نصحتها...فهل اخطات ام اصبت

[عضوة جديدة]

السلام عليكم
حبيت نستشيركم في امر لاني حاسة بالذنب
بالرغم من اني نصحت صديقتي من قلبي

صديقتي هادي تقدم لخطبتها شاب مليح من كل النواحي
الا انه في الاصل " متبنى "
يعني والديه رباوه فقط ومنحوه الاسم

انا قوتلها ماكالاه
على خاطر نعرفها تخاف من هدرة الناس وماهيش حابة الناس سيمعو ولا يعرفو

وفعلا رفضتو
المشكل انه قلبها متعلق به
وندمت على الرفض

وش رايكم في هذه القضية
ولو كنت يا اختي في مكانها واش ديري

وانت يا اخي اعطني رايك في القضية بصفة عامة

هل اخطات ام اصبت في نصحي لها

[التلميذ.]

و المتنبى أليس انسان ؟؟؟؟؟؟؟؟
لا حول ولا قوة الا بالله

[lola22]

يا اختي تلقايه متبنى وولد فاميلا ومتدين خير من واحد عندو والديه وهو لا علاقة وزيد علاه اللي متبنى واش ذنبو مسكين حتان ما يكونش عايلة ويعيش متهني اتحرم من والدية وانزيدو نحرموه من الذرية والله ما تليق ..
المهم كي يكون الراجل ترونكيل ومتدين وشايفة بلي راح تتهنى معاه هذيك الساعة ما يكون حتى مشكل
++++ والناس ضرك عادت تهدر على الزين والشين ربي يهدي برك
+++ قلها اتصلي صلاة الاستخارة واللي فيها الخيرة هذاك هو
واللي كاتبهولها ربي راح يجيها سواء هذا المتبنى ولا اللي عندو والديه ..
ربي يهنيييكم ...

[عضوة جديدة]

انا نصحتها هكا على خاطر هي موسوسة وتبع بزاف كلام الناس
بدليل انها ما وافقتش مباشرة وجاتني تسقسي وهي مترددة
انا قوتلها كون جيت انا شخصيا كون راني قبلت لاني قوية الشخصية
اما هي فضعيفة الشخصية وتتاثر بهدرة الناس

[جويرية الإيمان]

شوفي

الأمر الآن بيد صديقتك

أنت نصحتيها و انتهى االأمر

سواء أخذت بالنصيحة أو لا فالقرار النهائي يرجع لها هي .

أنت نصحت فقط و لم تتخذي القرار نيابة عنها .

و لو كنت مكانك لقت نفس الشيئ .

ليس لأنه لا يحق لهذا الرجل أن يتزوج و يؤسس عائلة لأنه مُتكفل به

بل و كما قلت أنت أن صديقتك لا تتحمل كلام الناس .

لا تزعجي نفسك بالتفكير في االخطأو الصواب

لأننها لو عرفنا الصواب قبل اتخاذ القرارات لما كنا أخطأنا أبدا .

[عضوة جديدة]

شوفي

الأمر الآن بيد صديقتك

أنت نصحتيها و انتهى االأمر

سواء أخذت بالنصيحة أو لا فالقرار النهائي يرجع لها هي .

أنت نصحت فقط و لم تتخذي القرار نيابة عنها .

و لو كنت مكانك لقت نفس الشيئ .

ليس لأنه لا يحق لهذا الرجل أن يتزوج و يؤسس عائلة لأنه مُتكفل به

بل و كما قلت أنت أن صديقتك لا تتحمل كلام الناس .

لا تزعجي نفسك بالتفكير في االخطأو الصواب

لأننها لو عرفنا الصواب قبل اتخاذ القرارات لما كنا أخطأنا أبدا .

شكرا جزيلا اختي

[عضوة جديدة]

اين اراءكم وتعليقاتكم

[naamane3]

ارضاء الناس غاية لا تدرك
لذا ارى انك اخطأت في نصحك لها
يعني انك لو نصحتها بأن لا تنضر الى كلام الناس
او عدم المبالات بالقيل والقال وتتوكل على الله لكان أحسن
على العموم جل من لا يخطأ

[oumhana]

اولا مكانش لازم عليك تكملي على صديقتك و تقوللها اخطيك خاطر هي كتخمم فالناس تقول حتى صديقتي قاتلي اخطيك وزيد وعلاه لمتبني واش خصو؟ باك هذا يصلح خير من واحد عادي وهذي صاحبتك قوللها مدام راهي تبع في كلام الناس متروحش بعيد و تبقى تدور غير تمـ.لا حول ولا قوة إلا بالله العلي العظيم.

