ممكن تساعدوني والله محتاجتكم

[سرور12]

السلام عليكم نتمنى تكونو بخير
ان شاءالله عرسي بعد رمضان فتحت انا وراجلي موضوع العرس قولتلو علاه مانديروش قهوة برك علاه تخسر روحك وتجيبلي الذبيحة تاع عشرة ملاين ندير قهوة برك ويجيو فاميلتك يحنيولي ويزهاو ويروحو انت دير الحنة واذبح في داركم وازها مع صحابك وانا ندير عشا لفاميلتي المهم تفاهمنا دارنا وافقو ودارهم وافقو المشكل قالولي مانحضروش عرسك ديري عرس قدقد ولا مانجيوش... قولولي الوحدة كي تخاف على راجلها وتحوس على الهنا وماتحبش تضرو ولات متخلفة علاه الذبيحة محتمة بلابيها مايكونش عرس مانيش غير انا لي راح نديرها والله كاين بزاف لي دارو هكا الله يستركم قولولي انا غالطة؟ ولا متخلفة؟

[yousra14]

يا أختي نيتك وصلت وهي نية طيّبة منك . وهنا توقفي العرس عرس ابنهم

وحابين يفرحوا بيه كيما يلزم ومستعدين لكلّ المصاريف خليهم يديروا واش

يحبّوا ربّما هذه فرحتهم الأولى وينتظرنها منذ مدّة افرحي معهم واتركي

الأمور تسير عااااادي ولا تتركي مجال لدخول إبليس بينكم .

خبريهم بسرعةبلّي راكي اديري واش قلوا هم ورب يتمملك على خير

وتكوني سعيدة

[Jin]

أنت مازال الوقت طوييل حاول تتفاهم ب قرار واحد و أنتي تنازلي قليلا و إعملي ب أرائهم عشان ما يجي يوم و يقولو إنتي و إنتي ... إفرحي في بيتكم مع أهلك بالطريقه إلي تناسبكم و هما خليهم يفرحوا بطريقه إلي تناسبهم ...و العرس رح ينتهي إن شاء الله و تعيشوا حياه سعيده ..و الله يهنيكم .

[sali-sali]

السلام عليكم

اختي الواحد يتزوج مرة في العمر . اعملوا عرس على قدكم فقط و خليهم يفرحوا بوليدهم

هدي هيا عادات و تقاليد * و اعراس* بلادك

الله يهنيك

[ツღعـصُـ♥ـوِݦۑツღ]

lخلي زوجك يذبح علاش ترفضي ذبيحة خليهم يديرو وش حبووووو

ربي يسهل إن شاء الله

[الحلم الجميل]

السلام عليكم
و الله ما ني فاهمة و انت علاه مقلقة روحك
هوما حبين يزهوا بولدهم خليهم يذبحوا يا لوكان يذبحوا جمل و انت مالك
اسفة اختي و الله فهمت قصدك و نيتك الصافية بصح هوما حبين يفرحوا بولدهم
عندك غير ليلة في لعمر ازهي فيها و الذبيحة مليحة لانهم ياكل منها كامل الغاشي و يفرحوا
انت ما غالطة ما متخلفة بصح هوما تاني عندهم الحق لانهم اهله
افرحي حبيبتي و ما تخمي ماوالوا شحال غادي تعيشي
ربي يهنيكم و يرزقكم

[سرور12]

مافهمتونيش ماشي دارهم لي رافضين راهم فاميلتي انا ماشي دارنا يعني عماماتي وخوالي وخالاتي اقاربي قالولي كون ماتذبحوش مانجيوش يعني ماهومش جايين يشاركوني فرحتي جايين ياكلو ويقيدو لحوال

[الحلم الجميل]

