تسجيل الدخول

مشاهدة النسخة كاملة : لحم الخليع اوالمجفف

wala
2013-10-19, 14:13
السلام عليكم صح عيدكم كل سنة وانتم بخير عندى طريقة تخليع اللحم اقطع اللحم قطع صغيرة او الى شرائح باش الملح يدخل فيه ثم اضع فيه الملح وراس الحانوت البسكرى شوية حلبة وكاس اتاى خل احمر ضعيهم فى بسينة وغطيها واتركيها 4 او 3 ايام مع الخلط المستر يعنى خلطيه 2 مرات فى النهار حتى يخرجلو كامل الماء ثم انشريه في خيط النشير باش يبسو ويستعمل لعدة وصفات خاصة الشتاء راه جاي ارجو انى افدت لى عندو طريقة اخري يقدمها :)
عطرالذهب
2013-10-19, 22:17
يعطيك الصحة عجبتني طريقتك هايلة
أم إناس
2013-10-20, 17:27
شكرًا وَبَارِكْ الله فيك
wala
2013-10-20, 19:21
السلام عليكم والله الشكر ليكم لى قريتو موضوعى ربي يجازيكم كل خير
ام ايمان16
2013-10-21, 08:26
يعطيك الصحة

حنا نخلعو الضلعة ونشلحوها مليح بلا مانقطعوهاولحم نتاع الفخذ نحولو لحظم بلا مانقطعو اللحم نخلوه قطعة وحدة نشلحوهم مليح مليح ونديروللهم الملح فقط كمية معتبرة ونخلوه يبات في الملح وغدوا ننشروهم في السيلان ينشفو مدة اكثر من شهر باش يكون واجد للطبخ
هند21
2013-10-21, 10:47
شكرااختي
من اي جىهة لحم تصلح خليع
wala
2013-10-21, 16:39
السلام عليكم شكرا على المعلومة اختى تفاحة لللاخت هند وصفة البركوكس او المردود كل منطقة واش تسميه حساء العدس مرق طعام الشعير او كسكس القمح او شوربة لوبيا البنة رووووعة
رياحين الجزائر
2013-10-21, 17:02
احنا الخليع انشلحوه ونملحوه ملح صافي وانعلقوه
اما الاخت اللي طلبت اي نوع انا انقول الكل يصلح بصح انا انخبر الطراف اللي فيهم الشحم واللي ماتعرفش ماتديرش اللي فيه العظم خاصة مع اكتوبر وين يكطثر الذبان كون مايشلحش مليح ويتملح مليح راح الوح فيه الذبان البيوض انتاعو وولي دود حاشاكم ولازم المرا اتعس الخليع مليه واذا اضطرت اتغطيه بالتيلو كيما انا عنتدي ريدو مصنوع بالتيلو انخليه سبيسيال للخليع لازم تربطو مليح باه مااعديش ليه الذبان وماتخافيش من الملح اتقولي بزاف ماعليش كي تحبي اتطيبيه حطيه في الما من الصباح للمساء اذا كان للعشا والعكس من الليل للصباح اذطا كان للغدا ونقصي الملح في البرمة لاقصى حد
واعذريني اختي على التدخل بصح بالاك كاين اللي جامي جربت الخليع واتحب اتجربو انورولها
wala
2013-10-21, 18:14
السلام عليكم شكرا لك اختى رياحين والله افرحتيني كي شاركتى لانى من الاول قلت هل هناك من مداخلة وطريقة التيل مليحة ياسر ربي يسترك
ام سامي15
2013-10-21, 20:29
شكرا اختي

بارك الله فيك
ام سامي15
2013-10-21, 20:30
شكرا اختي

بارك الله فيك
هند21
2013-10-21, 20:35
انا اقصد من اي جهة نخلع اللحم هل من الفخض او من الكتف او من اي جهة
ام ايمان16
2013-10-21, 22:11
انا اقصد من اي جهة نخلع اللحم هل من الفخض او من الكتف او من اي جهة

خلعي اختي من اي جيهة تحبي
لحم الخروف كله يصلح للخليع سواء الكتف او الفخذ او الضلوع
فقط شلحيهم مليح وملحيهم بزااف باش مايجيش فيهم الدود لو ماشلحتيش مليح
رياحين الجزائر
2013-10-22, 07:34
انا اقصد من اي جهة نخلع اللحم هل من الفخض او من الكتف او من اي جهة

حبيبتي انا افضل حاجة عندي هي ليكوت روعة بصح اذا كنتي اول مرة اتخلعي شوفي نحي العظم هو اللي اشكل مشاكل للدود حاشاك يعني نحي العظم طيبي بيه واللحم منين افوت الموس حليه بيدك وذري الملح نتمنى فهمتي واليوم انحاول اندبر كارت ميموار وانصورلك القديد انتاعي انا درت بزاف لانهم احبوه شي عجب انموتو عليه افرطو فيهفي البرمة وقولولي ديريلنا قديد
هند21
2013-10-22, 08:48
عندي جارتي قتلي ذري عليه الملح والفلفل الاحمر الحار ميديرش الدود ابداهي مجرباتو
رياحين الجزائر
2013-10-22, 10:43
عندي جارتي قتلي ذري عليه الملح والفلفل الاحمر الحار ميديرش الدود ابداهي مجرباتو

صح كاين اللي اديرلو الفلفل الحمر الحار بصح انا مانحبوش انحبو بالملح فقط كل واحد وذوقو
امونة الشاوية
2013-10-24, 09:20
مشكووووووووووووووووورة
رياحين الجزائر
2013-10-29, 09:40
حبيبتي كنت وعدتك انحطلك صور للخليع انتاعي راه هنا ناشف وكنت متمنية اني انوريهولك من الاول بصح الله غالب ماكانش عندي باه انصور عذرا

http://im35.gulfup.com/qbA06.jpg (http://www.gulfup.com/?DhWRNc)

http://im35.gulfup.com/5JOSO.jpg (http://www.gulfup.com/?J9IcVA)
نتمنى اني انكون افدتك