الورشة العاشرة الجلابه المغربيه.. سطايفيه

[stayfiya]

السلام عليكم و رحمة الله وبركاته
صباح الأنوار واشراكم
واش حوالكم
اليوم حبيت نحطلكم ورشة للجلابه المغربيه
نبداو على بركة الرحمان تبعو:mh31:
الورشة هاذي اكيد بزاف لي يحتاجوها
لابرانتي 2 حبت تخيط جلابة و توفر شوي فرنكات على روحها
قلتلها رااني هنا
ديتها و رحنا خيرنا كتان
سبيسيال جلابات و فيه لي كولور الدنيا
انا خيرت هاذ لا كولور تلاوي لوسخ :1:
شرينا 2 متر و نص
و خيرتلها قالون روز 6 متر
و قيطان والله ماعلابالي قداه
هاوليك التيسو
و ماعلاباليش واسمو :confused:
http://www.up.djelfa.info/uploads/143785186015761.jpg
كيما تعرفو الجلابة ولا العباية
و لا الحجاب يحب يكون مستع شوية
عليها انا زدت في العرض كومبلي 4 سم
طبقي الكتان نتاعك على 4
و تحطي المقاسات حنا لا برانتي بطبوطة
http://www.up.djelfa.info/uploads/143785186019142.jpg

من بعد تسيباري الامام على الخلف
و تطراسي الرقبة و فتحة المونش تعدلي فيها
http://www.up.djelfa.info/uploads/143785186021993.jpg
كيما سبق و قتلك سرسورة
هاو ليك كيفاش
من امام برك

http://www.up.djelfa.info/uploads/143785206029191.jpg

نوليو نفصلو لي مونش
نطبقو الكتان نتاعنا على 4 توجور
و نرسم المونش
بالنسبة للطول درت 60سم و العرض 25سم
و كي تفصلي المونش من الداخل
قوسيه للداخل جهة المرفق و اخرجي للبوانيي
http://www.up.djelfa.info/uploads/143785206032122.jpg
نجيو للقلمونة
على مانظن كاين بزاف موش فاهمين كيفاش جي
ضك ان شاء الله تفهموها
ساهله طبقي الكتان نتاعك على 4
و لا ماحبيتيش دوبليه على 2
من فوق المقاس راح يكون طبق الاصل مع الخلف
يعني نفس عرض الكتف و فتحة الرقبة
ببساطة لانو راح يركب فيها من اسفل
كيما راكي تشوفي في الشلطات
لخضورة من ثم تتجمل في بعضاها
شوفي ضك تفهمي


http://www.up.djelfa.info/uploads/14378520603493.jpg

http://www.up.djelfa.info/uploads/143785227758781.jpg



نكملو نخيطو
تحكمي الطرف الامامي و تبداي
تطراسي خط عمودي على مستوى الوسط
و تلصقي القالون بهذا الشكل
ااه قبل ما لصقنا القالون
لابرانتي لصقت لافيزلين من داخل
باش كي تفوت لخياطة من فوق ما تتكمشلهاش
و دارت فونت صغيره
من قدام باش تخطوي في المارشي ههه:1:
و طراسينا ديكوب بصح ما قصيناهاش غير بروفيزوار باش نفوتو القيطان و جي باهية
http://www.up.djelfa.info/uploads/143785303195141.jpg

و نفس الطريقة مع ليمونش

http://www.up.djelfa.info/uploads/143785303198072.jpg

http://www.up.djelfa.info/uploads/143785303200793.jpg
و كذلك القلمونة

http://www.up.djelfa.info/uploads/143785227761842.jpg

http://www.up.djelfa.info/uploads/143785227764713.jpg

و من بعد تركبي القلمونة
في الكتف و الرقبة في الطرف نتاع الظهر
و تلصقي الكتاف و من بعد ليمونش
و تجملي لي كوتي
و في الاخير تركبيلها لقفايل نتاع لحرير
لي يديروهم في الجلابة وهاي ليك النتيجة


http://www.up.djelfa.info/uploads/143785320191391.jpg
http://www.up.djelfa.info/uploads/143785320194122.jpg
تلبسها بالصحة لابرانتي
ودمتم في رعاية الله و السلام عليكم و رحمة الله:mh31:

[ام شرفو]

بارك الله فيك

[فوزية1975]

اختي كيفاش ركبتي القيطان

[dahby83]

http://www.7elm3aber.com/vb/imgcache/18/72006-image.jpg

[جوري لؤلؤة]

يعطيك الصحة روعة

[أم ياسين الزهراء]