مافهمتونيش ماشي دارهم لي رافضين راهم فاميلتي انا ماشي دارنا يعني عماماتي وخوالي وخالاتي اقاربي قالولي كون ماتذبحوش مانجيوش يعني ماهومش جايين يشاركوني فرحتي جايين ياكلو ويقيدو لحوال
اه ما فهمتيناش حسبتهم اهل راجلك
يا اختي في هاذي عندك الحق ..
شوفي مادمك متفاهمة مع راجلك ايا صلي على النبي
و ديري الي تحبي و هوما بغاو يجوا و لالا
انا حسبتهم اهلك راجلك ما حبوش يجوا
اتكلي على ربي و ما تقنطي روحك ماوالوا
ربي يسهلك ان شاء الله

[نايفز55]

ناس تموت على الفساد كاين ليصرفوا 150 مليون على عرس برك وهو دار ما عندوش

مهم انت دري على قد حالك وما يمهمكش في ناس

[bibicha]

شوفي عزيزتي هذو زيادة الصح فالهناء و زيد نتي ما تكلفي ني الوالد ولا الزوج ارضاء الناس غاية لا تدرك شخصيا ما درت عرس في صالة ما درت تصديرة ما كسرت راسي درت عشاء لميت فيه عايلتي المقربين و ضحكنا و زهينا و زوجي عندو شرطت ما نديرش تصديرة و الصالة و الحمدلله راني ببنتي ضرك و عندي عامين زواج و الناس في كل الاحوال تتكلم و كاين نقائص اذن افعل ما يرضي الله و يخرج والديا و زوجي فقط لانو باش ديري والديك فالدين موش جاية و زوجك نفس الشئ الله يسعدك ويهنيك اختي

[naamane3]

انت خممتي تخمام مليح
وهوما يديرو واش يحبو
ولن تسألين عما يفعلون
وعلا حساب نيتك يرزقك رب العالمين

[مريم الصابرة]

السلام عليكم أختي
إنت درت النية وخفت على جيبو وهو ما حبش خليه ربي يسهل نت حاب عرس مليح ديريه ربي عالم بنيتك لكنو حاب يخسر خليه لانو يتزوج مرة فالحياة وهو قادر وعندو ربي يزيدو إنت علاه مقلقة كملي وربي يوفقكم وما توصلوش لمشاكل في آخر لحظة معليش إنت إستحفظت عليه وهو ما حبش خلاص خليه ربي معاك ويهنيك شكرا

[raouf.rock]

ânâ jê pênsê râkî ghâltâ khtÎ

[سرور12]

اه ما فهمتيناش حسبتهم اهل راجلك
يا اختي في هاذي عندك الحق ..
شوفي مادمك متفاهمة مع راجلك ايا صلي على النبي
و ديري الي تحبي و هوما بغاو يجوا و لالا
انا حسبتهم اهلك راجلك ما حبوش يجوا
اتكلي على ربي و ما تقنطي روحك ماوالوا
ربي يسهلك ان شاء الله

ان شاءالله وربي يهنيك اسعدتني مشاركتك

[سرور12]

انت خممتي تخمام مليح
وهوما يديرو واش يحبو
ولن تسألين عما يفعلون
وعلا حساب نيتك يرزقك رب العالمين

شكرا اخي الكريم ربي يحفظك كلامك في القمة ربي يعطيك ماتتمنى

[وبشر الصابرين]

شوفي اختي انا ما نوافقشك في الراي لانه هذا العرس راه مره في العمر وما تتنازليش و تنقصي من حقك لانك راح تندمي لخاطر ماتقدريش تهاودي العرس من بعد اما زوجك ولكان دار شويه دين ما فيها والو الدين يسلك ان شاء الله والاغلبيه تدين باش تعرس لكن قلييييييييييييييل لي مايذبحش و ما يديرش العرس بغض النظر على اهلك ما تعمريش راسك بيهم و ربي يهنيك و نصيحتي ليك (ما تبدايش تتنازاي من الان راه مازال وقت التنازل )

[سرور12]

