تجديد العقد

[lamia_23]

السلام عليكم
حبيت نسقسي برك شكون لي جدد الكونترا 3 سنين اوخرا
وهل يوجد لي قالولهم ماكانش تجديد؟؟؟
تعيشو جاوبوني هل يود تجديد ولالا؟؟
راني محتاجتها خلاه وكاين لي قاللي ماكانش تجديد
وربي يرزقنا الخدمة الدائمة يا رب
بلييز جاوبوني؟؟؟

[السفير72]

الأصل أن العقد يكون لمدة 06 سنوات = 03 سنوات أولى ثـم 03 سنوات الباقية = لكن كل عام تجدد إلى غاية إنتهاء ستة سنوات

[lamia_23]

اوكي ربي يحفضك خويا لعزيز
خاطر انا سمعت بلي راح تكون 3 سنين برك

[lamia_23]

اوكي ربي يحفضك خويا لعزيز
خاطر انا سمعت بلي راح تكون 3 سنين برك

[آلاء فهد محمد]

انا تاني شهر 1 ان شاء الله تكمل 3 سنين تاعي

[سلطان الهوى]

إذا كنتي من عنابة مثلي و عقدكي في الدولة لا الخاص فإطمئني بربي إن شاء يجدو بلا أي إشكال..

[عبد الغني عباس]

السلام عليكم أنا من معسكر
في جويلية الماضي جددت عقدي مع لانام للسنة الرابعة بطريقة ألية ومن دون صعوبات

[lamia_23]

انا تاني شهر 1 ان شاء الله تكمل 3 سنين تاعي

ايه مالا كي يجدولك قوليلنا
بالتوفيق اختي ربي يرزقك الخدمة الدائمة ان شاء الله

[lamia_23]

إذا كنتي من عنابة مثلي و عقدكي في الدولة لا الخاص فإطمئني بربي إن شاء يجدو بلا أي إشكال..

اكيد انا من عنابة اخي
واخيرا لقيت واحد من عنابة وطمني
ايه عقد تاعي ميش خاص دولة ربي يخليك اخي

[lamia_23]

السلام عليكم أنا من معسكر
في جويلية الماضي جددت عقدي مع لانام للسنة الرابعة بطريقة ألية ومن دون صعوبات

وعليكم السلام اخي
ايه هنيتيني ربي يحفضك ان شاء الله

[houssam attia]

بالنسبة لولاية سكيكدة لا يوجد تمديد لانام تاعنا اللي خلص 3 سنوات اقولولو رب رحمك

[lamia_23]

بالنسبة لولاية سكيكدة لا يوجد تمديد لانام تاعنا اللي خلص 3 سنوات اقولولو رب رحمك

يا لطيف
حتى انا فهمتش كل واحد وش يقول
تسمى الولايات كل ماكانش تجديد؟؟
ميقدروش يديرو تجديد لولاية واوخرى لاظ
المهم مغسي بيا اخي الكريم
ربي يجيب الخير برك

[عبد الغني عباس]

أمييييييييييييين ..........لا شكر على واجب

[السفير72]

أختاه نحن في مستغانم بعض المديريات لم يتم إعادة تجديد العقد لثلاث سنوات الثانية و المشكل يبقى مطروح في ما هو سبب عدم التجديد أما بقية المديريات أو الإدارات فلا إشكال و أنا أعتقد أن المشكل في الإدارة المستقبلة و ليس في وكالات التشغيل و نتمنى الوظيفة الدائمة لكم جميعا

[youcef19003]

ربي يسهل للجميع ان شاء الله

[girl18]

شكرا
المشكل مطروح كذلك في جيجل .......نريد أن نعرف المديريات التي جددت ل 3 سنوات الثانية
أين انتم ناس 18 ؟؟؟؟؟؟

[lamia_23]

ربي يجيب الخير برك
ان شاء الله اختي تلقاي الاجابة وان شاء الله يكون كاين تجديد يا رب
والله فهمنا والو جرد كونترا وزيد حابين ينحوهالنا

[sorour%]

أنا في عنابة رحت سقسيت قالولي كاين تجديد

[lamia_23]

أنا في عنابة رحت سقسيت قالولي كاين تجديد

ممم مليح ان شاء الله ياربي
معلابالكش اسكو جددولهم لي قبل ولالا؟؟

[manasa]

عيشونا اكبر ضغط بهذه الاقاويل

[بلقاسم العربي]

ياناااااااااااااااااااااااس التجديد بلا مزية منهم .. احنا لازم انطالبو بالادمااااااااااااااااااااااج وفقط كل شيء راه يمشي على ظهورنا ومن بعد ايقلولك مكانش .. اذا كانو ما ما يسحقوناش ضرك نحبوس احنا والراجل فيهم يشهدها ويخدم .. يخي كل شيء قبل العقود كان خرطي لا ادارة ولا خدمات ولا حتى شيء ..

[سلطان الهوى]

اكيد انا من عنابة اخي
واخيرا لقيت واحد من عنابة وطمني
ايه عقد تاعي ميش خاص دولة ربي يخليك اخي

ربي يســّهل..

[lamia_23]

ربي يســّهل..

