زوجي يكرهني

[مشكلتي]

السلام عليكم

انا امرأة في 29 من عمري لي 3 سنوات زواج و أم لطفل

زوجي رجل متوسط الدين

راني ساكنة مع اهله لكن وحدي (عندنا قسم من الدار وبيناتنا باب دايمن مفتوح)

راني تعبانة بزاف وكارهة وعلى وشك الإنهيار

زوجي بدراهمو لاباس الحمد لله
لكنو مستخسر حاجة في أو في ولادو وكلش غير لأهلو
النهار على مطالو مريح معاهم
بالرغم من انني على قدر من الجمال و ماراني منقصة فيه حاجة
لباسو دايمن نظيف
أكلو دايمن مليح
كلامي دايمن مقيوس
وراكم عارفين الباقي

المهم راني حايرة وراسي حاب يحبس كل أمورو يناقشهم مع اهلو وكأني غير موجودة
والمصيبة ان اهلو سيرتو يماه دايمن خارجتلي بالمرصاد ....هذا في العيد الكبير شافتني نخدم ونهز ونحط ونطيب

من بعد وش قالت ...قدام راجلي ......شفت يا ا........ اختك مولاة 14 سنة هزت الدار وفرات كلشي
وقدامي وانا واقفة ....اللي درتو اني بلعتها وسكت
حتى من بعد ولا يقولي علاش قعدتي ومادرتي والو
قلتلو والله غير انا اللي خدمت ومارديتش على يماك لأني ماحبيتش نكسر هدرتها وانت ياخي شفتني نخدم ولا والو
وهو وكأنو ساحرينو ...الكلمة اللي قالتها يماه هي القرآن المنزل
وزيد على هكذا أمور
حبينا نكريو دار ...ما خلاتو ......وزيد لقينا دار اخرى غير الأولى ...ما خلاتنا وهي تقنعو بطريقة يولي يشوف فيها على حق كبير
كل ما نحبو نديرو حاجة تقنعو بالعكس

حتى ولدو ماولاش حاب يكسيه كسوة العيد يا عباد الله
وقالي إيه مانكسيهش ماتسالينيش

وانا مانحكيلكمش على روحي

كانت عندي عمتي مريضة حالة ماخلاني نزورها
كل يوم نبكي
والهم الكبير يماه دايمن تحرضو عليا ..دايمن تسب في...وانا غير نسويلها وجامي قلتلها حاجة هاك ولا هاك
وزيد كل ما تكون رايحا لعرس او عرضة نعطيها 20.000 نقولها بوركي بيهم مراني خارجتلها بحتى شيء عيب

علاش هاك وش ندير لراجلي حتى يولي يسمعلي

عاونوني ربي يحفظكم

ارجوكم ارجوكم ارجوكم

[اناناسة]

السلام عليكم، اختي اذا كان الزوج و امه متفقان فما عليك الا الدعاء و الثقه بان الله يحسن تدبير أمورك ... اذا كنت تريدين هذا الزوج فاصبري و ادعي الله ليل نهار ان يجد لكما حلا و يبدو لي ان بالنسبه لزوجك المشكل لا يحل بتغيير مكان الإقامة لان أعتقاداته متاصله فيه . أما ان كنت ترين بان الامر لا يحل و لا تريدين العيش مع من يكرهك فانا يا اختي نقولك لوكان جيت في بلاسك نشري راحت بالي و اترك المجال كليا حتى لا أصير مذله لكل من يريد ان يذل .. قد ترين بان رأيي يهدم بيتك لكن والله من يقولون نصبر على جال ابني راهم بالعكس يعقدو في ابنهم حين ينشاء في عائله لا يحب فيها احد الآخر و فد يصل الامر الى ان يمكر الأحد بالآخر . لاحظي ان بقائك هكذا في جو المشاحنات و المكائد يؤثر عليك نفسيا و تصيرين إنسانه عصبية قد تخطئين ذات يوم و تفرغين وجعك في ابنك ... رأيي نابع من ما رأيت في الكثير من العائلات ... الله يقضي ما في بالك اختي و يحميك

[manita]

توجهي الى الله بالدعاء اختي كي ديري الخير ما تهدريش عليه خليها لربي وربي ما يضيعش اجر العمل الصالح ادعى الله والله لن يخيبكي ربي يفرج عليك