ناس تموت على الفساد كاين ليصرفوا 150 مليون على عرس برك وهو دار ما عندوش

مهم انت دري على قد حالك وما يمهمكش في ناس


كلامك في القمة ياك يقولو البراكة في القليل والفايدة في الهناء ربي يهنيك اخي الكريم

[meriem hanin]

اختي مبروك عليك و ربي يهنيك ان شاء الله
ماديريش على كلام الناس لان ارضاءهم غاية لا تدرك
انتي ديري الي ساعدك و ماتكلفيش روحك
و هوما حبو يجو مرحبا و الا ماحبوش مرحبتين
الي يجي باش يهنيلك و يطلبلك الهنا و يفرح معاه اللهم بارك لكن رانا نشوفو بلي الناس جايين على جال كروشهم ياكلو و يروحو
انا في لاصتك ندير الي يساعدني حب من حب و كره من كره و الصلاة على النبي

[سرور12]

شوفي اختي انا ما نوافقشك في الراي لانه هذا العرس راه مره في العمر وما تتنازليش و تنقصي من حقك لانك راح تندمي لخاطر ماتقدريش تهاودي العرس من بعد اما زوجك ولكان دار شويه دين ما فيها والو الدين يسلك ان شاء الله والاغلبيه تدين باش تعرس لكن قلييييييييييييييل لي مايذبحش و ما يديرش العرس بغض النظر على اهلك ما تعمريش راسك بيهم و ربي يهنيك و نصيحتي ليك (ما تبدايش تتنازاي من الان راه مازال وقت التنازل )

راني محترمة رايك اختي العزيزة مي قاعد يتعب على جالي حارم روحو من الف حاجة باغي يأمنلي حياة كريمة يخمم فيا اكثر مايخمم في روحو انا مانعتبروش تنازل نعتبرو خوف على زوجي اسعدني مرورك

[سرور12]

اختي مبروك عليك و ربي يهنيك ان شاء الله
ماديريش على كلام الناس لان ارضاءهم غاية لا تدرك
انتي ديري الي ساعدك و ماتكلفيش روحك
و هوما حبو يجو مرحبا و الا ماحبوش مرحبتين
الي يجي باش يهنيلك و يطلبلك الهنا و يفرح معاه اللهم بارك لكن رانا نشوفو بلي الناس جايين على جال كروشهم ياكلو و يروحو
انا في لاصتك ندير الي يساعدني حب من حب و كره من كره و الصلاة على النبي
صلى الله عليه وسلم ماتتصوريش شحال ريحني كلامك ربي يهنيك عزيزتي ويفرحك

[mounaminou]

مستحيل مايجيوكش للعرس.............الناس تحب تعلق برك ..........كيمالقاو واش يهدرو.....انتي اعرضيهم و اللي مايجيكش ربي يسهل عليه..و الله هدي مليحة يزيدو يدخلو ف الشي اللي خاطيهم .........عيشي كيما حابة و ماتشاوري حتا واحد ني عمتك ني خالتك .

[mounaminou]

شوفي اختي انا ما نوافقشك في الراي لانه هذا العرس راه مره في العمر وما تتنازليش و تنقصي من حقك لانك راح تندمي لخاطر ماتقدريش تهاودي العرس من بعد اما زوجك ولكان دار شويه دين ما فيها والو الدين يسلك ان شاء الله والاغلبيه تدين باش تعرس لكن قلييييييييييييييل لي مايذبحش و ما يديرش العرس بغض النظر على اهلك ما تعمريش راسك بيهم و ربي يهنيك و نصيحتي ليك (ما تبدايش تتنازاي من الان راه مازال وقت التنازل )

لال يا اختي مايزيدش الدين عليه خير.... هي اللي تخسر مبعد ف لافار......و زيد الدراهم هدوك قادرة تروح بيهم فواياج و قادرة تصرفهم ف المفيد و الله اعلم