مغسي اخي
ربي يبارك فيك
وربي يسهل لينا كامل ان شاء الله

[همة عالية]

الرجاء ممن جددوا عقودهم في مختلف الولايات لما بعد 3 سنوات ان يعلمونا

[mimicha1988]

أما انا الخبر لي عندي يقول بأنو كاين تجديد لكن بشرط موافقة المسؤول
يعني مثلا كيما حالتي انا نخدم في الثانوية لازم ندير طلب خطي للمدير وهو يسينيي فيه ويبعثو للاكاديمي ويطلب تجديد الكونترا

[بنت النخلة]

السلام عليكم
انا من بسكرة وكين ساقسو يقولولنا مازال مبان والو يعني كاين تجديد مي الخبر اليقين مازال الله المستعان

[lamia_23]

ربي يجيب الخير برك
يعني مناش طالبين حاجة كبيرة

[samoura el zina]

Makench menha ana men skikda wgelouli f lanem keyen el tajdid

[sorour%]

ممم مليح ان شاء الله ياربي
معلابالكش اسكو جددولهم لي قبل ولالا؟؟

كاينة وحدة تخدم معايا جددولها عادي

[khiro07]

ربي يسهل للجميع ان شاء الله

[عالية الشان]

أنا ليوم كنت عند وكالة التشغيل بالبليدة باش نجدد عقدي ل 3 سنوات أخرى قالولي اصبري على 20 يوم باش تجددي لأن راح تولى كونترا تجدد وحدها يعني ماشي برك 6 سنوات بصح حاجة ل حبستلي مخي أنو لي معايا في الادارة جابو كنترا نتاع 3 سنوات وحدوخرا

[lamia_23]

أنا ليوم كنت عند وكالة التشغيل بالبليدة باش نجدد عقدي ل 3 سنوات أخرى قالولي اصبري على 20 يوم باش تجددي لأن راح تولى كونترا تجدد وحدها يعني ماشي برك 6 سنوات بصح حاجة ل حبستلي مخي أنو لي معايا في الادارة جابو كنترا نتاع 3 سنوات وحدوخرا

مممم ان شاء الله يا رب يعني ماكانش ادماج على الاقل تبقى تتجدد الكونترا تعنا
مبصح علاه لوخرين جابوها الكونترا تع 3 سنين روحي زيدي سقسي

[أحمد زابانة]

التجديد حق من الحقوق في انتظار الادماج أو الحصول على منصب دائم .
يا جماعة لا نساوم في مثل هاته الأمور
يجب أن نطالب بحقنا في الادماج و العمل الدائم . و الا سنخرج للشارع و سنسمع العالم كلمتنا ان شاء الله .
هناك تدرج سلطوي ، يعني بكل اختصار نناشد السلطات المعنية أولا بما فيها رئيس الجمهورية ، و ان لم يتم الاستجابة لطلبنا نناشدة هيئة الأمم المتحدة لأن الحق في الحياة و العمل من أبسط حقوق الانسان كيف لا و هي متوفرة للحيوان أكرمكم الله .
ما يحصل معنا غير دستوري بالمرة .

[lamia_23]

التجديد حق من الحقوق في انتظار الادماج أو الحصول على منصب دائم .
يا جماعة لا نساوم في مثل هاته الأمور
يجب أن نطالب بحقنا في الادماج و العمل الدائم . و الا سنخرج للشارع و سنسمع العالم كلمتنا ان شاء الله .
هناك تدرج سلطوي ، يعني بكل اختصار نناشد السلطات المعنية أولا بما فيها رئيس الجمهورية ، و ان لم يتم الاستجابة لطلبنا نناشدة هيئة الأمم المتحدة لأن الحق في الحياة و العمل من أبسط حقوق الانسان كيف لا و هي متوفرة للحيوان أكرمكم الله .
ما يحصل معنا غير دستوري بالمرة .

اكيـــــد اخي نطالبوا بحقوقنا مبصح نتمنى يسمعونا على الاقل السلطات المعنية
واحد مراح يسكت على حقوا طلبناش حاجة اكتر
اين رئيس الجمهورية ؟؟
والانتخابات علاه؟؟ باه نزيدو نتضلموا اكتر
ان شاء الله يا رب يكون معانا ويدمجونا كامل

[غليزاني 26 سنة]

الناس راهي طير و انت حوسي تجديد
ان شاء الله يثور الشعب ان وجد بيننا رجال

[tiaretia]

اختي تستطيع لان العقد يقول في القطاع الاداري 3سنوات قابلة للتجديد لما الخوف لان بينك وبين الادارة عقد والقانون ياخذ مجراه

[arroi]

الجامعة جددت 3 سنوات

[lamia_23]

الجامعة جددت 3 سنوات

مفهمتش اختي؟؟؟؟

[lunna]

3aychkoum nsaksikoum , ki nbedlou men wilaya l wilaya okhra , w nhabou ndirou contrat ta3 anem , yebdaw yahsbouna men jdid , mathalan kont fi sétif , w roht l constantine , ki nhab ndir contrat anem jdid fi constantine , nebda b 3 snine kabila li tajdid wela kifah ? merci, jawbouni pliiiiizzzz