[fati_mohamed]

ربي يفرج عليك
حسبي الله و نعم الوكيل

[أم كنوز]

أختي الفاضلة بما أن زو جك متمسك بأمه و فابحتي عن راحتها قبل راحته و سعي دوما لارضائها و احتسبي عملك هذا لله وحده العالم مافي القلوب و لا تقولي زوجي يكرهني فأنتي أم ولده و اعملي ذالك من كل قلبك و بأخلص النيات و أصبري من أجل ابنك ...........و بشر الصابرين وأن شاء الله ستتغير الضروف و انسي الهموم ينسوك

[lalib40]

ليس هناك حل اخر الا الدعاء

[ام نسمة]

حلك راه مع عجوزتك ماشي راجلك يعني اذا هي مارضات عليك محال هو يرضى عليك فهمتيني لازم ترجعيها هي تحبك ومن بعد هو ساهل وحدو يرجع يحبك مع انو مهمة صعبة جدا جدا الا انها تستحق المحاولة لازي لها اشريلها بلا علم زوجك ويا حبذا تشريلها من مالك الخاص حنيلها وحبي بنتها وعطيها ولسانك ديما حلو وجامي تشنفي قدامهم وشاوريها حتى في امور صغيرة تكوني انت اصلا حاسمة امرك فيها الا انه ماعليش غير شاوريها و الله يجيب الخير وربي يسقم الاحوال يارب ويفرج علينا قاع

[naamane3]

اذكار الصباح والمساء يحفضونك من كل شر
و الاستغفار يجلي جميع همومك واحزانك

[أم عبد النور]

السلام عليكم



أختي الفاضلة سأجيبك بالعامية وديري بنصائحي

أولا أختي زوجك ما يكرهك ما والو غير تبانلك لأنه اختارك من بين كل النساء لتكوني زوجته وأم أولاده المشاكل لي راها دايرتها أمه هي لي راه جبد منك علابيها حاسته يكرهك

أختي مرأة لي متصبرش مديرش الدار بكل صراحة وراكي أم الأن ديري حساب ولدك ترضيله يكبر بلا أبوه

لا تضعي نفسك ندا لأم زوجك لأنك أنت من سيخسر

كملي كما راكي ديري عامليها بالحسنى ومترديهش عليها الهدرة واحتارميها وما تهديرش لزوجك على أمه حتى واحد ما يقبل على أمه حتى لو كانت غالطة ومتغطرسة وظالمة وحتى لو هو عارف هذا كله تبقى أمه

ديري و ش يرضي ربي وضميرك وحاولي ترجعي زوجك ليك بالمعاملة الحسنة والاهتمام

كل الحوادث لي صراتلك صرات لكل وحدة ولكن بطرق مختلفة مراكيش وحدك ..الصبر ثم الصبر ثم الصبر

متحكيش لأمك ولا أبوك باش ميكبرش الموضوع وتندمي وتكثري على روحك المشاكل
استعيني بالله ومتنسيش فروضك وأكثري قراءة القرآن وأكثري الدعاء

ربي يفرج عليك والصبر مفتاح الفرج تحياتي وربي يحفضك:19:

ربي يرحمك يا أم زوجي كنت أمي وحبيبتي وصديقتي ويجعل الجنة مثواك

[basma09]

يا اختي واش نقلك صحيح انو راكي تعاني و راني حاسة بيك خصوصا فالامر اللي قلتي انو م يشاوركش في اي حاجة لكن واش راح ديري لوكان جا المشكل غير فيه هو ممكن تغيريه لكن المشكل انو يماه راهي هي اللي تعاون فيه فالامر هاذا علادك لازمك تكوني ذكية و تخمي بعقلك يعني لوكان تروحي معاها بخشونية انت اللي خاسرة اكيد لاخاطر زوجك راهو يسمعلها غير ليها رغم انو تكون غالطة المهم انت كملي هاكذا و عامليها غير بالحسني و حاولي تكسبيها باي طريقة اتقربي منها و من لواساتك اذا عندك حتي يولو يحبوك لانو غير بهاذي الطريقة اللي تقدري تكسبي راجلك راح يكون واعر الامر عليك فالاول لانو حماتك تبان صعيبة بزاف بصح بالوقت ان شاء الله تتهناي

