تسجيل الدخول

مشاهدة النسخة كاملة : نصحوني مرة صحابي بالزواج


شيماء23
2009-06-11, 11:53
نصحوني مرة صحابي بالزواج ... و قالولي بركاك من التعواج

راهي رايحة تديك المواج ... إذا بقيت في العزوبية

بقيت نطلع في الحساب ... و لقيت كلامهم صواب

و في الغد بعثتهم نواب ... يطرحوا لأهلي القضية

بابا وافق في الحال ... و قال نجيبوا بنت الخال

و يما جاها في البال ... يخطبولي وحدة بدوية

تفاهمنا على بنت المدينة ... قالو فاهمة ورزينة

راهي تمخمخ في الكوزينة ... وتطبخ طبخات زينة

عولنا وقصدنا الدار ... حاملين في يدينا النوار

ودرنا وحنا زوار ... قاصدين بنت معينة

الخال في بنتو شكر ويزيد ... قارية وما تركتش المسيد

وصحيحة كي الحديد ... بنت العلم والتربية

قلت واش هي الشروط ... راني صرت ليكم مربوط

ومالي عندكم محطوط ... ونزيدلكم الشهرية

قالي يا وليدي سجل ... 20 صباط باش تبدل

و50 سروال مفصل ... و يكونو ضيقين شوية

وزيد كيلو ذهب صافي ... تجيبو وانت زاهي

والشنتوف ما هو كافي ... راني درت فيكم مزية

بنتي راهي غاية وشريفة ... ما تتركش يدها خفيفة

20 خاتم في القفيفة ... تحطهم في يدها هي

وسلسله غاليه ما تنساش ... والمليون لازم يكون معاك

والحايك مرمة لازم تلقاه ... وتقدمو لبنتي هدية

قالي يا السي موووح ... بلاك تنسى خيط الروح

باش يزيد لبنتي الروح ... تبقالك ديما حية

تشريلها عشر كباش ... والجاج مشوي ما تنساش

وزيدلها مترا قماش ... هادي حاجة رمزية

بنتي ما تضربش النشاف ... ومن الحمام تخرج بالتلحاف

وشعرها جيبلو حفاف ... وتزور sa mère كل عشية

الطفلة نطقت ملهيك ... يا بابا لازم تنهيه

يتركني نحكم فيه ... ويمشي معايا بالنية

قالي الشرط ما خلاص ... نقراو الفاتحة قدام الناس

قلتلو راني لباس ... ومنين نهرب يا خويا

درنا العرس نهار الخميس ... وكثر فيه الهراج والتهراس

المطرب يخلط على الناس ... والدرباكي يعفس تعفاس

والجمهور راهو نعاس ... والبراح يبرح شوية

جابو العروسة للبيت ... كي شفتها من الخوف بكيت

شعرها على الطابلة محطوط ... وراسها من الشعر مزبوط

رافدة معاها عشر قطوط ... تلعب لعبة هزلية

لقيتها مركبة قطع غيار ... شعرها وحواجبها ولشفار

و كي ضحكت كل شيء طار ... هادي ماركة عصرية

قالت لازم نبقى حرة ... ويماك لازم ترميها برة

وما تكثرش الهدرة ... أنا طفلة متحضرة

قلت يا امرة لازم تفهمي ... ترفدي حوايجك وتخطيني


والموضوع اكييييييييد مسرووووق

poutchou17
2009-06-11, 13:09
هههههههههههههههههههه روعة وصف دقيق لبنات اليوم كل شئ طايوان

المهاجره
2009-06-11, 13:54
سرقه حلوه اوي اوي
والله هالرجال احتار
هههههههههههههههههههههه

ღ كبريـاء أنثـى ღ
2009-06-11, 14:05
موضوع هايل مشكوووووورة

شيماء23
2009-06-11, 15:59
مشكوووووووووووورين على رودودكم

التواقة للجنة
2009-06-11, 16:05
يعطيك الصحة....هايلة بزاف
بارك الله فيك
تقبلي تحياتي الخالصة

شيماء23
2009-06-11, 16:05
مشكورة على مرورك العطر

مشاعر سرمدية
2009-06-11, 16:06
ههههههههههههههههههههههه

شكرا...

تقبلي تحياتي...

صاحبة القلادة
2009-06-11, 16:09
شكرا اختي
موضوع هايل

شيماء23
2009-06-11, 16:12
ان شاء الله أكون أريكم بمواضيعي

sarita sara
2009-06-11, 16:56
hahahahahahahahaha c'est vrément rigolo

سنوسي مصطفى
2009-06-12, 00:20
اصبح بنات اليوم كلهم طايوان


وصف جميل ودقيق هذا ما راه تتمثل بيه بنات هذا العصر


عصر ذروة التطور والتكنلوجيا



.............مصطفى........

شيماء23
2009-06-12, 11:28
مشكور الأخ مصطفى وكلامك صح

souad16
2009-06-12, 15:35
مشكور الأخ مصطفى وكلامك صح لكن علينا أن ندعوا لهم بالهداية لإتباع طريق الصواب لنيل رضا الخالق عزوجل

♥♪فيصل♥♪
2009-06-12, 17:28
شكرا على البلاغة العالية

milta
2009-06-12, 19:33
الله يسامحك هههههههههههههههههههه


http://dc02.arabsh.com/i/00100/7c1fduaqarjg.gif (http://arabsh.com/)

milta
2009-06-12, 19:35
الله يسامحك هههههههههههههههههههه


http://dc02.arabsh.com/i/00100/7c1fduaqarjg.gif (http://arabsh.com/)

انوار
2009-06-12, 19:41
رووووووووعة والله رووووووووووووووعة
مزيد من التألق إن شاء الله
و لا تنسوا المواضيع الجديدة التي الفناها عنكم

انوار
2009-06-12, 19:53
رووووووووعة والله رووووووووووووووعة
مزيد من التألق إن شاء الله
و لا تنسوا المواضيع الجديدة التي الفناها عنكم