ارجو المساعدة لان راسي حبس

[مشكلتي]

السلام عليكم
انا فتى عمري 22 واحببت فتاة تدرس معي وصارحتها وقلت لها ان نتعارف ثم اخطبها العام الجاي بعد تحصلي على التخرج فقبلت *ولكنها رفضت فكرة التعارف واتصلت بي وقالت لي كل شيء بالمكتوب ولا استطيع
فمنذ تلك الحادثة لم اتصل بها هذا في الصيف .والان لما رجعنا للجامعة بدت مهتمة بي لكنها خجولة
ولكن البارحة اتصلت بي وقالت انها اتخطبت وقبلت بالذراع عليها فحاولت ان اساعدها وصارحتها انني احببتها ونويتها للحلال واتعذبت لما رفضت عرضي واعطيتها كل ما في قلبي
ففاجئتني انها كانت تمزح وانها لم تتخطب ففرحت وتكلمنا عن حالنا واعدت عرضي لها ولكنها رفضت وقالت لي انني صعب وعائلتي تبدو صعبة بالرغم انها لا تعرف عائلتي فاعطيت الهاتف لوالدتي وتحدثت معها عادي وقالت لي انها لطيفة
فقلت لها هل بدلتي رايك قالت لي لا وقالت لي للوداع
والذي يحيرني لما اقول لها هل تريدينني تقول لي نعم ومن ثم تنقلب وتصبح ضدي وتقول لي لا اريدك.
واليوم في العيد هاتفتني وتبادلنا التهاني وقالت لي هذه اخر مكالمة فقلت لها مازال وقلت لها انها ستكون لي وساخطبها فقالت لي لا لااقبل فقلت لها عادي المهم للقاء .
ولكنني اعدت الاتصال بها لانني في حيرة فلما ردت قالت لي ندمت لانني اعطيتك رقمي وانا احب شخص اخر فقلت لها اذا كنت تمرري بي الوقت فقط فقالت لي لا ساقول لك فيما بعد
فلما اعادت الاتصال بي اجبتها كانني لا اعرفها وقلت لها انها اخطأت في الرقم وقفلت الهاتف
فبقيت تعاود الاتصال بي فاجبت وقالت لي هذا ليس بتصرف قلت لها انت التي لم افهم شيء كل مرة تقولي لي شيء ولم افهم ماذا تريدين
فقالت اذا معريفة خير وانا رديت لها بالمثل .
لم افهم شيء هل هي تريدني او ماذا تريد ؟؟
بالمناسبة هي خجولة وانطوائية في الجامعة

[رعد السحاب]

ابتعد عنها أخي ... قلها كل شيء بالمكتوب

[رعد السحاب]

بالإضافة إلى أنها مخطوبة ... اهتم بدراستك أخي

[الدكتور سام]

انا فتى عمري 22 واحببت فتاة تدرس معي وصارحتها وقلت لها ان نتعارف ثم اخطبها العام الجاي بعد تحصلي على التخرج

و كان كل شئ عندك سهل.
عند تخرجك علابالك واش راه ينتظر فيك.تروح تخدم تكون روحك.بعد دلك كي تشوف روحك قادر على المسؤولية روح تزوج بها
نصيحتى لك.اهتم بدراستك

[أمة الله 12]

ربي يهديك و يهديها,
يا اخي انت كي الطفلة تقرا معاك اكيد راك تعرفها, وعلاه تطلب منها علاقة

على حساب ما فهمت راهي قابلة بيك بصح ماهيش حابة دير علاقة حتى تخطبها, و عندها الحق,
بالرغم أنو حتى الخطبة مجرد وعد بالزواج ماشي زواج

ننصحك خلي الطفلة في حالها حتى اليوم اللي توجد روحك و تخطبها رسمي,

[حضنية28]

وانت يا اخي لماذا تكلمها اهي اختك ام خطيبتك ان اردتها فتقدم لوالديها اماطرق الهاتف هاته فمعروف نهايتها كذالك انصحك بالالتفات الى دراستك ولكلشئ اوانه يا اخي الكريم