[oumhana]

كتسمعي مشاكل الناس تقولي انا راني في نعمه واش تحبي يا أختي كملي على سعدك و وعدك و عاملي عجوزتك ربي يهديها بالحسنى و ماتقوللهاش كلام خاطي وربي يفرج إن شاء الله وكما قالو تاع زمان "لي ماشربت مرارها ما تبني دارها"واش نزيد قدر الله وما شاء فعل

[محمد جديدي التبسي]

زوجك لا يكرهك بل يحب أمه وبار بها وهي عجوز مسكينة تريد أن تمضي بقية عمرها بسلام
والله أنا عجبني زوجك وأنصحك بأن لا تبحثي عن المشاكل ثم إني أرى مبالغة في كلامك وتريدين فتح حرب خاسرة مع والدة زوجك وهذه قلة عقل منك
الأم أغلى من الزوجة ومن حقو يشاورها وأكيد سيجد عندها ما لا يجده عندك وهذا شخص بار بوالديه لم تريدين أن توقعي بينهما؟!
أنت أد مسؤولياتك وهذا واجبك وبلا مزية منك ويوم يكون عملك خالصا لوجه الله وليس من أجل لفت انتباه زوجك أو أمه ستجدين راحتك
لذلك أصلحي قلبك واتركي زوجك يبر أمه ربي يهديكم ويصلح حالكم

[khawlita.dz]

ارد من منطق كلامك فانا لم اسمع الطرف الثانى لكن
ان يبر بامه فدلك شىء
وان يهين و تهان زوجته فتلك اشياء اخرى
المفروض للام احترامها و للزوجه احترامها و يفرض هدا الاحترام فىما بينهما
من حقك ان تعيشى مرتاحة ببيتك و مملكتك و ان لا يضايقك شىء
هناك من الرجال من هو عديم شخصية او كما نقول ابن امه و قد تربى على طريقة السمع و الطاعة بدون تفكير ولا معارضة
فانظرى الاسلوب اللدى ينجح معه ان كان يتغير بالطيبة و المعاملة الحسنة و الكلمة الطيبة و يقدر تعبك فحاولى
والا اخبرى اهلك و ديرى جماعة و طالبى بحقوقك ولا تقولى ابدا اولادى النشاة فى هكدا اسرة قد تضعف شخصياتهم وجو الشحن و الكهربة لا يلائم تربيتهم
فانظرى اى طريقة يستجيب بها
ولا تخافى ابدا من طلب حقك فلا يضيع حقك وراءه طالب و كما يقال يجب ان نحدث بعض الضجيج لنحصل على ما نريد
ولا تكونى بدون شخصية تدوسك كل الارجل بل ضعى النقاط على الحروف فى جو من الاحترام المتبادل
اهلك لم يزوجوك به ليهينك و يدلك او لينعدم احترامك ببيتك
من حق امه عليك ان تحترميها و تراعى كبر سنها و تضعيها مقام امك و لكن ايضا من حقك ان تحترمك وان تعتبرك كبناتها
و لديك الان 3 اولاد اظن انه من المناسب ان تستقلى ببيتك مادام فى بيت اهله غيرك اى ابنتها دات 14 عاما
بالتوفيق و الله يهدى الناس
اللدين يعزون و يرغبون ان تعزز بناتهم فى بيوت ازواجهن و لكن لما تاتى الكنائن الى بيوتهن يعتبرونهن خادمات و يدلوهن
فهل تتمنى ان تعامل ابنتها لما تتزوج كما تعاملك
فعلا مجتمع مزدوج الشخصية

[لمعة السيف]

وعليكم السلام
اختي هذه امه لا يمكنه ان يعاديها لأرضائك .فالتتفهمي زوجك ..انها عجوز كبيرة ولا يجب ان تقيمي حربا معها ..فقط لانها اخذت
ابنها منك ..فالتصبري والتحتسبي امرك لله واليكن اخلاصك لله وحده ..وهذا واجبك وعملك اتجاه زوجك وبيتك .فلا تهدمي بيتك بيدك
من اجل امور قد تجدينها في معظم مجتمعاتنا ..فالتعلمي رضى الأم مقدم على رضى الزوجة بالنسبة للرجل..وايضا فبر الأم هو أن نوقرها ونحترمها ونتودد اليها فى كل الأوقات نلتمس رضاها دائما في كل أمر حتي ولو

