انقذوني قبا ما نضيع تابع

[مشكلتي]

السلام عليكم
http://www.djelfa.info/vb/showthread.php?t=1438532
شكرا لكل رد من علي ربي يحفظكم و يستركم
حابة نقلكم بلي انا والله العظيم نكلمو ومانيش راضية على نفسي وحشمانة من ربي وملايكتو لدرجة اني والله العظيم صرت استحي من الدعاء او حتى نشوف فالسما ودايرة المستحيل باش نكفر على ذنبي نظل نستغفر ملي نوض مفراشي حتى نرجع لفراشي تان المهم انشالله ربي يغفر لي يسمحلي
حبيت نقلكم التطورات هاد الانسان محسوب زعف مني ولسبب تافه وحلف علي منخرجش 15 يوم واليوم اللي هو يوم العيد هو اليوم 15 وقتلو نخرج لخوالي نعيدلهم لعشية قالي لالا وانا قلت كلام cbn ويلا حبيت تروحي علابالك واش يصرا انا مخرجتش ماشي علاجالو ولكن مفرغتش المهم اني اتخذت قراري وبلغ السيل الزبى اراءكم قواتني وفطنتني لانو درت رايو بزاف قطعت ناسي وصحابي حتى خدمتي والله مرحت ليها نهار اللي حلف عليها انا درت اللي عليا وكثر وهو كثر بزاف وانا وصلت للتالي هادي حدود صبري ومنقدرش نزيد اكثر بزاف قتلو هكذا وطفيت التيليفون وانشالله ربي يسمحلي ويغفرلي ويتقبل توبتي هذا مكان وشكرا ليكم السلام عليكم

[maya bouharoun]

تهنيتي منو و نشالله ربي يرزقك في هذه الايام المباركة بزوج الحلال

[la pure algerienne]

و الله تهنيتي منو و نستعرف بيك كي ما سكتيلوش لكن نحذرك المرة الجاية ماتسكتيش بزاف لانو الواحد كي شوفوه عاقل يركبوه وان شاء الله ربي يتقبل توبتك امين

[نورسين.داية]

قالك ما تخرجيش ..................ما خرجتيش .................و يزيد يحلف ..عليك 15 يوم ما تخرجيش .........؟؟؟

يعني هذا بالسلامة ..ماهي علاقته بك ......؟؟؟؟ راجلك .....عاقدك عليك .......؟؟؟؟؟

الصراحة المشكل ليس لديه هو أختي المشكل عندك أنتي ...لا تعرفين بعد ........الحقوق و الواجبات في مرحلة الخطبة ........

عزيزتي الخطبة ليست بعقد ....و يجوز لطرفيها العدول بكل حرية مع التعويض في حالة الضرر للطرف المضرور

يعني أنتي في هذه المرحلة في حل عن هذه العلة التي تسير عن بعد .......

وفقكي الله أختي

[أم الحسين 24]

يعطيك الصحة يا أختي و الله فرحتيني .. لكن لازم تكملي المشوار بشجاعة و ما تضعفيش لأن الأصعب من اتخاذ القرار هو الثبات عليه
موقفك هذا يدل أن فيك خيرا كثيرا و تأكدي أنك مادام قررتي تتركي شيء لله أنه سيعوضك خيرا ان شاء الله ..
عاهدي نفسك يا أختي أنك لن تعودي لمعصيتك أبدا مهما كان و أبشري برضا الله
صلي بخشوع .. اكثري الدعاء بأن يثبتك الله على الحق
ستمرين بلحظات صعبة... لكن لا تجزعي و الجأي إلى الله لا تدعي الشيطان يتلاعب بك مرة أخرى
أشد على يدك يا أختي وفقك الله

[لمعة السيف]

وعليكم السلام
بارك الله فيك استمري في تأنيب نفسك وحاولي محاسبتها كل مرة لا ترضيها لانها هي سبب هلاكك
وتنبيه غيري الشريحة الهاتف وتخلصي من الرقم نهائيا وتعودي نسيانه حتى تنسيه اشغلي نفسك باشياء ترضي الله
لا تستحي من طلب المغفرة والتوبة والدعاء لله ..
فقال تعالى : ( وَتُوبُوا إِلَى اللَّهِ جَمِيعاً أَيُّهَا الْمُؤْمِنُونَ لَعَلَّكُمْ تُفْلِحُونَ ) النور/31
وقال تعالى : ( يا أيها الذين آمنوا توبوا إِلَى اللَّه توبة نصوحا ) التحريم/8

وقال رسول الله صلى الله صلى الله عليه وسلم : ( يا أيها الناس ، توبوا إلى الله واستغفروه ، فإني أتوب في اليوم مائة مرة ) رواه مسلم/2702 من حديث الأغر المزني رضي الله عنه .

