تسجيل الدخول

مشاهدة النسخة كاملة : عاونوني راح نتبهدل

المتألقة دوما
2013-10-12, 16:00
سلاااام

اخواتي وحتى امهاتي حبيت تعاونوني

انا غير ماكملت قراية تخطبت يعني عمري كامل قراية والطبخ نعرف غير حجات خفيفة يعني ماشي طباخة مليحة وراني نخمم نهار نروح لداري كيفاه ندير اكيد راح نتبهدل
وخطيبي شحال من مرة يسالني ادا تعرفي طيبي نقلو لالا نحسو مايعجبوش الحال وهو عندو حق مايعجبوش بصح الله غالب
يعني منا على عامين نكون تعلمت بادن الله

وماشاء الله راني نشوف فنانات في الطبخ هنا

حبيتكم تعطوني نصائح في الطبخ طرق جديدة وباهية
مانيش عارفة اي حاجة او نصيحة تعاونوني بيها وجزاكم الله خيرا يا ربي ويعطيكم ماتتمناو
تديو اجر فيا علموني والا قولولي كيفاه
bariocha
2013-10-12, 16:45
http://www.djelfa.info/vb/showthread.php?t=1416245



شوفي هاد الموضوع مفيد جدا شرا لزهور الفل
المتألقة دوما
2013-10-12, 17:10
ربي يعطيك ماتتمناي
راني شفت الصفحة 1 ماشاء اللع نصائح رائعة
عماني نور
2013-10-12, 22:19
يااا أختي ان شاء الله ما تتبهدلي ما والو

انا تاني كيما انتِ و اكثر ،، خاااطيني خلاص ،، صح نحب ندخل للكوزينة ،، و نجرب ،، بصح نكذب عليك نقولك تنجح الوصفة 100/100

و اذا خرجت بنينة (( الشكل مايشبه لوالو :p ))

و مع الوقت الحمد لله ،، بديت نتعلم وصفات جديدة ،، طبخ و حلويات (( سلامة أم رامي و أم أماني ،، نتبع فيهم فالمنتدى :p غير يديرو حاجة نسييها ،، و اديها من عندي مضموووووووووووووووونة مليار ))

يعني يا حبيبتي ،، شوية شوية تتعلمي ،، غير سيي و ماتخافيش ،، و ان شاء الله يجي نهار و تشبه لماكلة العيباد ههههههههههههه (( هاذي راني نمعني عليا :p ))

موفقة حبيبتي ،، و ربي يهنيك ان شاء الله
tokio hotel
2013-10-13, 06:27
اخنى الطبخ حب و ممارسة وحدة ماتعلمت بين نهار وليلة و زيد لقراية معندها حتى دخل انا الى تعلمتو كامل فى الفترة المتوسط و الثانوى فى العطل الصيفية انا نشد الكوزينا
souma.sousou
2013-10-13, 12:01
اختي المرا لي متدخلش للكوزينا منسموهاش مرا ولكن حبيتي تتعلمي ديري في قلبك ونحي الخوف زيري الطابلية وشمري على دراعاتك ودخلي للكوزينة باش تتعلمي يليقلك المداومة اختي وماتكرهيش اذا ماصدقتش حاجة لا لازم تعاوديها حتى تنجح ونتي تغلبي .كل حاجا تخدميها ديريها من قلبك وعطيها وقتها متنوضيش ياله ياله وتقولي مضدقتش .نتمنى فهمتيني ونتمنالك النجاح فكل حياتك والله يكمل بلخير .تعيدي بصحة حاولي نتي لي تقومي بالكبش هاد لعام متفوتيش هاد الفرصة ربي يقدرك
المتألقة دوما
2013-10-13, 20:40
شكرا اخواتي
ان شاء الله نعمل بنصائحكم
وادا على الكبش قافزة ههه هدا مانعرف الحمد لله نعرف نخدمو مليح حتى الجزرة عندي 4 سنوات انا لي نقصها
بوزلوف نشوطو ونغسلو ونديؤرو صوص والا في الفور يخرج روعة وتاني الكرشة نغسلها ومانعافش خلاص بالعكس يعجبني الحال