كانت مشركة فلقد أمرنا الله بأن نبرها إلا في الشرك به سبحانه وتعالي وذلك بطاعتها ومصاحبتها في الدنيا
معروفا فما بالك بالأم المسلمة المؤمنة ويدخل االرجل الجنة ببره لوالدته .. وتدخل الزوجة الجنة بطاعتها

لزوجها ...فالصبر والدعاء ومقابلة السيئة بالحسنة والله لن يضيع اجر عبد لجأ اليه

[hodahodahoda]

اختي بادري دائما بالحسنى مع زوجك و امه و اهله
الاكيد 100/100 باذن الله سيتفطن زوجك الى اخطائه اليوم او غذا
انصحك بشدة اياك و التسرع اياك و الشكوى اياك و عدم الابتسام معهم
كوني طيبة معهم و لا تبالي

[كاميلا]

لا حول ولا قوة الا بالله
ارى من ذوي العقول او من يطلقون على انفسهم "الرجال" ذوي العقول لا يعملون بالعقول يعملون بميزان خاسر ومعوج
واني ارى بعض الرجال مونقوليين في مخهم يا ولدي شكون قالك اعصي امك والا اتركها لازمك وواجب عليك برها يعني كي تحب دير حاجة تشري لامك هدية تعاونها هاذي راهي بلا مزيتم ومزية مرتك وبالمقابل زوجتك تاني قوامتك عليها بلا مزيتك
خلط كبير بين الطاعة وهدر الخقوق امك على الراس والعين لكن زوجتك ماهيش تحت الرجلين الحيوان يا سبحان الله عاملوا بمعاملة سئة يهرب منك هذا اذا مهاجمكش يحوسوا المرا هاذي في نفس الوقت حاطينها بلا عقل وفي نفس الوقت يحوسوها بكامل العقول
امك في بلاصتها وزوجتك في بلاصتها والواجب العدل بينهما والتقريب بينهما تكسب راحتك
حاطين بنات الناس خدامات ليهم ولماليهم انصاف الرجال
اختي واش تحبي زوجك الواضح انه لا يعرف التعامل اجتماعيا عندو خلط بين الطاعة والحق ادعي ربي يهديه اكثري من الدعاء والاستغفار على الاقل 500 مرة كل يوم ورديلي بالخبر

[وفاء بيبية]

اختي حرت من ردود البعض وكيما يقولو ما يحس بالجمرة غير اللي عافس عليها كانك تحكي على زوجي ولكن زوجي اكثر تصوري بعد زواج خمس سنين لم انجب اطفالا ولم تكن في علة طبية فقلت له لما لا نرقي اول حاجة دارها شاور امه اللتي قالت لا ما يرقي غير المجنون وانتم واش بيكم فرفض كليا والحمد لله رقيت في دار بابا وحملت وعديت فترة الحمل كلها في المستشفى زارتني فيها مرة وحدة وروحت زعفانة لاني ما سالتش على مرت سلفي اللي هي في نفس الوقت بنت ختها المقربة ولما ولدت بالعمليةتصورت انهم يعملولي عرس لاني جبت ولد والحمد لله بعد عقم طويل لكنه خرجني من المستشفى عند دار بابا ورغم الفرح الاانه عاداني وقالي عيطت امي في الهاتف وما رديتيش وهي والله ما عيطت لا هي ولا حتى فرد من عيلتو ثم قالي راكي ما قلتيلهاش كي كنت حامل الا عندك ولد او بنت المهم شبعت بكى وانا نافس ولما رجعت لبيتي قلت كبيرة والحمد لله رزقني ربي شيرتلها قندورة من دراهم الباروك ملبستهاش وكي رحت لعرس من اهل زوجي لقيت عجوزة كبيرة لابستها بلعتها وسكت ونهار ما جات عندي ولا طلت عليا رغم انو نسكنو في بيت واحد ونهار العيد زدت شريتلها قندورة وقلت نخليها فيها تصورو لبستها عروستها اللي هي بنت ختها هاذو هوما العجايز ما همش بكل بركة كاين اللي شياطين ماتغلطوش ديما العرايس رانا اليوم قاريات وعارفات الواجب واش يقول ربي بالزيادة لكن ماقدرناش .

