السنه نهبل [الأرشيف] - منتديات الجلفة لكل الجزائريين و العرب

مشاهدة النسخة كاملة : السنه نهبل

**خليصة **

2013-10-20, 19:01

السلام معليكم
يا جماعا عاونوني
انا راني نقرى شعبة الرياضيات ملي كنت صغيرة و انا :rolleyes: نحلم ندخل هذي الشعبة لكن المشكل :mad:هو اني عدت نكره نقرى
مانحل تمارين ماوالو
عدت ندوها غير نحضر المواد لوخرى او الرياضيات مانتلاحش ليها مرة او كيما تعرفو بلي لازم نهتم اكثر بالرياضيات
علابالي دوك اغلبكم يجاوبني لازم ديري بروقرام او لازم حلي او لازم ........لازم
هذو علابالي بيهم
المشكل ماني نقدر ندير والو نروح نحل الكراس نعاود نسكرو
عونوووووووووووووووووووووووووووووووووووووووووووووون ييييييييييي
سلام:sdf::sdf::sdf::sdf::sdf:

Just.Girl~

2013-10-20, 19:03

ديري الرقية والله معاك صح قسما بالله ديري سورة البقرة اوبيا قري القران..3>

**خليصة **

2013-10-20, 19:11

و الله غير مليحلي بصح مانعرف حتى راقي
او زيد الغاشي كامل يعيط علي
كي نشرحلهم

**خليصة **

2013-10-20, 19:12

علابالك مام نسيي نبروقرامي روحي مانقدرش

Mî Řă

2013-10-20, 19:17

السلام عليكم
كنت كيما انت بصح دوك الحمد لله اقراي القران تريحي و الله و صلاتك ثاني ما تنسايهاش! يفرج عليك ربي
لازم قبل ما ترقدي حلي على الاقل 4 تمارين في الرياضيات على خاطر رياضيات لازمها التطبيق باش ما تنسايش
ايييه ولازمك programe ^^ و ما ضيعييش لوقت ف المنتديات و الحاسوب حتى هادو خصصيلهم وقت
انا ثاني شعبة رياضيات خفت مع الاول و دوكا الحمد لله لازمك دايما تراجعي دايما !! ^^
وفقك الله ^^

تالية القرآن

2013-10-20, 19:22

et moi je souffre de meme chose surtout dans matériau littéraire

**خليصة **

2013-10-20, 19:23

المشكل الارادة الي ماكاش

**خليصة **

2013-10-20, 19:25

عييت او كرهت ماتتصوروش واش راني كارها كرهت اليسي هذاك كرهت لعباد الي فيه كرهت كلش فيه

sarah 01

2013-10-20, 19:28

دبرتوها في في شعبة رياضيات أنا من أنا في الابتدائي و أنا نحلم بيها و كي وصلتلها قالولي ماعادتش كاينة في ليسي تاعنا

**خليصة **

2013-10-20, 19:33

انا لحقتلها وتكوليت

Mî Řă

2013-10-20, 19:34

mm ana bdit nendam ki roht math

**خليصة **

2013-10-20, 19:36

ماشي عدت مانعرفش فيها عت مانقراهاش

salima sese

2013-10-20, 19:45

اختي عودي حلي التمارين في الرياضيات غير تدخلي لدار ريحي وابداي تحلي كل يوم حلي تمرين حتى توالفي تعودي تحلي بزاف وديري ربي في قلبك

sarah 01

2013-10-20, 19:45

أنا نطلعت علوم مانيش حابتها و من الفوق الأساتذة يكرهو

sarah 01

2013-10-20, 19:49

أنا أستاذي في الرياضيات تسقسي عليه واحد من الابتدائي , شايت , واحد جامي قرا يقلك ما يعرفش يقري تالمو مشهور الله يبارك عليه حتى أنا راني نواجه في نفس المشكلة السنوات الماضية كنت لا أهتم ألا بمادة الرياضيات و هذا العام تقلبت طول عدت نقرا كلشي غير الرياضيات

amani sousou

2013-10-20, 19:52

hhhhhhhhhhhhhh wlh meme ana 3andi le meme problem +maraniche ga3 na9ra tbedlt w maraniche ga3 3atyitha ahmiya psk ana makountche bariya sciense 3labiha rani karha l9raya
mais nti 9oulti kount habtha mn w ana srira imala il faux tzayri w ta9ri w thawli 9adr lmostata3 bache tnji w lmathe marahiche chou3ba sahla w kima 9atlek okht 3layki biroukia