اختي

ويقول لطفا بعباده : ( أَفَلا يَتُوبُونَ إِلَى اللَّهِ وَيَسْتَغْفِرُونَهُ وَاللَّهُ غَفُورٌ رَحِيمٌ ) المائدة/74
وقال جل وعلا : ( وَإِنِّي لَغَفَّارٌ لِمَنْ تَابَ وَآمَنَ وَعَمِلَ صَالِحاً ثُمَّ اهْتَدَى ) طـه/82

قال جل شأنه : ( وَالَّذِينَ إِذَا فَعَلُوا فَاحِشَةً أَوْ ظَلَمُوا أَنْفُسَهُمْ ذَكَرُوا اللَّهَ فَاسْتَغْفَرُوا لِذُنُوبِهِمْ وَمَنْ يَغْفِرُ الذُّنُوبَ إِلا اللَّهُ وَلَمْ يُصِرُّوا عَلَى مَا فَعَلُوا وَهُمْ يَعْلَمُونَ ) آل عمران/135
وقال تعالى : ( وَمَنْ يَعْمَلْ سُوءاً أَوْ يَظْلِمْ نَفْسَهُ ثُمَّ يَسْتَغْفِرِ اللَّهَ يَجِدِ اللَّهَ غَفُوراً رَحِيماً ) النساء/110

سبحانه وتعالى يقبل التوبة ويفرح بها كرماً منه وإحساناً ، قال الله تعالى : ( وَهُوَ الَّذِي يَقْبَلُ التَّوبَةَ عَنْ عِبَادِهِ وَيَعْفُو عَنِ السَّيِّئَاتِ وَيَعْلَمُ مَا تَفْعَلُونَ ) الشورى/25، وقال تعالى : ( أَلَمْ يَعْلَمُوا أَنَّ اللَّهَ هُوَ يَقْبَلُ التَّوْبَةَ عَنْ عِبَادِهِ وَيَأْخُذُ الصَّدَقَاتِ وَأَنَّ اللَّهَ هُوَ التَّوَّابُ الرَّحِيمُ ) التوبة/104.

وعَنْ أبي موسى عبد اللَّه بن قيس الأشعري رَضِيَ اللَّهُ عَنْهُ عَنْ النبي صَلَّى اللَّهُ عَلَيْهِ وَسَلَّم قال : ( إن اللَّه تعالى يبسط يده بالليل ليتوب مسيء النهار ، ويبسط يده بالنهار ليتوب مسيء الليل حتى تطلع الشمس مِنْ مغربها ) رَوَاهُ مُسْلِمٌ/2759.

وعَنْ أبي عبد الرحمن عبد اللَّه بن عمر بن الخطاب رَضِيَ اللَّهُ عَنْهُ عَنْ النبي صَلَّى اللَّهُ عَلَيْهِ وَسَلَّم قال : ( إن اللَّه عَزَّ وَجَلَّ يقبل توبة العبد ما لم يغرغر ) رَوَاهُ الْتِّرْمِذِيُّ (3537) وحسنه الألباني .

مادمت في الدنيا فلا تيأسي في طلب المغفرة والسماح من الله تعالى وتلك الآيات والاحاديث لخير دليل وفقك الله

وهذه تجربة وعبرة اجعليها نصب عينيك لكي لا تكرري نفس المعصية نسأل اللهم ان يرزقك الزوج الصالح..

[حبيبة زوجها]

ماشاء الله يااختي الخطا مش عيب العيب الاستمرار فيه ننصحك اختي حتى لو حاول يرجع واكيد رح يحاول متسمعيلوش
واياك تقولي نسمع وش يقول خليك منه واذا اضطريت بدلي رقم هاتفك
لي يترك شي لله يرزقه بالاحسن منه
بارك الله فيك وربي يرزقك بولد الحلال

[hakeem]

راكي غير تخلطي و هو غير يخلط و رجعتوها شكشوكة ؟؟؟ راكم تلعبو لعبة عريس و عروسة ... واش من عقد بيناتكم باش يحكم فيك قوليلو قالك واحد روح شوف وين راهي أختك فهي أحق بأن تسأل عليها و أتفكر يماك بكاش بليغة و أشري دوارة للشيخ باباك و ما تحقرش بنات الرجال و أنت ولي أمرك هو باباك و السلام

[hakeem]

تعرفي اللي يقولوا عليه شـــاتي اللبن و مدرق الطاس ؟؟؟ هذاك هو أنت من جيهة متدينة و حشمانة و من جيهة تهدري معاه ؟؟؟ راكي تكذبي على روحك و الا علينا و إلا على ربي ثم مظاهر الجنون كلها بادية على هذ الراجل ؟؟؟ واش راهو شادك معاه

[كمال يحيى18]

وفقك الله إلى مافيه الخير

[محمد...عبد النور]

