ارجو مساعدة بليييز

[souma roua]

السلام عليكم اخوتي
شكون لي عندها وصفة مضمونة نتاع الميرانق تعطيهالي والله رايحة نموت عليه بالسخفة واجركم على الله

[النمرش]

http://upload.4algeria.com/do.php?img=7501
لتحضير المرانغ من احدي المنتديات يعطيها الصحة مولات الوصفة وربي يجزيها بالخير
لذلك رايحة نحطلك طريقة المورانغ الصحييييييييييحة وباسرارها كاملة لكن الشرط المهم في نجاح المورانغ هو التقيد الصحيح بكل الخطوات بشكل مضبوط تماماااااااااااااااااااا هذا اول سر..



**السر الثاني والمهم بزاااااااااااااااف هو الفور لازم يكون سخوووووووووووووووووووووون بزاف يعني كي تبدي الخدمة اول حاجة ديريها هي شعلي الفور ثم ابدي الخدمة

المقادير :
لكل بياض بيضة واحدة نستعمل 100 غ سكر ...حوالي ملعقة ونصف واذا كانت البيضة صغيرة نقصو شوي
رشة ملح شوي فاني وملون اختياري
- اول خطوة نحطوه فوق باماري نطلعو بياض البيض مليح مع رشة ملح بلاما نزيدو عليه السكر..
- كي يطلع نزيدو كمية السكر على 3 دفعات وفي كل مرة نخفق مليح حتى يولي حاكم روحو مليح ....
ونضربو بالباتور ملييييييييييييييييييييييح حوالي 10 د او اكثر حتى يولي شبه طايب وتحسوه ثقال والسكر ييبس في الحواشي تاع الحاجة لي درتو فيها

كي تخلصي الخفق مام يتقلب يبقى حاكم نفس الشكل وما يتحركش طوووول

*-السر الثالث هو انو مباشرة من الباماري بعد ما نخلصو الخفق الى الكونجيلاتور == المجمد== طول ويبقى ثم حتى يبرد الاناء لي راهو فيه....ماشي يجمد يبرد الاناء برك
باش تسهل الخدمة ديرو لابوش ادوي في كاس وصبو فيها الخليط
شكلوه عادي كيما تحبو ودخلوه الفور وهنا السر الرابع الفور لازم يكون حاااااامي حاااااااامي لكن بمجرد ما تدخلي البلاطو ليه نقصي درجة الحرارة الى اقل درجة ممكنة وحطيه يطيب فقط 10 د هذا هو الوقت المضبوط اذا كانو الحبات كبار 15 دقيقة ماكسيموم ما كانش فوقها == انسو هاذوك الوصفات لي فيهم ساعة وزوج باش يطيب ثم حلو الفور وطفيو النار وخليوه دقيقة وابدوه وحطوه بحذر ما تخبطوهش وكي يبرد نحيوه عادي وقدموه كيما تحبو..
هاذي هي كل اسرار المورانغ والطريقة الناجحة والمضمووونة لكن يلزم التقيد بكل الخطوات كما هي مذكورة وكي نحطوه في المجمد ماشي هو لي يجمد يبرد الاناء برك ...

جربوها راهي روووووعة وخير من تاع برا
السلام

[souma roua]

الله يعطيك ما تتمناي انشاء الله والله ليوم نديرو وندير منو بزاف باه نتخم منو ما نزيدش نهدر عليه خلاص ههههههههههه

[kamili1]

بارك الله فيك

[om mita]

انا نقولك على وصفة سريعة ورائعة
ولازم تبعي الخطوات مليح
باه تنجح الوصفة
البسي قشك
اخرجي من الدار
روحي لاقرب باتيسري ليك
قولو اعطيني ميرانق
سلكيه
روحي لدار وكوليه بالصحة ولهنا
هذي هي الخطوات لتبعتيها راحا تنجحي 100 ب100
هههههههههه

[souma roua]

[QUOTE=om mita;1054674658]انا نقولك على وصفة سريعة ورائعة
ولازم تبعي الخطوات مليح
باه تنجح الوصفة
البسي قشك
اخرجي من الدار
روحي لاقرب باتيسري ليك
قولو اعطيني ميرانق
سلكيه
روحي لدار وكوليه بالصحة ولهنا
هذي هي الخطوات لتبعتيها راحا تنجحي 100 ب100
هههههههههه[/QUOTE
ههههههههههههههههههههههههههه او ناناك او مايجينيش كيما تاع الدار

[ام ايمان16]

بارك الله فيك