مالقيت مانقلك غير ربي ينورك طريقك ويكملك للخير

الله يبارك فيك ويبارك فيك

[yousrayousra77]

merciiiiiiiiiiiiiiiiiiiiiiiiiiiiii

[biba04]

هههههههههههههههه سطايفية وحدك حابة نقولك راهي كاينة وحدة اسمها الهام07 في قسم الطبخ من سطيف عندها نفس الروح المرحة
نتاعك راح تتفاهمو
ماشاء الله على سطايفية خيار الناس
بنسبة للمسابقة راني صوت من قبل وراني متبعتكم بصمت
ويعطيك الصحة على الورشة في ميزان حسناتك يارب

[سمراء الدنيا]

يعطيك الصحة اختي سطايفية ........و ربي يجازيك خير الجزاء
عجبتني الورشة و للي عجبني اكثر الاشهار ههههههههه ...........
ان شاء الله يكفيني الوقت و نقدر نطبق هاذ الورشة
راني ديجا طبقت ورشة التلايق عن قريب نوريهملك
الف الف شكر

[نور المستقبل]

خمسة وخموس علليك يانواتنا
بالنسبة للورشة راهي في القمة
حتى المبتدئة تقدر تفهمها
اما بالنسبة للاشهار والله نقرأ في الموضوع نضحك ونقول يعطيها الصحة
ربي يحفضها وينور دربها ويرزقها بولد لحلال اللي قدرها ويعينها على عمل الخير
راااااااااااااااااااااااكيييييييييييييي وحدك
https://encrypted-tbn0.gstatic.com/images?q=tbn:ANd9GcSo-LIxQUADpUPHsPv9FpRtNM7vDCyGbn2yJHiL09fwyvAmtJjWrSa DYsZpشوفي حبيبتي الورود ليك وحدك
والشوكولا وزعيها على الاحباب بمعرفتك
مبغيتش نقولك ليك وحدك خفت على لتاي انتاعك
برافووووووووووووووووووووووووووووو

[nounoudjs]

بارك الله فيك

[وليد مولودية]

تهبل يعطيك الصحة

[ام مريم اسراء]

صباح النور اختي الغالية سطوفة انا بصراحة دخلت ليوم للمنتدى للاطلاع على جديده و عندي نية مسبقة بالاكتفاء بالتتبع بصمت لكن لما شفت الورشة نتاعك شفت انك حطيتيها على 2 صباحا لم اجد نفسي الا و اكتب هته الاحرف و الكلمات فادركت حينها اني اشتقت لكي بقدر لا استطيع بعده ان لا اقل لكي دمتي صادقة وفية سباقة للخير غاليتي

[hayat-48]

يعطيك الصحة بارك لله فيك

[sakura be]

ماشاء الله سطاااااايفية يعطيك الصحة والله خير مبادرة منك غاليتي دوما مميزة بعطاءك الذي لاينضب ربي يعطيك ماتتمناااااااااااااااااااااااااااي ....
انا صوتت من اول اطلالة وكنت متتبعة لكن مارحبتيش بيا ....وااااااع ......هيا رحبي بيا وش تستنناي ههههه
عمبالي دك تحيري فيا هههههه الشينوية بالنيولوك ههههه مرة هك ومرة هك .

[fatima touta]

بارك الله فيك على هدا الموظوع القيم و المفيد في وقت واحد

[om mita]

يعطيك الصحة بنت بلادي

[ام هنود]

هايلة يااختي يعطيك الصحة

[صابرة2013]

يعطيك الصحة

[جيجلية]

ما شاء الله

ربي يحفظك ويزيدك من فضله

ورشة رائعة

[sarra5]

الله يبارك عليييك سطايفية

والله حاجة مليييحة والجلابة تهبببل كانها مشرية بل احلى

راني فوطيت اعطيني السكنة برك هههههه

[رحيل ج]

يعطيك الصحة

[ام محمد منتصر]

يهبلو أعطيك الصحة

[lady31]

قافزة راكي الطيري .....الي الامام سيرررررررررر

[وصال7]

بارك الله فيك عمل متقنوراائع وشكرا على ورشاتك الراائعة التي افادتنا بزااااااااف

[المتألقة]

شكرا لك ..............................

