خطيبي هبلني [الأرشيف] - منتديات الجلفة لكل الجزائريين و العرب

soha1987

2013-10-25, 13:38

السلام عليكم رواد المنتدى
من عنواني تعرفو مشكلتي
خطيبي والله مافهمت كيفاه ندير معاه نظل نعيطولو مايهز عليا ومايعاودلي ومن بعد يقولك نتي راكي مطيشتني :mad: وكي نقولو انت لي ماكش مقيمني يقولي لالا نتي ويديرها مكرة مايعيطش يوم ولا يومين ويقفل الموبيل نتاعو ونقولو علاش مقفول يقولي لا لا ماشي مقفول الريزو :confused: مافهمتش علاه يدير هاك والله هبلت نبعث ميساج مايردش وكي نقولو نقولي ماعنديش لي زونيتي ويخلق اعذار والله هبلني وحتى كي يعيطلي مايطولش ويقولي باي باي كرهت مايهدر في والو وكي ندبر عليه يكوبي عليا و يعاديني
كيف اتصرف معه والله القلقة قتلتني كرهت من علاه ديرلي هاك :mad:
انصحوني ارجوكم

marwa kan

2013-10-25, 13:56

السلام عليكم رواد المنتدى
من عنواني تعرفو مشكلتي
خطيبي والله مافهمت كيفاه ندير معاه نظل نعيطولو مايهز عليا ومايعاودلي ومن بعد يقولك نتي راكي مطيشتني :mad: وكي نقولو انت لي ماكش مقيمني يقولي لالا نتي ويديرها مكرة مايعيطش يوم ولا يومين ويقفل الموبيل نتاعو ونقولو علاش مقفول يقولي لا لا ماشي مقفول الريزو :confused: مافهمتش علاه يدير هاك والله هبلت نبعث ميساج مايردش وكي نقولو نقولي ماعنديش لي زونيتي ويخلق اعذار والله هبلني وحتى كي يعيطلي مايطولش ويقولي باي باي كرهت مايهدر في والو وكي ندبر عليه يكوبي عليا و يعاديني
كيف اتصرف معه والله القلقة قتلتني كرهت من علاه ديرلي هاك :mad:
انصحوني ارجوكم

يا أختي أولا ربي يكملك على خيير ين شآء الله .....ولكن نصيحه من عندي مجربه ولله يا التيليفون راهو هو سباب الخلا فيي كولش التيليفون ماهوش ملييح يا ودي رآه دمر العوايل و دمر زواجات في الحقيقه لكان حابه الخطبه تاعك تستمر حاولي تنقص من التيليفون و هذا الشي كآمل راح جايك من الفراغ نتي و خطيبك حاولي تشغليي روحك ب حوايج باه ما تقوليش هاو معيطلش ولا ماشي لآتي بيا و هو تاني نفس الشي حاولو تملاو وقتكم ب حوايج اهم من الهدره تاع التيليفون باه هكذا يبقا القدر و تبقو عزاز يعيطلك برك لاباس لباس ولآ كشما تحتاج نصيحه من عندي و ربي يكمل إن شاء الله .

zazazaj

2013-10-25, 14:04

انا صراحة جيت في وضعك حتى انا مانعيطلو ما نندب عليه بركاي ما ترخسي في روحك هوشوفي كيفاه يطلع في روحو و انتي تجري وراه هاذا بعد راهو غريب في وقت الخطوبة نورمالمو راهو يقلش فيك ماش يتكبر عليك

محمد جديدي التبسي

2013-10-25, 16:21

كوني عزيزة اختي الفتاة مطلوبة وليست طالبة
يعني هو اللي يتصل ثم إن المفروض أن يكون هناك خجل بينكما ولا يصل الأمر للشجار وتبادل التهم
لذلك الأحسن لك تقللي من الحديث في الهاتف أو تستغني عنه نهائيا لأن الدسارة مش مليحة والهاتف مشاكله أكثر من توطيد العلاقة الذي يتحجج به البعض وأسرعوا بالزواج ربي يوفقكم

Dj BoBo

2013-10-25, 16:27

ربما يعاني من مشاكل

حاولي تعرفي أوضاعه

و الصبر ثم الصبر

ربي يهدي النفوس

بالتوفيق إن شاء الله

nouna l maghbouna

2013-10-25, 16:40

و انتي علاه تقيمي فيه
سمطيه يوم يومين يولي يجري وراك

الرجال اللي كيفو شبعيهم سماطة برك

هكدا تمرضي روحك

و ديريلو كيما يديرلك هو

sali-sali

2013-10-25, 16:46

السلام عليكم

انتي تاني قوله ماعنديش كريدي وهني راسك... علاش تقلاق و مشاكل بلا فايدة
+ اخطيك من هدرة تليفون بزاف

