لي عندها فكرة واش نديرو بالرية بخلاف البكبوكة تساعدني

[وبشر الصابرين]

السلام عليكم
كل عام ندير الرية في البكبوكة ومايكلوهاش العام هذأ حبيت نتستعملها بشكل اخر
لكن ماعرفتش لي عندها فكرة تساعدني و صحى عيدكم

[خربشة ناعمة]

الرية راهي اساسية فالعصبان
اذا خدمي بها العصبان.و هكدا ماتبانش مع الحشو

[zamilio]

انقولك واش ديرى بها فكرة هايلة ارميها تتهناى منها اانا منحبهاش وادا حبيتى اقليها بلاك يكلوه

[ayam16]

diriha mergaz dereha wahd l okht hna hawssi dok tsibiha

[كنوز البحار]

حنا نرموها و مانحملوهاش اختي..ربي يوفقك

[اروى الحلا]

صباح الخير اختي تقدري تغليها شوية مدة ربع ساعة ثم تقليها و لا تشويها تجي بنينة خاصة ادا درتيها كيما الملفوف بنينية بالبزاف ولا قطعيها رقيقة و اقليها ديراكت ثاني تجي مليحة حرام عليك ترميها و لا ابعتيهالي انا مانيش راح نذبح هذا العام
ههههههههههههههههههههههههههههههههههههه:mh31::mh31:: mh31::mh31:

[وبشر الصابرين]

شكرا على ردودكم كامل راح نجرب نقليها او نشويها لانكم شكرتوهالي باش نذوق حاجة جديدةوالا راح نعمل بنصيحة zamilo ونهني روحي
اما ﻷخت اروى ارواحي لعندي نعطيش نص الكبش ماشي الثلث لاني مريضة ومانقدرش نخدمه ونحوس نتهنى منه بالخدمة والاكل وان شاء الله
يكون العام هذأ اخر عام ماتذبحيش فيه

[نعيمة29]

شكراااااااااااااااااااااااااا

[زنجبيل11]

علاش ترميها حرام عليك هذه قطعة من الاضحية تصدقي بها و هي نعمة من الله
كاين بزاف يحبوها و ما عندهمش
على الاقل ابعثيها للجيران
و انا نقول ان شاء الله طيبيها و تجيك حلوة

[om mita]

غليها وقطعيها وديريها مشرملة تجي روعة

[بيلسان11]

شكرا على ردودكم كامل راح نجرب نقليها او نشويها لانكم شكرتوهالي باش نذوق حاجة جديدةوالا راح نعمل بنصيحة zamilo ونهني روحي
اما ﻷخت اروى ارواحي لعندي نعطيش نص الكبش ماشي الثلث لاني مريضة ومانقدرش نخدمه ونحوس نتهنى منه بالخدمة والاكل وان شاء الله
يكون العام هذأ اخر عام ماتذبحيش فيه

أنا زوجي ما يحبش يشوفها او ياكلها يقولي بلاستيك كيفاش وليت نطيبها, نحطها تنشف شوية في المقلى و في مقلى ثانية نحط شوية طماطم نربيها و نقطع شوية فلفل حلو و شوية زيت . ثوم و نخليها تطيب بلا ما تنشف من الماء, نحط الطماطم على الرية نزيدلها راس الحانوت شوية هريسة و فلفل أسود و نخليها تشرب شوية لاصوص و شهية طيبة و البنة ما نحكيلكش . و صح عيدكم,

[doudou bonoise]

يا اختي قطعيها قطع صغيرة و ديرها بالملح و الفلفل اسود و قليها و بصحى و لهناء

[الماسة النادرة]

والله غير حرام تترمى كاين ناس صدقوهالهم راها نعمت ربي

[doudou17]

.حنا ماناكلوهاش تقول بلاستيك ...نمدوها للقطوطة ...اصلا الرية تخلق فيها الامراض الانسان من الافضل يتفاداها

[narimane16]

الرية مركز تنفس تاع الكبش وفيها امراض بزاف نصيحتي مديها للحيوانات يكلوها

[tistissa dj-tissou]

احنا نرموووها

[oumadoumawayouta]

lala wa3lech tarmouha

el riya bnina ki taybouha mlih

ghaliha fel ma chwi

w kat3iha des cubes w diriha chtitha bel thoum w el hommos wel tomatiche w les epices

wela sadkiha

les poumons ki ykounou meleh mabihoum welou mefihoumch kyste nakedrou neklouhoum bla menkhafou

el riya lezm tib mlih

bech tji bnina

[oumadoumawayouta]

olala rani nchouf bezaf li yarmouha

[djihanegirl]

تقدري ديريها مشرملة نفس الخطوات لي ديري في الكبدة المشرملة وشي هو غليها قبل فالماء طيب شوي

[عماني نور]

عجبوني الي قالو نرموها ،، لوكان الي يطل عليهم يلقاهم مايراطيو من الكبش شعرة ،، لوكان يصيبو باااع يديروها صوونغي

ياو طب طب ;)

أختي غليها شوية ،، أومبعد اقليها ولاّ ديريها فالعصبان تجي بنينة و ماتبانش ،، قطعيها قطع صغيرة بزاف

و الي صح يرموها :) (( الي صح :) )) ،، ياريت يصدقوها يربحو شوية حسنات ،، و البنادم أولى من القط

عيدكم مبارك جميعا ~

[هجيرة1]

عجبوني الي قالو نرموها ،، لوكان الي يطل عليهم يلقاهم مايراطيو من الكبش شعرة ،، لوكان يصيبو باااع يديروها صوونغي

ياو طب طب ;)

أختي غليها شوية ،، أومبعد اقليها ولاّ ديريها فالعصبان تجي بنينة و ماتبانش ،، قطعيها قطع صغيرة بزاف

و الي صح يرموها :) (( الي صح :) )) ،، ياريت يصدقوها يربحو شوية حسنات ،، و البنادم أولى من القط

عيدكم مبارك جميعا ~

:19::19::19::19::mh31::19:

[sunseet]

لوكان المرض فيها او رايحة تمرض الانسان راهو الرسول صلى الله عليه و سلم وصى برميها

اختي الرية تبان كيتكون ماشي مليحة

راهي اضحية كيما الرية البوزلوف اللحم كامل يتاكلو

mais ali may7abeche yakoulhoum isadek awla
وتفكرووووووووووووووو الفقير في هنا النهار
انا شفت بعيني ناس محتاجين من la poubelle (حشاكم) ياكلوا

واعرفوا بلي المحتاج تاع الصح مايطلبش من عزة النفس اللي عندو

صدقوووووووووو تكسبو اجر و حسنات

ربي يتقبل منا و منكم

عيدكم مبارك

[*عاشقة الجنة*]

http://www.djelfa.info/vb/showthread.php?t=1137151

[وبشر الصابرين]

صحى عيدكم كامل. شكرا على ردودكم ولكن في الاخير مادرتهاش لانه المعلم قالى سبالابان
حطيتها مع. الجزء المخصص ﻷصدقة و ربي يتقبل منا و منكم صالح الاعمال

[nounoudjs]

احنا نديروها طبق القلاية