ان شاء الله نتعلم ونتبهدلش
ام رزيقة
2013-10-14, 18:52
ربي يوفقك اختي
kawthar1983
2013-10-18, 15:45
:19:chofi okhti lazem tnahi alkhof nhaiyan merassek makach ali zad m3alem fi had adnya kayn akhwat machaa alah fi almontada maybkhloch la b nasaih w la b les recettes f alawl adkhli lelwasafat almdjaraba f almontada w djarbi anti tani wli djik mliha khaliha recette de base w 3amin tet3almi machaa allah mena tzwdji tkoni ditiha al om rami matkhfich (matez3fich om rami rani nl3ab bark) w anchallah rabi ywfkek okhti
المتألقة دوما
2013-10-30, 10:08
شكرا اختي على النصائح والتشجيع يعطيك الصحة
<نَجْمَاتْ>
2013-10-30, 10:19
اختي وشكون اللي قالك رانا كامل44444في الطبخ كاين اللي ماشاء الله وكاين اللي راهي تتعلم وكلنا نتعلمو من بعضنا انت فقط تبعي المنتدى الاخوات هنا راهم ماشاء الله والله كلهن طيوبات ورايحين ميبخلوكش في اي حاجة حابة تتعلميها وزيد على ذلك يعلموك بكل حب وصدق
أم شيماءْ
2013-10-30, 10:49
ربي يوفقك اختي روحي لمواضيع ام رامي وام كوثر والاخريات اكيد تتعلمي كلش واي حاجة تحتاجيها رانا هنا
~اسيل ريحانتي~
2013-10-30, 11:33
مع الوقت تتعلمي المهم تكون عندك الارادة ربي يوفقك اختي
المتألقة دوما
2013-10-30, 14:46
فرحتوني بردودكم ربي يعطيكم ماتتمناو
نيفرتيتي.
2013-10-30, 23:14
لازمك تدخلي للكوزينا
جربي جربي حتى تصلح
*أم ثازيري*
2013-10-31, 06:19
شوفي ماكانش وحده خلقت وهي تعرف كلش
كاااااااااامل تعلمنا درجه درجه
انا تاني حياتي كاااااامله قرااااايه و كي طبقت مشوار القرايه بديت نخدم بصح مانكدبش عليك كنت ننتبه لتفاصيل الطياب رغم أني مانطيبش
و أيضاً فيا طبيعه مانسقسيش تبانلي عيب و كنت كي ندخل الكوزينه مانحب حتا واحد يديرو نجني و كيما يقولو المندبه كبييييره و الميت فار بصح كنت نلقا تشجيعات رغم الكوارث
من بعد اكتشفت المنتدى و بديت نطبق و نطبق و نطبق و من بعد سجلت و وليت نحط وصفات كانو عندي او اي وصفه نتعلمها جديده
و هنا تشوكاو فاميلتي و أصبحت على كل لسان كي عاد طيابي و قاطويا ملاااااح
ضورك اكتشفت موضوع الأخت بريق الأمل نتاع واش طيبتي اليوم رأهو مثبت و بالأجزاء وليت ندخل و نشايخو في مجال الطبخ و تعلمت الكثيييييييييير و الكثيييييييييييييير و مازالني نتعلم
ان شاء الله منا على عامين تولي طباخه ماهره و عندك نفس في الطياب و يولي زوجك مايستغناش على طيابك كيما انا
ونوصيك ماتشكريش روحك بزاف حذاااااااااااااار ديما خليلو مجال الشك باه نهار يضوق يكون هو الحكم. ماشي انت
وفي بلادنا كاين مقولة شيع و ارقد
ادا شاعت عليك بلي طيابك مليح صايي تهنيتي واحد ما يزيد يسمعك هدره على الطياب
و في اليامات الاولى نتاع الزواج ماديريش حوايج جدد عليك بلااااكي
ديري الحوايج لي تتفني فيهم و يجيو بناااااااان بشهاده الجميع و ماتنسايش تكون عندك طريقه و لمسه في التقديم
حنا كامل نديرو الطعام لكن الطعام المتول و المتحوف عند التقديم يشهي اكثر من الطعام لي ماشي محتوف
قادره بحبه طماطم و حبه بطاطا تخلقي طبق ماصراش من حيث الذوق و التقديم انت وشطارتك ههههههههه
ماتنسايش العين تأكل قبل الفم و هادي حقيقه يعني لازم طيابك يكون شكلا و مضمونا مليح باه تدي شهرة الاحتراف من الزوج
المتألقة دوما
2013-11-03, 12:46
ربي يعطيك ماتتمناي
ان شاء الله راح نطبق نصائحك وحدة وحدة
منى العلم نور
2013-11-04, 00:40
انا عندي عامين من اتزوجت فالبيداية قالولو دارهم كانت تقرا اواه ماطيبش مليح طيب انت خير بصح امي ربي يحفضها علمتني بزاف صوالح ومرة جابلي ضياف وكان خايف دايرني البطاطا ومنقليهاش المهم والله الضياف راحو مخلوعين ولاو دارهم كي يقلولو علي يقلهم والله تعلمكم بصح انا استخدمت الحيلة عندها الحق الاخت لي قاتلك ماتجربيش في البداية الحشمة والخلعة يزيدو يتلفوهالك ومع الوقت جربي جات مليحة حطيها راجلك ماجاتش مليحة حاولي تصلحيها وردي بالك ترمي نعمت ربي حاولي تسقميها ودا تزاقات كولي شوي ورمي شوي بصح ماتخلعيش راجلك بيها ونشاء الله ماتحصليش في حاجة ربي يهنيك ويرزقك بالذرية الصالحة
المتألقة دوما
2013-11-10, 13:22
ربي يخليك ويهنيك