[حبيبة زوجها]

ربي يفرج عليك

[" أبو عبود"]

بصراحة كل المتدخلات جاو في صفك ضد عجوزتك وهذا لا يجوز. انا شخصيا اقول لك هي أمه وفكرة انك تريدين أن تخريجه من بيت أمه امر لا يقبله عقل ويجب أن تفهي انها أمه ولا تقولي أنها تهينك وانها وأنها. مجرد تفكيرك في عدم العيش معها يعتبر عقوق للوالدين اتقي الله اذا قدرت تعيشي مع يماه فلك الاجر واذا ما قدرتيش بامكانك ان تطلبي الطلاق فهاذا افضل من ان تدخليه جهنم لكي تعيشي لوحدك. قد اكون قاس عليك في كلامي لكن صراحة المرأة التي تطلب من زوجها ان يرحل - رغم انك تعيشين في بيت لوحدك - هذه تحرضه على ان يعق والديه وهذا اثم عظيم واذا حدث وطاوعك ورحل من بيت اهله سوف يخسر وتخسيرن معه الدنيا والآخرة. الحل اصبري عليها وادعي الله أن يوفق بينكما وسوف ترين كيف انك سوف تربحينها اما بدل من ان تكون عدوك رقم واحد. لا تستمعي الى من يقول لك اطلبي سكنا لوحدك او اطلبي الطلاق لانك سوف تدفعين ثمن ذلك في ابنك وسوف يرميك كما رميت امه. اصبري واصبري ثم اصبري والحل قادم باذن الله. ثم ان امه الى نهاية. كم بقي يا ترى من عمرها؟ تصوري يخرج من عند امه ثم تموت وهي غاضبة عليه، سوف يكرهك ويمقتك ويطلقك وقد خسر الدنيا والاخرة. اقول لك اتقي الله

[أم عبد النور]

بصراحة كل المتدخلات جاو في صفك ضد عجوزتك وهذا لا يجوز. انا شخصيا اقول لك هي أمه وفكرة انك تريدين أن تخريجه من بيت أمه امر لا يقبله عقل ويجب أن تفهي انها أمه ولا تقولي أنها تهينك وانها وأنها. مجرد تفكيرك في عدم العيش معها يعتبر عقوق للوالدين اتقي الله اذا قدرت تعيشي مع يماه فلك الاجر واذا ما قدرتيش بامكانك ان تطلبي الطلاق فهاذا افضل من ان تدخليه جهنم لكي تعيشي لوحدك. قد اكون قاس عليك في كلامي لكن صراحة المرأة التي تطلب من زوجها ان يرحل - رغم انك تعيشين في بيت لوحدك - هذه تحرضه على ان يعق والديه وهذا اثم عظيم واذا حدث وطاوعك ورحل من بيت اهله سوف يخسر وتخسيرن معه الدنيا والآخرة. الحل اصبري عليها وادعي الله أن يوفق بينكما وسوف ترين كيف انك سوف تربحينها اما بدل من ان تكون عدوك رقم واحد. لا تستمعي الى من يقول لك اطلبي سكنا لوحدك او اطلبي الطلاق لانك سوف تدفعين ثمن ذلك في ابنك وسوف يرميك كما رميت امه. اصبري واصبري ثم اصبري والحل قادم باذن الله. ثم ان امه الى نهاية. كم بقي يا ترى من عمرها؟ تصوري يخرج من عند امه ثم تموت وهي غاضبة عليه، سوف يكرهك ويمقتك ويطلقك وقد خسر الدنيا والاخرة. اقول لك اتقي الله


سمحلي نعقب على ردك .ليست كل الردود في صفها أو ضدها أنا شخصيا نصحتها وحنا رانا عايشين في مجتمع واحد وحنا نساء ونعرفوا تصرفات بعضنا ونقولك كيد النساء مذكور في القرآن
و كاين نساء خدموا الباطل في عجايزاتهم وكاين عجايزات خدمو
باطل في بنات الناس .ربي يهدينا أجمعين