السلام عليكم و رحمة الله و بركاته
اختي الكريمة......هل انت عاقلة ام لا؟؟؟؟؟؟
هذا الشخص اجنبي عنك و لا تربطك به اي صلة فلما يتحكم بك و بأي صفة تطيعيه و تخافين عصيانه ...........و الله احق ان تطيعيه فكوني عاقلة و اعرفي ما تفعلين
زيدي هو يتحكم فيك درك و لا تربطه بك اي صلة فما بالك غدا ان قدر الله و ارتبطتم
ضفِ لذلك و هل انت ضامنة انه سيكون زوجك حتى ترضينه بما يقول ؟؟؟؟؟
و زيدي رأي والديك مقدم على رأيك لانه قد لا ترين ما يرون و يعرفون و لهم من التجارب ما ليس لك و ايضا اتركي عنك الكلام معه و ارتاحي نفسيا
اللي يحبك يدير فيك ثقة و يخاف عليك ماشي يخاف منك
المهم خلاصة القول ....انت ترهقين نفسك بدون ما تدري.........اتركي عنك هذا الشخص و ان شاء الله حين تكون هناك علاقة بصفة شرعية و مرسمة بين الناس ......هناك اذا قال لك اي امر ممكن ان تطيعيه ....و رغم ذلك اقول لك ....زوجك وحده من يتحكم فيمه و ليس كل خاطب او كل عاقد ..........بل زوجك الذي يزفك الى بيته و فقط...........اما هذا او غيره فانت تزيدين الطين بلة و تتحدثين اليه و ما هو بزوج و لا خطيب و يأمرك و انت تطيعين ........فهل طاعته لازمة ؟؟؟؟؟؟؟ و هل كلامك معه لازم ؟؟؟؟؟؟؟؟ و هل تضمنين انه لن يتلاعب بك و ينصرف الى اخرى غيرك؟؟؟؟؟؟؟؟؟؟ فاعتبري و لا تغرنك كلماته او ما يقول لان الدنيا مليئة بالاخبار و الاحداث و الاحمق الجاهل الذي لا يعتبر و يأخذ احتياطاته
اسأل الله ان يلهمك رشدك و يصرف عنا وعنك ما لا يليق
بارك الله فيك و اقر عينيك بما تحبين
ســــــــــــــــــــــــــــــــــــلام

[Fatima fato]

lah yhennik okhti derti b1

[dida rida]

هذي خطبة برك دارلك هكذا وكي تتزوجي كيفاش

[قيصر مقراني]

تهنيتي منو

[هبة الله اريج]

السلام عليكم ورحمة الله و بركاته
انت بنت ماشاء الله المشكل فيه قريت الموضوع من الاول وبديت نقلق ما كماتوش
رزقك الله الزوج الصالح الذي تقر به عينك

[الوردة المتفتحة]

سلام ختي
والله حرت فيك كيفاش صبرتي لهاذي الدرجة اختي راكي قارية فاهمة عاقلة اي شخص يتمناك زوجة
وانت مشيطة روحك ومغبونة ومتمحنة على شخص مش مقدرك خلاص ياختي الرجولة مش في ماتخرجيش وماتديريش كذ وكذا علاه باباك مش راجل _حاشا لله انو بباباك هكا_باه يشدك على امور عادية جدا .بالعكس ياختي هذا في بلاصة لا يساعدك على صلة الرحم راه يقطع فيك على اهلك غدوة كي تكوني عندو "فرضا ص تاكدي ممكن يماك وباباك وماتشوفيهم مش بعيدة عليه،وزيدي ياختي راكي معلمة يحلم باه تكوني زوجتو مربية اجيل يجي هو باه يمنعك على عملك ويزيد يحلفلك ماتروحش للعمل لمدة طويلة ياختي رجعي لعقلك استغفر الله راكي قريب تعبديه استغفر الله على ذي الكلمة انت اعقل من انك تسمعي لشخص ماهوش يفكر خلاص هذا المخلوق
زيدي انت وش يخصك باه تشدي في شخص المسموح منعو عليك والممنوع اه يدير فيه معاك .والله ياختي واحد كيما هذا تخافي على مستقبلك معاه مارحش تعيشي معاه وماهوش مثال الرجل اللي تخوني والديك على جالو .تضربي عليهباه يديك
ياختي حدثي نفسك باه ماتعاوديش ترجعي ،لانك تستاهلي ماخير مكتوبك مازال ماجاش راكي حارمة روحك باه تعيش ايام هناء مع اهلك وصحاباتك ياختي يا معلمة الحياة اجمل وانت وحدك احسن من ترتبطي بشخص مريض نفسيا وماهوش حتى شاريك هذا اللي كل لحظة يهدد فيك
ياختي كثرت عليك الحديث بصح والله راني ننصح فيك بحرقة
يارب يلاقيك بولد الحلال اللي يستاهلك ويعرف قيمتك قولي امين اجمعين
ماتزعفيش مني ختي راني كيما ختك

[رعد السحاب]

الله يغفر لجميع المسلمين

[ranou gigi]

فكيك من جدوا هذا واش قلبك مرتوا خلاه ديجا انت الغالطة من الاول قالوا داركم لا يعني لا
صدقيني اذا قالوا الوالدين لا اعرفي بلي ام عندهم الحق واش راح نقلك غير ربي يهديك و انوب عليك بولد الحلال

[zahra96]

hada bayan nm salam 3alaikom ana fik mankhalihach tawsal hata hna makanch howa bark fihadi dinia