[بنت سعدان الجزائر]

stayfiya والله هبلتينى يابنتى بالصح والله نخيط وحده زيها اي تستاهلى قصعة معمرة رفيس التونسى كولى وزعي على لحباب الحبيبة

[stayfiya]

اختي كيفاش ركبتي القيطان
بالبرة و الخيط برك

يعطيك الصحة اختي سطايفية ........و ربي يجازيك خير الجزاء
عجبتني الورشة و للي عجبني اكثر الاشهار ههههههههه ...........
ان شاء الله يكفيني الوقت و نقدر نطبق هاذ الورشة
راني ديجا طبقت ورشة التلايق عن قريب نوريهملك
الف الف شكر
نستعرف بيك يا سمريطو الفحلة

خمسة وخموس علليك يانواتنا
بالنسبة للورشة راهي في القمة
حتى المبتدئة تقدر تفهمها
اما بالنسبة للاشهار والله نقرأ في الموضوع نضحك ونقول يعطيها الصحة
ربي يحفضها وينور دربها ويرزقها بولد لحلال اللي قدرها ويعينها على عمل الخير
راااااااااااااااااااااااكيييييييييييييي وحدك
https://encrypted-tbn0.gstatic.com/images?q=tbn:and9gcso-lixquadpuphspv9fprtnm7vdcygbn2yjhil09fwyvamtjjwrsa dyszpشوفي حبيبتي الورود ليك وحدك
والشوكولا وزعيها على الاحباب بمعرفتك
مبغيتش نقولك ليك وحدك خفت على لتاي انتاعك
برافووووووووووووووووووووووووووووو

هههههه ياو راني وليت دربوكة. هههه راحت لاطاي ههه عيشك ام هدولة حبيبتي

صباح النور اختي الغالية سطوفة انا بصراحة دخلت ليوم للمنتدى للاطلاع على جديده و عندي نية مسبقة بالاكتفاء بالتتبع بصمت لكن لما شفت الورشة نتاعك شفت انك حطيتيها على 2 صباحا لم اجد نفسي الا و اكتب هته الاحرف و الكلمات فادركت حينها اني اشتقت لكي بقدر لا استطيع بعده ان لا اقل لكي دمتي صادقة وفية سباقة للخير غاليتي
اهلين بالغالية بحبيبتي و زميلتي في السراء ر الضراااء توحشتك يا مصيبة ايا ماتزيديش تروحي. تفاهمناا!!

ماشاء الله سطاااااايفية يعطيك الصحة والله خير مبادرة منك غاليتي دوما مميزة بعطاءك الذي لاينضب ربي يعطيك ماتتمناااااااااااااااااااااااااااي ....
انا صوتت من اول اطلالة وكنت متتبعة لكن مارحبتيش بيا ....وااااااع ......هيا رحبي بيا وش تستنناي ههههه
عمبالي دك تحيري فيا هههههه الشينوية بالنيولوك ههههه مرة هك ومرة هك .
ساكورا يالمهبولة وانا مانعبركش !!! ياو موضوع مانلقاش فيه ردك نتقلق ياوو ههههه هيا شينغ سو سامحيني يعني هههههه

الله يبارك عليييك سطايفية

والله حاجة مليييحة والجلابة تهبببل كانها مشرية بل احلى

راني فوطيت اعطيني السكنة برك هههههه
ههههههه صحيتي سرسورة راني حطيت ورشه في يوميات الملكات نتاع الروبة الصفراء لي حطيتيها نتي شوفيها

قافزة راكي الطيري .....الي الامام سيرررررررررر
واااه شا غادي ديري واك السطايفيه النار تشعل ليدي راني سخفت على المقنتا ههههههه

stayfiya والله هبلتينى يابنتى بالصح والله نخيط وحده زيها اي تستاهلى قصعة معمرة رفيس التونسى كولى وزعي على لحباب الحبيبة
اييييه يا خيتي طحتيلي على قلبي سخفت علييه هههههههههه ربي يخليك لحنينة


بارك الله فيكم على الردود بصح كلحتوني مافوطيتو ماوالو اشفاو عليها اني فاشيتكم

[sakura be]

سطايفية راكي مشينغ سوا هههههههههه حبيبتي انت

[ميار صهيب]

لباس رووووووعة والاعلان ثاني وانتي الاروووووووع
وجهك غالي راني فوطيت لن بذراع ماخيرت اكل ملااااااااااااااح
نسقسيك هذاك القفطان البني حطاتواحدي المشاركات قداه نمترا تدي

[مريم07]

روعة ومتحوفة ربي يبارك فيك ويرزقك بواش تتمناي

[stayfiya]

سطايفية راكي مشينغ سوا هههههههههه حبيبتي انت
ههههه ايا كي سامحتيني لباااس

لباس رووووووعة والاعلان ثاني وانتي الاروووووووع
وجهك غالي راني فوطيت لن بذراع ماخيرت اكل ملااااااااااااااح
نسقسيك هذاك القفطان البني حطاتواحدي المشاركات قداه نمترا تدي
الله يعيشك ميااار حبيبتيوالله يستاهلو كل خير. ديجا او بدا يبان التغيير على يديهم في المنتدى

