أقاويل الناس

[مشكلتي]

أنا بصراحة جامي كنت على علاقة مع واحد
بصح عجبني واحد من قبل،و أنا كنت صغيرة بزاف كان عندي 14 سنة فقط،صارحتو بحبي و الان راني متأكدة بلي هاداك ماكانش حب و الحب يأتي بعد الزواج،و انا قتلو هاك كيعاد ماقدرتش نخليها بيني و بين نفسي و ما كنتش محوسة على علاقة محرمة بصح علابالي بلي وش درت حرام
لكن ما زلت نـــادمة
و الحمد لله ربي سترني
لكن إذا سقساوني يقولولي صارحتي شخص بحبك ولا لالا؟ واش نقول؟ أنا مابغيتش نفضح روحي لكن لا أستطيع الكذب
و الحمد لله راني رجعت الى الله و قطعت الاتصال معاه و مع أصدقاء السوء لي حرضوني على هاد الفعل
لكن كيفاه ندير؟؟

[siina]

ربي سترك . إذن لا تفضحي نفسك

[أم الحسين 24]

كل البشر خطاؤون يا أختي و الحمد لله أنك تبت و تركتي رفقة السوء .. لكن تذكري دائما أنه على المسلم أن يستر على نفسه مادام الله قد من عليه بالستر.. بل إن المجاهرين بالمعصية هم أشد عذابا عند الله . لا تخبري أحدا بما قمت به وفقك الله و ثبتك على صراطه المستقيم

[لمعة السيف]

وعليكم السلام
لا حول ولاقوة الا بالله الغير لا ينشر غسيله وانت تريدن نشره ومن اجبرك على الكذب
فلا تكذبي لكن لا تفضحي نفسك الافضل ان تتجنبي اصلا مثل الكلام عن الماضي وانسيه وارميه
وراء ظهرك ..تتبع عورات المسلمين سواء عواتك او عورات اي مسلم ولا مسلمة وكشفها
وإشاعتها بين الناس والتطرق لها هذا حرام لا يجوز حتى وإن كان المتهم مذنبا ...لماذا هتك الستر ؟
فالتتقي الله في نفسك لان الامر الجد وجب التفكير فيه مليا انها اعراض وعرضك
بالتحديد فالتتجنبي هذا قدر المستطاع ..ولا تجهري بالمعصية الذي ارتكبتيها فيما مضى
ارتكبتيها وسترك الله حينها ..

[naamane3]

اللي يقولك هاكذا قوليلو اخطينا
يرحم باباك هاذا موضوع تافه

[حضنية28]

المهم هناك ربي من الشي هذا واحمدي ربي على النعمة اللي راكي فيها ومتهتميش لاقاويل الناس واللي هدرلك على الموضوع قوليلو موضوع تافه وميحقناش التكلم فيه

[meriem hanin]

كل بني ادم خطاؤون و خير الخطائين التوابون
ربي من عليك بنعمة التوبة فلماذا تريدين فضح نفسك
استري ما ستر الله

[amine eco]

انت هذاك الوقت كنت ذراري ههههههه انساي الامر و اضربي النح

[مناد بوفلجة]

عندما كنت في 14 سنة ، كنتِ طفلة
حاولي نسيان الماضي

و ربي يسهل

[مبروكة الصحراء]

لماذا تخلقون مشكلة من العدم
الحمد لله درك راكي عارفة طريق الصح؟؟؟؟؟ خلاص لا داعي لذكر الماضي ؟؟؟؟و لست مجبرة على الإجابة على هذا السؤال؟؟؟ و أستغرب من يطرح عليك هذا السؤال؟؟؟؟
و لماذا؟؟؟؟؟
و لم أفهم ماذا تعنين بأقاويل الناس في العنوان؟؟؟
ربي يسترك و يحفظك ينور طريقك داااااااااائما للصح

[sabounimanal0]

هدا ماهوش كدب بل غلطة و انتي احسبي روحك ما درتيهاش و انسايها

[أم همام 2015]

الحمد لله ربي سترك وربي يسترك دايما ان شاء الله وكي يسقسوك قوليلهم هادا ماشي سؤال وغيري الموضوع

[doba]

الحمد الله كي فقتي
ربي يغفرلك وربي رحمتو واسعة

[djazia87holi]

اختي مادام ربي سترك كملي في ستر ربي وهدا لايعتبر كدب والحمد لله انك ابتعدتي عن اصحاب السوء وهدا اهم شيء ربي دعمك فيه فواصلي وعيشي في ستر ربي وربي يهنيك