عندي أنيميا

[amina gouami]

salam lbnét ana 3andi l anémie wkalouli kayen wessfa bel 3dess chkou li ta3refha wela kech heja okhra

-----------------
السلام عليكم لبنات
أنا عندي أنيميا - فقر الدم - وقالولي كاين وصفة بالعدس شكون لي تعرفها ولا كاش حاجة أخرى

[minoucha amina]

wellah ya amina okhti maandi hata ma3louma zidi choufi l bnet w rabi yechfik

[amina gouami]

merci 3zizty .saha 3idéééééééééék

[minoucha amina]

wenti tani saha aidek ya hanouna

[تمام المنة]

أختي أنا كذلك أعاني من فقر الدم و الوصفة هل عدس تحمصيه و ترحيه ثم إما تاكليه مع ياؤورت
او الأفضل تخلطيه مع عسل حر ينفع بإذن الله
و ربي يشفيني و يشفيك و يشفي مرضى المسلمين

[فريال88]

اختي وقيل يديرو العدس مطحون و تلميه بالعسل الحر و كل يوم تاكلي على الخوا بصح طعمو شوية غريب و ربي يشافيك و الطحال احسن علاج للمرض هذا و الكبدة يعني الحاجة اللي فيها الدم و صح عيدك

[تمام المنة]

و عيدك مبارك و كل عام و أنت بخير :)

[تمام المنة]

ايه و تاكيه مرتين في اليوم في الصباح على الريق و في الليل قبل ما ترقدي

[**سارة**]

حتى انا عندي فقر الدم :(

لازم يكون غذاء صحي و تان العدس مع العسل مليح تان يقولو بصح الوصفة بالدات مانعرف كيفاش يخدموها

كولي الكبدة والطحال رانا فالعيد بردي قلبك هههههه

صحا عيدك

[Flora Gucci]

السلام عليكم
نفس المشكل الي عانت منو اختي لكنها دااومت على علاج لمدة 4 اشهر و الحمد لله تغيرت كليا لكن ، حاليا انقطعت عن روتين العلاج رجعت مرضت
المهم ديري عدس و حمص مرحيين تخلطيهم مع عسل التمر او عسل الحر حسب مقدورك و تاكلي ثلاث مراات في اليوم
و في العشااء يوميا صحن سلطة الكرمب (كاين الاخضر العادي و كاين الاخر لونو aubergine الاثنين ملاح) مع بيتراف (شمندر) يوميا لازم توكلي من هذو الخضر و اكيد لازم تاكلي ثلاث وجبات كاملة في اليوم
كولي كبدة و طحال بزاف اختي كانت في الاسبوع تاكل الطحال تقريبا ثلاث مرات
و في الليل دير علبة ياوورت مع حلبة مرحية مغرف كبيرة و تاكلها
الكروفات (الجمبري) راهي مليحة بزاف فيها نسبة الية من الحديد
ايضا السبانخ او السلق فهو ممتاز لحالات فقر الدم كوليه على الاقل مرة في الاسبوع
ديري رياضة ، فهي ممتازة لجميع المشاكل الصحية ، على الاقل ربع ساعة يوميا
تجنبي شرب المشروبات الغنية بالكافيين كالقهوة و الشاي و المشروبات الغازية فهي تعيق امتصاص الجسم للحديد par contre حاولي تكثري من الفيتامين C فهو يحفز الجسم على امتصاص الحديد
+مكملات غذائية عطاتهملها الطبيبة تاعها (مغنيزيوم ، حديد، فيتامينات..)
اليك اختي هذه الاضافة
مصادر الغذاء الغنية بالحديد هي :-
• الكبدة ، الكلاوي ، القلب ، اللحوم الحمراء ، الدجاج ، السمك ، صفار البيض ، البقوليات المجففة كالفاصوليا والعدس والمكسرات والبذور .
• الخضروات ذات الأوراق الخضراء ( السبانخ – البقدونس – الملوخية – والقرنبيط الأخضر ) .
• الفواكه المجففة ( المشمش – التين – التمر – الخوخ – الزبيب ) .
• الحبوب بقشورها ومنتجات الحبوب الغنية بالفيتامينات ، البطاطس بقشرها .