[marwa kan]

لا حول ولا قوه إلا بالله ....أولا نتي نصيحتك خاطئه من المفروض تكبريلها عقلها مادامك نتي قويه الشخصيه علاه متخليش صاحبتك تاني قويه الشخصيه كيم نتي علاه ما تنصحهاش دير كلآم الناس وراها ....أنا دركة ماندييرش روحي ملآك و نقولك أخطأت و لكن نعم الإنسان المتبنى صح ناقصه عايله و حوايج بزاف و لكن في نفس الوقت عطاه ربي حاجه أخرى بمآ انه ملييح من جمييع النواحي و في وقتنا هذا صعيب تلقى وآحد ملييح من جمييع النواحي و بيلعكس هو راهي قاستو الدنيا و رح يكوون إنسان يعرف ربي ملييح ..مالا ارجعي قولي ل صاحبتك تصلي صلاه الاستخاره و تيتوكل على ربي و تقبل و أن شاء الله ربي ما يخيبهاش في هدا الإنسان .

[karim.dz]

طبعا اخطات بنصحها ...
زهي اخطات حين سمعت لنصيحتك...

[محمد جديدي التبسي]

أنا أتفق معك في نصحها فأنت أعرف الناس بحالها
ومن يتأثر بكلام الناس وموسوس كثيرا لا يرتبط بشخص كهذا مع كل الاحترام له فليس له ذنب طبعا

[*الحواس*]

هذا الشخص الذي تقدم لخطبة صديقتك متبنى , و هو يعلم بالأمر .............. فقد يكون هو مقهور من هذه الناحية أي انه لا يعلم بالوالدين الأصليين ............

و قرارك الذي قمت بإبدائه على صديقتك بعدم القبول , قد يجرح نفسيته و يجعله يفكر بأنه شخص غير مقبول في المجتمع ....

[aymen01]

يعني كي تتزوج شخص مش متبني و تحصل مشاكل ولا حاجة اخرا

كفماه الدير لكللام الناس

الناس رايحا تهدر عليك حتى كون تدي وزير

[مواطنة]

اختي انت في ذاك الوقت كانت نيتك صافية و هذا هو الصح وتاني ماتحبيش تشوفي صديقتك مضايقة من كلام الناس ماشي الراجل متبني هو المشكل المشكل في ضعف شخصية صديقنك لي تتاثربزاف .
نصيحتي ليك المرة الجاية خممي مليح قبل ما تمدي استشارتك و ذكري لي حاب ياخذ بشورك انه مجرد وجهة نظرك ليس قانون هكذا تسلكي من تانيب الضمير
وماديري والو في بالك نيتك كانت صادقة

[أم يقين]

شوفي

الأمر الآن بيد صديقتك

أنت نصحتيها و انتهى االأمر

سواء أخذت بالنصيحة أو لا فالقرار النهائي يرجع لها هي .

أنت نصحت فقط و لم تتخذي القرار نيابة عنها .

و لو كنت مكانك لقت نفس الشيئ .

ليس لأنه لا يحق لهذا الرجل أن يتزوج و يؤسس عائلة لأنه مُتكفل به

بل و كما قلت أنت أن صديقتك لا تتحمل كلام الناس .

لا تزعجي نفسك بالتفكير في االخطأو الصواب

لأننها لو عرفنا الصواب قبل اتخاذ القرارات لما كنا أخطأنا أبدا .
جميل جدا ما قالته جويرية و واقعي أيضا ..فأنت نصحت من باب الإجتهاد و لأنك ادرى بصديقتك ..و الدليل رد فعلها بعد نصحك لها ..لا تدرين لعل الله أراد له خيرا بابتعادها عنه.و يبقى الأمر مكتوبا بيد الله ..ليس أمامك سوى الدعاء لهما.

[hodahodahoda]

عليها ان تكون صؤيحة مع نفسها
اذا كانت من النساء اللتي تنظر الى كلام الناس فعليها ان لا تتزوجه

اما اذا كانت صاحبة موقف و اعجبها الشاب الحمد الله عنده واليه من التبني
ربي يمتعو بيهم

[lilya25]

ربي يهديك اختي في المواضيع لي تخص حياة الانسان مباشرة وتكون شخصية لازم تحاولي تكوني حيادية قدر الامكان

[يوسف الجزائر]

وعلاه يا ختي يسما المتبنى يروح يقتل روحه ..حتى هو انسان وعنده الحق في الزواج
وإذا كانت صديقتك تخاف من كلام الناس كيما قلتي قوليلها ماكان لاه تتزوج خاطر الناس تتكلم دايما، وحتى إذا ماتزوجتش رايحة تسمع كلام الناس ، يعني خلاصة القول ماعندها وين تهرب من كلام الناس سواء تزوجت من هاد الإنسان أو غيره

[سَـآجدة]

السلام عليكم
أختي أظن أنك أخطأت حين قدمتي لها هذه النصيحة

لن يصيبنا إلا ما كتب الله لنا


و كلام الناس لا يسلم منه أحد

كان بإمكانك ان تقولي لها دعيك من كلام العامة

...........

وفقنا الله غلى ما يرضى اليه

سدد الله خطاكم