[haytoo82]

حاولي تكسبي عجوزتك قبل راجلك واكسبي بناتها الام تحب اللي يعز بناتها وما كانش دار تخلى من المشاكل يسمع لامه اهون من يسمع لكلام الناس في الشارع لانك الان عارفة وجهتك هي ارضاء حماتك انا صديقتي امه في جهة تعوج فيه واخواتاتو في جهة واصحابو من جهة اللي غيرة واللي يفتن ماعرفت من تواجه والله المستعان دافعي على حقك بينك وبين زوجك وليس امام امه

[مناد بوفلجة]

إحتسبيها لوجه الله و أصبري

فإن كتب لك في العمر بقية ، فسيأتي يوما تفارقكم فيه

[" أبو عبود"]

سمحلي نعقب على ردك .ليست كل الردود في صفها أو ضدها أنا شخصيا نصحتها وحنا رانا عايشين في مجتمع واحد وحنا نساء ونعرفوا تصرفات بعضنا ونقولك كيد النساء مذكور في القرآن
و كاين نساء خدموا الباطل في عجايزاتهم وكاين عجايزات خدمو
باطل في بنات الناس .ربي يهدينا أجمعين


جزاك الله كل خير لم اقصد الكل وانا اشعر بانها قد تكون مظلومة فعلا لكن هل يعقل ان تطلب منه ان يترك امه؟ مشكلتنا في الجزائر في اغلبية الحالات إما حماة متلسطة او كنة متسلطة والحقيقة اذا تنازل احدهما أكله الآخر. وحل هذه المشكلة العوصية يكمن في وجود ابو الزواج لانه يمكن ان يشكم زوجته التي هي ام الزوج لان الولد لا يمكن باي حال ان يفعل اي شيئ تجاه والدته ولو كانت ظاملة. فالحل ان يؤنس زوجته ويرضيها بينه وبينها حتى لا يعق والدته ولا يغضب زوجته . لكن في حال غاب والد الزوج الامر صعب على الزوج صراحة.ان تركها غضبت عليه وان رد عيها نال غضبها فكيف الحل؟

[meriem beldjoudi]

salem alaikoum maligit min nabdaha o rani hasa bik ki la3jouz ki salfa tkal sah mai lazem tastahamli o tad3i rabi hada houwa l hal o machkil ta3 rajlek walah preske nsa kamel 3agbo alih o sabro o faraj rabi alihoum kayen li ktarmank rabi yahdi ma khlek o rabi ifaraj alik inchalah o tathanay

[loufa]

ربي يفرج عليك اختي بالنسبة لي احسن حل هو تجبدي روحك بلا ماتديري العيب مع واحد يعني قللي كلامك وغير بالخزرة بيني انو الحاجة ماعجباتكش وزوجك حاولي تكسبيه في دارك بطريقة ذكية وتستخدمي عقلك جيدا وماتزيديش تعطيها دراهم على جال حفلاتها
ضرك تحس بالفرق بين الامس واليوم وحتى ويسالك زوجك قولي عادي ومقصديش وفقط متدخليش في نقاشات انتي اكيد الخاسرة فيها لانك مهما عملتي مليح مستحيل يحبوك اذا فاتو كرهوك على الاقل هاذ الحوايج يخففو عليك الضغط النفسي اللي راكي فيه ومع الوقت يرجعو يتسالو وعلاه رجعتي هكذا ومع الوقت يحسبو اي حاجة قبل مايديروها معاك ولا تنسي الاستغفار ربي يوفقك

[abdel02]

صبرا اختاه...فماتقومين به من أجل ديمومة أسرتك
فإن الله مطلع عليه...ولثواب الأخرة خير...لاا تنسي
أنه مع العسر يسر وأن النصر مع الصبر...