نموذج لقائمة طعام تحتوي على نسبة عالية من الحديد :-
الإفطار :-
• كوب من عصير الفاكهة ( مثل البرتقال أو الجريب فروت أو الطماطم ) .
• بيضة واحدة ( معدّة بأي طريقة ) .
• ثلاث قطع من خبز البر العربي أو الشرائح .
• كوب من حبوب الإفطار الغنية بالحديد ( اقرأ المكونات عند الشراء ) .
• كوب من الحليب قليل الدسم .


الغداء والعشاء :-
• كوب من الشوربة ( مثل / العدس أو الفاصوليا أو الشوفان أو الهليون ) ثلاث أونصات ( 90جرام ) من اللحوم الحمراء أو البيضاء المنزوعة الشحم أو الجلد .
• كوب من عصير الفواكه الحمضية .
• نصف كوب من الخضار ذات الأوراق الخضراء ( كالسبانخ أو الملوخية أو القرنبيط الأخضر أو السلطة الخضراء ) أو نصف كوب من البقوليات المجففة المطبوخة ( كالفاصوليا أو البازيلا ) .
• قطعتان من خبز البر العربي أو الشرائح .
• كوب من الأرز أو المعكرونة ( يفضل أن يكون مخلوطاً بالعدس أو الفاصوليا أو البازيلا ) والبطاطس المشوية مع قشرتها .
• كوب من الحليب قليل الدسم أو اللبن أو الزبادي .
ربي يجيبلك الشفاء ، فقط واظبي على هذا النمط الغذائي و اكثري الدعاء و الامر ليس مقلق جدا ، فقط توكلي على الله
طلب اختي ادعيلي ان يفرج الله همي و يصلح اخي و يهديه

[الحلم الجميل]

السلام عليكم
حمصي العدس و ارحيه و خلطيه مع العسل الحر و كولي منه كل يوم ملعقة في الصباح على الريق و قبل النوم
و ايضا كولي كبد الدجاج و الله انه فاد ناس كثيرة
و تاني كولي الزبيب و البيطراف و الرمان
و الموز يمكن خفقه مع الحليب مفيد ايضا
و التمر كولي منه كل يوم
و اذا كنتي بتشربي الشاي فقللي منه
و الله يشافيكي اختي

[khaoula90]

العدس مع إلياهو ورت مليح بزااااف أنا مجرباتو
و كذلك الزبيب كوليه هكذاك مليح بزااااااااف بزااااف

[آمِيْرَتُه]

حمصي العدس مليح منبعد رحيه و خلطيه مع العسل الشفاء راني جربتها و نفعتني
بالشفاء عليك

[lovely minorva]

سلم اختي عيد مبارك ليك وكل اعضاء هدا المنتدي ليا ليك وصفة
ديري زميطة-(لي هيا القمح يتغلى حتى يولي صفر وترحيه )+تمر(موكنتيشي اي التمر الابيض)مرحي تخلطيهم مع الحليب و تاكلي منو 3 مرات في اليوم وربي يشفيك

[lovely minorva]

ربي يشفيك لان هاد الوصفة مجربة

[soumia15]

salam koli 3asal altamar w zidilo jijlaniya mehamsa w marhiya rahi meliha bezaf w rabi yechafik

[البتار4]

انتظروا اخواني
للقضاء على اي مرض يجب القضاء على اسبابه
ومن اجل معرفة سبب المرض يجب التشخيص الجيد
ومن اجل التشخيص الحيد وجب الدراية باصول الطب
والمعرفة بالامراض ومسبباتها وطرق علاجاتها
ومعرفة الادوية الفعالة كيماوية كانت او طبيعية
فنرجو من الاخت ان تكتب سنها+طولها+وزنها والحالة المدنية
كيف حالتك مع الاكل اتعانين شيء غير فقر الدم
اذا عملتي تحاليل اذكري النتائج وشكرا

[amina gouami]