Hala VanderWotson

2013-10-20, 20:47

يا اختي انا كنت في نفس الحالة العام الماضي كرهت لقرايا كرهت العباد في الليسي كرهت كلشي وبالاخص اهملت الرياضيات والفيزياء وكنت دايرا فيهم دروس خصوصية لكن مع لاسف درتهم بلافائدة صح كنت نجيب معدل مليح لكن بالمواد الادبية فقط ,,,,,وصلت للنهاية العام لقيت روحي 00000 فل مااااااات ول فيزياء فوت السنة الاولى مي كجا الصيف ودينا العطلة عاودت استغفرت ربي وبديت بشويا نعاود حاجة بحاجة ومباعد ندمت كمقريتش المات في السنة الولى لكن الحمد لله دخلت السنة الثانية وانا فاهما كلشي ودرك راني نحط معا الاستاد بززاف ونلقا روحي فهمت كلشي
المهم انا راني حكيتلك شصرا معايا ومانتمناهاش تصرا معاك بالاخص انتي شعبة رياضيات والمادة الاساسية فيها هي المات تفكري كيفاش كنتي تحبي هادي الشعبة وابداي من الاول واستغلي الفرصة لانو مدرناش دروس بزاف وتانيك مفاتكش الوقت تقدري تولي نتي الافضل في هادي المادة شوفى حل يناسبك او طريقة تقدري تقراي بيها وانتي حابا تقراي وادا مقدرتيش تقراي خمي فالمستقبل تاعك كيفاش يكون كتقراي وكيفاش يكون كمتقرايش وايضا رانا معاك رانا نقراو كامل مع بعض متعاونين وادا لقيتي اشكالية في أي درس اطرحيها علينا ونتعاونو فحلها

اردت ان اظيف نقطة بالنسبة للهاد الفكرة تاع كرهتي الليسي وعبادو لازم تنحيها من راسك psk مكانش ليستاهل .....علابالي كترت الهدرة بزاف هههههه بالمناسبة انا شعبة تقني رياضي
تقبلي مروري

-آية الرحمن-

2013-10-20, 22:24

انا تاني شعية رياضيات
وفي الاول قيت صعوبة صح لاني لم املك الارادة ولكن بعد تنافس في القسم تغيرت اصبحت احب الرياضيات مرة ثانية

ابداي حلي تمرين واحد وبعد ستتطلعين لحل المزيد بماأنك تحبين المادة

~_~جميـــلة~_~

2013-10-21, 08:58

يااختي لازم تعفسي على قلبك وتجبري روحك تقرايها....صح رح تجيك صعيبة في المرة الاولى بصح بشوي بشوي تلقاي روووحك لااراديا تقرايها وتحلي التمارين
راني عارفة بلي راكي عارفة بلي هذا هو حل مشكلتك بصح يظهرلي راكي معرفتيش تطبقيه
الخطوة الاولى هي اهم خطوة وبعدها كلش ساااهل

~عابر سبيل~

2013-10-21, 09:24

ربما هي مجرد نظرة سلبية للحياة تجعلك تكرهين كل شيئ؛؛
لست الوحيدة ....الكل يعاني من هذا...عدم الرغبة في الدراسة و...و....!
المهم ربي يسهلك ويسهلنا صعابنا
just be hopefull ^^
مجرد عابر سبيل~~

ميمي بليدية

2013-10-21, 09:35

انا كنت نكره شعبة علوم تجريبية وصلت لي بكيت كي بعثوني ليها مي الحمد لله وليت نحبها ونبذل مجهود كبير باش نتفوق فيها والحمد لله على كل حال ولاتلي عادي وماتخليش فكرت مانيش قادرة والخ تسيطر على مخك على خاطر هذيك هي لي تهدمك

ميمي سمية

2013-10-21, 10:02

قد يكون السبب هو الاستاذ ؟؟؟ او لانك اصبحتي لا تفهميها؟؟؟؟

Just.Girl~

2013-10-21, 11:42

عييت او كرهت ماتتصوروش واش راني كارها كرهت اليسي هذاك كرهت لعباد الي فيه كرهت كلش فيه

مام قسما بالله غير كرهت هادوك لعباد تلاميذ واساتذة كرهت من الناس وحدةالمرة رحت للزاوية قعدت في اخر مكان في الساحة عليهاوالسور والشعب يجيرو في العلم من القدام تامني كي قعدو يبانولي تقولي بارصاص نحتتهم ونتهنى منهم......

Just.Girl~

2013-10-21, 11:44

أنا نطلعت علوم مانيش حابتها و من الفوق الأساتذة يكرهو

وااااااااااااااااااااع حتى انا راني كارهة روحي مع لاول قلت ماعليش علوم تاني مليحة مي درك راني نشوف في الحلم تاعي بدا يتلاشى ومرانيش حايرة كي شغل ضمنت المستقبل تاعي ضاع في هادي البلاد مع دو العباد...

وطني الغالي

2013-10-21, 11:48

إيه أختي نفس المشكل أنا نشوف الكراس يجيني العاس نحب نقعد غير حدا الحاسوب معدتش القرايا داخلة راسي عييت حتى أنا نقرى القرآن يزيد يجيني النوم نوض غير مبعد غدوة راهوا الشيطان .................................................. ...................... كملي إنتي الهدرة.............

**خليصة **

2013-10-21, 15:17

انا ماشي عدت مانفهمش المات نفهمها او نفهم ليقراو معايا فيها
بصح المشكل لازم نحل التمارين وانا ماعنديش الارادة طول
او تاني ماقلتهاش الي قبلي ماشكيتش نحقق حلمي عنا ابدا

يزن 1996

2013-10-21, 16:07

اما لا انا العكس فيك نراجع الرياضيات في كل وقت حتى في وقت الماكلا

والمواد الخرى منقيسهاش

بيْـدباَ

2013-10-21, 16:29

اقرئي القران باه يتفتح عقلك
حاولي انك تركزيييي مليح و خذي وقتك في التفكير مثلا..*هذه المادة مهمة و يجب ان اهتم بها......الخ
انت تعانين من الاحباط يجب ان تتغلبي عليه

**خليصة **

2013-10-21, 19:59

ان شاء الله شكرا على الاعتمام