مريم الصابرة

2013-10-25, 16:52

السلام عليكم اختي سهى
انا نقول بالاك ما يحبش يهدر فالتلفون وحشم يقولك لأانو من الواضح راه يتفادى فيك ويدير فالأعذار إنت لازمك تبعدي عليه وخليه هو يتصل ومن رأي بعدو على بعضاكم احسن اموا تلقاو واش تحكو بعد الزواج كان تحكي كل شي الآن موراها واش تحكو
شوفي إنت خلي فترة غياب بينك وبينو وشوفي وميزي عقليتو وحاولي تعرفي واشبيه ما تتقلقيش كاين رجال ما يحبوش التلفون والهدرة موفقة

كاميلا

2013-10-25, 17:08

السلام عليكم رواد المنتدى
من عنواني تعرفو مشكلتي
خطيبي والله مافهمت كيفاه ندير معاه نظل نعيطولو مايهز عليا ومايعاودلي ومن بعد يقولك نتي راكي مطيشتني :mad: وكي نقولو انت لي ماكش مقيمني يقولي لالا نتي ويديرها مكرة مايعيطش يوم ولا يومين ويقفل الموبيل نتاعو ونقولو علاش مقفول يقولي لا لا ماشي مقفول الريزو :confused: مافهمتش علاه يدير هاك والله هبلت نبعث ميساج مايردش وكي نقولو نقولي ماعنديش لي زونيتي ويخلق اعذار والله هبلني وحتى كي يعيطلي مايطولش ويقولي باي باي كرهت مايهدر في والو وكي ندبر عليه يكوبي عليا و يعاديني
كيف اتصرف معه والله القلقة قتلتني كرهت من علاه ديرلي هاك :mad:
انصحوني ارجوكم

كي شفت اسمك وليت على ورايا نشوف واش صرا درك نحاول نبعثلك مسياج

السي ياسين

2013-10-25, 17:17

ياااااااااااا على التيليفون

كارثة

خرّب بيوت و ضيّع بنات

ماتهدريش معاه باختصار

hodahodahoda

2013-10-25, 17:33

مرحلة الخطوبة فيها حساسية زائدة بين المخطوبين كل واحد يظهر له ان الطرف الاخر لا يفكر فيه
عليك بالحكمة

ABDOU ELE

2013-10-25, 19:08

ســــــــــــــــــــــــــلام
بداية ربي يتمم بيناتكم بالخير
اخطيك من الكلام في التلفون لانو بكل بساطة راح يفسد بيناتكم....

soso sirin

2013-10-25, 19:23

سلام يا سهى ماتقلقيش روحك كلشي يفوت ان شاء الله و تروحي عروسة لدارك و تولي تقولي السيد هذا مايسكتش كامل .

*نآدرة~

2013-10-25, 19:41

كنت دائما نسمع بلي،"الراجل يبغي المرأة لي تبكيه ماشي لي تبكي عليه"،هذا طبعه،ايه مالا كوني راكزة وثقيلة،اذا ما عيطلكش عادي انت ثاني ما تعيطيلوش خليه يتوحشك شوية
حاجة اتفقوا عليه كامل الاعضاء تقريبا،الهاتف النقال هو سبب المشاكل والله غير هو المرض والعلة،اذا قدرتي تحبسي الهدرة معاه غير حبسيها وعجلوو زواجكم ياختي
ربي يتمم بالخير ويفرحك انت وياه وعقبال العرس ان شاء الله نفرحو معاك
ربي يهنيك

soha1987

2013-10-25, 20:09

انا صراحة جيت في وضعك حتى انا مانعيطلو ما نندب عليه بركاي ما ترخسي في روحك هوشوفي كيفاه يطلع في روحو و انتي تجري وراه هاذا بعد راهو غريب في وقت الخطوبة نورمالمو راهو يقلش فيك ماش يتكبر عليك
بلعقل اختي ليس بغريب راهو زوجي شرعا و مدني
مشكورة على الرد

soha1987

2013-10-25, 20:18

كوني عزيزة اختي الفتاة مطلوبة وليست طالبة
يعني هو اللي يتصل ثم إن المفروض أن يكون هناك خجل بينكما ولا يصل الأمر للشجار وتبادل التهم
لذلك الأحسن لك تقللي من الحديث في الهاتف أو تستغني عنه نهائيا لأن الدسارة مش مليحة والهاتف مشاكله أكثر من توطيد العلاقة الذي يتحجج به البعض وأسرعوا بالزواج ربي يوفقكم
مشكور اخي على النصيحة

