طرأ على بالي سؤال [الأرشيف] - منتديات الجلفة لكل الجزائريين و العرب

jigi

2013-10-19, 10:21

السلام عليكم ورحمة الله و بركاته طرأ على بالي سؤال
و أردت ان أسأله لأعضاء المنتدي ما هي نسبة فهمكم للدروس العلمية و الأدبية هل يكفيكم الوقت للمراجعة و ماهي المواد التي واجهتم فيها صعوبة ........أتمنى أن تتفاعلوا مع الموضوع

وردة المتفائلة

2013-10-19, 10:25

وعليكم السلام أختي
والله نسبة الفهم قليلة وزيدي مع الاضرابت لحد الآن مزال مقريناش مليح من اضراب التلاميذ الى اضراب الاساتذة
اما المراجعة نحفظ مادة أدبية صباح ونراجع مادة علمية + أدبية في المساء
ربي يوفقك اختي ويوفقنا كاااااااااااااااااامل

jigi

2013-10-19, 10:30

شكرا أختي على الرد و بالتوفيق لك ايضا

fr95

2013-10-19, 10:34

بالنسبة للوقت ما يكفيش و نسبة الفهم جيدة نوعا ما اما بخصوص الصعوبات فمشكلتي الازلية اللغة العربية و صديقتها الفلسفة

jigi

2013-10-19, 10:40

أتمنى ان تجد حلا لهاتين الصديقتين قريبا .............قالت لنا استاذة الفلسفة أنه إذا أردت أن تفهمها يجب أن يكون لديك رصيد لغوي

القرآن حياتي

2013-10-19, 12:22

سلااااااااام
المواد العلمية فاهمة فيها بفضل تداعيم مي الادبية مش لاقية ليها وقت
موفقة

jiji41

2013-10-19, 12:46

بالنسبة للوقت ما يكفيش و نسبة الفهم جيدة نوعا ما اما بخصوص الصعوبات فمشكلتي الازلية اللغة العربية و صديقتها الفلسفة
نفس الراي تماما بالاصافة الى الفرنسية والانجليزية التي لم ادرسها ولم اراجعها ابدا في حياتي والان اواجه مشكلة كبيرة معهم

الصافية

2013-10-19, 12:53

السلام عليكم بالنسبة الى المواد العلمية فهم مع القليل من حل تمارين الكتاب لكن المواد نتع الحفظ مزال مانيش نحفظ لانو كي نحفظ مرة اخرى نلقى روحي تاعبة
ممكن اسال سؤال عن كيفية ادراج الموضوع الى اين اذهب لاني عضوة جديدة :mh92:

نوجي نوجي

2013-10-19, 12:53

الوقت مايكفينيش ،، حد الان الصعوبة مكانش بزاف بزاف باسكو مازال ماتعمقناش فالدروس من غير الفلسفة ماني فاهمة فيها واااالووو ،، و اذا عندكم جدول يكون مليح للمراجعة فالدار فيه جميع المواد ساعدوني الله ينجحكم

hamassat el toka

2013-10-19, 14:41

بالنسبة للمواد العلمية فالفهم قليل نوعا ما اما المواد ادبية فلم نبدا الدروس لحد الان الا درس واحد او اثنين فقط
والمشكلة العويصة التي اعاني منها هي المواد الاجنبية +الفلسفة
ولاننا لم نبدا اغلب الدروس ومتاخرين جدا فيها اواجه صعوبة اثناء حل التمرين

...

اتمنى للجميع التوفيق ويارب كـــــــــــــــامل تنجحو

حيآتي أسمَى

2013-10-19, 15:10

لا مواد ادبية لا علمية لاهم يحزنون :/

الوقت مكانش مع الاضراب زاد كلش تخلط

الله يجيب الخيــر

Hakou28

2013-10-19, 16:51

لي راه يقول مكانش وقت راه يكذب على روحو يا جماعة فيقو راكم كبار وشمن مكانش وقت تقدر تسهر ولا تبات تقرى اذا عندك ارادة صح

dali génie

2013-10-19, 22:08

ايه صحيح أخي حقو الوقت تلقاه و لازم السهر من أجل تحقيق النجاح و التفوق
يجب تقديم التضحيات
الحيلة في تنظيم الوقت
و لكنني أعترف بأنني لا أوفي المواد الأدبية حقها
لكنني بدأت بحل موضوع في الانجليزية و ربما سأخصص يوم من نهاية الأسبوع لحل مواضيع في اللغات
لم أجد التركيبة المثالية بعد لكنني أعلم أنني سأنجح في ايجادها
و انا اجد الاضراب الفرصة المثالية التي يجب الا تضيع من اجل حل اكبر قدر من التمارين
بالتوفيق للجميع

اريج الاخلاق

2013-10-20, 18:07

انا المواد العلمية الحمد لله فاهمة
المواد الادبية نوض صباح بكري نحفظهم
اما العربية والفرنسية والانجليزية نراجعهم عادي
الحمد للــــــــــــــــــــــــــــــــــــــــــــــــ ــه

●• نسمةة النجآح •●

2013-10-20, 19:42

السلآم عليكمم ...

الرياضيات الحمدلله بدأت أتمكن فيها...
الفيزياء مازلت في طور حل التمارين ..
العلوم الحمدلله تمكن منها ..
الفلسفةة تعلمت منهجيةة مراجعتها ...

بقيت باقي المواد التي أظن انهه مازال علي ان أتريث فانا ذاكرتي محمدودة ولا تحفظ المعلومات لمدة طويلةة ...
ان شاء الله اتخلص من هذه المشكلةة ..
خاصةة وأن الإضراب أبطء حماسي وإرادتي اشتقت كثييرا للدراسةة ..
أما الوقت فقضيةة تنظيم فقط...
موفقين جميععاااا ...

الجميلة انا

2013-10-20, 22:33

الواحد لازم يهتم بالمواد العلمية بالدرجة الاولى و المطالعة يوميا و تبقى المواد الادبية لنهاية الاسبوع و انا نقول رح نبدا نركز مع المواد الادبية ف الفصل 2 عل خاطر درك مكانش فيها حاجة كبيرة