[NADJIB-90]

في خمسة كلمات اسحب روحك راهي تلعب بيك
وراك حاسب التخرج خلاص التخرج يبقي قدامك طريق طويلة باه تكون نفسك

[naamane3]

قدر الله وما شاء فعل
رب شر يأتي من وراءه كل الخير

[hakeem]

راهي تلعب بيك في إنتظار ان يأتي فارس احلامها الحقيقي و الذي سوف يكون طبعا اكبر منها سنا على الأقل بخمس سنوات و موظف و مواضيع حديثه تختلف عن الدراسة و خرافات الجامعة التي لا تحب سماعها الفتياة ثم ان هذه الفتاة تهتم بك من حين لآخر لانه في الجامعة لم تجد من يهتم بها و بالتالي تستعملك باش اطلع المورال و تحس باللي عندها قيمة إلى ان....

من المفروض أن تفكر في بناء مستقبلك و في العمل و مرحلة ما بعد الدراسة و الخدمة الوطنية التي تنتظرك و ليس قصة نهايتها معروفة سلفا و بالنسبة للزواج فيا أستاذ عندما تبحث عن زوجة في الوقت الذي تكون فيه قادر على شقاك فعليك إختيار إمرأة أصغر منك سنا بخمس او ستة سنوات فمن المعروف أن المرأة ما يعمرلها عينها غير واحد اكبر منها سنا و خبرة

أخي الكريم الفتاة تلعب بيك كما يلعب القط بالفأر و عليك توجيه طاقتك و قوتك و شبابك في بناء مستقبل و عندما تبني مستقبلك فإعلم انه لن تتجرأ أخرى على التلاعب بك بل سوف تسعى كل الفتياة للزواج بك .

ثم إن هذه الفتاة من النوع الذي يجري وراء من لا يحترمها فدعك منها و لاحظ كيف سوف تجري ورائك كلما إبتعدت عنها و زادت سنا و سوف تراها باكية إن لم تجد غيرك بالطبع من النوع الذي هي تريده

أما بالنسبة للحشمة التي تتحدث عنها فاعلمك يا أستاذ انه النفاق بعينه و هي تستغبيك و تلعبهالك بنت فاميليا و لو كانت بنت فاميليا لما تركتك تتجرأ ان تحدثها و لو حدثتها لن تسمع منها أي إجابة و لا أي نظرةو سوف ترى ما اتحدث عنه في المستقبل

أقرا قرايتك مزالك صغير و عند الوقت الكافي لإختيار الزوجة المناسبة و بكل حرية فلماذا تغلق على روحك و تلغي الفرص التي وهبها لك الله

[hakeem]

انا فتى عمري 22 واحببت فتاة تدرس معي وصارحتها وقلت لها ان نتعارف ثم اخطبها العام الجاي بعد تحصلي على التخرج

و كان كل شئ عندك سهل.
عند تخرجك علابالك واش راه ينتظر فيك.تروح تخدم تكون روحك.بعد دلك كي تشوف روحك قادر على المسؤولية روح تزوج بها
نصيحتى لك.اهتم بدراستك


يحساب في الدنيا حشيش و ما علابالوش واش راهو يستنا فيه ثم هذ القالب تاع راهم خطبوني أزرب بيا قبل ما يدوني عليك قديم قديم قديم و قالب تاع أنا نحشم انا بنت فاميليا ههههه و القالب تاع انت الأول اللي عرفتو و راني نهدر معاك كي جيت نعرفك باللي أوليد فاميليا ههههههه و القالب تاع كي ما تلقاش غيرك تقلك نحبك و انت هو كلش و كون تخطيني نقتل روحي ههههههه و كي تلقا غيرك تقلك أبقا على خير كلش بالمكتوب ههههههههههه

[samy algerien]