ربما يعاني من مشاكل

حاولي تعرفي أوضاعه

و الصبر ثم الصبر

ربي يهدي النفوس

بالتوفيق إن شاء الله

مشكور اخي
السلام عليكم

انتي تاني قوله ماعنديش كريدي وهني راسك... علاش تقلاق و مشاكل بلا فايدة
+ اخطيك من هدرة تليفون بزاف
مشكورة سالي
السلام عليكم اختي سهى
انا نقول بالاك ما يحبش يهدر فالتلفون وحشم يقولك لأانو من الواضح راه يتفادى فيك ويدير فالأعذار إنت لازمك تبعدي عليه وخليه هو يتصل ومن رأي بعدو على بعضاكم احسن اموا تلقاو واش تحكو بعد الزواج كان تحكي كل شي الآن موراها واش تحكو
شوفي إنت خلي فترة غياب بينك وبينو وشوفي وميزي عقليتو وحاولي تعرفي واشبيه ما تتقلقيش كاين رجال ما يحبوش التلفون والهدرة موفقة

يمكن يامريومة ميعطش خلاص وكي يعيط زوج كلمات ويوقولي باي ومايهدر في والو كون انا مانهدرش على حاجة مايهدرش مرة قالي نحي البورتابل ونتهناو والله دخت
ربي يفرحك مريومة مشكورة

كي شفت اسمك وليت على ورايا نشوف واش صرا درك نحاول نبعثلك مسياج
ويني الميساج

سلام يا سهى ماتقلقيش روحك كلشي يفوت ان شاء الله و تروحي عروسة لدارك و تولي تقولي السيد هذا مايسكتش كامل .
هههههههه سوسو وعلاش مدلي النوميغو هادي علاه
مشكورة سوسوعلى المرور
كنت دائما نسمع بلي،"الراجل يبغي المرأة لي تبكيه ماشي لي تبكي عليه"،هذا طبعه،ايه مالا كوني راكزة وثقيلة،اذا ما عيطلكش عادي انت ثاني ما تعيطيلوش خليه يتوحشك شوية
حاجة اتفقوا عليه كامل الاعضاء تقريبا،الهاتف النقال هو سبب المشاكل والله غير هو المرض والعلة،اذا قدرتي تحبسي الهدرة معاه غير حبسيها وعجلوو زواجكم ياختي
ربي يتمم بالخير ويفرحك انت وياه وعقبال العرس ان شاء الله نفرحو معاك
ربي يهنيك

مشكورة على النصيحة شذى
موفقة اختي

soha1987

2013-10-25, 21:10

كاميلا
بالعربية نكتبو ولا ابالفرنسية مالقيتوش وععععععععع

nibrasse 76

2013-10-25, 23:50

السيد راه مخنووووووق ....من كثرة الهدرة والزن على دماغه ........ خاصة اذا كنت تعطيه في نصائح وتوجيهات ...الرجل يفهمها

وكانك ولية امره ....وهو ذراري وما يعرفش ....لازم تراجعي طريقة تعاملك معاه ........والا سيراجع هو نفسه في طريقة تعامله معاك

oumhana

2013-10-27, 12:30

أولا هذ الهدره فالتلفون جيب غير وجع الراس زيد انو يخرب البيوت .هذي وحدة مكاش منها تاع زوجي بالشرع و مدني وكرامتك بين الشرع و المدني وين حطيتيها ولا معليش حتى كتروحي عندو ويولي يعارك تكتبي للمنتدى و تقولي زوجي ميحترمنيش لماذا. خلونا من التمسخير يا لبنات و ديرو قيمه لعمركم و بركات من وين كنت مع من كنت و خلي و خلي جاب لي ربي وليتو معندكمش حاجة فالكرامه .قالك معندوش les unités وانت عندك مراكيش تتعبي باه جيبيهم إمالا كيف كيف حتى انت قولي معنديش وزيدهم في روحك خير ملي تسمعي بيهم كلام يجرح على كل حال رخستونا بهذ التصرف تاعكم

