz0.com/2013/08/06/12/356967859.gif

[نيفرتيتي.]

شكرا على المرور وعلى التشجيع

[ام هاديل وياسين]

نشكر كل وحدة قدمت فكرة نتاعها وانا راني مع الاخت ميمي اممكن تجربتي تختلف عليها شوية انا يوم العيد بذات او اذا

امكن لغدوى متخليهاش تطول حلي الجلد نتاع الكبش وفرغي عليه البلاطغ يعني الجبس يكون غبرة ماشي مخلط مع الماء

وعاودي لميها على جهة الجلد في يومين او ثلاث تلقايهاخلاص انزعي الصوف بكل سهولة دون رائحة ...... وبالتوفيق

[ام مهدي 03]

انا ثانى هذا العيد 4 نتاعى وجامى رميتو. والله هذا العام كنت نافس فى العيد 20 يوم وغسلتو. كيما قالت الاخت كل عام ندير مخدة انا مانتوسدهاش كى عاد عندى الحساسية. مى نخبيهم كى يجونى الضياف نلقى واش نعطيهم يتوسدو. عجبتنى طريقة الاخت نتاع الجافيل.... وعندى فكرة ليكم وهى تحطيه فى بيدون كبير نتاع البانتورة بالمغلاق خير من الصاشيات.