يا جماعة لا نريد التعليقات السخيفة هو لم يقل لكم جدو لي عمل لما اتخرج هو يطرح في مشكلته .
المهم يا اخي يبدو ان هذه الفتاة تحبك ولا تجيد التحاور او لها ظرف خاص لم تستطيع قوله لك او تجرب فقط لانها لا تحتك بالناس

[محمد جديدي التبسي]

هي مازالت مراهقة تلعب فلا تكن مثلها وارفع مستواك ولا تستعجل
تخرج أولا وبعد أن تجد عملا فكّر في الزواج واذهب للبيت مباشرة ولا داعي لهذا التعارف الفاشل.. ربي يوفقك

[nouna l maghbouna]

راهي تعمر بيك ال vide برك

خليك منها

و بالاك كشما قالولها عليكم

[فارس وجواد]

22 سنة في رأيي مازلت صغير على الزواج و حتى الخطبة.
بالاضافة أنك مازلت تدرس لا تدري ماذا ينتظرك عندما تتخرج.
فكر في قرايتك و مستقبلك و اترك بنت الناس " اذا كان بيتك من زجاج فلا ترم الناس بالحجر" ( أكيد تفهم قصدي) فبنات الناس ليست لعبة والأكيد هي أرادت ان تصدك و أنت لم تفهم.
هذه مرحل مراهقة فقط فلا تجعلها تؤثر على دراستك.

[fille algerie]

رغم انو انا بنت بصح مقدرش نفهم عليـــهآ
المهم خويآ انت عمرك 22 سنة فقط يعني مزآآآآآآآآآآآآآآآآآلك القدآآآم
مزآلك التخرج ... الخدمة العسكرية ....على الاقل عام وانت تحوس على خدمة.... اتجهز روحك وفي الاخيـــر العرس
انا ننصحك متحطهآش في بآلك ياسر ..بالنسبة ليك هي راهي كبيرة عليك ...انت لآزمك وحدة اصغر منك ب على الاقل 5 سنوآت
امآ بالنسبة لصديقتك قدآش رآح تبقى تستنآك مهومش عام ولا زوج ولا 3 على الاقل 4 سنوات اخي
يعني عمرهآ اصير 26 سنة ... والبنت في هاذا العمر يبدآ يتخآف عليـــهآ
وفي الخيـــــــــــر هاذي غير راهي وجهة نظري وفقط ..
الله يهديــــــــك ونورلك طريق الصـــــوآب من البآطل

ســـلآم

[ما فهمت والو]

هاد الطفلة تبانلي مراهقة مرة نعم ومرة لا لازم تحكي معاها بصراحة و كلمة واحدة نعم ام لا ادا قالت لا اجبد روحك علها اخي لانها راح تهبلك و سيرتو كي تلقاك متمسك بيها

[محمد الامين مشارة]

اثبت قرارك وعمرك ماترجع في كلامك وخمم في مستقبلك

[وردة حياتي]

هذي قابلة بيك بصح حابتك تفهم روحك و تخطبها مباشرة بدون علاقة هي رافضة فكرة العلاقة مش رافضتك انت بصح انت قلت عمرك 22 و تدرس و العام الجاي تخطبها هل انت قادر على الخطبة و الزواج هل عندك دراهم عندك عمل مليح عندك سكن ؟؟؟؟؟ مافهمتش انا كبار و راهم حاصلين انت باينلي ماكاش حاسس بتعب الزواج و تكاليفو باينتلك حاجة ساهلة نصيحة كون مستقبلم قبل ماتوعد بنات الناس بهاذ الامور

[AMINA.Z]

بنت الفاميليا عمرها ما توصل روحها باه تحكي مع واحد في الهاتف حتى و لو كانت حابتو

و انت تسرعت كان ممكن تتعرف عليها بلاما تقولها راني ناوي نخطب

قادر بنقاش بسيط مرة عل مرة في امور الدراسة او امور اخرى تتعرف عليها و بطريقة محترمة

و كل مرة تعيطلها و تعيطلك و حاجة ما باينة هادا لعب تاع دراري

خلاصة القول هادي غلطة و ما تزيدش تعاودها

[نورالهدى بيولوجيست]

قرأت مشكلتك جيدا و لا ارى انها تستحق وصف: خجولة!!!!!!!!!!!!!