Fatima fato

2013-10-27, 15:13

ماتقيميهش زيادة عن اللزوم زيري على روحك و ماتعيطيش
و درك تشوفي كيفاش غايولي يجري موراك
الله يفرج و راني نستنا والجديد تاعك خبريني

lamomimi

2013-10-27, 15:41

راني حاسة بيك أختي على خاطر راني في نفس المشكل مع خطيبي كي قريت واش كتبتي تقولي عليك تحكي في حكايتي

madoucha

2013-10-27, 19:16

اختي اصبري هكذا كنت انا وخطيبي نتهاوشو على اتفه الاشياء و نبقى ايام بلا اتصال
وبعد الزواج سيتغير كل شيء و انا وهو جامي تزاعلنا غير مرة و نعود لبعض
الرجل يتغير بعد الزواج صدقيني و يولي عاقل لانك رايحة تكوني بجنبو و البعد و تخمام العرس هو لي يخلي الرجال يتقلقو و يرجعو الغش في الخطيبة
ما تتقلقيش راه يدلل برك

soha1987

2013-10-29, 18:15

السيد راه مخنووووووق ....من كثرة الهدرة والزن على دماغه ........ خاصة اذا كنت تعطيه في نصائح وتوجيهات ...الرجل يفهمها

وكانك ولية امره ....وهو ذراري وما يعرفش ....لازم تراجعي طريقة تعاملك معاه ........والا سيراجع هو نفسه في طريقة تعامله معاك
يمكن كيما قلت اخي نبراس والله راني حسيت غلطت مشكورة اخي على النصيحة
شكراااااااااا

soha1987

2013-10-29, 18:19

أولا هذ الهدره فالتلفون جيب غير وجع الراس زيد انو يخرب البيوت .هذي وحدة مكاش منها تاع زوجي بالشرع و مدني وكرامتك بين الشرع و المدني وين حطيتيها ولا معليش حتى كتروحي عندو ويولي يعارك تكتبي للمنتدى و تقولي زوجي ميحترمنيش لماذا. خلونا من التمسخير يا لبنات و ديرو قيمه لعمركم و بركات من وين كنت مع من كنت و خلي و خلي جاب لي ربي وليتو معندكمش حاجة فالكرامه .قالك معندوش les unités وانت عندك مراكيش تتعبي باه جيبيهم إمالا كيف كيف حتى انت قولي معنديش وزيدهم في روحك خير ملي تسمعي بيهم كلام يجرح على كل حال رخستونا بهذ التصرف تاعكم
اختي احترمي روحك واش هادي رخستونا هادي كبيرة حبتي تخرجي غمك شوفي حيهة اخرى واحترمي روحك مرة ثانية معجباتكش هدرتي ماترديش اوكي :mad:

soha1987

2013-10-29, 18:21

شكرااااااااااا مدوشة حبيبتي
شكرااااااااا لكم على النصائح جميعاااااااا

imane bela

2013-11-25, 20:00

nasiha lillah matzidich t3aytilou taychih ta3 esah tchoufih kifech yweli ytih w ynod
;)

آلاء فهد محمد

2013-11-25, 23:11

خفي يدك على التلفون ........... هو ماعندوش الريزو ونتي معندكش الكريدي ثقالي شوية عليه

أيمن عبد الله

2013-12-04, 22:16

شكرااااااااااا مدوشة حبيبتي
شكرااااااااا لكم على النصائح جميعاااااااا
السلام عليكم أختنا الفاضلة

أنه لا يكلمك هذه ليست مشكلة تتطلب كل هذا الازعاج

المهم وجدت انسانا توافقين على اخلاقه ودينه

*الهاتف في فترة الخطوبة سلبياته أكثر من إيجابياته ومن الاحسن الاستغناء عنه

كم من شباب جاؤوني في فترة خطوبتهم وأنهم تخاصموا مع خطيباتهم بل ورموا عليهم الطلاق

سبحان الله ما السبب بسبب كثرة الكلام في الهاتف

كوني عاقلة خطيبك لم تذكري عنه أي شيء يشينه إلا عدم كلامه معك في الهاتف

وهذا ليس عيبا ولا تقارني نفسك مع صديقاتك او ممن تسمعين قصصهن

أنهن يتكلمن مع الخطيب وغيرها *الكلام الصواب رزقك ربي برجل

اعرفي كيف تحافظين عليه تصوري نفسك في وقت ليس فيه هاتف وانتهى الأمر

ربي يسعدكم ويعجل بفرحكم وتجتمعوا في بيت الزوجية إن شاء الله

أيمن عبد الله

2013-12-04, 22:16

شكرااااااااااا مدوشة حبيبتي
شكرااااااااا لكم على النصائح جميعاااااااا
السلام عليكم أختنا الفاضلة

