خطبة اخر زمن [الأرشيف] - منتديات الجلفة لكل الجزائريين و العرب

مشكلتي

2013-10-12, 10:05

اصبح الزواج اليوم سلعة حيث اتت عجوز وابنتها لخطبتي -تتفرج فيا كبش العيد- في مقرعملي لكنها لم تجدني هل:
-استقبلها و ان لم اعجبها تركتني -ناكل روحي-
-اعتذرواتفادى المشكل.
مع العلم ان ابنها لا يعلم بالامرولا اعرفه.

النجمة القطبية

2013-10-13, 18:50

تخطبك فى داركم مثل الناس وحسب الاصول او تنسى الامر وربي معاها

soumi7

2013-10-13, 19:27

راك قلتيها مناش فالسوق تجي مالباب كي الناس ومتلقايهاش انت فالخدمة حبت تجي للدار بها ونعمت محبتش ترفد وليدها واتطير ومكتوبك يوصل يوصل

ايمان نور الجزائر

2013-10-13, 19:33

لا تقبلي بالرؤية في مكان عملك راها تجيبلك المشاكل........
كما انو الراجل في وقتنااا هو لي لازم يشوف
لانو القرار يرجع ليه
اما بالنسبة لعائلته ...فكل واحد متمني حاجة الام تحبهاااا سمينة
والاخت تحبها طويلة
......................والقائمة طويلة
عليكي بطلب الرؤية الشرعية في بيتكم بحضور الرجل

محمد جديدي التبسي

2013-10-13, 20:05

مالا حابة تشوفي ابنها قبل؟؟!!!
بكل لباقة قابليها وأخبريها أن تأتي لبيتك لتتعرف على أمك ويأتي ابنها لرؤيتك بعدها
ربما هي جاءتك للعمل لتراك على طبيعتك خلافا للبيت الذي يكثر فيه التصنع

wafa16

2013-10-13, 20:24

enti esta9abliha w ki tchofiha dekhlet f mawdo3 9olilha l hadra machi hna alhadra fi dar waldiya
ida 9eblet tji w tjib wlidha tet3arfou balak ya3ajbek
w ida ma3jebhach l 7al rabi yssahel 3liha w yjibelha m jiha okhra

AMINA.Z

2013-10-13, 20:46

بانتلي حاجة عادية

بكري الطفلة ديما في الدار علابيها اللي حاب يشوف يشوف في العراس و ولا يجي للدار

و درك الناس راهي تشوف برا و في الاعراس و في الدار لانو الطفلة وين دور تلقاها

انا تبانلي كي علموك احترموك

و بكري اللي يروح للدار راهو ضامن يقبلو بيه و الماكانوش حتى يشاورو الطفلة

و درك الواحد يدير الف حساب قبل ما يروح للديار و يتبهدل

الحالة تبدلت يا اختي

AMINA.Z

2013-10-13, 20:47

بانتلي حاجة عادية

بكري الطفلة ديما في الدار علابيها اللي حاب يشوف يشوف في العراس و ولا يجي للدار

و درك الناس راهي تشوف برا و في الاعراس و في الدار لانو الطفلة وين دور تلقاها

انا تبانلي كي علموك احترموك

و بكري اللي يروح للدار راهو ضامن يقبلو بيه و ماكانوش حتى يشاورو الطفلة

و درك الواحد يدير الف حساب قبل ما يروح للديار و يتبهدل

المهم الحالة تبدلت يا اختي

بيت النّسيم

2013-10-13, 21:04

السّلام عليكم و رحمة الله و بركاته
عليك أن تحسني الظّن بالنّاس يا أختي
فما فعلته هذه الأم و إبنتها يعد تصرّفا حسنا
لذلك عليك ان تدلّيها على منزلكم بأدب ,, و اعلمي ان هذا الخاطب مادام أرسل الوالدة فهو يريد الخير
و ايضا سيكون الوضع مريحا أكثر لمّا يتم بين النّساء
و فقك الله

زائرة

2013-10-14, 10:51

تجي من الباب قلها مجي التاقة مكالاه

لمعة السيف

2013-10-14, 11:10

وعليكم السلام
تتعجبون من الامر اذ كان شرعي او فيه تقاليد واي عمل محرم عندكن عادي لا حرج فيه
بالعكس اختي هكذا افضل بما انك متعلمة ولست ماكثة في البيت جاءتك سرا اي حتى لا يسمع احد بهذا.ربما هناك شروط من طرفك او طرف الخاطب قد لا تلقى القبول ...
ان تم الوفاق بينكم ...اللهم بارك و
كانت الخطبة والرؤية الشرعية للخاطب وهنا انت ام هو عليك القبول او الرفض ام ماذا تردين ؟ فالتعلمي
حتى لايسمع احد ويكون التفاهم او غير ذلك .لعلمك ان هناك ايضا رجالا لايحبون اعلان الخطبة حتى يتم الوفاق بين الطرفين
من خلال النساء ..

aymen01

2013-10-14, 11:13

اقعدي في دارك درك تجي ليك

انت تخدمي مع هذا و هذاك تجيك تما

oumhana

2013-10-14, 11:29

السلام عليكم انا من رايي جي للدار وتهدر مع يماك لان مقرالعمل للعمل وخليهاعلى ربي .