روعة ومتحوفة ربي يبارك فيك ويرزقك بواش تتمناي

اللهم امين شكرا حبيبتي

[RaN!mE]

mrcccccccccccccccc raw3aaa

[ftage]

روعة العمر: إخاء في إخاء
وجنة الدنيا: حب في وفاء
وأجمل الذكريات: عيش في صفاء
وطريق النجاة: الاقتداء بسيد الانبياء
وعز المرء: حمد رب السماء
وخير خاتمة: جنة المأوى
وأجمل خدمة: اذكرني عند الدعاء.
فجزاك الله خيرا...وبارك فيك وفي اهلك الطيبين.

[botate]

انا انتخب عليك باش تولي وزيرة التكوين بصح ماتنسيناشششش نحن اهل المنتدى .سلام .

[stayfiya]

روعة العمر: إخاء في إخاء
وجنة الدنيا: حب في وفاء
وأجمل الذكريات: عيش في صفاء
وطريق النجاة: الاقتداء بسيد الانبياء
وعز المرء: حمد رب السماء
وخير خاتمة: جنة المأوى
وأجمل خدمة: اذكرني عند الدعاء.
فجزاك الله خيرا...وبارك فيك وفي اهلك الطيبين.

الله يبقي عليك الستر حنونة دعوات نقيه و صادقه من القلب الى القلب شكراًً

انا انتخب عليك باش تولي وزيرة التكوين بصح ماتنسيناشششش نحن اهل المنتدى .سلام .

ههههههههه وزيرة ضربه وحدة غير نقدر لروحي ياسر عليا شكرا بوتات

[نبض الفؤاد]

يعطيك الصحة ويعطيك الخير على قد نيتك......روحك المرحة زادت للموضوع حلاوة.....ربي يوفقك....

[djama]

ها يلة يا الفحلة يا المنورة

[ذكرى11]

merciiiiiiiiiiiiiiiiiiiiiiiiiiiiiii

[ichrak03]

مشكوووووووووووووووورة

[OM RITA]

يعطيك الصحة

[OM RITA]

يعطيك الصحة

[espoirdz]

يعطيك الصحة والعافية على كل مجهوداتك
بالصح اسمحيلي راني بوجادية شوية فالخياطة
واش هو القيطان ؟؟؟؟

[لآلئ]

ماشاء الله عليك يا الغالية
الله يحفظك يا رب

[هـمسـة]

يعطيك الصحة اختي انا تاني راني حاصلة حابة نشري جلابة مليحة بصح المشكل انو انا قصيرة و رقيقة ما لقيتش قدي خلاص تعيشي منين شريتي الكتان لاني ما بقاش حل قدامي غير اني نخيط واحدة جاوبيني تعيشي قو ليلي وين نلقى كتان مليح وربي يجازيك كل خير ان شاء الله

[R I A D]

يعطيك الصحة ما شاء الله عليك سطايفية

[ام امجد و انفال]

بارك الله فيك

[هندة 74]

بارك الله فيك

[مارية مومو]

جزاك الله خيرا

[derrar k]

الله يبارك .......... يعطيك الصحة يا الفحلة

[سماح2013]

الله يحفظك يا اختي

[biba19000]

نحتاج الورشة هاذي سطايفيه بارك الله فيك

[stayfiya]

تم استرجاع كل الصور الحمد لله

[أم عيشوش]

ما شاء الله عليك يعطيك الصحة

[meriemcons]

الله يعطيك ماتتمناي و الله رح نستفيد بزاااااااااااااااااااااااااااااااف منك

[nadiatlemcenia]

رااااااااااااااااااائع الله ينور ايامك اختي

[ouadah zohra]

شكرا ويريت تسعدوني بش نشوف صور الوراشات تع اختي السطيفية

[LAMIA TEFFAL]

يعطيك الصحة روعة

[امّ اياد]

4444444444444444444 هايلة

[oum imane83]

الله الله عليك خياطة محترفة تاع الصح

[خديجة ك]

شكرا ربي يخليك هنا فهمت لان الشرح مع الصور شكرامرة ثانية

[bahache]

وأخيرا شفت صور السطايفية خرجتلك الجلابة روعة ماشاء الله فنانة ربي يعطيك صحتك وياريت تعدلونا باه بيانو الصور الاخرى

[faty05]

راني نتعلم منك بزاف بزاف
ربي يجازيك كل خير