مساعدة منكم أخواتي

[محبة الرسول]

السلام عليكم اخواتي الكريمات للاسف منذ مدة أحاول الدخول للمنتدى لكن دون جدوى
جربت في هذا العيد حلوى الرشم مي مخرجتليش يتحلولي الاشكال في البداية و في الأخير يخسر الخليط اصلا و ما يتهزش في المول ... الطريقة اللي خدمت بيها هذي
المقادير

2 بيضات+1فاني +نصف كاس حليب +4ملاعق كبيرة نشا+2 ملاعق دقيق

و كنت نسخن في المولات مليح نورمال
المولات لي شريتهم هاهوم

http://im38.gulfup.com/WqkN3.jpg

http://im38.gulfup.com/yCSZN.jpg

http://im38.gulfup.com/izDb8.jpg

http://im38.gulfup.com/WoWLN.jpg

فرجاءا لي عندها طريقة أخرى او حل لمشكلتي تخبرني راني نمووووووت على هذي الحلوة
و شكرا

[mira biologiste]

عمري ما جربتها هاذ الحلوى انشاء الله يفيدوك الاخوات

[محبة الرسول]

اااااااااااااااين انتم المشاهدات الكثير دون ردووووود

[عطر و مطر]

هاد رابط الوصفة للاخت ميري
http://www.djelfa.info/vb/showthread.php?t=830321

[مليكة01]

وعليكم السلام أختي

الحقيقة أنا لم أجربه ولكن شوفي هذا الرابط


http://www.djelfa.info/vb/showthread.php?t=1054547&page=3

[مليكة01]

أنا متفكرا زمان كانو يصنعوه بالحليب

نظن وصفة الأخت ميري هي الأصح

[مليكة01]

http://forums.fatakat.com/thread1642743

[مليكة01]

http://www.tunisia-sat.com/vb/showthread.php?t=2059345

الحقيقة هي حلوى قديمة وحبيت نتفكر مقاديرها الحقيقية معاك

بالتوفيق


وضربتيلها في راسي نخدمها

سلام

[zahra rose]

السلام عليكم اخواتي جربت هذي الوصفة نسموها حلوة الخطاف المقادير هي 1كأس فرينة وكأس حليب بيضة مغرف قهوة خميرة الحلوة شوية ملح خلطيهم مع بعض وبعد ذلك سخني الزيت في علبة الطماطم ضعي المول الزيت ثم في االخليط وبعد في الزيت ولما طيب خليها تبرد ثم عسليها ورشي عليها الجلجلان وبالهنا والصحة وراهي تنجحي فيها ان شاء الله اختي

[ساندي 28]

اختى كي تخدمي الخليط خليه يرتاح شويه من بعد احكمي المول وحطيه في الزيتا الساخن ومباشرة في الخليط حطيه مليح واجبدي بخفه في المقلى مباشرة واستناي شويه رايح ينفصل لوحدو القاطو انا جربتو قبل ويصلح عادي عاويد وشوفي وينغلطتى

[محبة الرسول]

رايحة نجرب كلللللللللللل هذووو الوصفات لي درتوهملي هههههه لأني نمووووووت على هذي الحلوة حتى تصلحلي .... ربما مشكلتي صح كيما قالت الاخت أم ناجم ربي يحفظها مخليتوش يرتاح و كنت كي نحط في الزين يسخن مليح و كي نديرو في الخليط نعاود مرتين في الخليط يعني نحط و نهز و نعاود نحط نقول باش تجي خشينة لاخاطر الاولين جاوني رقاق ... بصح مازالي مشكل علاش تتفتحلي الوردة
شكرا جزيلا لكن اخواتي على مساعدتي

[aboayoub]

سلام اخواتي هذه الحلوى درتها ونجحتلي المقادير وانا درت مشيربة حليب+2 حبات بيض+ملعقة قهوة خميرة نوارة +ملعقة تع عشاء سكر+فنيلا وخلطي +الفرينة حتى تولي عاقدة كي المول ترتاح مدة 8 او 10 د سخني المول شوية وقطريه من الزيت واغطسيه في العجينة مباشرة كي تحطيه في الزيت هزيه باه يتنحى