حمودية

2013-10-14, 11:34

و الله مليحة دجيك لبلاصة خذمة هذي جديدة

صالح القسنطيني

2013-10-14, 12:04

هذه ليست خطبة و إنما هي نظرة

و النظرة تسبق الخطبة و أنصحك بأن تأتوا البيوت من أبوابها

و عليك بالنظرة الشرعية

و وجهها بأن يقصدوا دارك و يأتي معهم الرجل المعني

فيراك مع محرم لك

و ترينه

فقد لا يعجبك

أو يصرف الله قلبك عنه توفيقا بمجرد وقوع بصرك عليه

sstolga

2013-10-14, 12:56

هذي جديدة
قولهم مرانيش بقرة تجيك لدارك وتخطبك من دارك وكيما الناس وعلى حسب الاصول ولا ماكلاه

zalamite

2013-10-14, 14:21

عندهم الحق يشوفو كيما يحبوا هدي عادات كل الجزائريين ..كيما انت عندك الحق تشوفي الراجل و تختاري ربمايعجبك او ربما ترفضيه .ما فيها حتى حرج هادي .

مواطنة جزائرية

2013-10-14, 14:31

في رأيي لو أن الخاطب يعلم بأمرك أو له نية لخطبتك لما ترك أمه من تفعل هذا؟

taline rita

2013-10-14, 19:43

li hab yakhtob yji l bab darkoum machi la lkhadma

هاجر جوري

2013-10-15, 17:19

السلام عليكم يا اختي ادا حابة تخطبك تجي لداركم على سنة الله و رسوله اما حكاية انو تجي تشوفك في الخدمة غير هدي لي ما تقبليهاش لانو قادر يصراو مشاكل انت في غنى عنها ربي يسهلك ان شاء الله

rosa allia

2013-10-15, 22:27

علاه رايحين يشريوك في سوق النخاس كيما نتاع بكري
حاشاك على هذا الكلام لكن أي وحدة بنت ناس وعايلة ما ترضاش بهذا الشئ قولهم باب دارنا واسع يدخل الناس كامل
واتجنبي هاذ السيرك خاصة في الخدمة تكثر عليك القيل والقال

khawlita.dz

2013-10-15, 22:31

نظن انه من الاحسن ان تكلميهم يقصدوا بيتكم و يكون العريس حاضر لتريه و يراك فان اعجبك و اعجبته فبارك الله
وان لم يكن فكل يشوف طريقه
لكن لا اريدك ان تشككى بالنيه فلربما كان الموضوع عفويا فارادت والدته ان تراك قبل دلك لكن لا افهم قصة مقر العمل :confused: فلما لم تقصدا بيتكم وهى الاصول

doba

2013-10-16, 09:51

ربي يسهلك اختي

fille algerie

2013-10-16, 14:10

أعتذر عزيزتي ولكن بالنسبة لي والله حآجة عآدية

hamza touazi

2013-10-16, 18:38

يااختاه مترخسيش بروحك بلاك تستقبليها ماتحلبيهمش مكيش بايرة ولا ميتة على الزواج ديري قيمة لروحك ويجوك لداركم مشي للخدجمة ردي بالك

بسمة تحدي

2013-10-16, 21:34

عادي جداااا يا اختي تجي تشوفك فالخدمة افضل خير لتشقيها لدار ومبعد ميكونش قبول

ونقولك حاجة اذا كان ردها لالا عادي اكيد مفيهش الخير متدريش ثقة

يا حسرا وش عشت وش شفت

biti

2013-10-16, 22:03

كيفاش هاذي حتى وليدها ومهندوش خبر مليحة هادي نقلك حاجة ادا وافقت حتى الشاب رايح يجي يشوفك في العمل
ديري قيمة لعمرك ماكيش بطاطا نشروها من السوق

nibrasse 76

2013-10-16, 23:56

لا اعلم طريقة تفكير ناس اخر زمان .......لكنني اتعجب : هل من حق الجميع رؤيتك والتفرج عليك وممنوع على من ممكن انه يتزوجك ؟؟

ام ان الحرمة استيقضت فجأة في ضمائركم ؟؟

اما عن خطبة اخر زمان واول الزمان == بالتاكيد انه قديما مع ناس زمان لاتوجد اصلا امراة تخرج خارج بيتها...واذا حدث فهي

لا تصلح للزواج بتاتا .

تفكير متناقض ....وعقليات ترى ان المنطق هو ما يتناسب مع اهوائهم وفهمهم الضيق للحياة ؟؟؟؟؟؟؟؟؟

جمعي البشاري

2013-10-17, 01:38

لا تعليق على المراة العاملة
++++
نعم عندها الصح تشوفها في الخدمة يعني هل يوجد اختلاط او ...........