[hazar dz]

أختي كملي كيما راكي عامليها مليح ونسايها واش راهي تقول ولهي روحك بحاجة مليحة مثلا كيما تسمعي القرآن
وادا عندك هواية بداي تخدمي بيها باه تفوتي الوقت وماتفكريش في الحاجة لي ماهيش مليحة وربي يفرج عليك وعلى كل مهموم
اللهم آمين

[aminaton]

sbah al nor khti ana walah rani hesa bik rani parce que kasti kima kastak ana sekna m3a 3jouzti wchikhi w2 slefi rjel houma lfoug wana lteht w3jouzti mrida fi rjelha melezmch tougef khlas ana li ndewchha wana linedilha lmakla heta l3andha wkoul 3id nfarahha 3ndi 5snin wana heka pourton 3ndha 5bnet mais ma3lebelhoumch fiha yjiw ghir bel wikeend whouma tani nakhdam 3lihoumlitouled talgeni wli theb nahkmelha wledha telgeni wn3amelhoum kikhweteti ana almouchkil ta3i houwa ani kraht men hed la situation wel katra li afadt albiir kima ygoulou hiya heta mart selfi li sekna wehdha tji wthebni ana nekhdem 3liha wki goult lzewji wchkitlou beli lwad3 heda ma3adch yse3dni ma3jbouch lhal wkhejni man dari wdeni ldar baba rani 3ndi chhar wnos(45youm) masksa la 3liya la 3la weldou m3a al 3ilm ani 3marat ysrali ijhadh lilhaml wtbiba tgouli men al ta3b wech raykoum nhab nasihatkoum wwegfetkoum m3aya

[امونة الشاوية]

الله يكون في عونك اختي

[Fatima fato]

ربي يفرج عليك اختي

[جمعي البشاري]

وعليكم السلام
اختي هذه امه لا يمكنه ان يعاديها لأرضائك .فالتتفهمي زوجك ..انها عجوز كبيرة ولا يجب ان تقيمي حربا معها ..فقط لانها اخذت
ابنها منك ..فالتصبري والتحتسبي امرك لله واليكن اخلاصك لله وحده ..وهذا واجبك وعملك اتجاه زوجك وبيتك .فلا تهدمي بيتك بيدك
من اجل امور قد تجدينها في معظم مجتمعاتنا ..فالتعلمي رضى الأم مقدم على رضى الزوجة بالنسبة للرجل..وايضا فبر الأم هو أن نوقرها ونحترمها ونتودد اليها فى كل الأوقات نلتمس رضاها دائما في كل أمر حتي ولو

كانت مشركة فلقد أمرنا الله بأن نبرها إلا في الشرك به سبحانه وتعالي وذلك بطاعتها ومصاحبتها في الدنيا
معروفا فما بالك بالأم المسلمة المؤمنة ويدخل االرجل الجنة ببره لوالدته .. وتدخل الزوجة الجنة بطاعتها

لزوجها ...فالصبر والدعاء ومقابلة السيئة بالحسنة والله لن يضيع اجر عبد لجأ اليه

+1111111111111111111111111111111111

[ام جواهر]

شوفي يا اختي انا راني حاسة بيك وخصوصا اني مريت بنفس تجربتك او اكثر لانو تجربتي كانت مع اختوا ماشي يماه وكانت تحكم في الصغيرة والكبيرة........لكن نقولك دوام الحال من المحال هذيك راهي اموا وتحس بانك ديتيلها بلاصتها لكن حاولي تكسبيها باي طريقة و الله مع الوقت كل شيئ راح يتغير .......و بالنسبة لراجلك راهوا حاب يرضي اموا حتى و لو على حسابك ...ماتخليش الشيطان يقنعك بانو يكرهك .....ومع الوقت راح تشوفي النتيجة بعينك....اختي الصبر مفتاح الفرج ...ولا تياسي فرحمة الله واسعة .

[nassima imene]

شوفي أختي عندك زوج حاجات نقولك عليهم هما تكثري من الدعاء سورتو في الليل يعني تقومي الليل
و الثانية أرقي له نعم أرقي له بلا ما تحوسي على لي يرقيلك انت اقراي في الماء لي يشربو بالفاتحة و المعوذتين و أواخر سورة البقرة
مارانيش نقصد أنه عجوزتك سحراته و العياذ بالله و لكن ديري الثقة في ربي و القرآن مبارك ممكن ينحي الغشاوة لي على عينيه
و اثبتي و شدي في راجلك و ما تسمحيش فيه و عليك بالصبر ووكلي لأمرك لله