أختي أنا كذلك أعاني من فقر الدم و الوصفة هل عدس تحمصيه و ترحيه ثم إما تاكليه مع ياؤورت
او الأفضل تخلطيه مع عسل حر ينفع بإذن الله
و ربي يشفيني و يشفيك و يشفي مرضى المسلمين

merci 3zizty .nchalllah dork ndirha . w rabi yechfina nchallah .mrc bcp

[amina gouami]

سلم اختي عيد مبارك ليك وكل اعضاء هدا المنتدي ليا ليك وصفة
ديري زميطة-(لي هيا القمح يتغلى حتى يولي صفر وترحيه )+تمر(موكنتيشي اي التمر الابيض)مرحي تخلطيهم مع الحليب و تاكلي منو 3 مرات في اليوم وربي يشفيك

merci bcp ya3tik saha . dork njarebha nchallah

[amina gouami]

السلام عليكم
نفس المشكل الي عانت منو اختي لكنها دااومت على علاج لمدة 4 اشهر و الحمد لله تغيرت كليا لكن ، حاليا انقطعت عن روتين العلاج رجعت مرضت
المهم ديري عدس و حمص مرحيين تخلطيهم مع عسل التمر او عسل الحر حسب مقدورك و تاكلي ثلاث مراات في اليوم
و في العشااء يوميا صحن سلطة الكرمب (كاين الاخضر العادي و كاين الاخر لونو aubergine الاثنين ملاح) مع بيتراف (شمندر) يوميا لازم توكلي من هذو الخضر و اكيد لازم تاكلي ثلاث وجبات كاملة في اليوم
كولي كبدة و طحال بزاف اختي كانت في الاسبوع تاكل الطحال تقريبا ثلاث مرات
و في الليل دير علبة ياوورت مع حلبة مرحية مغرف كبيرة و تاكلها
الكروفات (الجمبري) راهي مليحة بزاف فيها نسبة الية من الحديد
ايضا السبانخ او السلق فهو ممتاز لحالات فقر الدم كوليه على الاقل مرة في الاسبوع
ديري رياضة ، فهي ممتازة لجميع المشاكل الصحية ، على الاقل ربع ساعة يوميا
تجنبي شرب المشروبات الغنية بالكافيين كالقهوة و الشاي و المشروبات الغازية فهي تعيق امتصاص الجسم للحديد par contre حاولي تكثري من الفيتامين C فهو يحفز الجسم على امتصاص الحديد
+مكملات غذائية عطاتهملها الطبيبة تاعها (مغنيزيوم ، حديد، فيتامينات..)
اليك اختي هذه الاضافة

ربي يجيبلك الشفاء ، فقط واظبي على هذا النمط الغذائي و اكثري الدعاء و الامر ليس مقلق جدا ، فقط توكلي على الله
طلب اختي ادعيلي ان يفرج الله همي و يصلح اخي و يهديه

merci bcp ya3tik ma tetmenay nchallah w rabi yfarej hamék yehdilek khouk nchallah . walah tu ma bcp aider .

[amina gouami]

اختي وقيل يديرو العدس مطحون و تلميه بالعسل الحر و كل يوم تاكلي على الخوا بصح طعمو شوية غريب و ربي يشافيك و الطحال احسن علاج للمرض هذا و الكبدة يعني الحاجة اللي فيها الدم و صح عيدك

merci . kol 3am w enti b alf khir

[amina gouami]

salam koli 3asal altamar w zidilo jijlaniya mehamsa w marhiya rahi meliha bezaf w rabi yechafik

merci ya3tik saha

[amina gouami]

ana 3omry 23 ans w touli 1.64 w nouzen 63 . oui roht ltbib w 3tali dwa w dert les analyses 3andi une carence fi fer ana habit ndir had wasfaa n3awen biha .merc bcp

[amina gouami]

حتى انا عندي فقر الدم :(

لازم يكون غذاء صحي و تان العدس مع العسل مليح تان يقولو بصح الوصفة بالدات مانعرف كيفاش يخدموها

كولي الكبدة والطحال رانا فالعيد بردي قلبك هههههه

صحا عيدك

hhhhh 3andék hak hada houwa l waket ta3 kebda . saha 3idék . rabi yechfina