مشكلتك تدل انك ربما شخص مدلل لا تعلم ان كلاما كهذا لا يعد مشكلة اصلا و ان اعتبرتها كذلك!!!!!!!!!

يا اخي الدنيا ماهيش ساهلة كما راك تحكي انا نقول مازالك صغير و تقرا ماعندو ما زاربك ركز في دراستك احسن و ماتخليش روحك لعبة بايد وحدة كي تنفحلها تحكي معاك و كي ماتنفحش تخليك !!!!!!!!!!

ربي يعااااااااااااااااااااااونك

[djazia87holi]

السلام عليكم
انا فتى عمري 22 واحببت فتاة تدرس معي وصارحتها وقلت لها ان نتعارف ثم اخطبها العام الجاي بعد تحصلي على التخرج فقبلت *ولكنها رفضت فكرة التعارف واتصلت بي وقالت لي كل شيء بالمكتوب ولا استطيع
فمنذ تلك الحادثة لم اتصل بها هذا في الصيف .والان لما رجعنا للجامعة بدت مهتمة بي لكنها خجولة
ولكن البارحة اتصلت بي وقالت انها اتخطبت وقبلت بالذراع عليها فحاولت ان اساعدها وصارحتها انني احببتها ونويتها للحلال واتعذبت لما رفضت عرضي واعطيتها كل ما في قلبي
ففاجئتني انها كانت تمزح وانها لم تتخطب ففرحت وتكلمنا عن حالنا واعدت عرضي لها ولكنها رفضت وقالت لي انني صعب وعائلتي تبدو صعبة بالرغم انها لا تعرف عائلتي فاعطيت الهاتف لوالدتي وتحدثت معها عادي وقالت لي انها لطيفة
فقلت لها هل بدلتي رايك قالت لي لا وقالت لي للوداع
والذي يحيرني لما اقول لها هل تريدينني تقول لي نعم ومن ثم تنقلب وتصبح ضدي وتقول لي لا اريدك.
واليوم في العيد هاتفتني وتبادلنا التهاني وقالت لي هذه اخر مكالمة فقلت لها مازال وقلت لها انها ستكون لي وساخطبها فقالت لي لا لااقبل فقلت لها عادي المهم للقاء .
ولكنني اعدت الاتصال بها لانني في حيرة فلما ردت قالت لي ندمت لانني اعطيتك رقمي وانا احب شخص اخر فقلت لها اذا كنت تمرري بي الوقت فقط فقالت لي لا ساقول لك فيما بعد
فلما اعادت الاتصال بي اجبتها كانني لا اعرفها وقلت لها انها اخطأت في الرقم وقفلت الهاتف
فبقيت تعاود الاتصال بي فاجبت وقالت لي هذا ليس بتصرف قلت لها انت التي لم افهم شيء كل مرة تقولي لي شيء ولم افهم ماذا تريدين
فقالت اذا معريفة خير وانا رديت لها بالمثل .
لم افهم شيء هل هي تريدني او ماذا تريد ؟؟
بالمناسبة هي خجولة وانطوائية في الجامعة
خويا الطفلة مازالها صغيرة

[عصـــام]

يا أخي 22 سنة مازلت شاباً ، أنصحك وكشاب مثلك 25 سنة في عمري ، لا تفكر في الزواج حاليا إذا لم مستعدا من الناحية النفسية والعملية ، فالوقت مازال أمامك إن شاء الله ، عش حياتك حاليا في إنهاء دراستك والعمل بجدّ ، والزواج ليس لعبة ، وعليك أن تحسن الإختيار ، لكن بعدما تنهي الدراسة وتحصل على عمل قار ، بالإضافة التريّث في إختيار شريكة الحياة .

[hayet04]

مافهمت والو؟؟؟؟؟ كون نفسك