أنه لا يكلمك هذه ليست مشكلة تتطلب كل هذا الازعاج

المهم وجدت انسانا توافقين على اخلاقه ودينه

*الهاتف في فترة الخطوبة سلبياته أكثر من إيجابياته ومن الاحسن الاستغناء عنه

كم من شباب جاؤوني في فترة خطوبتهم وأنهم تخاصموا مع خطيباتهم بل ورموا عليهم الطلاق

سبحان الله ما السبب بسبب كثرة الكلام في الهاتف

كوني عاقلة خطيبك لم تذكري عنه أي شيء يشينه إلا عدم كلامه معك في الهاتف

وهذا ليس عيبا ولا تقارني نفسك مع صديقاتك او ممن تسمعين قصصهن

أنهن يتكلمن مع الخطيب وغيرها *الكلام الصواب رزقك ربي برجل

اعرفي كيف تحافظين عليه تصوري نفسك في وقت ليس فيه هاتف وانتهى الأمر

ربي يسعدكم ويعجل بفرحكم وتجتمعوا في بيت الزوجية إن شاء الله

ahlem-86

2013-12-05, 15:12

راني حاسا بيك لكن كيما يوصوني نوصيك عززي روحك والحديث معاه قياس تبدلي عليه كونكي غامضة معاه خليه هو يبحث عليك وسر الغموض الله يوفقك

noura48

2013-12-06, 15:04

شوفي يا اختي راكي طايحي في قيمتك بزاف ونورمالموا هو الي يجرب موراك ومن بعد الا راهو خاطبك هذا مشي راه زوج تاعك ديري قيمة للروحك وخطيك من هدرت تليفونات الي مكاش منها قاع يقولو بلي باش نعرف عقليته ونفهمه والله والله يا اختي ماتفهمي والو حتى تتزوجي بيه ياو العشرة فتاشة وزيد ديري في بالك راه يتاستي فيك ويشوفك الا انتي تاع تليفونات وتقولي هادي عقليا تاع بكري لالا يلبوها برك بصح هما يركزوا على الصح وهذي نصيحة ماتيحيش من قيمتك الطفلة عندها قيمتها وشرفها لازم تخليه هو يحتاجك ويجري موراك

noura48

2013-12-07, 16:26

شوفي يا اختي راكي طايحي في قيمتك بزاف ونورمالموا هو الي يجرب موراك ومن بعد الا راهو خاطبك هذا مشي راه زوج تاعك ديري قيمة للروحك وخطيك من هدرت تليفونات الي مكاش منها قاع يقولو بلي باش نعرف عقليته ونفهمه والله والله يا اختي ماتفهمي والو حتى تتزوجي بيه ياو العشرة فتاشة وزيد ديري في بالك راه يتاستي فيك ويشوفك الا انتي تاع تليفونات وتقولي هادي عقليا تاع بكري لالا يلبوها برك بصح هما يركزوا على الصح وهذي نصيحة ماتيحيش من قيمتك الطفلة عندها قيمتها وشرفها لازم تخليه هو يحتاجك ويجري موراك

أيمن عبد الله

2013-12-07, 16:46

إن شاء الله تكن الأخت صاحبة المشكلة قد وجدت

في مشاركات الأعضاء الأفاضل ما يساعدها

على اتخاذ القرار المناسب

جروح الليل

2013-12-07, 17:34

السلام عليكم اختي في الله من الواضح ان خطيبك يخلق لك الاعدار من اجل انهاء الخطبة ربما او انه يتجنبك لشئ اخر لكن لا تلحي عليه اتركيه حتى يكلمك هو ولك كل التوفيق

سراب06

2013-12-08, 08:35

خطيبك راجل بمعنى الكلمة لايحب كثرة الكلام وأنت كذلك ثقلي روحك ويكون عندك حياء المفروض هو يكلمك وإنت تسكتي وإلاّ تجاوبي باختصار يعني تحشمي

فالحياء هو جمال المرأة

أيمن عبد الله

2013-12-08, 16:39

إن شاء الله تكن الأخت صاحبة المشكلة قد وجدت

في مشاركات الأعضاء الأفاضل ما يساعدها

على اتخاذ القرار المناسب